Şirvan İnzibati Məhkəməsi Qərar — İş №2-1(120)-2663/2024

Azərbaycan Respublikası adından QƏRAR Şirvan şəhəri İş № 2-1(120)-2663/2024 06.05.2024 ŞİRVAN İNZİBATİ MƏHKƏMƏSİ Hakim Musayev Şahəli Calal оğlunun sədrliyi, Məhkəmə iclas katibi X11 оğlunun katibliyi ilə, İddiaçı iştirakı ilə, İddiaçı cavabdeh Hacıqabul rayon Qeydiyyat şöbəsinə qarşı “Hacıqabul RİHB-nın Qarasu kənd İcra Nümayəndəliyində tərtib edilmiş xx.xx.1989-cu il tarixli, 13 saylı ölüm haqqında akt qeydinin ləğv edilməsi” tələbinə dair işə məhkəmənin binasında, açıq, şifahi məhkəmə baxışı iclasında baxaraq aşağıdakı qərarı qəbul etdi: Təsviri hissə: İddiaçı cavabdeh Hacıqabul rayon Qeydiyyat şöbəsinə qarşı “Hacıqabul RİHB-nın Qarasu kənd İcra Nümayəndəliyində tərtib edilmiş xx.xx.1989-cu il tarixli, 13 saylı ölüm haqqında akt qeydinin ləğv edilməsi” bаrədə qərаr çıхаrılmаsını məhkəmədən хаhiş еtmişdir. Şifahi məhkəmə iclasında İddiaçı izahatında iddia tələbini müdafiə etdiyini bildirərək, Hacıqabul RİHB-nın Qarasu kənd İcra Nümayəndəliyində tərtib edilmiş xx.xx.1989-cu il tarixli, 13 saylı ölüm haqqında akt qeydinin ləğv edilməsini məhkəmədən xahiş etdi. Cаvаbdеh Hacıqabul rayon Qeydiyyat Şöbəsinə məhkəmə iclаsının yеri və vахtı bаrədə rəsmi qаydаdа məlumаt vеrilməsinə bахmаyаrаq, cavabdehin nümayəndəsi məhkəmə iclаsınа gəlməmişdir. Məhkəmə Аzərbаycаn Rеspublikаsı İnzibаti Prоsеssuаl Məcəlləsinin 62-ci mаddəsinə əsаsən işə cavabdehin nümayəndəsinin iştirаkı оlmаdаn bахılmаsını mümkün hеsаb еdir. İddia tələbinə dair məzmunu aşağıda qeyd edilmiş sənədlər məhkəməyə təqdim olunmuşdur. Həmin sənədlərin məzmununa istinad olunur. Onlar məhkəmə araşdırmasının predmetini təşkil etmişlər: - AZE ******** nömrəli şəxsiyyət vəsiqəsinin surətindən görünür ki, İddiaçı xx.xx.1988-ci il tarixdə anadan olmuşdur. - xx.xx.1988-ci il tarixli, XİV-JQ 254837 nömrəli doğum haqqında şəhadətnamənin surətindən görünür ki, İddiaçı xx.xx.1988-ci il tarixdə Qarasu kəndində anadan olmuş, ata qrafasında X4, ana qrafasında X2 adı qeyd edilmişdir. - xx.xx.1982-ci il tarixli, İİ-JQ 460373 nömrəli nigahın bağlanması haqqında şəhadətnamədən görünür ki, X9 ilə X7 xx.xx.1982-ci ildə nikaha daxil olmuşdur. - Bakı şəhər İcra Hakimiyyəti Mənzil-Kommunal Təsərrüfatı Departamenti Qaradağ rayon Mənzil-Kommunal Təsərrüfatı Birliyi 132 saylı Mənzil-Kommunal İstismar Sahəsinin xx.xx.2023-cü il tarixli, 627 saylı arayışından görünür ki, Azadova X6 rayonu, Ələt qəsəbəsi, E.