Şirvan İnzibati Məhkəməsi Qərardad — İş №2-1(120)-201/2025

Azərbaycan Respublikası adından QƏRARDAD Şirvan şəhəri İş № 2-1(120)-201/2025 09.07.2025 ŞİRVAN İNZİBATİ MƏHKƏMƏSİ Hakim Nəcəfov Hilal Nəcəfalı oğlunun sədrliyi, Məhkəmə iclаsının kаtibi X1 İddiaçı cavabdeh Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsi 10 saylı Lənkəran Ərazi İdarəsinə qarşı “20 iyul 2022-ci il tarixli, **********46 nömrəli cavabı əsassız hesab edilsin və 27 yanvar 2022-ci il tarixli, ********** qeydiyyat nömrəli çıxarışla xüsusi mülkiyyətinə verilmiş, Lənkəran şəhəri, professor Hənifə Abdullayevin adına olan küçədə yerləşən, ümumi sahəsi 0,01193 ha olan, torpaq sahəsinin hüdudları daxilində inşa edilmiş qeyri-yaşayış binasına dair vahid daşınmaz əmlak obyekti olaraq adına dövlət reyestrində müvafiq qeyydiyyatın aparılması, vahid əmlaka dair çıxarışın verilməsi öhdəliyinin cavabdehin üzərinə qoyulması” tələbinə Şirvan şəhərində, məhkəmənin inzibati binasında açıq məhkəmə iclasında baxaraq, MÜƏYYƏNETDİ: İddiaçı cavabdeh Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsi 10 saylı Lənkəran Ərazi İdarəsinə qarşı “20 iyul 2022-ci il tarixli, **********46 nömrəli cavabı əsassız hesab edilsin və 27 yanvar 2022-ci il tarixli, ********** qeydiyyat nömrəli çıxarışla xüsusi mülkiyyətinə verilmiş, Lənkəran şəhəri, professor Hənifə Abdullayevin adına olan küçədə yerləşən, ümumi sahəsi 0,01193 ha olan, torpaq sahəsinin hüdudları daxilində inşa edilmiş qeyri-yaşayış binasına dair vahid daşınmaz əmlak obyekti olaraq adına dövlət reyestrində müvafiq qeyydiyyatın aparılması, vahid əmlaka dair çıxarışın verilməsi öhdəliyinin cavabdehin üzərinə qoyulması” barədə qərar çıxarılmasını xahiş etmişdir. Azərbaycan Respublikası İnzibati Prosessual Məcəlləsinin (bundan sonra – İPM) 45.4-cü maddəsinə görə iddia ərizəsi məhkəməyə daxil olduğu gündən icraata qəbul edilmiş sayılır. İddia ərizəsi məhkəmənin icraatına daxil olduqdan sonra İPM-in 49-cu maddəsinin tələblərinə uyğun olaraq, işin hazırlıq icraatına başlanılmış və hazırlıq icraatı üzrə məhkəmə iclası təyin edilərək, bu barədə tərəflərə məlumat verilmişdir. İddiaçı, cavabdehin nümayəndəsi, və üçüncü şəxs Lənkəran şəhəri İcra Hakimiyyətinin nümayəndəsi məhkəmə iclasına gəlməmişdilər. Azərbaycan Respublikasının İnzibati Prosessual Məcəlləsinin 62.3-cü maddəsinə əsasən məhkəmə İddiaçı, cavabdehin nümayəndəsi, və üçüncü şəxs Lənkəran şəhəri İcra Hakimiyyətinin nümayəndəsinin iştirakları olmadan işə baxılmasını mümkün hesab etmişdir. Məhkəmə Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsi 10 saylı Lənkəran Ərazi İdarəsinə tərəfindən daxil olmuş ərizəni qeyd edərək, 2-1(120)-201/2025 nömrəli iş üzrə aralarında mübahisənin məhkəmədən kənar həll etdiklərini və iş üzrə icraata xitam verilməsini xahiş etdiyini bildirmişdir. Azərbaycan Respublikasının İnzibati Prosessual Məcəlləsinə əsasən mübahisə ilə bağlı məhkəmənin yekun qərarı qəbul edilənədək, cavabdeh (inzibati orqan) iddiaçının tələbinin təmin olunduğu yeni inzibati akt qəbul etməyə və ya qanunda nəzərdə tutulmuş başqa tədbir görməyə haqlıdır. Cavabdeh iddiaçının tələbinin təmin olunması ilə bağlı