Şirvan İnzibati Məhkəməsi Qərar — İş №2-1(120)-2009/2024

Azərbaycan Respublikası adından QƏRAR Şirvan şəhəri İş № 2-1(120)-2009/2024 04.10.2024 ŞİRVAN İNZİBATİ MƏHKƏMƏSİ Hakim Nəcəfov Hilal Nəcəfqulu oğlunun sədrliyi, Nurəlizadə Fuad Vidadi oğlunun katibliyi ilə, Cavabdehin nümayəndəsi və vəkili Vəkil iştirakı ilə, İddiaçı Azərbaycan Respublikası İqtisadiyyat Nazirliyi yanında Dövlət Vergi Xidmətinin 6 saylı Ərazi Vergilər İdarəsinin Cavabdehnə qarşı “siyahıya alınmış əmlakın satılması” tələbinə dair inzibati işə məhkəmənin binasında açıq məhkəmə iclasında baxaraq, müəyyən etdi: İddiaçı Azərbaycan Respublikası İqtisadiyyat Nazirliyi yanında Dövlət Vergi Xidmətinin 6 saylı Ərazi Vergilər İdarəsinin Cavabdehnə qarşı iddia ərizəsi ilə məhkəməyə müraciət edərək, cavabdehin xx.xx.2020-ci il tarixə qeyd olunan borc məbləğindən Dövlət Sosial Müdafiə Fonduna ödənilməmiş 212000.00 manat məbləğində borcunun ödənilməsinin təmin edilməsi məqsədi ilə 212000 manat məbləğində siyahıya alınmış əmlakının satılması barədə qərar qəbul edilməsini xahiş etmişdir. İddia tələbi onunla əsaslandırılmışdır ki, vergi ödəyicisi Cavabdeh Azərbaycan Respublikasının Vergi Məcəlləsi ilə müəyyən edilmiş müddətdə vergi öhdəliklərini yerinə yetirmədiyi üçün onun dövlət sosial müdafiə fonduna borcu yaranmışdır. Yaranmış borc məbləğinin 5 gun ərzində ödənilməsi məqsədi ilə ona bildiriş verilmişdir. Lakin cavabdehə tərəfindən borc məbləğinin ödənilməsi təmin edilməmişdir. Borc məbləğinin ödənilməsinin təmin edilməsi ilə Vergi Məcəlləsinin 89.1-ci maddəsinə əsasən öhdəliyin yerinə yetirilməsi üsulu kimi cavabdehin əmlakının siyahıya alınması və bu barədə xx.xx.2022-ci il tarixli, **********1 nömrəli protokol tərtib edilmişdir. Siyahıya alınmış əmlakın siyahısı protokola əlavə edilmişdir. Əmlak siyahıya alındıqdan sonra 30 gün müddətində borc məbləği ödənilmədiyi halda siyahıya alınmış əmlakın satılması üçün məhkəmədə iddia qaldırılacağı barədə Vergi Məcəlləsinin 70.2-ci maddəsinin tələblərinə uyğun olaraq cavabdehə xx.xx.2022-ci il tarixli xəbərdarlıq məktubu göndərilmişdir. Cavabdehin xx.xx.2020-ci il tarixə yuxarıda qeyd olunan borc məbləğindən Dövlət Sosial Müdafiə Fonduna 212000.00 manat ödənilməmiş borcu qalmışdır. Odur ki, iddianın təmin edilməsini məhkəmədən xahiş etmişdirlər. Məhkəmə iddia tələbi ilə bağlı ilk növbədə qeyd edir ki, iddia ərizəsi onun mümkünlüyünü şərtləndirilən tələblərə cavab verməklə təqdim olunmuş və bu səbəbdən mümkün hesab edilir. Belə ki, irəli sürülmüş iddia inzibati prosessual qanunvericiliklə müəyyən edilmiş ümumi və xüsusi mümkünlük şərtlərinə riayət edilməklə təqdim edilmişdir. Belə ki, hazırki iddianın növü İPM-in 2.2.7-ci maddəsinə nəzərdə tutulmuş inzibati mübahisələrin həlli ilə bağlı əmlak tələbinə dair iddiadır. Belə iddialarda isə