İmanov küçəsi, 21 saylı evin 49 nömrəli mənzilində qeydiyyatdadır, anası X7 xx.xx.1959, bacısı X1 xx.xx.1983, qardaşı X10 xx.xx.1985, bacısı X5 xx.xx.1993. - xx.xx.2004-cü il tarixli, A 029403 nömrəli əsas təhsil haqqında şəhadətnamədən görünür ki, İddiaçı Bakı şəhəri, Qaradağ rayonu, E.Rzayev adına 127 saylı orta məktəbdə oxumuş və əsas təhsilini 2004-ci ildə bitirmişdir. - xx.xx.2006-cı il tarixli, B 341903 nömrəli orta təhsil haqqında şəhadətnamədən görünür ki, İddiaçı Bakı şəhəri, Qaradağ rayonu, E.Rzayev adına 127 saylı orta məktəbdə oxumuş 2006-cı ildə bitirmişdir. - xx.xx.1988-ci il tarixli, 78 nömrəli doğum haqqında akt qeydindən görünür ki, İddiaçı xx.xx.1988-ci il tarixdə Qarasu kəndində anadan olmuş, ata qrafasında X4, ana qrafasında X2 adı qeyd edilmişdir. - xx.xx.1989-cu il tarixli, 13 nömrəli ölüm haqqında akt qeydindən görünür ki, İddiaçı xx.xx.1989-cu il tarixdə vəfat etmişdir. Əsaslandırma hissəsi: İddiaçının iddiası öhdəliyin icrası haqqında iddia (İPM-in 2.2.3 və 34.1-ci maddələri) qismində mümkün iddiadır. Belə ki, iddiaçı cavabdehə müraciət etmiş və imtina cavabı almışdır, iddia düzgün cavabdehə qarşı verilmiş, iddia qaldırmaqda iddiaçı subyektiv hüquqa malik olmuşdur. Həmçinin, iddia əsaslıdır. Azərbaycan Respublikası Nazirlər Kabinetinin 2001-ci il 1 mart tarixli 52 nömrəli qərarı ilə təsdiq edilmiş, “Vətəndaşlıq vəziyyəti aktlarının qeydində dəyişiklik, bərpa və ləğv qaydalarını müəyyən edən” Əsas Müddəaların 1-ci bəndinə əsasən Vətəndaşlıq vəziyyəti aktlarının qeydindəki səhvlərin düzəldilməsi və ona dəyişikliklər edilməsi, kifayət qədər əsaslar olduqda və aidiyyəti şəxslər arasında mübahisə olmadıqda ərizə verən şəxslərin daimi yaşayış yerində qeydiyyat şöbələri və konsulluq idarələri tərəfindən həyata keçirilir. 4. Vətəndaşlıq vəziyyəti aktlarının qeydindəki səhvlərin düzəldilməsi və ona dəyişikliklər edilməsi üçün aşağıdakılar əsas hesab edilir: vətəndaşlıq vəziyyəti aktlarının qeydindəki səhvlərin düzəldilməsi və ona dəyişikliklər edilməsinə əsas verən digər sənədlər. 5. Vətəndaşlıq vəziyyəti aktlarının qeydindəki səhvlərin düzəldilməsi və ona dəyişikliklər edilməsi haqqında ərizələr ərizə verən şəxsin daimi yaşayış yerində qeydiyyat şöbələrinə və konsulluq idarələrinə verilir. İşin məhkəmə tərəfindən müəyyən edilmiş hallarından görünür ki, xx.xx.1988-ci il tarixdə Hacıqabul rayonunun Qarasu kəndində anadan olmuşdur. doğumu haqqında qeyd xx.xx.1988-ci il tarixdə Hacıqabul RİHB-nın Qarasu KİN-yi tərəfindən 78 saylı doğum haqqında akt qeydi əsasında qeydə alınaraq ona xx.xx.1988-ci il tarixli, XİV-JQ 254837 nömrəli doğum haqqında şəhadətnamə verilmiş, həmin şəhadətnamə əsasında şəxsiyyət vəsiqəsi ilə təmin olunmuşdur. Sonradan digər işlərlə bağlı sənədləşdirmə apararkən ona məlum olmuşdur ki, Hacıqabul RİHB-nın Qarasu