niyyəti barədə məhkəməyə yazılı məlumat verir. Bu məqsədlə inzibati orqan əvvəl məhkəməyə təqdim olunmuş sənədləri geri tələb edə bilər (maddə 67.1). Sədrlik edən hakim iddiaçının tələbinin təmin olunduğu yeni inzibati aktın qəbul edilməsi və ya qanunda nəzərdə tutulmuş başqa tədbirin görülməsi, habelə bu barədə məhkəməyə müvafiq məlumatın verilməsi üçün cavabdehə müddət təyin edə bilər. Sənədlərin geri qaytarılmasını məqsədəuyğun hesab etmədiyi hallarda, məhkəmə inzibati orqanın bu barədə müraciətini təmin etməyə bilər (maddə 67.2). Bu Məcəllənin 67.2-ci maddəsinə uyğun olaraq müəyyən edilmiş müddət ərzində cavabdeh tərəfindən iddiaçının tələbinin təmin olunduğu və işin mahiyyəti üzrə mübahisənin artıq mövcud olmadığı hallarda məhkəmə icraata xitam verilməsi barədə qərardad qəbul edir (maddə 67.3). Məhkəmə qeyd edir ki, iddiaçı ilə cavabdeh arasında olan mübahisənin məhkəmədən kənar həll edildiyi üçün məhkəmə hesab edir ki, iş üzrə icraata xitam verilməlidir. Məhkəmə onu da qeyd edir ki, iş üzrə icraata xitam verilməsi iddiaçı tərəfindən hüquqi marağına uyğun iddia ilə məhkəməyə yenidən müraciət olunmanı istisna etmir. Sadalanan xüsusatlara və istinad olunan hüquq normalarına əsaslanaraq məhkəmə hesab edir ki, İddiaçı cavabdeh Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsi 10 saylı Lənkəran Ərazi İdarəsinə qarşı “20 iyul 2022-ci il tarixli, **********46 nömrəli cavabı əsassız hesab edilsin və 27 yanvar 2022-ci il tarixli, ********** qeydiyyat nömrəli çıxarışla xüsusi mülkiyyətinə verilmiş, Lənkəran şəhəri, professor Hənifə Abdullayevin adına olan küçədə yerləşən, ümumi sahəsi 0,01193 ha olan, torpaq sahəsinin hüdudları daxilində inşa edilmiş qeyri-yaşayış binasına dair vahid daşınmaz əmlak obyekti olaraq adına dövlət reyestrində müvafiq qeyydiyyatın aparılması, vahid əmlaka dair çıxarışın verilməsi öhdəliyinin cavabdehin üzərinə qoyulması” barədə iddia tələbi üzrə işin icraatına xitam verilməlidir. Yuxarıda göstərilənlərə əsasən və Azərbaycan Respublikasının İnzibati Prosessual Məcəlləsinin 80-ci və 85-ci maddələrini rəhbər tutaraq, məhkəmə qərara aldı: İddiaçı cavabdeh Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsi 10 saylı Lənkəran Ərazi İdarəsinə qarşı “20 iyul 2022-ci il tarixli, **********46 nömrəli cavabı əsassız hesab edilsin və 27 yanvar 2022-ci il tarixli, ********** qeydiyyat nömrəli çıxarışla xüsusi mülkiyyətinə verilmiş, Lənkəran şəhəri, professor Hənifə Abdullayevin adına olan küçədə yerləşən, ümumi sahəsi 0,01193 ha olan, torpaq sahəsinin hüdudları daxilində inşa edilmiş qeyri-yaşayış binasına dair vahid daşınmaz əmlak obyekti olaraq adına dövlət reyestrində müvafiq qeyydiyyatın aparılması, vahid əmlaka dair çıxarışın verilməsi öhdəliyinin cavabdehin üzərinə qoyulması” barədə iddia tələbi ilə bağlı iş üzrə icraata xitam verilsin. İş üzrə icraata xitam verilməsi iddiaçı tərəfindən hüquqi marağına uyğun iddia ilə məhkəməyə yenidən müraciət olunmanı istisna etmir. Qərardaddan, onun rəsmi qaydada verildiyi gündən 10 (on) gün müddətində Şirvan İnzibati Məhkəməsi vasitəsilə Şirvan Apelyasiya Məhkəməsinə şikayət verilə bilər. Hakim: Hilal Nəcəfov