Sumqayıt İnzibati Məhkəməsi Qərardad — İş №2-1(118)-826/2020

Azərbaycan Respublikası adından QƏRARDAD Sumqayıt şəhəri İş № 2-1(118)-826/2020 09.06.2020 SUMQAYIT İNZİBATİ MƏHKƏMƏSİ Hakim Məmmədov Ceyhun Bəşir oğlunun sədrliyi, X1 katibliyi ilə, İddiaçı Azərbaycan Respublikası Müdafiə Nazirliyinə qarşı “ona müharibə veteranı və vəsiqəsinin verilməsi vəzifəsinin cavabdehin üzərinə öhdəlik qoyulması tələbinə” dair iddiasına inzibati məhkəmə icraatı qaydasında açıq məhkəmə iclasında baxaraq, müəyyən etdi : İddiaçı Azərbaycan Respublikası Müdafiə Nazirliyinə qarşı “ona müharibə veteranı və vəsiqəsinin verilməsi vəzifəsinin cavabdehin üzərinə öhdəlik qoyulması tələbinə” dair qərar qəbul edilməsini məhkəmədən xahiş etmişdir. xx.xx.2020-ci il tarixdə məhkəməyə ərizə ilə müraciət etmiş iddiaçının vəkili X2 bildirmişdir ki, İddiaçı Apellyasiya Məhkəməsi qərarı çıxdıqdan sonra ürək çatışmazlığı xəstəliyindən dünyasını dəyişdiyindən, müvafiq işin icraatına xitam verilməsini məhkəmədən xahiş etmişdir. Azərbaycan Respublikası İnzibati Prosessual Məcəlləsinin 55.5-ci maddəsinə görə iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Məhkəmə şərh olunanlara əsasən hesab edir ki, iddiaçı vəfat etdiyindən onun nümayəndəsi və vəkilinin iddiadan imtinası qəbul edilməli və 2-1(118)-826/2020 nömrəli işin icraatına xitam verilməlidir Məhkəmə hesab edir ki, inzibati məhkəmə icraatının mahiyyəti və məqsədi fiziki və hüquqi şəxslərlə inzibati akt qəbul etmək səlahiyyəti olan orqanlar arasında yaranmış mübahisənin həllindən ibarətdir. İnzibati məhkəmə icraatı qaydasında işə baxıla bilməsi üçün ilk növbədə iddiaçı ilə inzibati orqan arasında mübahisə olmalı və iddiaçının həmin mübahisəni inzibati məhkəmə icraatı qaydasında davam etdirmək iradəsi mövcud olmalıdır. Lakin hazırkı işdə iddiaçının iddia tələbindən imtina etdiyini və işə xitam verilməsini xahiş etməsi onun bu iradəsinin olmadığını göstərir. Buna görə də məhkəmə hesab edir ki, iş üzrə icraata xitam verilməlidir. Yuxarıda göstərilənlərə əsasən məhkəmə, qərara aldı : İddiaçı Azərbaycan Respublikası Müdafiə Nazirliyinə qarşı “ona müharibə veteranı və vəsiqəsinin verilməsi vəzifəsinin cavabdehin üzərinə öhdəlik qoyulması tələbinə” dair iş üzrə icraata xitam verilsin. Qərardaddan şikayət verilə bilməz. Hakim Ceyhun Məmmədov