inzibati orqanın iddiaçı kimi çıxış etməsi mümkündür. Eyni zamanda hazırki iddia tələbi ilə cavabehin mülkiyyət hüquqlarına məcburi müdaxilə halı baş verdiyindən bu yalnız məhkəmə qərarı ilə mümkün ola bilər. Bu cür hüquqi yanaşma Azərbaycan Respublikası Konstitusiya Məhkəməsinin Plenumunun “İnzibati icraat haqqında” Azərbaycan Respublikası Qanununun 82-ci maddəsinin və Azərbaycan Respublikası Vergi Məcəlləsinin 52 və 90.1-ci maddələrinin şərh edilməsinə dair” 13 sentyabr 2011-ci il tarixli qərarındada ifadə edilmişdir. Həmin qərarda qeyd edilmişdir ki, “...vergi borcu üzrə hesablanmış faizlərin və tətbiq edilmiş maliyyə sanksiyalarının ödənilməsini təmin etmək üsulu kimi vergi ödəyicisinin mülkiyyətində olan əmlakın siyahıya alınaraq ixtisaslaşdırılmış təşkilatda satılması mülkiyyətçinin Konstitusiya ilə təsbit olunmuş mülkiyyətində olan əmlaka sahib olmaq, əmlakdan istifadə etmək və onun barəsində sərəncam vermək hüquqlarına toxunduğu üçün vergi qanunvericiliyində həmin əmlakın alınmasının xüsusi qaydası nəzərdə tutulmuşdur. Məhz bu səbəbdən vergi öhdəliyini yerinə yetirməyən vergi ödəyicisinin mülkiyyətində olan əmlakın hərracda satılması yalnız məhkəmənin qərarı əsasında həyata keçirilə bilər”. Məhkəmə iclasının vaxtı və yeri barədə lazımi qaydada tərəflərə xəbərdar edilmiş,iddiaçının nümayəndəsi və cavabdehin nümayəndəsi məhkəmə iclasına gəlməmişdirlər və gəlmədiklərinin səbəbləri barədə məhkəməyə məlumat verməmişdirlər. Məhkəmə işə İPM-in 62.3-cü maddəsinin tələbinə əsasən iddiaçının nümayəndəsinin və cavbdehin nümayəndəsinin iştirakı olmadan baxılmasını mümkün hesab etdi. İddia tələbinin mahiyyəti ilə bağlı isə məhkəmə işin materiallarını araşdıraraq hesab edir ki, iddia təmin edilməməlidir. Azərbaycan Respublikası Vergi Məcəlləsinin: 23.1 və 23.1.6-cı maddələrinə uyğun olaraq, müəyyən edilmiş müddətlərdə ödənilməmiş vergilərin, faizlərin, maliyyə sanksiyalarının və inzibati cərimələrin qanunla müəyyən edilmiş qaydada dövlət büdcəsinə ödənilməsini təmin etmək vergi orqanının hüququdur. 89.1. Vergi ödəyicisi vergi öhdəliyini bu Məcəllə ilə müəyyən edilmiş müddətdə yerinə yetirmədikdə yaranmış vergi borclarının, habelə həmin öhdəliyin yerinə yetirilməməsi ilə əlaqədar vergi borcu üzrə hesablanmış faizlərin və tətbiq edilmiş maliyyə sanksiyalarının ödənilməsini təmin etmək üsulu kimi onun əmlakı siyahıya alına bilər. 89.2. Əmlakın siyahıya alınması vergi ödəyicisinin öz əmlakı barəsində hüquqlarının elə məhdudlaşdırılmasıdır ki, bu zaman vergi ödəyicisi siyahıya alınmış əmlaka və ya onun bir hissəsinə sərəncam vermək hüququna malik olmur, həmin əmlaka sahiblik və ondan istifadə edilməsi vergi orqanının nəzarəti ilə həyata keçirilir. 