Sumqayıt İnzibati Məhkəməsi Qərardad — İş №2-1(118)-972/2020

Azərbaycan Respublikası adından QƏRARDAD Sumqayıt şəhəri İş № 2-1(118)-972/2020 02.06.2020 SUMQAYIT İNZİBATİ MƏHKƏMƏSİ Hakim Əzizova Vəfa Ehtiram qızının sədrliyi, X1 Ramiz qızının katibliyi ilə, İddiaçı “Muxtaroğlu” Məhdud Məsuliyyətli Cəmiyyətinin cavabdeh 2 saylı Ərazi Vergilər Baş İdarəsinə qarşı qərarın ləğv edilməsi və borcun şəxsi hesab vərəqindən silinməsinə dair iddiası üzrə iş materiallarını yoxlayaraq və iddiaçınıniddia ərizəsinin qaytarılması barədə ərizəsinə baxaraq MÜƏYYƏN ETDİ: İddiaçı “Muxtaroğlu” Məhdud Məsuliyyətli Cəmiyyəti cavabdeh 2 saylı Ərazi Vergilər Baş İdarəsinə qarşı iddia ərizəsi ilə Sumqayıt İnzibati Məhkəməsinə müraciət edərək “qərarın ləğv edilməsi və borcun şəxsi hesab vərəqindən silinməsi barədə qərar çıxarılmasını xahiş etmişdir. İddiaçı ərizə ilə məhkəməyə müraciət edərək iddia ərizəsinin və əlavə olunmuş sənədlərin qaytarılmasını xahiş etmişdir. Məhkəmə iddiaçının ərizəsinin geri qaytarılması barədə ərizəsinə baxaraq hesab edir ki, ərizə ona əlavə edilmiş sənədlərlə birlikdə iddiaçıya qaytarılmalıdır. Məhkəmə hesab edir ki, iddiaçının ərizəsinin geri qaytarılmasına dair ərizəsi tərəflərin hüquqlarına və qanunla qorunan mənafelərinə toxunmur və prosesual qanunvericiliyin tələblərinə zidd deyildir. Azərbaycan Respublikası İnzibati-Prosessual Məcəlləsinin 80.1-ci maddəsinə əsasən bu Məcəlləyə əsasən barəsində məhkəmə qaydasında şikayət verilə bilən, habelə hüquqi müdafiə vasitələrindən istifadə qaydalarını və müddətini müəyyən edən məhkəmə qərardadları mütləq əsaslandırılmalıdır. Göstərilənlərə əsasən məhkəmə hesab edir ki,iddiaçı “Muxtaroğlu” Məhdud Məsuliyyətli Cəmiyyətinin cavabdeh 2 saylı Ərazi Vergilər Baş İdarəsinə qarşı qərarın ləğv edilməsi və borcun şəxsi hesab vərəqindən silinməsi barədə iddia ərizəsi və ona əlavə edilmiş sənədlər iddiaçıya geri qaytarılmalıdır. Azərbaycan Respublikası İPM-nin 45.4, 49, 85-ci maddələrini rəhbər tutaraq məhkəmə QƏRARA ALDİ: İddiaçı “Muxtaroğlu” Məhdud Məsuliyyətli Cəmiyyətinin cavabdeh 2 saylı Ərazi Vergilər Baş İdarəsinə qarşı qərarın ləğv edilməsi və borcun şəxsi hesab vərəqindən silinməsi barədə iddia ərizəsi və ona əlavə edilmiş sənədlər iddiaçıya geri qaytarılsın. Qərardaddanonun təqdim olunduğu vaxtdan 10 (on) gün müddətində Sumqayıt İnzibati Məhkəməsi vasitəsi ilə Sumqayıt ApellyasiyaMəhkəməsinə şikayət verilə bilər. Hakim Vəfa Əzizova