Naxçıvan Muxtar Respublikasının İnzibati Məhkəməsi Qərardad — İş №2-1(122)-1035/2024

Azərbaycan Respublikası adından QƏRARDAD Naxçıvan şəhəri İş № 2-1(122)-1035/2024 29.07.2024 NAXÇIVAN MUXTAR RESPUBLİKASININ İNZİBAT MƏHKƏMƏSİ Hakim Muradov Hicran Xasay oğlunun sədrliyi, Məmmədov Kamal Cahangir oğlunun katibliyi, İddiaçı2, iddiaçıların vəkili və nümayəndəsi X3 və cavabdeh Naxçıvan Şəhər İcra Hakimiyyətinin nümayəndəsi X1 iştirakları ilə, iddiaçılar İddiaçı2 və İddiaçı1 oğunun cavabdeh Naxçıvan Şəhər İcra Hakimiyyətinə qarşı “Naxçıvan Şəhər İcra Hakimiyyəti başçısının 693 №-li, 11 dekabr 2009-cu il tarixli ORDER-ilə Naxçıvan şəhəri, Heydər Əliyev prospekti, ev 21, 1-ci blok, 1-ci mərtəbədə, ümumi sahəsi 71,76 kv.m. sahəsi olan yaşadıqları mənzilin Naxçıvan Şəhər İcra Hakimiyyəti tərəfindən özbaşına sökülməsinin qanunsuz hesab edilməsi və sökülmüş mənzilin əvəzinə eyni ərazidə, eyni ölçüdə rəsmi sənədləşdirmə aparılmaqla başqa mənzil sahəsinin verilməsinin cavabdehə həvalə edilməsi tələbi”nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, müəyyənetdi: İddiaçılar İddiaçı2 və İddiaçı1 iddia ərizəsi ilə məhkəməyə müraciət edərək, Naxçıvan Şəhər İcra Hakimiyyəti başçısının 693 №-li, 11 dekabr 2009-cu il tarixli ORDERilə Naxçıvan şəhəri, Heydər Əliyev prospekti, ev 21, 1-ci blok, 1-ci mərtəbədə, ümumi sahəsi 71,76 kv.m. sahəsi olan yaşadıqları mənzilin Naxçıvan Şəhər İcra Hakimiyyəti tərəfindən özbaşına sökülməsinin qanunsuz hesab edilməsi və sökülmüş mənzilin əvəzinə eyni ərazidə, eyni ölçüdə rəsmi sənədləşdirmə aparılmaqla başqa mənzil sahəsinin verilməsinin cavabdeh Naxçıvan Şəhər İcra Hakimiyyətinə həvalə edilməsi barədə qərar qəbul edilməsini xahiş etmişdir. Azərbaycan Respublikası İnzibati Prosessual Məcəlləsinin 45.4-cü maddəsinin tələbinə müvafiq olaraq iddia ərizəsi məhkəməyə daxil olduğu gündən icraata qəbul olunaraq hazırlıq icraatı ilə bağlı məhkəmə iclası 29 iyul 2024-cü il tarixə təyin edilərək, bu barədə tərəflərə məlumat verilmişdir. Məhkəmə iclasının yeri və vaxtı barədə İddiaçı1 və iddiaçının vəkili və nümayəndəsi Vəkil lazımi qaydada məlumat verilməsinə baxmayaraq, onlar heç bir üzrlü səbəb göstərmədən məhkəmə iclasında iştirak etməmişdirlər. Məhkəmə İddiaçı1 və iddiaçının vəkili və nümayəndəsi Vəkil iştirakları olmadan işə baxılmasını mümkün hesab etmişdir. Məhkəmə iclasında iştirak edən İddiaçı2 və iddiaçılar İddiaçı2 və X4 vəkili və nümayəndəsi X5 cavabdeh Naxçıvan Şəhər İcra Hakimiyyətinə qarşı iddia qaldırdıqlarını bildirərək, iddia ərizəsi və ona əlavə edilmiş sənədlərin İddiaçı2 geri qaytarılmasını xahiş etmiş və bu barədə yazdıqları 29 iyul 2024-cü il tarixli ərizəni məhkəməyə təqdim etmişdirlər. Məhkəmə iclasında iştirak edən cavabdeh Naxçıvan Şəhər İcra Hakimiyyətinin nümayəndəsi X2 iddiaçı və iddiaçıların vəkili və nümayəndəsi tərəfindən iddianın geri götürülməsi barədə ərizəyə heç bir etirazının olmadığını bildirmişdir Məhkəmə tərəflərin izahatlarını dinləyərək, iddiaçı və iddiaçıların vəkili və nümayəndəsi tərəfindən verilmiş ərizəni nəzərdən keçirərək belə hesab edir ki, iddia geri götürülmüş sayılmalı və bu əsasla da iş üzrə icraata xitam verilməlidir. Belə ki, iddiaçının və iddiaçıların vəkili və nümayəndəsinin məhkəməyə təqdim etdiyi müraciətdən görünür ki, onlar iddia tələbindən imtina etməməklə ərizənin geri qaytarılması arzusundadır və iddia tələbinə baxılmasını arzu etmirlər. Azərbaycan Respublikasının İnzibati Prosessual Məcəlləsinin: - 15.2-ci maddəsinə əsasən inzibati məhkəmə icraatında tərəflər mübahisəyə baxılmasını bilavasitə özləri tərəfindən, yaxud mediasiya vasitəsilə bağlanılmış