Şirvan İnzibati Məhkəməsi Qərar — İş №2-1(120)-2974/2024

Azərbaycan Respublikası adından QƏRAR Şirvan şəhəri İş № 2-1(120)-2974/2024 31.10.2024 ŞİRVAN İNZİBATİ MƏHKƏMƏSİ Hakim Hüseynova Amilya Aqil qızının sədrliyi, Məhkəmə iclas katibi X12 iştirakı ilə, İddiaçılar İddiaçı, X13, X8 və X14 Cavabdehnə qarşı “X21, X25, X7, X22 və onun uşaqları X10 və X9 Neftçala şəhəri, 6-cı məhəllə, ev 18 (yeni qaydalarla: Neftçala rayonu, Vaqif Məmmədov küçəsi, ev 75) ünvanından qeydiyyatdan çıxarılması öhdəliyinin cavabdehin üzərinə qoyulması” barədə iddia tələbinə dair inzibati işə Şirvan şəhərində, Şirvan İnzibati Məhkəməsinin inzibati binasında, açıq məhkəmə iclasında baxaraq, müəyyən etdi: İddiaçı Cavabdehnə qarşı iddia ərizəsi ilə məhkəməyə müraciət edərək, X10, X21, X23, X22, X25, X4 Neftçala şəhəri, 6-cı məhəllə, Yeni qaydalarla: AZ4702, ünvan 1 ünvanından qeydiyyatdan çıxarılması öhdəliyinin cavabdehin üzərinə qoyulması barədə qərar qəbul edilməsini məhkəmədən xahiş etmişdir. Şirvan İnzibati Məhkəməsinin 27 fevral 2024-cü il tarixli, 2-1(120)-2974/2024 nömrəli qərardadı ilə, iddia tələbi üzrə X21, X22, X25, X7 zəruri cəlb edilməsi qərara alınmışdır. Şirvan İnzibati Məhkəməsinin 2-1(120)-2974/2024 saylı, xx.xx.2024-cü il tarixli qərardadı ilə, iddia tələbinə “iddiaçılar İddiaçı, X13, X8 və X14 Cavabdehnə qarşı X10, X21, X23, X22, X25, X4 Neftçala şəhəri, 6-cı məhəllə, ev 18 (yeni qaydalarla: ünvan 2 ünvanından qeydiyyatdan çıxarılması öhdəliyinin cavabdehin üzərinə qoyulması” kimi baxılması qərara alınmışdır. Şirvan İnzibati Məhkəməsinin 2-1(120)-2974/2024 saylı, xx.xx.2024-cü il tarixli qərardadı ilə, iddia tələbinə “iddiaçılar İddiaçı, X13, X8 və X14 Cavabdehnə qarşı X21, X25, X7, X22 və onun uşaqları X10 və X9 Neftçala şəhəri, 6-cı məhəllə, ev 18 (yeni qaydalarla: ünvan 2 ünvanından qeydiyyatdan çıxarılması öhdəliyinin cavabdehin üzərinə qoyulması” kimi baxılması qərara alınmışdır. İddia ərizəsində bildirilmişdir ki, Neftçala şəhəri, 6-cı məhəllə, ev 18 (yeni qaydalarla: ünvan 2 Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin Hüquqların Dövlət qeydiyyatı haqqında daşınmaz əmlakın dövlət reyestri tərəfindən verilmiş çıxarışa əsasən, paylı mülkiyyət hüququ əsasında İddiaçı, X13, X8 və X14 mülkiyyətindədir.Üçüncü şəxslərin həmin mənzildə qeydiyyatda olması formal xarakter daşıyır. İddiaçı üçüncü şəxslərin ona məxsus mənzilin pasport qeydiyyatından çıxarılması ilə əlaqədar Cavabdehnə müraciət edilmmişdir, onlara xx.xx.2024-cü il tarixli, 3-13-100/2-Ə- 1469/11/23 nömrəli məktubla məhkəmənin qanuni qüvvəyə minmiş qərarı olmadan həmin şəxslərin qeydiyyatdan çıxarılmasının mümkün olmadığı bildirilmişdir. Qeyd olunanların nəzərə