Naxçıvan Muxtar Respublikasının İnzibati Məhkəməsi Qərardad — İş №2-1(122)-150/2023

Azərbaycan Respublikası adından QƏRARDAD Naxçıvan şəhəri İş № 2-1(122)-150/2023 10.03.2023 NAXÇIVAN MUXTAR RESPUBLİKASININ İNZİBAT MƏHKƏMƏSİ Hakim Muradov Hicran Xasay oğlunun sədrliyi, Məmmədov Kamal Cahangir oğlunun katibliyi, iddiaçılar İddiaçı1, İddiaçı2 və cavabdeh Kəngərli Rayon İcra Hakimiyyətinin nümayəndəsi X1 iştirakları ilə, iddiaçılar İddiaçı1 və İddiaçı2 cavabdeh Kəngərli Rayon İcra Hakimiyyətinə qarşı “mülkiyyətlərində olan Kəngərli rayonu, Qıvraq qəsəbəsində yerləşmiş 81.0 kv.m. torpaq sahəsində yerləşən 1 mərtəbəli, 70.0 kv.m. ümumi, 70.0 kv.m. əsas, ... kv.m. köməkçi sahədən ibarət qeyri-yaşayış binasının sökülməsi ilə bağlı kompensasiya olaraq 50000 (əlli min) manat pul vəsaitinin ödənilməsi və ya qeyri-yaşayış binasının inşa olunması üçün torpaq sahəsi ilə təmin olunmaları öhdəliyinin cavabdehin üzərinə qoyulması tələbi”nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, müəyyənetdi: İddiaçı1 və İddiaçı2 nümayəndəsi vasitəsilə iddia ərizəsi ilə məhkəməyə müraciət edərək mülkiyyətlərində olan Kəngərli rayonu, Qıvraq qəsəbəsində yerləşmiş 81.0 kv.m. torpaq sahəsində yerləşən 1 mərtəbəli, 70.0 kv.m. ümumi, 70.0 kv.m. əsas, ... kv.m. köməkçi sahədən ibarət qeyri-yaşayış binasının sökülməsi ilə bağlı kompensasiya olaraq 50000 (əlli min) manat pul vəsaitinin ödənilməsi və ya qeyri-yaşayış binasının inşa olunması üçün torpaq sahəsi ilə təmin olunmaları öhdəliyinin cavabdeh Kəngərli Rayon İcra Hakimiyyətinin üzərinə qoyulması barədə qərar qəbul edilməsini xahiş etmişdirlər. Azərbaycan Respublikasının İnzibati Prosessual Məcəlləsinin 45.4-cü maddəsinə əsasən iddia ərizəsi məhkəməyə daxil olduğu gündən icraata qəbul edilmiş və hazırlıq icraatına ilə bağlı məhkəmə iclası 10 mart 2023-cü il tarixə təyin edilərək bu barədə tərəflərə məlumat verilmişdir. İddiaçı2 nümayəndəsi Nümayəndə məhkəmə iclasının yeri və vaxtı barədə lazımi qaydada xəbərdar olunmasına baxmayaraq məhkəmə iclasında iştirak etməmişdir. Odur ki, məhkəmə iddiaçının nümayəndəsinin iştirakı olmadan hazırlıq icraatı ilə bağlı məhkəmə iclasının keçirilməsini mümkün hesab etmişdir Məhkəmə iclasında iddiaçılar İddiaçı1 və İddiaçı2 cavabdeh Kəngərli Rayon İcra Hakimiyyətinə qarşı mülkiyyətlərində olan Kəngərli rayonu, Qıvraq qəsəbəsində yerləşmiş 81.0 kv.m. torpaq sahəsində yerləşən 1 mərtəbəli, 70.0 kv.m. ümumi, 70.0 kv.m. əsas, ... kv.m. köməkçi sahədən ibarət qeyri-yaşayış binasının sökülməsi ilə bağlı kompensasiya olaraq 50000 (əlli min) manat pul vəsaitinin ödənilməsi və ya qeyri-yaşayış binasının inşa olunması üçün torpaq sahəsi ilə təmin olunmaları barədə iddia qaldırdıqlarını bildirərək, iddia ərizəsi və ona əlavə edilmiş sənədlərin İddiaçı1 geri qaytarılmasını xahiş etmiş və bu barədə yazdıqları 10 mart 2023-cü il tarixli ərizəni məhkəməyə təqdim etmişdirlər. Məhkəmə iclasında iştirak edən cavabdeh Kəngərli Rayon İcra Hakimiyyətinin nümayəndəsi X2 iddiaçıların iddia ərizəsi və ona əlavə edilmiş sənədlərin geri qaytarılması barədə vəsatətlərinə heç bir etirazının olmadığını bildirmişdir. Məhkəmə tərəflərin izahatlarını dinləyib, iddiaçılar İddiaçı1 və İddiaçı2 ərizəsini nəzərdən keçirərək belə hesab edir ki, iddia geri götürülmüş sayılmalı və bu əsasla da iş üzrə icraata xitam verilməlidir. Belə ki, iddiaçı tərəfin məhkəməyə təqdim edilmiş müraciətindən görünür ki, onlar iddia tələbindən imtina etməməklə iddia ərizəsinin geri qaytarılması arzusundadırlar və iddia tələbinə baxılmasını arzu etmirlər. Azərbaycan Respublikasının