Naxçıvan Muxtar Respublikasının İnzibati Məhkəməsi Qərardad — İş №2-1(122)-333/2023

Azərbaycan Respublikası adından QƏRARDAD Naxçıvan şəhəri İş № 2-1(122)-333/2023 08.08.2023 NAXÇIVAN MUXTAR RESPUBLİKASININ İNZİBAT MƏHKƏMƏSİ Hakim Muradov Hicran Xasay oğlunun sədrliyi, Əliyev Adəm Qurban oğlunun katibliyi ilə, İddiaçı cavabdeh Şərur Rayon İcra Hakimiyyətinə qarşı “Şərur rayon Dəmiryolu ərazisində, Nizami küçəsində avtovağzalla üz-üzə, Şərur-Naxçıvan avtomobil yolunun sol tərəfində, platformaya qalxan İİİ pilləkən ilə yük anbarı arasında 20 kv.metr sahədə tikilmiş mağaza binasının yenidən bərpa olunması və ya binanın sökülməsi nəticəsində ona dəymiş zərərin əvəzinin, binanın tikilməsinə çəkilmiş xərc olaraq 10000 (on min) manat, həmin binanın bu günə bazar qiyməti ilə dəyərinin fərqini 40000 (qırx min) manat, cəmi 50000 (əlli min) manat, on səkkiz il ərzində qazanacağı məbləğ olaraq əldən çıxmış fayda qismində 172000 (bir yüz yetmiş iki min) manat, ümumilikdə 222800 (iki yüz iyirmi iki min səkkiz yüz) manat maddi zərərin alınaraq ona ödənilməsi öhdəliyinin cavabdehin üzərinə qoyulması tələbi"nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, m ü ə y y ə n e t d i: İddiaçı iddia ərizəsi ilə məhkəməyə müraciət edərək, Şərur rayon Dəmiryolu ərazisində, Nizami küçəsində avtovağzalla üz-üzə, Şərur-Naxçıvan avtomobil yolunun sol tərəfində, platformaya qalxan İİİ pilləkən ilə yük anbarı arasında 20 kv.metr sahədə tikilmiş mağaza binasının yenidən bərpa olunması və ya binanın sökülməsi nəticəsində ona dəymiş zərərin əvəzinin, binanın tikilməsinə çəkilmiş xərc olaraq 10000 (on min) manat, həmin binanın bu günə bazar qiyməti ilə dəyərinin fərqini 40000 (qırx min) manat, cəmi 50000 (əlli min) manat, on səkkiz il ərzində qazanacağı məbləğ olaraq əldən çıxmış fayda qismində 172000 (bir yüz yetmiş iki min) manat, ümumilikdə 222800 (iki yüz iyirmi iki min səkkiz yüz) manat maddi zərərin alınaraq ona ödənilməsi öhdəliyinin cavabdeh Şərur Rayon İcra Hakimiyyətinin üzərinə qoyulması barədə qərar qəbul edilməsini xahiş etmişdir. Azərbaycan Respublikasının İnzibati Prosessual Məcəlləsinin (bundan sonra – İPM) 45.4-cü maddəsinə əsasən iddia ərizəsi məhkəməyə daxil olduğu gündən icraata qəbul edilmişdir. İddia ərizəsi məhkəmənin icraatına qəbul edildikdən sonra İPM-in 49-cu maddəsinə uyğun olaraq, işin hazırlıq icraatına başlanılmış və hazırlıq icraatı ilə bağlı məhkəmə iclası 08 avqust 2023-cü il tarixə təyin edilmişdir. Hazırlıq icraatı ilə bağlı məhkəmə iclasının yeri və vaxtı barədə lazımi qaydada xəbərdar edilməsinə baxmayaraq, iş üzrə İddiaçı və cavabdeh Şərur Rayon İcra Hakimiyyətinin nümayəndəsi heç bir üzrlü səbəb göstərmədən məhkəmə iclasında iştirak etməmişdirlər. Odur ki, məhkəmə iddiaçının və cavabdehin nümayəndəsinin iştirakları olmadan məhkəmə iclasının keçirilməsini mümkün hesab etmişdir. İddiaçı tərəfindən dəftərxana vasitəsi ilə məhkəməyə daxil olmuş 02 avqust 2023-cü il tarixli ərizədən görünür ki, İddiaçı cavabdeh Şərur Rayon İcra Hakimiyyətinə qarşı iddia ərizəsi ilə məhkəməyə müraciət edərək, Şərur rayon Dəmiryolu ərazisində, Nizami küçəsində avtovağzalla üz-üzə, Şərur-Naxçıvan avtomobil yolunun sol tərəfində, platformaya qalxan İİİ pilləkən ilə yük anbarı arasında 20 kv.metr sahədə tikilmiş mağaza binasının yenidən bərpa