89.3. Vergi ödəyicisi vergilər, faizlər və maliyyə sanksiyaları üzrə borclarını bu Məcəllənin 65.1-ci maddəsində qeyd olunan bildirişdə göstərilən müddət ərzində ödəmədikdə vergi orqanı müvafiq icra hakimiyyəti orqanı tərəfindən müəyyən edilmiş formada aktivləri barədə məlumatın 10 gün ərzində vergi orqanına təqdim edilməsini vergi ödəyicisindən tələb edə bilər. Məlumatın vaxtında verilməməsinə görə vergi ödəyicisi bu Məcəllənin tələblərinə uyğun olaraq məsuliyyət daşıyır. Vergi ödəyicisinin vergi öhdəliyini yerinə yetirməkdən boyun qaçırması barədə vergi orqanının kifayət qədər əsası olduqda, habelə vergi ödəyicisi riskli vergi ödəyicisi olduğu halda vergi orqanı vergi ödəyicisinə yazılı bildiriş göndərməklə eyni zamanda ondan vergi öhdəliyini dərhal ödəməyi tələb edə bilər. Vergi ödəyicisi bu maddənin ikinci abzasında nəzərdə tutulmuş hallarda vergi öhdəliyini yerinə yetirmədikdə, vergi orqanı özünün əsaslandırılmış qərarı əsasında vergi ödəyicisinin əmlakının siyahıya alınmasını həyata keçirə bilər. 89.4. Vergi ödəyicisi olan hüquqi şəxsin bütün əmlakı, vergi ödəyicisi olan fiziki şəxsin isə Azərbaycan Respublikasının qanunvericiliyinə əsasən tələb yönəldilə bilməyən əmlakından başqa digər əmlakı siyahıya alına bilər. 89.5. Yalnız vergi öhdəliyinin yerinə yetirilməsi, həmin öhdəliyin yerinə yetirilməməsi ilə əlaqədar vergi borcu üzrə hesablanmış faizlərin və tətbiq edilmiş maliyyə sanksiyalarının, habelə əmlakın satışı üzrə xərclərin ödənilməsi üçün zəruri və kifayət olan, satış üçün yararlı və öz əmtəə xassəsini itirməmiş əmlak siyahıya alınır. 89.10. Siyahıya alınma zamanı vergi orqanının vəzifəli şəxsləri tərəfindən əmlakın siyahıya alınması haqqında protokol tərtib edilir, əmlak siyahıya alınır və bu siyahı əmlakın fotoşəkli ilə birlikdə protokola əlavə edilir. Siyahıda əmlakın dəqiq adı, sayı, fərdi əlamətləri, mümkün olduqda qiymətləri göstərilməklə əmlak tam təsvir edilir. Siyahıya alınan bütün əmlak müşahidəçilərə və vergi ödəyicisinə (onun nümayəndəsinə) baxış üçün təqdim edilir. Vergi ödəyicisi siyahıya alınmış əmlakı barəsində bu Məcəllənin 89.2-ci və 89.11-ci maddələrində müəyyən edilmiş məhdudiyyətlərin pozulmasına görə Azərbaycan Respublikasının qanunvericiliyinə uyğun olaraq məsuliyyət daşıdığı barədə vergi orqanı tərəfindən xəbərdar edilir. 90.1. Vergi ödəyicisinin əmlakı siyahıya alındıqdan sonra 30 gün müddətində vergi öhdəliyi yerinə yetirilmədikdə, vergi orqanı vergilər, faizlər və maliyyə sanksiyaları üzrə dövlət büdcəsinə yaranmış borclarının ödənilməsinin təmin olunması məqsədi ilə siyahıya alınmış əmlakın zəruri və kifayət olan həcmdə müvafiq icra hakimiyyəti orqanının müəyyən etdiyi orqan (qurum) vasitəsilə, habelə dəyəri 5000 manatdan artıq olmayan daşınar əmlakların isə ticarət şəbəkələrində satılması haqqında qərar qəbul olunması üçün məhkəməyə müraciət edə bilər. Beləliklə, Vergi Məcəlləsinin yuxarıda