İnzibati Prosessual Məcəlləsinin: - 15.2-ci maddəsinə əsasən inzibati məhkəmə icraatında tərəflər mübahisəyə baxılmasını barışıq sazişi ilə, iddiaçının iddiadan imtina etməsi ilə, cavabdehin iddianı qəbul etməsi ilə və ya hüquqi mübahisənin nizamlanması barədə müştərək bəyanatla sona çatdıra bilərlər. - 55.3-cü maddəsinə əsasən məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. - 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Azərbaycan Respublikası Konstitusiya Məhkəməsi Plenumunun “M.Məmmədovun şikayəti əsasında Azərbaycan Respublikası İnzibati Prosessual Məcəlləsinin 55-ci maddəsinin bəzi müddəalarının Azərbaycan Respublikası Konstitusiyasının 60-cı maddəsinin İ hissəsinə uyğunluğunun yoxlanılmasına dair” 29 aprel 2014-cü il tarixli Qərarında göstərilmişdir ki, icraata xitam verilməsi barədə qərardad iki halda qəbul edilir: iddiaçı iddiadan özü imtina etdikdə və ya iddia məhkəmə tərəfindən geri götürülmüş sayıldıqda. Qərarda həmçinin qeyd olunmuşdur ki, İPM-in 55.3-cü maddəsindəki qərardad (iddianın geri götürülmüş sayılması barədə) və həmin Məcəllənin 55.5-ci maddəsindəki qərardad (icraata xitam verilməsi barədə) iki ayrı-ayrı məsələni həll edir. Qanunverici İPMin 55.5-ci maddəsində yalnız icraata xitam verilməsi barədə qərardaddan şikayətin mümkünsüzlüyünü açıq və aydın müəyyən etdiyi halda, bu qaydanın həmin Məcəllənin 55.3-cü maddəsindəki qərardadla əlaqədar tətbiqini nəzərdə tutmadığından, həmin qayda İPM-in 55.3-cü maddəsi ilə şəxsin məhkəməyə müraciət etmək hüququnu nizamlamır və bu hüququn həcminə təsir etməməlidir. Göründüyü kimi, inzibati prosessual qanunvericilikdə iddia ərizəsinin iddiaçının ərizəsi əsasında geri qaytarılması nəzərdə tutulmasa da, inzibati icraat üzrə iddianın baxılması və icraatın aparılması iddiaçının iradə ifadəsindən asılı edilməklə İPM-in 15-ci maddəsində tərəflərin mübahisəyə baxılmasının sona çatdırılması halları müəyyən edilmişdir. Hazırkı mübahisədə də iddiaçıların ərizəsini nəzərə alaraq məhkəmə belə nəticəyə gəlir ki, iddia geri götürülmüş hesab edilməli və iş üzrə icraata xitam verilməlidir. İddiaçıların və iddiaçının nümayəndəsinin diqqətinə çatdırılır ki, iddiaçıların ərizəsi əsasında iddia ərizəsi və ona əlavə edilmiş sənədlərin geri qaytarılması və iş üzrə icraata xitam verilməsi ümumi qaydada yenidən məhkəməyə müraciət etmək hüququnu istisna etmir. Yuxarıda qeyd olunanlara əsasən Azərbaycan Respublikasının İnzibati Prosessual Məcəlləsinin 15, 55, 80 və 81-ci maddələrini rəhbər tutaraq, məhkəmə qəraraaldı: İddiaçılar İddiaçı1 və İddiaçı2 10 mart 2023-cü il tarixli ərizəsi təmin edilsin. İddiaçılar İddiaçı1 və İddiaçı2 cavabdeh Kəngərli Rayon İcra Hakimiyyətinə qarşı “mülkiyyətlərində olan Kəngərli rayonu, Qıvraq qəsəbəsində yerləşmiş 81.0 kv.m. torpaq sahəsində yerləşən 1 mərtəbəli, 70.0 kv.m. ümumi, 70.0 kv.m. əsas, ... kv.m. köməkçi sahədən ibarət qeyri-yaşayış binasının sökülməsi ilə bağlı kompensasiya olaraq 50000 (əlli min) manat pul vəsaitinin ödənilməsi və ya qeyri-yaşayış binasının inşa olunması üçün torpaq sahəsi ilə təmin olunmaları öhdəliyinin cavabdehin üzərinə qoyulması tələbi” barədə iddiası geri götürülmüş hesab edilsin və bu əsasla da iş üzrə icraata xitam verilsin. İddia ərizəsi və ona əlavə edilmiş sənədlər İddiaçı1 geri qaytarılsın. Qərardaddan onun rəsmi qaydada təqdim olunduğu (elan olunduğu) vaxtdan 10 gün müddətində Naxçıvan Muxtar Respublikasının İnzibati Məhkəməsi vasitəsi ilə Naxçıvan Muxtar Respublikası Ali Məhkəməsinin İnzibati Kollegiyasına apellyasiya şikayəti verilə bilər. SƏDRLİK EDƏN: HİCRAN MURADOV