alınaraq iddia tələbinin təmin edilməsi barədə qərar qəbul edilməsini məhkəmədən xahiş edilmişdir. Məhkəmə iclasının vaxtı və yeri barədə lazımi qaydada xəbərdar edilmələrinə baxmayaraq iddiaçı, Cavabdeh nümayəndəsi və üçüncü şəxslər məhkəmə iclasına gəlməmişdir. Azərbaycan Respublikasının İnzibati Prosessual Məcəlləsinin 62.3-cü maddəsinə əsasən məhkəmə tərəflərin iştirakı olmadan işə baxılmasını və iş üzrə qərar qəbul edilməsini mümkün hesab etmişdir. Məhkəmə iddia ərizəsini və işin faktiki hallarını araşdıraraq, iddiaçının izahatını dinləyərək, işdə olan sənədləri tədqiq edərək və subutları qiymətləndirərək hesab edir ki, aşağıda göstərilənlərə əsasən iddia tələbi təmin edilməlidir. Belə ki, iş materiallarına əlavə edilmiş - AA******* nömrəli şəxsiyyət vəsiqəsinin surətindən və iş materiallarından görünür ki, İddiaçı xx.xx.1951-ci il tarixdə anadan olmuş, Neftçala şəhəri, 6-cı məhəllə, ev 18 (yeni qaydalarla: ünvan 2 ünvanında yaşayış yeri üzrə qeydiyyatdadır. - AA2532597 nömrəli şəxsiyyət vəsiqəsinin surətindən və iş materiallarından görünür ki, X26 xx.xx.1971-ci il tarixdə anadan olmuş, Neftçala şəhəri, 6-cı məhəllə, ev 18 (yeni qaydalarla: ünvan 2 ünvanında yaşayış yeri üzrə qeydiyyatdadır. - Cavabdeh İddiaçı ünvanladığı xx.xx.2024-cü il tarixli, 3-13-100/2-Ə-1469/11/23 nömrəli məktubunda qeyd edilmişdir ki, adları qeyd olunan şəxslərin yaşayış yeri üzrə qeydiyyatdan çıxarılması ilə əlaqədar məhkəməyə müraciət edə bilər. - Azərbaycan Respublikası Daxili İşlər Nazirliyi tərəfindən verilmiş xx.xx.2024-cü il tarixli yaşayış yeri üzrə qeydiyyat haqqında arayışdan görünür ki, X21, X25, X7, X22 və onun uşaqları X10 və X2 şəhəri, 6-cı məhəllə, ev 18 (yeni qaydalarla: ünvan 2-də qeydiyyatdadırlar. - Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidməti hüquqların dövlət qeydiyyatı haqqında daşınmaz əmlakın dövlət reyestri tərəfindən verilmiş xx.xx.2024-cü il tarixli çıxarışın surətindən görünür ki, Neftçala şəhəri, 6-cı məhəllə, ev 18 (yeni qaydalarla: ünvan 2 paylı mülkiyyət hüququ üzrə İddiaçı, X13, X8 və X14 adına daşınmaz əmlakın dövlət reyestrində ********** qeydiyyat nömrəsi ilə qeydiyyata alınmışdır. - Neftçala rayon Qeydiyyat şöbəsinin məhkəməyə ünvanladığı xx.xx.2024-cü il tarixli, 3- 16-5/8-10-178/2024 nömrəli məktubundan göstərilmişdir ki, ünvan 5 ünvanında qeydiyyatda olan İddiaçı X10, X21 , X23, X22, X25, X7 qohumluq əlaqəsinin müəyyən olunması barədə “Vətəndaşlıq vəziyyəti aktları” avtomatlaşdırılmış qeydiyyat informasiya sisteminə daxil edilmiş bütün vətəndaşlıq vəziyyəti aktları üzrə yoxlama aparılmış, X10, X21 , X3 Ruslan Mirzə oğlu, X25, X7 ilə qohumluq əlaqələrini təsdiq edən heç bir akt qeydi aşkar