göstərilmiş maddi hüquq normalarından aşkar göründüyü kimi, əmlakın siyahıya alınması - vergi ödəyicisinin öz əmlakı barəsində hüquqlarının elə məhdudlaşdırılmasıdır ki, bu zaman vergi ödəyicisi siyahıya alınmış əmlaka və ya onun bir hissəsinə sərəncam vermək hüququna malik olmur, həmin əmlaka sahiblik və ondan istifadə edilməsi vergi orqanının nəzarəti ilə həyata keçirilir. Vergi orqanının vergi ödəyicisinin əmlakının siyahıya alınması hüququ o zaman yaranır ki, vergi ödəyicisi vergi öhdəliyini bu məcəllə ilə məyyən edilmiş müddətdə yerinə yetirməmiş olsun ki, belə olan halda vergi ödəyicisinin yaranmış vergi borclarını, habelə həmin öhdəliyin yerinə yetirilməməsi ilə əlaqədar vergi borcu üzrə hesablanmış faizlərin və tətbiq edilmiş maliyyə sanksiyalarının ödənilməsini təmin etmək üsulu kimi əmlakın siyahıya alınması üsulundan istifadə oluna bilər. Göründüyü kimi, əmlakın siyahıya alınması, vergi ödəyicisinin vergi öhdəliyini Vergi Məcəlləsi ilə müəyyən edilmiş müddətdə yerinə yetirmədikdə yaranmış vergi borclarının ödənilməsini təmin etmək üsuludur, yəni vergi ödəyicisinin vergi borcları yarandığı və Vergi Məcəlləsində müəyyən edilmiş müddətdə yerinə yetirilmədiyi halda, vergi orqanı əmlakın siyahıya alınması üsulunu tətbiq etməyə haqlıdır. Qanunvericilik normalarından görünür ki, vergi borcunun ödənilməsini təmin etmək üçün məhz vergi ödəyicisinin mülkiyyətində olan əmlakı siyahıya alına və satıla bilər. İşdə olan Azərbaycan Respublikasının İqtisadiyyat Nazirliyi yanında Dövlət Vergi Xidmətinin 6 saylı Ərazi Vergilər Baş İdərsinin məhkəməyə ünvanladığı xx.xx.2023-cü il tarixli, **********478200 nömrəli məktubunda qeyd edilmişdir ki, Cavabdeh xx.xx.2022-ci il tarixdə ********** nömrəli (VÖEN)-lə qeydiyyata alınmışdır Məhkəmə sorğusuna cavab olaraq təqdim edilən Azərbaycan Respublikası Daxili İşlər Nazirliyi Baş X15 İdarəsinin xx.xx.2024-cü il tarixli, 3-13-16-5/2-4804/2024 nömrəli məktubundan görünür ki, "xxxx" MMC-nin mülkiyyətində olan Mersedes-Sprinter markalı **- JJ-*** dövlət qeydiyyat nişanlı avtomobil xx.xx.2011-ci il tarixdə Baş Dövlət Yol Polis İdarəsinin Lənkəran regional qeydiyyat-idarəsinin və texniki baxış şöbəsində **-AC-*** dövlət qeydiyyat nişanları verilməklə Lənkəran şəhə Pal-Food MMC-nin, xx.xx.2020-ci il tarixdə Baş Dövlət Yol Polis İdarəsinin İmişli regional qeydiyyat-idarəsinin və texniki baxış şöbəsində alqısatqı müqaviləsi əsasında qeydiyyata alınaraq **-BK-*** dövlət qeydiyyat nişanları verilməklə Fizuli rayon Əhmədbəyli kənd sakini X2 adına qeydiyyata alınmışdır. Mersedes-Sprinter markalı **-JK-*** dövlət qeydiyyat nişanlı avtomobil xx.xx.2011-ci il tarixdə Lənkəran regional qeydiyyat-idarəsinin və texniki baxış şöbəsində **-AC-*** dövlət qeydiyyat nişanları verilməklə Lənkəran şəhər Pal-Food MMC-nin