Sumqayıt İnzibati Məhkəməsi Qərardad — İş №2-1(118)-519/2020

Azərbaycan Respublikası adından QƏRARDAD Sumqayıt şəhəri İş № 2-1(118)-519/2020 30.04.2020 SUMQAYIT İNZİBATİ MƏHKƏMƏSİ Sumqayıt İnzibati Məhkəməsininhakimi Quliyev İsmayıl Rza oğlu iddiaçı «Xanım» Məhdud Məsuliyyətli Cəmiyyətinin cavabdeh Quba rayonu Vəlvələ Bələdiyyəsinə qarşı “iddiaçıdan cavabdehin 12 saylı qərarı ilə xx xxxx 2015-2019-cu illər üçün tələb olunan 51202 manat məbləğində mədən vergisi cəmiyyətin həmin dövrdə qum-çınqıl istehsalı ilə məşğul olmadığından ləğv edilməsi”nə dair iddiasını inzibati məhkəmə icraatı qaydasında araşdıraraq, MÜƏYYƏN ETDİ: İddiaçı «Xanım» Məhdud Məsuliyyətli Cəmiyyəti cavabdeh Quba rayonu Vəlvələ Bələdiyyəsinə qarşı iddiaçıdan cavabdehin 12 saylı qərarı ilə xx xxxx 2015-2019-cu illər üçün tələb olunan 51202 manat məbləğində mədən vergisi cəmiyyətin həmin dövrdə qumçınqıl istehsalı ilə məşğul olmadığından ləğv edilməsinə dair qərar qəbul edilməsini, xx xxxxx 2020-ci il tarixdə isə iddiaçı ərizə ilə məhkəməyə müraciət edərək iddia ərizəsininin və ona əlavə edilmiş sənədlərin geri qaytarılmasını məhkəmədən xahiş etmişdir. Azərbaycan Respublikası İnzibati Prosessual Məcəlləsinin 80.1-ci maddəsinə əsasən həmin Məcəlləyə əsasən barəsində məhkəmə qaydasında şikayət verilə bilən, habelə hüquqi müdafiə vasitələrindən istifadə qaydalarını və müddətini müəyyən edən məhkəmə qərardadları mütləq əsaslandırılmalıdır. Məhkəmə hesab edir ki, inzibati məhkəmə icraatının mahiyyəti və məqsədi fiziki və hüquqi şəxslərlə inzibati akt qəbul etmək səlahiyyəti olan orqanlar arasında yaranmış mübahisənin həllindən ibarətdir. İnzibati məhkəmə icraatı qaydasında işə baxıla bilməsi üçün ilk növbədə iddiaçı ilə inzibati orqan arasında mübahisə olmalı və iddiaçının həmin mübahisəni inzibati məhkəmə icraatı qaydasında davam etdirmək iradəsi mövcud olmalıdır. Lakin hazırkı işdə iddiaçının iddia ərizəsinin geri qaytarılmasını xahiş etməsi onun bu iradəsinin olmadığını göstərir. Buna görə də məhkəmə hesab edir ki, iddia ərizəsivə ona əlavə edilmiş sənədlər geri qaytarılmalıdır. İddiaçıya izah edilsin ki, yenidən məhkəməyə müraciət etmək hüququ istisna edilmir. Yuxarıda göstərilənlərə əsasən məhkəmə, QƏRARA ALDİ: İddia ərizəsi və ona əlavə edilmiş sənədlər iddiaçıya geri qaytarılsın. Qərardaddan tərəfə rəsmi qaydada verildikdən sonra 10 gün müddətində Sumqayıt İnzibati Məhkəməsinə şikayət verilə bilər. Hakim İsmayıl Quliyev