Şirvan İnzibati Məhkəməsi Qərardad — İş №2-1(120)-1779/2024

Azərbaycan Respublikası adından QƏRARDAD Şirvan şəhəri İş № 2-1(120)-1779/2024 04.06.2024 ŞİRVAN İNZİBATİ MƏHKƏMƏSİ Hаkim Nəcəfov Hilal Nəcəfalı оğlunun sədrliyi, Məhkəmə iclаsının kаtibi Nurəlizadə Fuad Vidadi oğlunun katibliyi, İddiaçı oğlu cavabdeh Beyləqan rayon 1-ci Şahseven kənd Bələdiyyəsinə qarşı “Beyləqan (keçmiş Jdanov) rayon X2 Komitəsinin 37 saylı, 27 fevral 1989-cu il tarixli Qərarına əsasən, “İnşaatçı” kooperativinin daimi istifadəsinə verilmiş 0,50 ha torpaq sahəsinə dair, Beyləqan rayon 1-ci Şahsevən kənd Bələdiyyəsi ilə Füzuli rayonu , Böyük Bəhmənli kəndinin sakini X1 arasında bağlanılmış alqı-satqı müqaviləsinin və həmin alqısatqı nəticəsində verilmiş JN-1059 saylı dövlət aktının etibarsız hesab edilməsi öhdəliyinin cavabdehin üzərinə qoyulması” barədə iddia tələbinə dair inzibati işə Şirvan İnzibati Məhkəməsinin inzibati binasında açıq məhkəmə iclasında baxaraq, MÜƏYYƏN ETDİ: İddiaçı oğlu cavabdeh Beyləqan rayon 1-ci Şahseven kənd Bələdiyyəsinə qarşı “Beyləqan (keçmiş Jdanov) rayon X2 Komitəsinin 37 saylı, 27 fevral 1989-cu il tarixli Qərarına əsasən, “İnşaatçı” kooperativinin daimi istifadəsinə verilmiş 0,50 ha torpaq sahəsinə dair, Beyləqan rayon 1-ci Şahsevən kənd Bələdiyyəsi ilə Füzuli rayonu , Böyük Bəhmənli kəndinin sakini X1 arasında bağlanılmış alqı-satqı müqaviləsinin və həmin alqı-satqı nəticəsində verilmiş JN-1059 saylı dövlət aktının etibarsız hesab edilməsi öhdəliyinin cavabdehin üzərinə qoyulması” tələbini irəli sürərək iddia ərizəsi ilə Şirvan İnzibati Məhkəməsinə müraciət etmişdir. Azərbaycan Respublikası İnzibati Prosessual Məcəlləsinin (bundan sonra – İPM) 45.4-cü maddəsinə görə iddia ərizəsi məhkəməyə daxil olduğu gündən icraata qəbul edilmiş sayılır. İddia ərizəsi məhkəmənin icraatına daxil olduqdan sonra İPM-in 49-cu maddəsinin tələblərinə uyğun olaraq, işin hazırlıq icraatına başlanılmış və hazırlıq icraatı üzrə məhkəmə iclası təyin edilərək, bu barədə tərəflərə məlumat verilmişdir.Məhkəmə iclasına iddiaçı cavabdehin nümayəndəsinin və üçüncü şəxsin iştirakı olmadan baxılmasını mümkün saydı İddiaçının vəkili və nümayəndəsi Vəkil məhkəməyə ərizə ilə müraciət edərək,iddia ərizəsinin baxılmadan geri qaytarılmasını xahiş etmişdir. Məhkəmə iddiaçı tərəfin “iddia ərizəsinin qaytarılması barədə” ərizəsini və iş materiallarını araşdıraraq hesab edir ki, iddia ərizəsi və ona əlavə olunmuş sənədlər geri qaytarılmalı və iş üzrə icraata xitam verilməlidir. Belə ki, «İnzibati icraat haqqında» Azərbaycan Respublikası Qanununun 2.0.2-ci maddəsinə görə, inzibati akt – inzibati orqan tərəfindən ümumi (publik) hüquq sahəsinə aid olan müəyyən (konkret) məsələləri nizama salmaq və ya həll etmək məqsədi ilə qəbul edilmiş və ünvanlandığı hüquqi və fiziki şəxs (şəxslər) üçün müəyyən hüquqi nəticələr yaradan qərar, sərəncam və ya digər növ hakimiyyət tədbiridir. Azərbaycan Respublikası İnzibati Prosessual Məcəlləsinin 2.2.3-cü maddəsinə görə inzibati orqan tərəfindən inzibati aktın qəbul edilməsi əlaqədar olmayan müəyyən hərəkətlərin edilməsinə dair (öhdəliyin icrası haqqında iddia) inzibati məhkəmə icraatı qaydasında baxılır. Həmin Məcəllənin 15.2-ci maddəsinə əsasən inzibati məhkəmə icraatında tərəflər mübahisəyə baxılmasını barışıq sazişi ilə, iddiaçının iddiadan imtina etməsi ilə, cavabdehin iddianı qəbul etməsi ilə və ya hüquqi mübahisənin nizamlanması barədə müştərək bəyanatla sona çatdıra bilərlər. Həmin Məcəllənin 55.3-cü maddəsinə əsasən məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. Həmin Məcəllənin 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Qeyd olunanları nəzərə alaraq, məhkəmə hesab edir ki, iddia ərizəsi geri qaytarılmalı və inzibati iş üzrə icraata xitam verilməlidir. İddiaçıya izah olunsun ki, o, gələcəkdə eyni tərəflər arasında, eyni predmet barəsində və eyni əsaslar üzrə yenidən iddia ilə məhkəməyə müraciət edə bilər. Yuxarıda göstərilənlərə əsasən İPM-in 23, 55, 85.1-ci maddələrini rəhbər tutaraq, məhkəmə QƏRARAALDİ: İddiaçı oğlu cavabdeh Beyləqan rayon 1-ci Şahseven kənd Bələdiyyəsinə qarşı “Beyləqan (keçmiş Jdanov) rayon X2 Komitəsinin 37 saylı, 27 fevral 1989-cu il tarixli Qərarına əsasən, “İnşaatçı” kooperativinin daimi istifadəsinə verilmiş 0,50 ha torpaq sahəsinə dair, Beyləqan rayon 1-ci Şahsevən kənd Bələdiyyəsi ilə Füzuli rayonu , Böyük Bəhmənli kəndinin sakini X1 arasında bağlanılmış alqı-satqı müqaviləsinin və həmin alqısatqı nəticəsində verilmiş JN-1059 saylı dövlət aktının etibarsız hesab edilməsi öhdəliyinin cavabdehin üzərinə qoyulması” tələbinə dair iddia ərizəsi geri qaytarılsın və inzibati iş üzrə icraata xitam verilsin. Qərardaddan şikayət verilə bilməz. Hakim: Hilal Nəcəfov