oiunmamışdır. - Neftçala rayon Qeydiyyat şöbəsinin məhkəməyə ünvanladığı xx.xx.2024-cü il tarixli, 3- 16-5/8-13-288/2024 nömrəli məktubundan göstərilmişdir ki, İddiaçı, X13, X8 və X14 qohumluq əlaqələrinin müəyyən olunması barədə “Vətəndaşlıq vəziyyəti aktları” avtomatlaşdırılmış qeydiyyat informasiya sisteminə daxil edilmiş bütün vətəndaşlıq vəziyyəti aktları üzrə yoxlama aparılmış, X10, X21, X23, X22, X25, X7 ilə qohumluq əlaqələrini təsdiq edən heç bir akt qeydi aşkar olunmamışdır. - Neftçala rayon Qeydiyyat şöbəsinin məhkəməyə ünvanladığı xx.xx.2024-cü il tarixli, 3- 16-5/8-13-391/2024 nömrəli məktubundan göstərilmişdir ki, Neftçala rayon qeydiyyat şöbəsi xx.xx.2024-cü il tarixli, 2-1(120)-2974/2024 nömrəli məktubunuza əsasən bildirir ki, ünvan 5 ünvanında qeydiyyatda olan İddiaçı X13, X8 və X14 X21, X15, X16, X22, X25, X7 ilə qohumluq əlaqəsinin müəyyən olunması barədə “Vətəndaşlıq vəziyyəti aktları” avtomatlaşdırılmış qeydiyyat informasiya sisteminə daxil edilmiş bütün vətəndaşlıq vəziyyəti aktları üzrə yoxlama aparılmış, X21, X15, X16, X22, X25, X7 ilə qohumluq əlaqələrini: təsdiq edən heç akt qeydi aşkar olunmamışdır. -İşdə olan Neftçala rayon Notariat Ofisinin məhkəməyə ünvanladığı xx.xx.2024-cü il tarixli, 117 nömrəli məktubundan göstərilmişdir ki, İddiaçı mülkiyyətində olan Neftçala şəhəri, 6-cı məhəllə, ev 18 (Yeni qaydalarla: AZ4702, ünvan 7 ünvanında yerləşən evin əldə olunmasını təsdiqləyən Neftçala rayon notariat ofisində xx.xx.2023-cü il tarixində 2V-277, 2V-278, 2V-279 reyestr nömrələri ilə şəhadətnamələr təsdiq olunmuşdur. Həmin sənədlərin surətləri göndərilmişdir. - Azərbaycan Respublikası Neftçala rayon İcra Hakimiyyəti başçısının Neftçala şəhər inzibati ərazi dairəsi üzrə nümayəndəliyinin xx.xx.2024-cü il tarixli, 5-67-1/2-45/2024 nömrəli məktubundan göstərilmişdir ki, Neftçala şəhəri məhəllə 6, Yeni qaydalarla ünvan 10 ünvanda qeydiyyatda olan üçüncü şəxslər ünvan 11 ünvanda qeydiyyatda olsalar da, həmin ünvanda yaşamırlar. - İşdə olan Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 13 saylı Şirvan ərazi idarəsinin məhkəməyə ünvanladığı xx.xx.2024-cü il tarixli, 3-21-3-38/2-979/2024 nömrəli məktubuna **********99-10301 reyestr nömrəli çıxarışın və digər sənədlərin təsdiq edilmiş surətlərini əlavə etmişdir. Həmçinin həmin məktubda qeyd edilmişdir ki, sözügüdən daşınmaz əmlaka dair istifadə hüququ barədə məlumatlar Ərazi İdarəsində aşkar edilməmişdir. - İşdə olan Cavabdeh məhkəməyə ünvanladığı xx.xx.2024-cü il tarixli, 3-13-100/2- 3396/2024 nömrəli məktubundan göstərilmişdir ki, Azərbaycan Respublikasının yaşayış yeri və olduğu yer üzrə qeydiyyat haqqında Qanunun 9-cu maddəsinə əsasən İddiaçı ərizəsi əsasında X10, X21, X23, X22, X25 və X4 İddiaçı məxsus olan Neftçala şəhəri, 6-cı məhəllə, ev 18, yeni qaydalarla: AZ4702, Neftçala rayonu, Neftçala şəhəri, Vaqif Məmmədov küçəsi 75 ünavından qeydiyyatdan çıxarılması mümkün olmamışdır.