Şirvan İnzibati Məhkəməsi Qərardad — İş №2-1(120)-1504/2025

Azərbaycan Respublikası adından QƏRARDAD Şirvan şəhəri İş № 2-1(120)-1504/2025 12.02.2025 ŞİRVAN İNZİBATİ MƏHKƏMƏSİ Hakim Nəcəfov Hilal Nəcəfalı oğlunun sədrliyi, Nurəlizadə Fuad Vidadi oğlunun katibliyi, Cavabdehin nümayəndəsi X2 iştirakı ilə, İddiaçı cavabdeh Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsin 10 saylı Lənkəran Ərazi İdarəsinə qarşı “Lənkəran rayon Separadi kənd bələdiyyəsi ilə iddiaçı arasında xx.xx.2003-cü il tarixində 01 nömrə ilə torpaq sahəsinin icarəyə verilməsi haqqında bağlanmış icarə müqaviləsi əsasında Lənkəran rayon Separadi kəndi ərazisində balıqçılığın inkişafı ilə əlaqədar 49 il müddətinə aylıq 70 manat icarə haqqı ödəmək şərti ilə ona ayrılmış 3150 (üç hektar əlli sot) torpaq sahəsinin icarə hüquqlarının qeydiyyata alınması öhdəliyinin cavabdehin üzərinə qoyulması” tələbinə dair inzibati işə Şirvan İnzibati Məhkəməsinin inzibati binasında, açıq məhkəmə iclasında baxaraq, MÜƏYYƏNETDİ: İddiaçı cavabdeh Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsin 10 saylı Lənkəran Ərazi İdarəsinə qarşı “Lənkəran rayon Separadi kənd bələdiyyəsi ilə iddiaçı arasında xx.xx.2003-cü il tarixində 01 nömrə ilə torpaq sahəsinin icarəyə verilməsi haqqında bağlanmış icarə müqaviləsi əsasında Lənkəran rayon Separadi kəndi ərazisində balıqçılığın inkişafı ilə əlaqədar 49 il müddətinə aylıq 70 manat icarə haqqı ödəmək şərti ilə ona ayrılmış 3150 (üç hektar əlli sot) torpaq sahəsinin icarə hüquqlarının qeydiyyata alınması öhdəliyinin cavabdehin üzərinə qoyulması” barədə qərar çıxarılmasını xahiş etmişdir. Azərbaycan Respublikası İnzibati Prosessual Məcəlləsinin (bundan sonra – İPM) 45.4-cü maddəsinə görə iddia ərizəsi məhkəməyə daxil olduğu gündən icraata qəbul edilmiş sayılır. İddia ərizəsi məhkəmənin icraatına daxil olduqdan sonra İPM-in 49-cu maddəsinin tələblərinə uyğun olaraq, işin icraatına başlanılmış və icraat üzrə məhkəmə iclası təyin edilərək, bu barədə tərəflərə məlumat verilmişdir. Məhkəmə iclasına iddiaçı və üçüncü şəxs Lənkəran rayon Separadi Bələdiyyəsinin nümayəndəsi gəlməmişdir. Məhkəmə İPMin 62.3-cü maddəsinin tələblərini rəhbər tutaraq, işə iddiaçı, və üçüncü şəxsin nümayəndəsinin iştirakı olmadan baxılmasını mümkün saydı. İşin hallarının araşdırılması məqsədilə iş üzrə xx.xx.2024-cü il və xx.xx.2025-ci il tarixlərə məhkəmə iclasları təyin edilmiş və iddiaçının ünvanına bu barədə bildirişlər göndərilməklə iştirakının zəruri olduğu nəzərinə çatdırılmışdır, lakin iddiaçı tərəf məhkəmə iclaslarına gəlməmiş və gəlməməsinin səbəbləri barədə məhkəməyə məlumat verməmişdir. İddiaçıya göndərilmiş xx.xx.2024-cü il tarixli bildirişdə, məhkəmənin tələbinə baxmayaraq, iddiaçının 30 gündən artıq müddət ərzində məhkəmə icraatından yayındığı halda iddianın geri götürülmüş sayılması iddiaçıya bildirilmişdir. Göründüyü kimi (sərəncam, xəbərnamə və məhkəmə iclas protokollarından məlum olur), məhkəmənin tələbinə baxmayaraq, iddiaçı 30 gündən artıq müddət ərzində ardıcıl olaraq iş üzrə məhkəmə icraatından yayınmışdırlar. İPM-in 55.3-cü maddəsinə əsasən məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. Həmin Məcəllənin 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Beləliklə, məhkəmənin gəldiyi nəticəyə görə, İddiaçı cavabdeh Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsin 10 saylı Lənkəran Ərazi İdarəsinə qarşı “Lənkəran rayon Separadi kənd bələdiyyəsi ilə