xx.xx.2024-cü il tarixdə Baş Dövlət Yol Polis idarəsinin qeydiyyat İmtahan-idarəsində alqı-satqı müqaviləsi əsasında qeydiyyata alınaraq **-MO-*** dövlət qeydiyyat nişanları verilməklə ünvan 1 ünvanında yaşayan X6 adına, Kapital bankda ipoteka ilə yüklüyün dövlət qeydiyyatına alınmış, Hyunday H 100 markalı **-JU-*** dövlət qeydiyyat nişanlı avtomobil xx.xx.2020-ci il tarixdə Baş Dövlət Yol Polis İdarəsinin qeydiyyat İmtahan-idarəsində alqı-satqı müqaviləsi əsasında ünvan 2 ünvanında yerləşən "xxxx" MMC-nin, Mersedes-Benz markalı **-ER-*** dövlət qeydiyyat nişanlı avtomobil xx.xx.2015-ci il tarixdə **-AK-*** dövlət qeydiyyat nişanları verilməklə Bakl Pal-Food MMC-nin xx.xx.2024-cü il tarixdə Baş Dövlət Yol Polis İdarəsinin Yevlax regional qeydiyyat-idarəsinin və texniki baxış şöbəsində alqı-satqı müqaviləsi əsasında qeydiyyata alınaraq **-CX-*** dövlət qeydiyyat nişanları verilməklə Yevlax rayonu Quşçu kənd sakini X4, Mersedes-Benz markalı **-DS-*** dövlət qeydiyyat nişanlı avtomobil xx.xx.2014-cü il tarixdə **-JA-*** dövlət qeydiyyat nişanları verilməklə Bakı Pal-Food MMC-nin xx.xx.2022-ci il tarixdə Baş Dövlət Yol Polis İdarəsinin Şəki regional qeydiyyat-idarəsinin və texniki baxış şöbəsində alqı-satqı müqaviləsi əsasında qeydiyyata alınaraq **-RT-*** dövlət qeydiyyat nişanları verilməklə ünvan 3 ünvanında yaşayan X3, Hyunday HD 45 markalı **-JC-*** dövlət qeydiyyat nişanlı avtomobil xx.xx.2020-ci il tarixdə Baş Dövlət Yol Polis İdarəsinin Lənkəran regional qeydiyyat-idarəsinin və texniki baxış şöbəsində alqı-satqı müqaviləsi əsasında qeydiyyata alınaraq **-CF-*** dövlət qeydiyyat nişanları verilməklə ünvan 4 ünvanında yaşayan X1, Chevrolet-Cruze markalı **-VS-*** dövlət qeydiyyat nişanlı avtomobil xx.xx.2015-ci il tarixdə **-AL-*** dövlət qeydiyyat nişanları verilməklə Bakı Pal-Food MMC-nin xx.xx.2024-cü il tarixdə Baş Dövlət Yol Polis İdarəsinin qeydiyyat İmtahan-İdarəsində alqı-satqı müqaviləsi əsasında qeydiyyata alınaraq **-LJ-*** dövlət qeydiyyat nişanları verilməklə ünvan 5 ünvanında yaşayan X7 adına qeydiyyata alındığı, Mersedes-Benz markalı **-AC-*** dövlət qeydiyyat nişanlı avtomobilin qeydiyyatada olmadığını, eləcə də Mersedes-Sprinter markalı **-MO-*** dövlət qeydiyyat nişanlı avtomobil Kapital bankda ipoteka ilə yüklülüyün dövlət qeydiyyatına alındığı, digər avtomobillərdə ipoteka ilə yüklülüyün olmadığını bildirilmişdir. İşdə olan Azərbaycan Respublikasının İqtisadiyyat Nazirliyi yanında Dövlət Vergi Xidmətinin 6 saylı Ərazi Vergilər Baş İdərsinin məhkəməyə ünvanladığı xx.xx.2024-cü il tarixli, **********031600 nömrəli məktubunda qeyd edilmişdir ki, məlumat üçün bildiririk ki, Azərbaycan Respublikasının Vergi Məcəlləsində,’’Sosial sığorta haqqında” Azərbaycan Respublikasının Qanunlarında edilmiş dəyişikliklərə əsasən sosial