Naxçıvan Muxtar Respublikasının İnzibati Məhkəməsi Qərardad — İş №2-1(122)-488/2023

Azərbaycan Respublikası adından QƏRARDAD Naxçıvan şəhəri İş № 2-1(122)-488/2023 07.08.2023 NAXÇIVAN MUXTAR RESPUBLİKASININ İNZİBAT MƏHKƏMƏSİ X1 Heydər oğlunun sədrliyi, İbrahimova Səbinə Adələt qızının katibliyi ilə, İddiaçı cavabdeh Sədərək Rayon İcra Hakimiyyətinə qarşı "cavabdehdən onun mülkiyyətində olan Sədərək kənd mərkəzində yerləşmiş 21 m2 ərzaq mağazasının qanunsuz sökülməsi ilə əlaqədar ona vurulan zərərin dəyərinə uyğun əvəzləşdirilməsi və ya kompensasiya edilməsinə görə 25000 (iyirmi beş min) manat, sökülən gündən məhkəmə qərarı çıxan günədək əldənçıxmış fayda qismində 20000 (iyirmi min) manat ödənilməsi və mənəvi-psixoloji ziyana görə cavabdehdən 20000 (iyirmi min) manat olmaqla, cəmi 65000 (altımış beş min) manat pulun ona ödənilməsi tələbi”nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, müəyyənetdi: İddiaçı iddia ərizəsi ilə məhkəməyə müraciət edərək cavabdeh Sədərək Rayon İcra Hakimiyyətindən onun mülkiyyətində olan Sədərək kənd mərkəzində yerləşmiş 21 m2 ərzaq mağazasının qanunsuz sökülməsi ilə əlaqədar ona vurulan zərərin dəyərinə uyğun əvəzləşdirilməsi və ya kompensasiya edilməsinə görə 25000 (iyirmi beş min) manat, sökülən gündən məhkəmə qərarı çıxan günədək əldənçıxmış fayda qismində 20000 (iyirmi min) manat ödənilməsi və mənəvi-psixoloji ziyana görə cavabdehdən 20000 (iyirmi min) manat olmaqla, cəmi 65000 (altımış beş min) manat pulun ona ödənilməsi barədə qərar qəbul edilməsini xahiş etmişdir. Azərbaycan Respublikasının İnzibati Prosessual Məcəlləsinin 45.4-cü maddəsinə müvafiq olaraq inzibati iş məhkəməyə daxil olduğu gündən icraata qəbul edilmiş və hazırlıq icraatı ilə bağlı məhkəmə iclası 07 avqust 2023-cü il tarixə təyin edilmişdir. İddiaçı məhkəmənin elektron ünvanına 02 avqust 2023-cü il tarixli ərizə göndərərək 2-1(122)-488/2023 nömrəli inzibati iş üzrə iddiasından imtina etdiyini bildirib, nəzərə alınmasını xahiş etmişdir. Məhkəmə iclasının yeri və vaxtı barədə tərəflərə lazımi qaydada məlumat verilməsinə baxmayaraq, onlar heç bir üzrlü səbəb göstərmədən məhkəmə iclasında iştirak etməmişdirlər. Məhkəmə tərəflərin iştirakları olmadan işə baxılmasını mümkün hesab etmişdir. Məhkəmə iddiaçının ərizəsini nəzərdən keçirərək belə nəticəyə gəlir ki, iddiaçının ərizəsi aşağıda qeyd edilən normaların tələblərinə uyğun olduğundan iş üzrə icraata xitam verilməlidir. Azərbaycan Respublikası İnzibati Prosessual Məcəlləsinin: 15.2-ci maddəsinə əsasən inzibati məhkəmə icraatında tərəflər mübahisəyə baxılmasını bilavasitə özləri tərəfindən, yaxud mediasiya vasitəsilə bağlanılmış barışıq sazişi ilə, iddiaçının iddiadan imtina etməsi ilə, cavabdehin iddianı qəbul etməsi ilə və ya hüquqi mübahisənin nizamlanması barədə müştərək bəyanatla sona çatdıra bilərlər. 50.0 və 50.0.2-ci maddələrinə əsasən sədrlik edən hakim mübahisə ilə bağlı iş üzrə hazırlıq icraatında iddiaçının iddiadan imtina etməsi və ya cavabdehin iddianı qəbul etməsi barədə məsələləri həll edir və bu barədə müvafiq qərardad qəbul edir. 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Beləliklə, məhkəmə hesab edir ki, İddiaçı cavabdeh Sədərək Rayon İcra Hakimiyyətinə qarşı "cavabdehdən onun mülkiyyətində olan Sədərək kənd mərkəzində yerləşmiş 21 m2 ərzaq mağazasının qanunsuz sökülməsi ilə əlaqədar ona vurulan zərərin dəyərinə uyğun əvəzləşdirilməsi və ya kompensasiya edilməsinə görə 25000 (iyirmi beş min) manat, sökülən gündən məhkəmə qərarı çıxan günədək əldənçıxmış fayda qismində 20000 (iyirmi min) manat ödənilməsi və mənəvi-psixoloji ziyana görə cavabdehdən 20000 (iyirmi min) manat olmaqla, cəmi 65000 (altımış beş min) manat pulun ona ödənilməsi tələbi”nə dair iş üzrə İddiaçı ərizəsi təmin edilməli və inzibati işin icraatına xitam verilməlidir. Göstərilənləri nəzərə alaraq və Azərbaycan Respublikası İnzibati Prosessual Məcəlləsinin 55.1, 55.4, 55.5, 80, 83.1-ci maddələrini rəhbər tutaraq, məhkəmə qəraraaldı: İddiaçı ərizəsi təmin edilsin. İddiaçı cavabdeh Sədərək Rayon İcra Hakimiyyətinə qarşı "cavabdehdən onun mülkiyyətində olan Sədərək kənd mərkəzində yerləşmiş 21 m2 ərzaq mağazasının qanunsuz sökülməsi ilə əlaqədar ona vurulan zərərin dəyərinə uyğun əvəzləşdirilməsi və ya kompensasiya edilməsinə görə 25000 (iyirmi beş min) manat, sökülən gündən məhkəmə qərarı çıxan günədək əldənçıxmış fayda qismində 20000 (iyirmi min) manat ödənilməsi və mənəvi-psixoloji ziyana görə cavabdehdən 20000 (iyirmi min) manat olmaqla, cəmi 65000 (altımış beş min) manat pulun ona ödənilməsi tələbi”nə dair inzibati iş üzrə icraata xitam verilsin. İddiaçıya izah olunsun ki, iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. Qərardaddan şikayət verilə bilməz. Hakim: Elnur Hüseynov