olunması və ya binanın sökülməsi nəticəsində ona dəymiş zərərin əvəzinin, binanın tikilməsinə çəkilmiş xərc olaraq 10000 (on min) manat, həmin binanın bu günə bazar qiyməti ilə dəyərinin fərqini 40000 (qırx min) manat, cəmi 50000 (əlli min) manat, on səkkiz il ərzində qazanacağı məbləğ olaraq əldən çıxmış fayda qismində 172000 (bir yüz yetmiş iki min) manat, ümumilikdə 222800 (iki yüz iyirmi iki min səkkiz yüz) manat maddi zərərin alınaraq ona ödənilməsi öhdəliyinin cavabdeh Şərur Rayon İcra Hakimiyyətinin üzərinə qoyulması barədə iddia qaldırdığını, tələbinin cavabdeh tərəfindən təmin edildiyindən iddia tələbindən imtina etdiyini və iddiadan imtina etməyinin hüquqi nəticələrinin ona məlum olduğunu bildirərək, iş üzrə icraata xitam verilməsini xahiş etmişdir. Məhkəmə iddiaçının 02 avqust 2023-cü il tarixli ərizəsini nəzərdən keçirərək belə qənaətə gəlir ki, iddiaçının ərizəsi təmin edilməli və iş üzrə icraata xitam verilməlidir. Belə ki, Azərbaycan Respublikasının İnzibati Prosessual Məcəlləsinin: - 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. - 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. - 55.5-ci maddəsinə əsasən iddiaçı iddiadan imtina etdikdə və ya məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Beləliklə, məhkəmə hesab edir ki, İddiaçı cavabdeh Şərur Rayon İcra Hakimiyyətinə qarşı “Şərur rayon Dəmiryolu ərazisində, Nizami küçəsində avtovağzalla üz-üzə, Şərur- Naxçıvan avtomobil yolunun sol tərəfində, platformaya qalxan İİİ pilləkən ilə yük anbarı arasında 20 kv.metr sahədə tikilmiş mağaza binasının yenidən bərpa olunması və ya binanın sökülməsi nəticəsində ona dəymiş zərərin əvəzinin, binanın tikilməsinə çəkilmiş xərc olaraq 10000 (on min) manat, həmin binanın bu günə bazar qiyməti ilə dəyərinin fərqini 40000 (qırx min) manat, cəmi 50000 (əlli min) manat, on səkkiz il ərzində qazanacağı məbləğ olaraq əldən çıxmış fayda qismində 172000 (bir yüz yetmiş iki min) manat, ümumilikdə 222800 (iki yüz iyirmi iki min səkkiz yüz) manat maddi zərərin alınaraq ona ödənilməsi öhdəliyinin cavabdehin üzərinə qoyulması tələbi"nə dair iddiası üzrə İddiaçı 02 avqust 2023-cü il tarixli ərizəsi təmin edilməli və iş üzrə icraata xitam verilməlidir. Yuxarıda qeyd olunanlara əsasən və İPM-in 55.1, 55.4, 55.5, 80 və 83-cü maddələrini rəhbər tutaraq, məhkəmə q ə r a r a a l d ı: İddiaçı 02 avqust 2023-cü il tarixli ərizəsi təmin edilsin. İddiaçı cavabdeh Şərur Rayon İcra Hakimiyyətinə qarşı “Şərur rayon Dəmiryolu ərazisində, Nizami küçəsində avtovağzalla üz-üzə, Şərur-Naxçıvan avtomobil yolunun sol tərəfində, platformaya qalxan İİİ pilləkən ilə yük anbarı arasında 20 kv.metr sahədə tikilmiş mağaza binasının yenidən bərpa olunması və ya binanın sökülməsi nəticəsində ona dəymiş zərərin əvəzinin, binanın tikilməsinə çəkilmiş xərc olaraq 10000 (on min) manat, həmin binanın bu günə bazar qiyməti ilə dəyərinin fərqini 40000 (qırx min) manat, cəmi 50000 (əlli min) manat, on səkkiz il ərzində qazanacağı məbləğ olaraq əldən çıxmış fayda qismində 172000 (bir yüz yetmiş iki min) manat, ümumilikdə 222800 (iki yüz iyirmi iki min səkkiz yüz) manat maddi zərərin alınaraq ona ödənilməsi öhdəliyinin cavabdehin üzərinə qoyulması tələbi"nə dair iş üzrə icraata xitam verilsin. Qərardaddan şikayət verilə bilməz. SƏDRLİK EDƏN: HİCRAN MURADOV