Şirvan İnzibati Məhkəməsinin 2-l(120)-2974/2024 saylı xx.xx.2024-cü il tarixli Sərəncamının 2, 3, 4, 5-ci bəndlərinin tələblərinə müvafiq olaraq bildiririk ki, X10 xx.xx.2016-cı ildən, X21 xx.xx.2016-cı ildən, X23 xx.xx.2016-cı ildən, X22 xx.xx.2002- cı ildən, X25 xx.xx.2014-cü ildən və X4 xx.xx.2005-ci ildən ünvan 15 ünvana qeydiyyata alınmasına əsas olan sənədlər Azərbaycan Respublikası DİN-nin müvafiq əmrinə uyğun olaraq məhv edildiyindən (sənədlərin saxlanılma müddəti 5 il olduğundan) həmin sənədlərin surətlərinin məhkəməyə təqdim edilməsi mümkün olmamışdır.Bu məsələ ilə əlaqədar xx.xx.2024-cü il tarixə, saat 15:10-a təyin olunmuş məhkəmə iclasının səlahiyyətli nümyəndəmizin iştirakı olmadan keçirilməsini Sizdən xahiş edirəm.Əlavə olaraq qeyd edirik ki, X10, X21, X23, X22, X25 və X1 şəhəri, 6-cı məhəllə, ev 18-də qeydiyyatdadırlar. Azərbaycan Respublikası Konstitusiyasının 29-cu maddəsinə əsasən hər kəsin mülkiyyət hüququ vardır. Mülkiyyət hüququ, o cümlədən xüsusi müikiyyət hüququ qanunla qorunur. Mülkiyyət hüququ mülkiyyətçinin təkbaşına və ya başqaları ilə birlikdə əmlaka sahib olmaq, əmlakdan istifadə etmək və onun barəsində sərəncam vermək hüquqlarından ibarətdir. Azərbaycan Respublikası Mülki Məcəlləsinin 27-ci maddəsinə əsasən fıziki şəxsin adətən yaşadığı yer onun yaşayış yeri sayılır. Həmin Məcəllənin 152.1-ci maddəsinə əsasən mülkiyyət hüququ - subyektin ona mənsub əmlaka (əşyaya) öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüquqdur. Həmin Məcəllənin 152.5-ci maddəsinə əsasən mülkiyyətçi qanunda və ya müqavilədə müəyyən edilən məhdudiyyətlər nəzərə alınmaqla müəyyənləşdirilmiş hədlərdə əmlaka (əşyaya) sərbəst surətdə sahib ola bilər, ondan istifadə edə bilər və ona dair sərəncam verə bilər, həmin əmlaka başqa şəxslərin sahibliyinə yol verməyə bilər, ona mənsub əmlak barəsində öz mülahizəsi ilə istənilən hərəkətləri edə bilər, bir şərtlə ki, həmin hərəkətlər qonşuların və ya üçüncü şəxslərin hüquqlarını pozmasın, yaxud hüquqdan sui-istifadə olmasın. “Yaşayış yeri və olduğu yer üzrə qeydiyyat haqqında” Azərbaycan Respublikasının Qanununa əsasən şəxsin yaşayış yeri - tam həcmdə fəaliyyət qabiliyyətli şəxsin mülkiyyətçi kimi icarə və ya kirayə müqaviləsi üzrə, yaxud Azərbaycan Respublikasının qanunvericiliyi ilə nəzərdə tutulmuş digər əsaslarla daimi və ya daha çox yaşadığı ev, mənzil, xidməti yaşayış sahəsi, yataqxana, qoca və əlil evləri, sağlamlıq imkanları məhdud