sığorta haqları üzrə yığımların təmin edilməsi xx.xx.2019-cu il tarixdən Azərbaycan Respublikasının Vergilər Nazirliyinə həvalə edilmişdir. Dövlət Sosial Müdafiə Fondunun təqdim etdiyi məlumatlara əsasən "xxxx" MMC-nin xx.xx.2019-cu il tarixə məcburi dövlət sosial sığorta haqqı üzrə 282060.90 manat (əsas borc 251638.15 manat, penya üzrə 30422.75 manat) borcu olmuşdur. Sosial sığorta haqları üzrə yığımların təmin edilməsinin xx.xx.2019-cu il tarixdən Azərbaycan Respublikasının Vergilər Nazirliyinə həvalə edildiyini nəzərə alaraq tələb olunan sənədlərin və məlumatların alınması məqsədi ilə aidiyyəti üzrə Azərbaycan Respublikası Əmək və Əhalinin Sosial Müdafiəsi Nazirliyinin Tabeliyində Döviət Sosial Müdafiə Fondu X12 Sosial Sığorta və Fərdi Uçot üzrə Mərkəzi Filialına müraciət olunması məqsədəmüvafiqdir. Məhkəmə sorğusuna cavab olaraq təqdim edilən Azərbaycan Respublikası Daxili İşlər Nazirliyi Baş X15 İdarəsinin xx.xx.2024-cü il tarixli, 3-13-16-5/2-7716/2024 nömrəli məktubundan görünür ki,BDYPİ-nin mərkəzi informasiya sisteminin məlumatına əsasən "xxxx" MMC-nin mülkiyyətində olmuş Mersedes-benz 308 CDİ yük markalı **-AC-*** dövlət qeydiyyat nişanlı nəqliyyat vasitəsi xx.xx.2019-cu il tarixdə alqı-satqı müqaviləsi əsasında ünvan 6 ünvanında ya.ayan X6 adına qeydiyyata alınmışdır. Həmçinin məhkəmə hesab edir ki, iddiaçı inzibati orqan tərəfindən cavabdehin vergi borcunun ödənilməsini təmin etmək məqsədilə siyahıya alma barədə hərəkətləri qanunvericiiyin tələblərinin pozulması ilə həyata keçirilmişdir. Belə ki, yuxarıda da sadalanan normaların birbaşa tələblərindən görünür ki, vergi borcunun ödənilməsinin təmini üçün tərtib olunan protokolda əmlak siyahıya alınır, siyahıya alınmış əmlak vergi ödəyicisinə baxış üçün təqdim edilir, siyahıda əmlak tam təsvir edilir (dəqiq adı, sayı, fərdi əlamətləri, mümkün olduqda qiymətləri göstərilir), əmlakın siyahısı və fotoşəkli protokola əlavə edilir. Daha sonra siyahıya alınmış mallar vergi ödəyicisində məsul saxlamaya qoyulur. Vergi orqanı tərəfindən əmlak siyahıya alındıqdan sonra vergi ödəyicisinə həmin əmlaka sərəncam vermək hüququnun olmaması, əmlaka sahiblik və istifadənin isə vergi orqanının nəzarəti ilə həyata keçirildiyi bildirilir, əmlakla bağlı müəyyən edilmiş məhdudiyyətlərin pozulmasına görə xəbərdarlıq edilir. Yalnız qeyd edilən prosessual qaydalar əsasında baş tutmuş siyahıya alınma qanunidir və icra oluna bilər. Qeyd edilməlidir ki, qanunvericilik əmlakın bu qaydadadan kənar siyahıya alınmanı nəzərdə tutmamışdır. Başqa sözlə, daşınar əşyalar üçün nəzərdə tutulmuş siyahıya alınmaya dair prosedur qaydalar nəqliyyat vasitələrinə münasbətdə də ardıcıl icra olunmalıdır. Məhkəmə qeyd edir ki, hazırkı iş üzrə iddiaçı cavabdehin vergi borcunun ödənilməsinin təmin edilməsi ilə bağlı 212000 