barışıq sazişi ilə, iddiaçının iddiadan imtina etməsi ilə, cavabdehin iddianı qəbul etməsi ilə və ya hüquqi mübahisənin nizamlanması barədə müştərək bəyanatla sona çatdıra bilərlər - 55.3-cü maddəsinə əsasən məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. - 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Azərbaycan Respublikası Konstitusiya Məhkəməsi Plenumunun “M.Məmmədovun şikayəti əsasında Azərbaycan Respublikası İnzibati Prosessual Məcəlləsinin 55-ci maddəsinin bəzi müddəalarının Azərbaycan Respublikası Konstitusiyasının 60-cı maddəsinin İ hissəsinə uyğunluğunun yoxlanılmasına dair” 29 aprel 2014-cü il tarixli Qərarında göstərilmişdir ki, icraata xitam verilməsi barədə qərardad iki halda qəbul edilir: iddiaçı iddiadan özü imtina etdikdə və ya iddia məhkəmə tərəfindən geri götürülmüş sayıldıqda. Qərarda həmçinin qeyd olunmuşdur ki, İPM-in 55.3-cü maddəsindəki qərardad (iddianın geri götürülmüş sayılması barədə) və həmin Məcəllənin 55.5-ci maddəsindəki qərardad (icraata xitam verilməsi barədə) iki ayrı-ayrı məsələni həll edir. Qanunverici İPMin 55.5-ci maddəsində yalnız icraata xitam verilməsi barədə qərardaddan şikayətin mümkünsüzlüyünü açıq və aydın müəyyən etdiyi halda, bu qaydanın həmin Məcəllənin 55.3-cü maddəsindəki qərardadla əlaqədar tətbiqini nəzərdə tutmadığından, həmin qayda İPM-in 55.3-cü maddəsi ilə şəxsin məhkəməyə müraciət etmək hüququnu nizamlamır və bu hüququn həcminə təsir etməməlidir. Göründüyü kimi, inzibati prosessual qanunvericilikdə iddia ərizəsinin iddiaçının ərizəsi əsasında geri qaytarılması nəzərdə tutulmasa da, inzibati icraat üzrə iddianın baxılması və icraatın aparılması iddiaçının iradə ifadəsindən asılı edilməklə İPM-in 15-ci maddəsində tərəflərin mübahisəyə baxılmasının sona çatdırılması halları müəyyən edilmişdir. Hazırkı mübahisədə də iddiaçının və iddiaçıların vəkili və nümayəndəsinin ərizəsini nəzərə alaraq məhkəmə belə nəticəyə gəlir ki, iddia geri götürülmüş hesab edilməli və iş üzrə icraata xitam verilməlidir. İddiaçıların və onların vəkili və nümayəndələrinin diqqətinə çatdırılır ki, iddiaçının və iddiaçıların vəkili və nümayəndəsinin ərizəsi əsasında iddia ərizəsi və ona əlavə edilmiş sənədlərin geri qaytarılması və iş üzrə icraata xitam verilməsi ümumi qaydada yenidən məhkəməyə müraciət etmək hüququnu istisna etmir. Yuxarıda qeyd olunanlara əsasən Azərbaycan Respublikasının İnzibati Prosessual Məcəlləsinin 15, 55, 80 və 81-ci maddələrini rəhbər tutaraq, məhkəmə qəraraaldı: İddiaçı2 və iddiaçıların vəkili və nümayəndəsi X5 29 iyul 2024-cü il tarixli ərizəsi təmin edilsin. İddiaçılar İddiaçı2 və İddiaçı1 oğunun cavabdeh Naxçıvan Şəhər İcra Hakimiyyətinə qarşı “Naxçıvan Şəhər İcra Hakimiyyəti başçısının 693 №-li, 11 dekabr 2009-cu il tarixli ORDER-ilə Naxçıvan şəhəri, Heydər Əliyev prospekti, ev 21, 1-ci blok, 1-ci mərtəbədə, ümumi sahəsi 71,76 kv.m. sahəsi olan yaşadıqları mənzilin Naxçıvan Şəhər İcra Hakimiyyəti tərəfindən özbaşına sökülməsinin qanunsuz hesab edilməsi və sökülmüş mənzilin əvəzinə eyni ərazidə, eyni ölçüdə rəsmi sənədləşdirmə aparılmaqla başqa mənzil sahəsinin verilməsinin cavabdehə həvalə edilməsi tələbi”nə dair iddiası geri götürülmüş hesab edilsin və bu əsasla da iş üzrə icraata xitam verilsin. İddia ərizəsi və ona əlavə edilmiş sənədlər İddiaçı2 geri qaytarılsın. Qərardaddan onun rəsmi qaydada təqdim olunduğu (elan olunduğu) vaxtdan 10 gün müddətində Naxçıvan Muxtar Respublikasının İnzibati Məhkəməsi vasitəsi ilə Naxçıvan Muxtar Respublikası Ali Məhkəməsinin İnzibati Kollegiyasına apellyasiya şikayəti verilə bilər. SƏDRLİK EDƏN: HİCRAN MURADOV