iddiaçı arasında xx.xx.2003-cü il tarixində 01 nömrə ilə torpaq sahəsinin icarəyə verilməsi haqqında bağlanmış icarə müqaviləsi əsasında Lənkəran rayon Separadi kəndi ərazisində balıqçılığın inkişafı ilə əlaqədar 49 il müddətinə aylıq 70 manat icarə haqqı ödəmək şərti ilə ona ayrılmış 3150 (üç hektar əlli sot) torpaq sahəsinin icarə hüquqlarının qeydiyyata alınması öhdəliyinin cavabdehin üzərinə qoyulması” tələbinə dair iddia ərizəsi geri götürülmüş sayılmalı və iş üzrə icraata xitam verilməlidir. Məhkəmə iclasında iştirak edən cavabdehin nümayəndəsi X1 iddia ərizəsinin geri götürülmüş sayılaraq iş üzrə icraata xitam verilməsinə etirazının olmadığını bildirdi. İPM-in 81.1-ci maddəsinə görə inzibati məhkəmələr tərəfindən qəbul olunmuş qərarlardan və ya qərardadlardan, bu Məcəllədə nəzərdə tutulmuş hallar istisna olmaqla, şikayət verilə bilər. Şikayətə apellyasiya qaydasında apellyasiya instansiyası inzibati kollegiyaları tərəfindən baxılır. Qeyd olunmalıdır ki, Azərbaycan Respublikası Konstitusiya Məhkəməsi Plenumunun “M.Məmmədovun şikayəti əsasında Azərbaycan Respublikası İnzibati Prosessual Məcəlləsinin 55-ci maddəsinin bəzi müddəalarının Azərbaycan Respublikası Konstitusiyasının 60-cı maddəsinin İ hissəsinə uyğunluğunun yoxlanılmasına dair” xx.xx.2014-cü il tarixli Qərarının 2-ci bəndində belə qənaətə gəlinmişdir ki, Azərbaycan Respublikası İnzibati Prosessual Məcəlləsinin 55.3-cü maddəsinə uyğun olaraq iddianın geri götürülmüş sayılması barədə qəbul edilmiş qərardaddan həmin Məcəllənin 81.1-ci maddəsinə müvafiq olaraq apellyasiya şikayətinin verilməsi hüququ təmin olunmalıdır. İddiaçıya yardım məktubu ünvanlanmış və bir daha yardım məktubunda qeyd edilən hallar üzrə izah olunur ki, o, gələcəkdə hüquqi marağına uyğun sübutları əlavə etməklə düzgün tələblə inzibati orqana müraciət edə və tələbindən inzibati orqan tərəfindən imtina olunacağı təqdirdə sübutları (eləcə də subyektiv hüququnun pozulması hallarını) təqdim etməklə düzgün iddia ərizəsi tərtib etməklə eyni tərəflər arasında, eyni predmet barəsində və eyni əsaslar üzrə yenidən iddia ilə məhkəməyə müraciət edə bilər. Göstərilənlərə əsasən və İPM-in 55.3, 55.5 və 80-ci maddələrini rəhbər tutaraq, məhkəmə QƏRARAALDİ: İddiaçı cavabdeh Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsin 10 saylı Lənkəran Ərazi İdarəsinə qarşı “Lənkəran rayon Separadi kənd bələdiyyəsi ilə iddiaçı arasında xx.xx.2003-cü il tarixində 01 nömrə ilə torpaq sahəsinin icarəyə verilməsi haqqında bağlanmış icarə müqaviləsi əsasında Lənkəran rayon Separadi kəndi ərazisində balıqçılığın inkişafı ilə əlaqədar 49 il müddətinə aylıq 70 manat icarə haqqı ödəmək şərti ilə ona ayrılmış 3150 (üç hektar əlli sot) torpaq sahəsinin icarə hüquqlarının qeydiyyata alınması öhdəliyinin cavabdehin üzərinə qoyulması” tələbinə dair iddia ərizəsi geri götürülmüş sayılsın və iş üzrə icraata xitam verilsin. İddiaçıya izah olunsun ki, o, gələcəkdə hüquqi marağına uyğun sübutları əlavə etməklə düzgün tələblə inzibati orqana müraciət edə və tələbindən inzibati orqan tərəfindən imtina olunacağı təqdirdə sübutları təqdim etməklə düzgün iddia ərizəsi tərtib etməklə eyni tərəflər arasında, eyni predmet barəsində və eyni əsaslar üzrə yenidən iddia ilə məhkəməyə müraciət edə bilər. Qərardaddan 10 (on) gün müddətində Şirvan İnzibati Məhkəməsi vasitəsilə Şirvan Apelyasiya Məhkəməsinə (Şirvan şəhəri, Naxçıvan küçəsi, 3) şikayət verilə bilər. Hakim: Hilal Nəcəfov