manat dəyərində 2008-ci il buraxlışlı **-AC-*** dövlət qeydiyyat nişanlı 313 C markalı Mersedes sprineter,2007-ci il buraxlışlı **-AC-*** dövlət qeydiyyat nişanlı 313 C markalı Mersedes sprinter,2008-ci il buraxlışlı **-JJ-*** dövlət qeydiyyat nişanlı 313 C markalı Mersedes sprinter,2007-ci il buraxlışlı **-JK-*** dövlət qeydiyyat nişanlı 313 C markalı Mersedes sprinter ,2009-cu il buraxlışlı **-JU-*** dövlət qeydiyyat nişanlı Hyundai H 100 yük markalı avtomobil, 2003-cü il tarixli **-AC-*** dövlət qeydiyyat nişanlı Mersedes benz 308 CDİ yük2003-cü il buraxlışlı **-AK-*** dövlət qeydiyyat nişanlı Mersedes benz c 240 minik avtomobili,2004-cü il buraxlışlı **-DS-*** dövlət qeydiyyat nişanlı Mersedes benz yük avtomobili,2003-cü il buraxlışlı **-ER-*** dövlət qeydiyyat nişanlı Mersedes C 240 minik avtomobili,2004-cü il buraxlışlı **-JA-*** dövlət qeydiyyat nişanlı Mersedes benz yük avtomobili,2007-ci il tarixli **-JC-*** dövlət qeydiyyat nişanlı Hyundai HD 45 yük avtomobili,2010-cu il tarixli **-VS-*** dövlət qeydiyyat nişanlı Chevrolet Cruze minik avtomobili, 2010-cu il tarixli **-AL-*** dövlət qeydiyyat nişanlı Chevrolet Cruze minik avtomobil vasitələrinin satılmasını mübahisələndirsə də, iş materialları ilə cavabdeh tərəfindən qeyd edilən borcun ödənilməsinin təmin edilməsi üçün həmin əmlakın siyahıya alındığı barədə cavabdehin məlumatlı olduğu sübut olunmur. Belə ki, Vergi orqanı elektron baza məlumatlarına əsasən mülkiyyətində daşınar əmlakın olmasını aşkar etdiyi bildirsə də, həmin nəqliyyat vasitəsinin protokulun tərtibi zamanı cavabdehin mülkiyyətində olubolmamasını araşdırmamışdır. Sübutlarla bağlı mülahizələr formal xarakter daşımamalı, obyektiv həqiqəti əks etdirən hallar dəlillərlə sübuta yetirilməli, əmlakların siyahı alınması vəbaxış keçirilməsi zamanı, çəkilişlər aparılmalı (fotoşəkillər) və başqa müşahidəçinin də iştirakı təmin olunmalıdır. Hazırkı iş üzrə isə iddiaçı tərəfindən belə bir əsaslandırma məhkəməyə təqdim edilməmişdir. İnzibati icraat haqqında” Azərbaycan Respublikası Qanununun: -1.1-ci maddəsinə görə bu Qanun inzibati aktların qəbul edilməsi, icra olunması və ya ləğv edilməsi ilə bağlı inzibati orqanlar tərəfindən həyata keçirilən fəaliyyətin hüquqi əsaslarını, prinsiplərini və prosedur qaydalarını müəyyən edir. -2.0.3-cü maddəsinə görə maraqlı şəxs - inzibati aktın qəbul edilməsi və ya müvafiq hərəkətin edilməsi ilə bağlı inzibati orqana müraciət etmiş və ya barəsində inzibati akt qəbul edilmiş və ya müvafiq hərəkət (hərəkətsizlik) edilmiş şəxs və yaxud inzibati orqan tərəfindən qəbul edilməsi nəzərdə tutulan və ya qəbul edilmiş inzibati aktın və ya inzibati orqanın hərəkətinin hüquqlarına və ya qanunla qorunan maraqlarına birbaşa təsir etdiyi və ya təsir edə biləcəyi və öz vəsatətinə əsasən və ya xidməti