Azərbaycan Respublikası adından QƏRARDAD Şirvan Şəhəri İş № 2-1(120)-794/2021 21.06.2021 ŞİRVAN İNZİABTİ MƏHKƏMƏSİ hakim İsmayılov Orxan Nadir oğlunun sədrliyi, məhkəmə iclas katibi Nurəlizadə Fuad Vidadi oğlunun katibliyi, cavabdeh Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 6 saylı Beyləqan ərazi idarəsinin nümayəndəsi X4 iştirakı ilə, İddiaçı cavabdeh Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 6 saylı Beyləqan ərazi idarəsinə qarşı İmişli rayonu Bəhrəmtəpə qəsəbəsi icra nümayəndəliyi tərəfindən yaşadığı Bəhrəmtəpə qəsəbəsi 19 nömrəli evin 14 nömrəli mənzilindən istifadə hüququna dair 04.06.2007-ci il tarixli, 8 nömrəli qərarın və 07.01.2013-cü il tarixli, 23 nömrəli orderlə ona verilmiş mənzilin Texniki Pasportunun tərtib edilməsi reyestrdən çıxarışın verilməsi öhdəliyinin cavabdehin üzərinə qoyulması tələbinə dair İddiaçı nümayəndəsi X1 ərizəsinə açıq məhkəmə iclasında baxaraq, Müəyyən etdi: İddiaçı cavabdeh Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 6 saylı Beyləqan ərazi idarəsinə qarşı iddia ərizəsi ilə məhkəməyə müraciət edərək, İmişli rayonu Bəhrəmtəpə qəsəbəsi icra nümayəndəliyi tərəfindən yaşadığı Bəhrəmtəpə qəsəbəsi 19 nömrəli evin 14 nömrəli mənzilindən istifadə hüququna dair 04.06.2007-ci il tarixli, 8 nömrəli qərarın və 07.01.2013cü il tarixli, 23 nömrəli orderlə ona verilmiş mənzilin Texniki Pasportunun tərtib edilməsi reyestrdən çıxarışın verilməsi öhdəliyinin cavabdehin üzərinə qoyulması barədə qətnamə qəbul edilməsini xahiş etmişdir. İddiaçı nümayəndəsi X3 ərizə ilə məhkəməyə müraciət edərək, iddiadan imtina etdiyini bildirmişdir. Məhkəmə iclasında cavabdeh Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 6 saylı Beyləqan ərazi idarəsinin nümayəndəsi X6 iddiaçının iddiadan imtina etdiyini nəzərə alaraq, iş üzrə icraata xitam verilməsinə etiraz etmədiyini bildirdi. İddiaçının nümayəndəsi məhkəməyə ünvanladığı ərizə ilə bağlı məhkəmə qeyd edir ki, nümayəndənin iddia tələblərindən imtina etmək və s. kimi hərəkətləri etməsi mümkündür. Belə ki, iş materiallarında olan 03 may 2021-ci il tarixli, AR-İİ 293912 nömrəli etibarnaməyə əsasən nümayəndə X2 iş üzrə İddiaçı tərəfindən “iddia tələblərindən tam və ya qismən imtina edilməsi” kimi səlahiyyət verilmişdir. Məhkəmə qeyd edir ki, iddiaçının iddiadan imtina etməsi onun cavabdehə qarşı irəli sürdüyü maddi-hüquqi tələbdən və bu tələbin məhkəmədə müdafiəsi hüququndan imtina etməsidir. Məhkəməyə müraciət etmiş şəxsin bilavasitə iradəsinin ifadəsi olduğuna görə, onun öz tələbindən imtina etməsi işin icraatının davam etdirilməsini lüzumsuz edir. Ona görə də qanunvericilik iddiaçının iddiadan imtina etməsini icraata xitam verilməsi əsası kimi nəzərdə tutmuşdur. Həmçinin, məhkəmə qeyd edir ki, iddiadan imtina edilməsi zamanı prosessual qanunvericilik iddiaçıya münasibətdə heç bir məhdudiyyət nəzərdə tutmadığı üçün (İPM-in 55.2-ci maddəsində şifahi məhkəmə baxışında tərəflərin çıxışlarından sonra iddiadan imtina edilməsinə yalnız cavabdehin razılığı ilə yol verilməsi barədə məhdudiyyət mövcuddur) və iddiadan imtina edilməsi hazırki halda cavabdehin iradəsindən asılı olmadığına görə, yəni iddiaçı şifahi məhkəmə baxışına qədər imtina etdiyi üçün imtina qəbul edilməlidir. Azərbaycan Respublikasının İnzibati Prosessual Məcəlləsinin: 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. 55.5-ci maddəsinə görə iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Məhkəmə İddiaçı nümayəndəsi X1 ərizəsinə baxaraq hesab edir ki, ərizə təmin edilməli, iddia tələbindən imtina qəbul edilməli və iş üzrə icraata xitam verilməlidir. Qeyd olunanları və Azərbaycan Respublikası İnzibati Prosessual Məcəlləsinin 55-ci, 80-ci, 83-cü və 85-ci maddələrini rəhbər tutaraq məhkəmə Qərara aldı :
1. İddiaçı cavabdeh Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 6 saylı Beyləqan ərazi idarəsinə qarşı İmişli rayonu Bəhrəmtəpə qəsəbəsi icra nümayəndəliyi tərəfindən yaşadığı Bəhrəmtəpə qəsəbəsi 19 nömrəli evin 14 nömrəli mənzilindən istifadə hüququna dair 04.06.2007-ci il tarixli, 8 nömrəli qərarın və 07.01.2013-cü il tarixli, 23 nömrəli orderlə ona verilmiş mənzilin Texniki Pasportunun tərtib edilməsi reyestrdən çıxarışın verilməsi öhdəliyinin cavabdehin üzərinə qoyulması tələbinə dair iş üzrə icraata xitam verilsin.
2. İzah edilsin ki, iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir.
3. Qərardaddan şikayət verilə bilməz.
Hakim Orxan İsmayılov