Naxçıvan Muxtar Respublikasının İnzibati Məhkəməsi Qərardad — İş №2-1(122)-423/2023

Azərbaycan Respublikası adından QƏRARDAD Naxçıvan şəhəri İş № 2-1(122)-423/2023 31.08.2023 NAXÇIVAN MUXTAR RESPUBLİKASININ İNZİBAT MƏHKƏMƏSİ Hakim Muradov Hicran Xasay oğlunun sədrliyi, Əliyev Adəm Qurban oğlunun katibliyi, İddiaçı cavabdeh Şərur Rayon İcra Hakimiyyətinə qarşı “mərhum X1 mülkiyyətində olmuş X3 X4 rayon gəc sexinin yerləşdiyi torpaq sahəsinin geri qaytarılmasını və üzərində tikilmiş ümumi sahəsi 78 m2 bina-1 ədəd, daş əzən-1 ədəd, elektrik mühərriki-1 ədəd, gəc kürəsi-2 ədəd, əhəng kürəsi-2 ədəd, transformator-1 ədəd, avtomobil-1 ədəd və 2 ədəd buldozer cavabdehin qanunsuz göstərişi əsasında ondan zorla alınaraq məhv edilmiş əmlak üçün 80000 (səksən min) manat məbləğində kompensasiya ödənilməsi tələbi”nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, m ü ə y y ə n e t d i: İddiaçı cavabdeh Şərur Rayon İcra Hakimiyyətinə qarşı iddia ərizəsi ilə məhkəməyə müraciət edərək, mərhum X1 mülkiyyətində olmuş X3 X4 rayon gəc sexinin yerləşdiyi torpaq sahəsinin geri qaytarılmasını və üzərində tikilmiş ümumi sahəsi 78 m2 bina-1 ədəd, daş əzən-1 ədəd, elektrik mühərriki-1 ədəd, gəc kürəsi-2 ədəd, əhəng kürəsi-2 ədəd, transformator-1 ədəd, avtomobil-1 ədəd və 2 ədəd buldozer cavabdehin qanunsuz göstərişi əsasında ondan zorla alınaraq məhv edilmiş əmlak üçün 80000 (səksən min) manat məbləğində kompensasiya ödənilməsi barədə qərar qəbul edilməsini xahiş etmişdir. Azərbaycan Respublikasının İnzibati Prosessual Məcəlləsinin (bundan sonra – İPM) 45.4cü maddəsinə əsasən iddia ərizəsi məhkəməyə daxil olduğu gündən icraata qəbul edilmişdir. İddia ərizəsi məhkəmənin icraatına qəbul edildikdən sonra İPM-in 49-cu maddəsinə uyğun olaraq, işin hazırlıq icraatına başlanılmış və hazırlıq icraatı ilə bağlı məhkəmə iclası 31 avqust 2023-cü il tarixə təyin edilmişdir. Hazırlıq icraatı ilə bağlı məhkəmə iclasının yeri və vaxtı barədə lazımi qaydada xəbərdar edilməsinə baxmayaraq, iş üzrə İddiaçı və cavabdeh Şərur Rayon İcra Hakimiyyətinin nümayəndəsi heç bir üzrlü səbəb göstərmədən məhkəmə iclasında iştirak etməmişdirlər. Odur ki, məhkəmə iddiaçının və cavabdehin nümayəndəsinin iştirakları olmadan məhkəmə iclasının keçirilməsini mümkün hesab etmişdir. İddiaçı tərəfindən dəftərxana vasitəsi ilə məhkəməyə elektron qaydada daxil olmuş 03 avqust 2023-cü il tarixli ərizəsindən görünür ki, İddiaçı mərhum X1 mülkiyyətində olmuş X3 X4 rayon gəc sexinin yerləşdiyi torpaq sahəsinin geri qaytarılmasını və üzərində tikilmiş ümumi sahəsi 78 m2 bina-1 ədəd, daş əzən-1 ədəd, elektrik mühərriki-1 ədəd, gəc kürəsi-2 ədəd, əhəng kürəsi-2 ədəd, transformator-1 ədəd, avtomobil-1 ədəd və 2 ədəd buldozer cavabdehin qanunsuz göstərişi əsasında ondan zorla alınaraq məhv edilmiş əmlak üçün 80000 (səksən min) manat məbləğində kompensasiya ödənilməsi barədə iddia qaldırdığını, iddia tələbinin cavabdeh tərəfindən təmin edildiyindən iddiadan imtina etdiyini, məhkəmədən iddiadan imtina barədə ərizəsini qəbul edib, iş üzrə icraata xitam verilməsini xahiş etdiyini, iddiadan imtina etməyinin hüquqi nəticələrinin ona məlum olduğunu bildirmişdir. Məhkəmə iddiaçının 03 avqust 2023-cü il tarixli ərizəsini nəzərdən keçirərək belə qənaətə gəlir ki, iddiaçının ərizəsi təmin edilməli və iş üzrə icraata xitam verilməlidir. Belə ki, Azərbaycan Respublikasının İnzibati Prosessual Məcəlləsinin: - 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. - 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. - 55.5-ci maddəsinə əsasən iddiaçı iddiadan imtina etdikdə və ya məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Beləliklə, məhkəmə hesab edir ki, İddiaçı cavabdeh Şərur Rayon İcra Hakimiyyətinə qarşı “mərhum X1 mülkiyyətində olmuş X3 X4 rayon gəc sexinin yerləşdiyi torpaq sahəsinin geri qaytarılmasını və üzərində tikilmiş ümumi sahəsi 78 m2 bina-1 ədəd, daş əzən-1 ədəd, elektrik mühərriki-1 ədəd, gəc kürəsi-2 ədəd, əhəng kürəsi-2 ədəd, transformator-1 ədəd, avtomobil-1 ədəd və 2 ədəd buldozer cavabdehin qanunsuz göstərişi əsasında ondan zorla alınaraq məhv edilmiş əmlak üçün 80000 (səksən min) manat məbləğində kompensasiya ödənilməsi tələbi”nə dair iddiası üzrə İddiaçı 03 avqust 2023-cü il tarixli ərizəsi təmin edilməli və iş üzrə icraata xitam verilməlidir. Yuxarıda qeyd olunanlara əsasən və İPM-in 55.1, 55.4, 55.5, 80 və 83-cü maddələrini rəhbər tutaraq, məhkəmə q ə r a r a a l d ı: İddiaçı 03 avqust 2023-cü il tarixli ərizəsi təmin edilsin. İddiaçı cavabdeh Şərur Rayon İcra Hakimiyyətinə qarşı “mərhum X1 mülkiyyətində olmuş X3 X4 rayon gəc sexinin yerləşdiyi torpaq sahəsinin geri qaytarılmasını və üzərində tikilmiş ümumi sahəsi 78 m2 bina-1 ədəd, daş əzən-1 ədəd, elektrik mühərriki-1 ədəd, gəc kürəsi-2 ədəd, əhəng kürəsi-2 ədəd, transformator-1 ədəd, avtomobil-1 ədəd və 2 ədəd buldozer cavabdehin qanunsuz göstərişi əsasında ondan zorla alınaraq məhv edilmiş əmlak üçün 80000 (səksən min) manat məbləğində kompensasiya ödənilməsi tələbi”nə dair iş üzrə icraata xitam verilsin. Qərardaddan şikayət verilə bilməz. SƏDRLİK EDƏN: HİCRAN MURADOV