vəzifəsindən irəli gələn hallarda inzibati orqanın təşəbbüsü ilə inzibati icraata cəlb edilən hər hansı fiziki və ya hüquqi şəxsdir. -21.1-ci maddəsinə əsasən qanunda başqa qayda nəzərdə tutulmamışdırsa, inzibati orqan inzibati icraat barədə maraqlı şəxsə və ya onun nümayəndəsinə məlumat verməli və işdə onun iştirakını təmin etməlidir. -21.2-ci maddəsinə əsasən qanunda başqa hallar nəzərdə tutulmamışdırsa, inzibati aktı qəbul etməzdən əvvəl inzibati orqan onun məzmunu, xüsusilə işin müəyyən edilmiş faktiki halları və həmin işlə bağlı nəzərdə tutulan tədbirlər haqqında maraqlı şəxslərə və ya onların nümayəndələrinə məlumat verməyə və bu barədə onların mülahizələrini dinləməyə bocludur. -51.1-ci maddəsinə görə inzibati orqan inzibati icraatda iştirak edən şəxsləri, zəruri hallarda isə şahidləri, ekspertləri, tərcüməçiləri və digər orqanların nümayəndələrini inzibati icraatla bağlı iclasın vaxtı və yeri haqqında xəbərdar etməyə borcludur. Yuxarıda qeyd edilənlərə əsasən məhkəmə hesab edir ki, iddiaçı tərəfindən əmlakın siyahıya alınması qanunvericiliyinin tələblərinə uyğun həyata keçirilməmişdir. Göründüyü kimi iddiaçının satılması barədə tələb irəli sürdüyü avtonəqliyyat vasitəsi hazırda cavabdehin deyil, başqa şəxsin mülkiyyətindədir. Belə olan halda məhkəmə hesab edir ki, cavabdehin vergi borcunun ödənilməsinin təmin edilməsi üçün hazırda başqa şəxsin mülkiyyətində olan əmlakın siyahıya alınaraq satılması yolverilməzdir. İPM-in 68.1-ci maddəsinin tələbinə əsasən, məhkəmə mübahisə ilə bağlı iş üzrə inzibati məhkəmə icraatı nəticəsində onda yaranmış daxili inam əsasında qərar qəbul edir. Qərarda məhkəmənin mövqeyi üçün əsas olmuş səbəblər göstərilməlidir. İPM-in 68.2-ci maddəsinin tələbinə əsasən, məhkəmə qərarı yalnız məhkəmə icraatında tədqiq olunmuş və barələrində proses iştirakçılarının öz mülahizələrini bildirmək imkanına malik olduqları faktlar və sübutlarla əsaslandırılmalıdır. Qeyd olunanları nəzərə alaraq məhkəmə hesab edir ki, iddia tələbi təmin olunmamalıdır. Yuxarıda göstərilənlərə əsasən və Azərbaycan Respublikası İnzibati Prosessual Məcəlləsinin 68-ci, 69-cu, 75-ci və 85-ci maddələrini rəhbər tutaraq, məhkəmə qərara aldı: İddiaçı Azərbaycan Respublikası İqtisadiyyat Nazirliyi yanında Dövlət Vergi Xidmətinin 6 saylı Ərazi Vergilər İdarəsinin Cavabdehnə qarşı “siyahıya alınmış əmlakın satılması” tələbinə dair iddiası təmin edilməsin. Qərardan, onun tam formada təqdim olunduğu gündən 30 (otuz) gün müddətində Şirvan İnzibati Məhkəməsi vasitəsi ilə Şirvan Apelyasiya Məhkəməsinə (Şirvan şəhəri, Naxçıvan küçəsi 3) şikayət verilə bilər. Qərardan şikayət verilmədiyi və ya proses iştirakçıları tərəfindən şikayətin geri götürüldüyü halda, qərar onun təqdim olunduğu gündən 30 gün keçdikdən sonra qüvvəyə minir. Sədrlik edən: Hilal Nəcəfov