KİN-yi tərəfindən xx.xx.1989-cu il tarixli, 13 nömrəli ölüm haqqında akt qeydi tərtib edilməklə onun ölümü qeydə alınmışdır. İddiaçı Azadova X3 RİHB-nın Qarasu kənd İcra Nümayəndəliyində tərtib edilmiş xx.xx.1989-cu il tarixli, 13 nömrəli ölüm haqqında akt qeydinin ləğv edilməsi üçün cavabdeh orqana müraciət etmiş, lakin cavabdeh orqan müraciətin təmin edilməsindən imtina etmişdir. Məhkəmə tərəfindən cavabdeh inzibati orqana sorğu verilməsinə baxmayaraq ölüm haqqında akt qeydinin tərtib edilməsinə əsas olan sənədləri məhkəməyə təqdim etməmişdir. Buna görə də məhkəmə hesab edir ki, ölüm haqqında akt qeydinin ləğv edilməsi üçün kifayət qədər əsaslar olmuşdur və cavabdeh orqan, müraciətin təmin edilməsindən imtina etməkdə haqlı olmamışdır. Məhkəmə qeyd edir ki, müvafiq qeydiyyatın aparılmasında məqsəd vətəndaşların şəxsi və əmlak hüquqlarının qorunmasına xidmət etməklə yanaşı, həm dövlət mənafeyi və ictimai mənafe üçün aparılır. Vətəndaşlıq vəziyyəti qeydləri sırasında ölümün qeydiyyatı xüsusi yer alır və bu qeydiyyatın hüquq müəyyənetmə əhəmiyyəti, milli qanunvericiliklə yanaşı, BMT-nin də bir sıra qətnamələrində təsdiq olunmuşdur. Azərbaycan Respublikası İPM-nin 34.1-ci maddəsinə əsasən öhdəliyin icrası haqqında iddia vasitəsi ilə iddiaçı cavabdehdən inzibati aktın qəbul edilməsi ilə bağlı olmayan (inzibati aktın qəbul edilməsinə yönəlməyən) müəyyən hərəkətlərin edilməsini tələb edə bilər. Həmin Məcəllənin 52-ci maddəsinə əsasən məhkəmə iddia ərizəsinin ifadə tərzi ilə bağlı olmasa da, iddia tələbindən kənara çıxmağa haqlı deyildir. Həmin Məcəllənin 69.5-ci maddəsinə əsasən məhkəmə qərarının nəticəvi hissəsində, məhkəmənin gəldiyi nəticə, prosessual xərclər və həmin qərara qarşı hüquqi müdafiə vasitələrindən istifadə qaydası və müddəti göstərilməlidir. İş üzrə icraata dair prosessual xərclər məsələsi İPM-in 110.1-ci maddəsinə əsasən həll olunur. Dövlət rüsumu haqqında Qanununun 9.1.12-ci maddəsinə əsasən, inzibati hüquq münasibətlərindən əmələ gələn işlər üzrə - vətəndaş, inzibati orqanlar və vəzifəli şəxslər dövlət rüsumu ödəməkdən azad olunurlar. Nəticəvi hissə: Şərh olunanlara əsasən və Azərbaycan Respublikası İnzibati-Prosessual Məcəlləsinin 2, 68, 69, 73, 75 və 85.1-ci maddələrini rəhbər tuturaq, məhkəmə qərara aldı: İddia təmin edilsin. Hacıqabul RİHB-nın Qarasu kənd İcra Nümayəndəliyində tərtib edilmiş xx.xx.1989cu il tarixli, 13 nömrəli ölüm haqqında akt qeydi ləğv edilsin. Qərardan tam formada təqdim olunduğu gündən 30 (otuz) gün müddətində Şirvan İnzibati Məhkəməsi vasitəsi ilə Şirvan Apelyasiya Məhkəməsinə apelyasiya şikayəti vermək olar. Hakim Şahəli Musayev