uşaqlar üçün internat evləri, xüsusi təhsil müəssisələri və digər bu kimi yaşayış yerləri başa düşülür(maddə 2). Müvafiq icra hakimiyyəti orqanları («müvafiq icra hakimiyyəti orqanları»nın səlahiyyətlərini öz səlahiyyətləri daxilində Azərbaycan Respublikasının Daxili İşlər Nazirliyi və Azərbaycan Respublikasının Dövlət Miqrasiya Xidməti həyata keçirirlər) tərəfindən şəxs yaşayış yeri üzrə qeydiyyatdan bu hallarda çıxarılır: yaşayış yerini dəyişdikdə - yeni yaşayış yeri üzrə qeydiyyata alınması barədə müvafiq icra hakimiyyəti orqanlarının («müvafiq icra hakimiyyəti orqanları»nın səlahiyyətlərini öz səlahiyyətləri daxilində Azərbaycan Respublikasının Daxili İşlər Nazirliyi və Azərbaycan Respublikasının Dövlət Miqrasiya Xidməti həyata keçirirlər) məlumatına əsasən; başqa ölkədə yaşayış yeri seçdikdə - müvafiq icra hakimiyyəti orqanlarının («müvafiq icra hakimiyyəti orqanları»nın səlahiyyətlərini öz səlahiyyətləri daxilində Azərbaycan Respublikasının Xarici İşlər Nazirliyi və Azərbaycan Respublikasının Dövlət Miqrasiya Xidməti həyata keçirirlər) məlumatına əsasən; ömürlük azadlıqdan məhrum edildikdə - məhkəmənin qanuni qüvvəyə minmiş hökmü əsasında; öldükdə və ya məhkəmə qətnaməsi ilə ölmüş elan edildikdə - ölüm aktının qeydə alınması haqqında müvafiq dövlət orqanının məlumatı əsasında; yaşayış sahəsindən çıxarıldıqda və ya yaşayış sahəsindən istifadə hüququna xitam verildikdə - məhkəmənin qanuni qüvvəyə minmiş qətnaməsi əsasında; qeydiyyata alınma üçün əsas olmuş sənədlərin və ya məlumatların həqiqətə uyğun olmadığı və ya qeydiyyat məsələsi həll edilərkən vəzifəli şəxs tərəfindən qanunsuz hərəkətə yol verildiyi aşkar edildikdə - məhkəmənin qanuni qüvvəyə minmiş qərarı əsasında (maddə 9). Məhkəmə müəyyən etdi ki, Neftçala şəhəri, 6-cı məhəllə, ev 18 (yeni qaydalarla: ünvan 2 ünvanında yerləşən fərdi yaşayış evi İddiaçı, X13, X8 və X14 mülkiyyətindədir. İddiaçılar İddiaçı, X26, X17 və X5 rayon Polis şöbəsinə müraciət edərək,Neftçala şəhəri, 6-cı məhəllə, ev 18 (yeni qaydalarla: ünvan 2 ünvanında yerləşən fərdi yaşayış evində qeydiyyatda olan üçüncü şəxslər X21, X25, X7, X22 və onun uşaqları X10 və X9 qeydiyyatdan çıxarılmasını xahiş etmişdir. Bu müraciətlə əlaqədar iddiaçılara cavabdeh tərəfindən imtina edilmiş və məhkəmə orqanına müraciət edilməsi tövsiyə olunmuşdur. Məhkəmə hesab edir ki, iddiaçılar hər hansı hüquqi əsasları mövcud olmayan üçüncü şəxslərin qeydiyyatdan çıxarılmasını tələb etmək hüququna malikdirlər. Belə ki, Azərbaycan Respublikası Neftçala rayon İcra Hakimiyyəti başçısının Neftçala şəhər inzibati ərazi dairəsi üzrə nümayəndəliyinin xx.xx.2024-cü il tarixli, 5-67-1/2-45/2024 nömrəli arayışından müəyyən olunur