Şirvan İnzibati Məhkəməsi Qərardad — İş №2-1(120)-923/2022

Azərbaycan Respublikası adından QƏRARDAD İş № 2-1(120)-923/2022 19.10.2022 ŞİRVAN İNZİBATİ MƏHKƏMƏSİ Hakim Həsənov Samir Firdusi oğlunun sədrliyi, Məhkəmə iclas katibi Hüseynov Bəhram Namiq oğlunun katibliyi ilə, İddiaçı Cavabdehnə qarşı X5, X12, X10, X7, X6, X3, X16, X8, X2, X4 və X1 iddiaçıya məxsus İmişli şəhəri, S.Fətəliyev küçəsi, ev 18 ünvanından qeydiyyatdan çıxarılmaları öhdəliyinin cavabdehin üzərinə qoyulması tələbinə dair inzibati işə Şirvan şəhərində, Şirvan İnzibati Məhkəməsinin inzibati binasında, açıq məhkəmə iclasında baxaraq, Müəyyən etdi: İddiaçı Cavabdehnə qarşı “X5, X12, X10, X7, X6, X3, X16, X8, X2, X4 və X1 iddiaçıya məxsus İmişli şəhəri, S.Fətəliyev küçəsi, ev 18 ünvanından qeydiyyatdan çıxarılmaları öhdəliyinin cavabdehin üzərinə qoyulması” barədə qərar qəbul edilməsini məhkəmədən xahiş etmişdir. Azərbaycan Respublikası İnzibati Prosessual Məcəlləsinin 45.4-cü maddəsinə əsasən iddia ərizəsi məhkəməyə daxil olduğu gündən icraata qəbul edilmiş hesab edilmişdir. Şirvan İnzibati Məhkəməsinin xx.xx.2022-ci il tarixli, 2-1(120)-923/2022 nömrəli qərardadı ilə X5, X12, X10, X7, X6, X3, X16, X8, X2, X4, X1, X11, X9 və X14 iş üzrə üçüncü şəxs qismində inzibati məhkəmə icraatına cəlb edilməsi qərara alınmışdır. İddiaçı, cavabdehin nümayəndəsi və üçüncü şəxslər ilk dəfə xx.xx.2022-ci il tarixə saat 15:30-a məhkəməyə dəvət edilmişlər. Məhkəmənin xx.xx.2022-ci il tarixə saat 15:30-a, xx.xx.2022-ci il tarixə saat 10:30-a və xx.xx.2022-ci il tarixə saat 12:00-a təyin edilmiş iclasları barədə bildiriş məktubları göndərilərək bütün proses iştirakçıları, o cümlədən İddiaçı həmin məhkəmə iclaslarının vaxtı və yeri barədə xəbərdarlıq edilmişdir. Lakin bildiriş məktubunun göndərilməsinə baxmayaraq, İddiaçı məhkəmə iclaslarına gəlməmiş və gəlməməsinin səbəbləri barədə məhkəməyə heç bir məlumat verməmişdir. O cümlədən məhkəmə tərəfindən iddiaçıya məktubla müraciət edilərək, Azərbaycan Respublikası İnzibati Prosessual Məcəlləsinin 55.3-cü maddəsinə əsasən iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddianın geri götürülmüş sayılacağı və belə hallarda da məhkəmənin iddianın geri götürülmüş sayılması barədə qərardad qəbul edəcəyi bildirilmişdir. Həmçinin məhkəmə tərəfindən rəsmi məktublarla iddiaçıya hüquqi yardım olunaraq işə mahiyyəti üzrə baxılması üçün ona məxsus fərdi yaşayış evinə dair hüquqmüəyənedici sənədlərin (qeydiyyat vəsiqəsinin, texniki pasportun) məhkəməyə təqdim edilməsi təklif olunmuşdur. Lakin iddiaçı həmin sənədləri məhkəməyə təqdim etməmiş və məhkəmənin məktublarına münasibət bildirməmidir. Qeyd olunanlara əsasən məhkəmə hesab edir ki, iddiaçı ardıcıl olaraq uzun müddət (30 gündən artıq) məhkəmə icraatından yayındığı üçün iddia geri götürülmüş hesab olunmalıdır. Azərbaycan Respublikasının İnzibati Prosessual Məcəlləsinin 55.3-cü maddəsinə əsasən məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. Həmçinin, iddiaçıya izah olunur ki, iddianın geri götürülmüş hesab olunması iddiaçının yenidən eyni tələblə məhkəməyə müraciət etməsi üçün maneə deyildir. Göstərilənlərə və Azərbaycan Respublikasının İnzibati Prosessual Məcəlləsinin 55-ci və 80-ci maddələrinə əsasən məhkəmə qərara aldı: İddiaçı Cavabdehnə qarşı X5, X12, X10, X7, X6, X3, X16, X8, X2, X4 və X1 iddiaçıya məxsus İmişli şəhəri, S.Fətəliyev küçəsi, ev 18 ünvanından qeydiyyatdan çıxarılmaları öhdəliyinin cavabdehin üzərinə qoyulması tələbinə dair iddiası geri götürülmüş hesab edilsin. İddiaçıya gələcəkdə eyni tərəflər arasında, eyni predmet barəsində və eyni əsaslar üzrə yenidən iddia ilə məhkəməyə müraciət etmək hüququnun olduğu izah olunsun. Qərardaddan, onun rəsmi qaydada verildiyi gündən 10 (on) gün müddətində Şirvan İnzibati Məhkəməsi vasitəsilə Şirvan Apelyasiya Məhkəməsinə (Şirvan şəhəri, Naxçıvan küçəsi 3) şikayət verilə bilər. Hakim Samir Həsənov