Naxçıvan Muxtar Respublikasının İnzibati Məhkəməsi Qərardad — İş №2-1(122)-1032/2023

Azərbaycan Respublikası adından QƏRARDAD Naxçıvan şəhəri İş № 2-1(122)-1032/2023 07.09.2023 NAXÇIVAN MUXTAR RESPUBLİKASININ İNZİBAT MƏHKƏMƏSİ Hakim Muradov Hicran Xasay oğlunun sədrliyi, Əliyev Adəm Qurban oğlunun katibliyi ilə, İddiaçı cavabdeh Şərur Rayon İcra Hakimiyyətinə qarşı “Şərur Rayon İcra Hakimiyyəti tərəfindən 2003-cü ildə qanunsuz olaraq sökülmüş Şərur rayon Vərməziyar kənd ərazisində yerləşən "İzmir" kiçik müəssisəsinə aid çayçı və çörəkbişirmə sexinin yenidən bərpa olunması və ya həmin çayçı və çörəkbişirmə sexinin qanunsuz olaraq sökülməsi nəticəsində ona dəymiş maddi zərərin əvəzinin, ümumilikdə 340000 (üç yüz qırx min) manat maddi zərərin ona ödənilməsi öhdəliyinin cavabdehin üzərinə qoyulması tələbi”nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, m ü ə y y ə n e t d i: İddiaçı iddia ərizəsi ilə məhkəməyə müraciət edərək Şərur Rayon İcra Hakimiyyəti tərəfindən 2003-cü ildə qanunsuz olaraq sökülmüş Şərur rayon Vərməziyar kənd ərazisində yerləşən "İzmir" kiçik müəssisəsinə aid çayçı və çörəkbişirmə sexinin yenidən bərpa olunması və ya həmin çayçı və çörəkbişirmə sexinin qanunsuz olaraq sökülməsi nəticəsində ona dəymiş maddi zərərin əvəzinin, ümumilikdə 340000 (üç yüz qırx min) manat maddi zərərin ona ödənilməsi öhdəliyinin cavabdehin üzərinə qoyulması barədə qərar qəbul edilməsini xahiş etmişdir. Azərbaycan Respublikasının İnzibati Prosessual Məcəlləsinin (bundan sonra – İPM) 45.4-cü maddəsinə əsasən iddia ərizəsi məhkəməyə daxil olduğu gündən icraata qəbul edilmişdir. İddia ərizəsi məhkəmənin icraatına qəbul edildikdən sonra İPM-in 49-cu maddəsinə uyğun olaraq, işin hazırlıq icraatına başlanılmış və hazırlıq icraatı ilə bağlı məhkəmə iclası 07 sentyabr 2023-cü il tarixə təyin edilmişdir. İddiaçı X1 məhkəməyə 22 avqust 2023-cü il tarixli ərizə göndərərək Naxçıvan Muxtar Respublikası İnzibati Məhkəməsində Şərur Rayon İcra Hakimiyyəti tərəfindən 2003-cü ildə qanunsuz olaraq sökülmüş Şərur rayon Vərməziyar kənd ərazisində yerləşən "İzmir" kiçik müəssisəsinə aid çayçı və çörəkbişirmə sexininin yenidən bərpa olunması və ya həmin çayçı və çörəkbişirmə sexinin qanunsuz olaraq sökülməsi nəticəsində ona dəymiş maddi zərərin əvəzinin, ümumilikdə 340000 (üç yüz qırx min) manat maddi zərərin ona ödənilməsi öhdəliyinin cavabdehin üzərinə qoyulması tələbinə dair iddia qaldırdığını, iddia tələbi cavabdeh tərəfindən təmin edildiyindən iddiasından imtina etdiyini, iddiadan imtina etməyinin hüquqi nəticələrinin ona məlum olduğunu bildirib, məhkəmədən iddiadan imtina barədə ərizəni qəbul edib iş üzrə icraata xitam verilməsini xahiş etmişdir. İddiaçı məhkəməyə həmçinin iddia tələbindən imtina barədə 22 avqust 2023-cü il tarixli eyni məzmunlu notarial qaydada təsdiq edilmiş ərizə də göndərmişdir. Məhkəmə iclasının yeri və vaxtı barədə tərəflərə lazımi qaydada məlumat verilməsinə baxmayaraq, onlar heç bir üzrlü səbəb göstərmədən məhkəmə iclasında iştirak etməmişdirlər. Məhkəmə tərəflərin iştirakları olmadan işə baxılmasını mümkün hesab etmişdir. Məhkəmə İddiaçı ərizəsini nəzərdən keçirərək belə qənaətə gəlir ki, iddiaçının ərizəsi təmin edilməli və iş üzrə icraata xitam verilməlidir. Belə ki, Azərbaycan Respublikasının İnzibati Prosessual Məcəlləsinin: - 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. - 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. - 55.5-ci maddəsinə əsasən iddiaçı iddiadan imtina etdikdə və ya məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Beləliklə, məhkəmə hesab edir ki, İddiaçı cavabdeh Şərur Rayon İcra Hakimiyyətinə qarşı “Şərur Rayon İcra Hakimiyyəti tərəfindən 2003-cü ildə qanunsuz olaraq sökülmüş Şərur rayon Vərməziyar kənd ərazisində yerləşən "İzmir" kiçik müəssisəsinə aid çayçı və çörəkbişirmə sexinin yenidən bərpa olunması və ya həmin çayçı və çörəkbişirmə sexinin qanunsuz olaraq sökülməsi nəticəsində ona dəymiş maddi zərərin əvəzinin, ümumilikdə 340000 (üç yüz qırx min) manat maddi zərərin ona ödənilməsi öhdəliyinin cavabdehin üzərinə qoyulması tələbi”nə dair iddiası üzrə İddiaçı 22 avqust 2023-cü il tarixli ərizəsi təmin edilməli və iş üzrə icraata xitam verilməlidir. Yuxarıda qeyd olunanları və İPM-in 55.1, 55.4, 55.5, 80 və 83-cü maddələrini rəhbər tutaraq, məhkəmə q ə r a r a a l d ı: İddiaçı 22 avqust 2023-cü il tarixli ərizəsi təmin edilsin. İddiaçı cavabdeh Şərur Rayon İcra Hakimiyyətinə qarşı “Şərur Rayon İcra Hakimiyyəti tərəfindən 2003-cü ildə qanunsuz olaraq sökülmüş Şərur rayon Vərməziyar kənd ərazisində yerləşən "İzmir" kiçik müəssisəsinə aid çayçı və çörəkbişirmə sexinin yenidən bərpa olunması və ya həmin çayçı və çörəkbişirmə sexinin qanunsuz olaraq sökülməsi nəticəsində ona dəymiş maddi zərərin əvəzinin, ümumilikdə 340000 (üç yüz qırx min) manat maddi zərərin ona ödənilməsi öhdəliyinin cavabdehin üzərinə qoyulması tələbi”nə dair iş üzrə icraata xitam verilsin. Qərardaddan şikayət verilə bilməz. SƏDRLİK EDƏN: HİCRAN MURADOV