ki, X21, X25, X7, X22 və onun uşaqları X10 və X23 iddiaçılar İddiaçı, X26, X17 və X24 məxsus Neftçala şəhəri, 6-cı məhəllə, ev 18 (yeni qaydalarla: ünvan 2 ünvanında yaşamır. Göründüyü kimi üçüncü şəxsin iddiaçıya məxsus olan mənzildə yaşamaması və qeydiyyatının formal xarakter daşıması iddiaçının mülkiyyət hüquqlarının məhdudlaşdırılması ilə nəticələnir. Məhkəmə qeyd edir ki, “Yaşayış yeri və olduğu yer üzrə qeydiyyat haqqında” Azərbaycan Respublikası Qanununun “şəxsin yaşayış yeri üzrə qeydiyyatdan çıxarılması” adlı 9-cu maddəsində mülkiyyətçinin və ya əmlak hüququnun sahibinin tələbi əsasında evə münasibətdə hər hansı qanunla qorunan hüquqların sahibi olmayan şəxslərin qeydiyyatdan çıxarılması imkanının nəzərdə tutulmaması məhkəmə qaydasında onların qeydiyyatdan çıxarılmalarına maneə təşkil etməməlidir. Azərbaycan Respublikası Konstitusiya Məhkəməsinin Plenumunun “Yaşayış yeri və olduğu yer üzrə qeydiyyat haqqında” Azərbaycan Respublikası Qanununun 9-cu maddəsinin birinci hissəsinin bəzi müddəalarının şərh edilməsinə dair 24 sentyabr 2020-ci il tarixli Qərarında qeyd edilmişmişdir ki, şəxsin yaşayış yerindən qeydiyyatdan çıxarılması onun üçün hər hansı əlverişsiz hüquqi nəticələr yaratmamaqla yanaşı, yaşayış sahəsi üzrə, ümumiyyətlə qeydiyyatsız qalmalarına da səbəb olmur. Belə ki, həmin şəxslər özlərinin yeni yaşayış yerləri üzrə və ya Azərbaycan Respublikası Nazirlər Kabinetinin 9 aprel 2003-cü il tarixli, 55s nömrəli Sərəncamına uyğun olaraq Azərbaycan Respublikası Daxili İşlər Nazirliyinin şəxsiyyət vəsiqəsi verən müvafiq orqanının ünvanı üzrə qeydiyyata alına bilərlər. Mükiyyətçiyə məxsus yaşayış sahəsinə qeydiyata alınmış, lakin həmin yaşayış sahəsindən istifadə hüququ olmayan və orada faktiki yaşamayan şəxslərin qeydiyyatdan çıxarılması məsələsi ilə əlaqədar Konstitusiya Məhkəməsinin Plenumu qeyd etməyi zəruri hesab edir ki, bu hallarda qeydiyyatda olan şəxslərin mülkiyyətçinin ərizəsi əsasında inzibati orqan tərəfindən qeydiyyatdan çıxarılması məsələsi qanunvericilikdə birmənalı qaydada tənzimlənməsə də, “Yaşayış yeri və olduğu yer üzrə qeydiyyat haqqında” Qanunun 9-cu maddəsinin birinci hissəsinin 1-ci bəndinin mənasına görə bu mümkün hesab edilməlidir. Belə ki, qeyd edilən norma məhz şəxsin yaşayış yerini dəyişdiyi halda müvafiq icra hakimiyyəti orqanının məlumatı əsasında onun əvvəlki yaşayış yeri üzrə qeydiyyatdan çıxarılmasını müəyyən edir. Qanunun bu normasında nəzərdə tutulmuş “şəxsin yaşayış yerini dəyişməsi” ifadəsi “şəxsin həmin yaşayış sahəsində yaşamaması” mənasını da ehtiva edir. Bundan başqa, qeyd olunan Qərarla müəyyən olunmuşdur ki, Azərbaycan Respublikası Mülki Məcəlləsinin 228-ci, Azərbaycan