Naxçıvan Muxtar Respublikasının İnzibati Məhkəməsi Qərardad — İş №2-1(122)-367/2024

Azərbaycan Respublikası adından QƏRARDAD Naxçıvan şəhəri İş № 2-1(122)-367/2024 07.03.2024 NAXÇIVAN MUXTAR RESPUBLİKASININ İNZİBAT MƏHKƏMƏSİ Hakim Əliyev Tural Yusif oğlunun sədrliyi, İbrahimova Səbinə Adələt qızının katibliyi ilə, İddiaçı cavabdeh Babək Rayon İcra Hakimiyyətinə qarşı "mülkiyyətində olan X1 ərazisinin qərb hissəsində 18 kv. metr torpaq sahəsində yerləşən çayçı-bufet binasının qanunsuz sökülməsi əvəzində ona həmin torpaq sahəsinin geri qaytarılması və ya X1 ərazisinin qərb hissəsində 18 kv. metr torpaq sahəsində yerləşən çayçı-bufet binasının sökülməsi əvəzində kompensasiya ödənilməsi öhdəlı̇ yı̇ nı̇ n cavabdehı̇ n üzərı̇ nə qoyulması tələbi”nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, müəyyənetdi: İddiaçı mülkiyyətində olan X1 ərazisinin qərb hissəsində 18 kv. metr torpaq sahəsində yerləşən çayçı-bufet binasının qanunsuz sökülməsi əvəzində ona həmin torpaq sahəsinin geri qaytarılması və ya X1 ərazisinin qərb hissəsində 18 kv. metr torpaq sahəsində yerləşən çayçı-bufet binasının sökülməsi əvəzində kompensasiya ödənilməsi öhdəlı̇ yı̇ nı̇ n cavabdeh Babək Rayon İcra Hakimiyyətinı̇ n üzərı̇ nə qoyulması tələbini irəli sürərək iddia ərizəsi ilə Naxçıvan Muxtar Respublikası İnzibati Məhkəməsinə müraciət etmişdir. Azərbaycan Respublikasının İnzibati Prosessual Məcəlləsinin 45.4-cü maddəsinə müvafiq olaraq inzibati iş məhkəməyə daxil olduğu gündən icraata qəbul edilmiş və hazırlıq icraatı ilə bağlı məhkəmə iclası 07 mart 2024-cü il tarixə təyin edilmişdir. İddiaçı məhkəməyə dəftərxana vasitəsilə daxil olmuş 05 fevral 2024-cü il tarixli notarial qaydada təsdiq edilmiş ərizə göndərərək Naxçıvan Muxtar Respublikası İnzibati Məhkəməsində 2-1(122)-367/2024 nömrəli iş üzrə cavabdeh Babək Rayon İcra Hakimiyyətinə qarşı X1 ərazisinin qərb hissəsində 18 kv. metr torpaq sahəsində yerləşən çayçı-bufet binasının qanunsuz sökülməsi əvəzində ona həmin torpaq sahəsinin geri qaytarılması ilə bağlı kompensasiya ödənilməsi öhdəlı̇ yı̇ nı̇ n cavabdehı̇ n üzərı̇ nə qoyulması tələbinə dair iddia qaldırdığını, cavabdeh tərəfindən xüsusi mülkiyyətində mağaza açmaq üçün şərait yaradıldığından iddiasından imtina etdiyini, iddiadan imtina etməyinin hüquqi nəticələrinin ona məlum olduğunu bildirib, məhkəmədən iddiadan imtina barədə ərizəni qəbul edib iş üzrə icraata xitam verilməsini xahiş etmişdir. Məhkəmə iclasının yeri və vaxtı barədə tərəflərə lazımi qaydada məlumat verilməsinə baxmayaraq, tərəflər heç bir üzrlü səbəb göstərmədən məhkəmə iclasında iştirak etməmişdirlər. Məhkəmə tərəflərin iştirakları olmadan işə baxılmasını mümkün hesab etmişdir. Məhkəmə iddiaçının ərizəsini nəzərdən keçirərək belə nəticəyə gəlir ki, iddiaçının ərizəsi aşağıda qeyd edilən normaların tələblərinə uyğun olduğundan iş üzrə icraata xitam verilməlidir. Azərbaycan Respublikası İnzibati Prosessual Məcəlləsinin: 15.2-ci maddəsinə əsasən inzibati məhkəmə icraatında tərəflər mübahisəyə baxılmasını bilavasitə özləri tərəfindən, yaxud mediasiya vasitəsilə bağlanılmış barışıq sazişi ilə, iddiaçının iddiadan imtina etməsi ilə, cavabdehin iddianı qəbul etməsi ilə və ya hüquqi mübahisənin nizamlanması barədə müştərək bəyanatla sona çatdıra bilərlər. 50.0 və 50.0.2-ci maddələrinə əsasən sədrlik edən hakim mübahisə ilə bağlı iş üzrə hazırlıq icraatında iddiaçının iddiadan imtina etməsi və ya cavabdehin iddianı qəbul etməsi barədə məsələləri həll edir və bu barədə müvafiq qərardad qəbul edir. 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Beləliklə, məhkəmə hesab edir ki, İddiaçı cavabdeh Babək Rayon İcra Hakimiyyətinə qarşı "mülkiyyətində olan X1 ərazisinin qərb hissəsində 18 kv. metr torpaq sahəsində yerləşən çayçı-bufet binasının qanunsuz sökülməsi əvəzində ona həmin torpaq sahəsinin geri qaytarılması və ya X1 ərazisinin qərb hissəsində 18 kv. metr torpaq sahəsində yerləşən çayçı-bufet binasının sökülməsi əvəzində kompensasiya ödənilməsi öhdəlı̇ yı̇ nı̇ n cavabdehı̇ n üzərı̇ nə qoyulması tələbi”nə dair iş üzrə İddiaçı ərizəsi təmin edilməli və inzibati iş üzrə icraata xitam verilməlidir. Göstərilənləri nəzərə alaraq və Azərbaycan Respublikası İnzibati Prosessual Məcəlləsinin 55.1, 55.4, 55.5, 80, 83.1-ci maddələrini rəhbər tutaraq, məhkəmə qəraraaldı: İddiaçı ərizəsi təmin edilsin. İddiaçı cavabdeh Babək Rayon İcra Hakimiyyətinə qarşı "mülkiyyətində olan X1 ərazisinin qərb hissəsində 18 kv. metr torpaq sahəsində yerləşən çayçı-bufet binasının qanunsuz sökülməsi əvəzində ona həmin torpaq sahəsinin geri qaytarılması və ya X1 ərazisinin qərb hissəsində 18 kv. metr torpaq sahəsində yerləşən çayçı-bufet binasının sökülməsi əvəzində kompensasiya ödənilməsi öhdəlı̇ yı̇ nı̇ n cavabdehı̇ n üzərı̇ nə qoyulması tələbi”nə dair inzibati iş üzrə icraata xitam verilsin. İddiaçıya izah olunsun ki, iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. Qərardaddan şikayət verilə bilməz. Hakim: Tural Əliyev