Respublikası Mənzil Məcəlləsinin 30-cu və “Yaşayış yeri və olduğu yer üzrə qeydiyyat haqqında” Azərbaycan Respublikası Qanununun 1-ci maddəsinin mənası baxımından şəxsin yaşayış yeri üzrə qeydiyyatı onun yaşadığı yerin dövlət tərəfindən rəsmi qaydada qeydə alınmasını təmin edən vasitə olmaqla məhdud əşya hüququ mənasında istifadə hüququnu ehtiva etmir. “Yaşayış yeri və olduğu yer üzrə qeydiyyat haqqında” Azərbaycan Respublikası Qanununun 9-cu maddəsinin birinci hissəsinin mənasına görə mülkiyyətçinin ərizəsi əsasında qeydiyyata alınmış, lakin həmin yaşayış sahəsində faktiki yaşamayan və ya istifadə hüququ olmayan şəxsin qeydiyyatına mülkiyyətçinin inzibati orqana müraciəti əsasında xitam verilməlidir. Yaşayış sahəsinə əmlak hüquqları mövcud olmayan şəxslərin mülkiyyətçinin tələbi əsasında qeydiyyatdan çıxarılmasından inzibati orqan tərəfindən imtina edildikdə, məhkəmələr bununla bağlı mübahisələrə inzibati məhkəmə icraatı qaydasında baxaraq şəxsin yaşayış yeri üzrə qeydiyyatdan çıxarılması öhdəliyini həmin orqanın üzərinə qoya bilər. Azərbaycan Respublikasının İnzibati Prosessual Məcəlləsinə əsasən sübutlar məhkəmə tərəfindən tam və hərtərəfli araşdırıldıqdan sonra qiymətləndirilir (maddə 58.7). Məhkəmə qərarı yalnız məhkəmə icraatında tədqiq olunmuş və barələrində proses iştirakçılarının öz mülahizələrini bildirmək imkanına malik olduqları faktlar və sübutlarla əsaslandırılmalıdır (maddə 68.2). Beləliklə, iddia təmin edilməli, üçüncü şəxslər X21, X25, X7, X22 və onun uşaqları X10 və X9 Neftçala şəhəri, 6-cı məhəllə, ev 18 (yeni qaydalarla: ünvan 16 ünvanından qeydiyyatdan çıxarılması öhdəliyi Cavabdeh üzərinə qoyulmalıdır. Azərbaycan Respublikasının İnzibati Prosessual Məcəlləsinin 4.1-ci maddəsinə görə inzibati mübahisəyə baxılması və onun həll edilməsi ilə bağlı məhkəmə qərar qəbul edir. İş üzrə prosessual xərc (məhkəmə xərci)yoxdur. Yuxarıda göstərilənlərə əsasən və Azərbaycan Respublikasının İnzibati Prosessual Məcəlləsinin 23.1-ci, 68-69-cu və 85.1-ci maddələrinin tələblərini rəhbər tutaraq, məhkəmə qərara aldı: İddia təmin edilsin. Üçüncü şəxslər X21, X25, X7, X22 və onun uşaqları X10 və X9 Neftçala şəhəri, 6-cı məhəllə, ev 18 (yeni qaydalarla: ünvan 16 ünvanından qeydiyyatdan çıxarılması öhdəliyi Cavabdeh üzərinə qoyulsun. Qərardan, onun tam formada təqdim olunduğu gündən 30 (otuz) gün müddətində Şirvan İnzibati Məhkəməsi vasitəsi ilə Şirvan Apelyasiya Məhkəməsinə (Şirvan şəhəri, Naxçıvan küçəsi 3) şikayət verilə bilər. Qərardan şikayət verilmədiyivə ya proses iştirakçıları tərəfindən şikayətin geri götürüldüyü halda, qərar onun təqdim olunduğu gündən 30 gün keçdikdən sonra qüvvəyə minir. Hakim Amilya Hüseynova