Naxçıvan Muxtar Respublikasının İnzibati Məhkəməsi Qərardad — İş №2-1(122)-585/2023

Azərbaycan Respublikası adından QƏRARDAD Naxçıvan şəhəri İş № 2-1(122)-585/2023 13.12.2023 NAXÇIVAN MUXTAR RESPUBLİKASININ İNZİBAT MƏHKƏMƏSİ Hakim Muradov Hicran Xasay oğlunun sədrliyi, Məmmədov Kamal Cahangir oğlunun katibliyi ilə, İddiaçı cavabdeh Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinın Ordubad rayon İdarəsinə qarşı “torpaq sərhədlərinin dəqiqləşdirilməsi zamanı buraxılan texniki səhvin düzəliş edilərək X1 10 aprel 1999-cu il tarixli, 29 nömrəli qərarına əsasən İN- 167A nömrəli Torpağın mülkiyyətə verilməsinə dair şəhadətnamə ilə 0.041 ha həyətyanı torpaq sahəsinin sərhədlərinin yenidən dəqiqləşdirilərək, "Torpaq sahəsinin planı və ölçüsü"nün hazırlanaraq ona təqdim olunması öhdəliyinin cavabdehin üzərinə qoyulması tələbi”nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, müəyyənetdi: İddiaçı iddia ərizəsi ilə məhkəməyə müraciət edərək torpaq sərhədlərinin dəqiqləşdirilməsi zamanı buraxılan texniki səhvin düzəliş edilərək X1 10 aprel 1999-cu il tarixli, 29 nömrəli qərarına əsasən İN- 167A nömrəli Torpağın mülkiyyətə verilməsinə dair şəhadətnamə ilə 0.041 ha həyətyanı torpaq sahəsinin sərhədlərinin yenidən dəqiqləşdirilərək, "Torpaq sahəsinin planı və ölçüsü"nün hazırlanaraq ona təqdim olunması öhdəliyinin cavabdeh Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinın Ordubad rayon İdarəsinin üzəinə qoyulması barədə qərar qəbul olunmasını xahiş etmişdir. Azərbaycan Respublikası İnzibati Prosessual Məcəlləsinin 45.4-cü maddəsinin tələbinə müvafiq olaraq iddia ərizəsi məhkəməyə daxil olduğu gündən icraata qəbul olunaraq işin hazırlıq icraatına başlanılmış və hazırlıq icraatı ilə bağlı məhkəmə iclası 13 dekabr 2023-cü il tarixə təyin edilmişdir. İşin hazırlıq icraatı ilə bağlı hazırlıq iclasları 07 iyun, 06 iyul, 22 avqust, 27 sentyabr, 19 oktyabr və 13 dekabr 2023-cü il tarixlərə təyin edilərək tərəflər məhkəmə iclasının yeri və vaxtı barədə əvvəlcədən lazımi qaydada xəbərdarlıq edilmişdir. İddiaçı iş üzrə 07 iyun və 06 iyul 2023-cü il tarixlərə təyin edilmiş hazırlıq iclaslarında iştirak etsə də, 30 gündən çox müddət ərzində ardıcıl olaraq iş üzrə məhkəmə icraatından yayındığı təqdirdə iddianın geri götürülmüş sayılacağı barədə qərardad qəbul ediləcəyi ilə bağlı xəbərdarlıq edilməsinə baxmayaraq, heç bir üzrlü səbəb göstərmədən 22 avqust, 27 sentyabr, 19 oktyabr və 13 dekabr 2023-cü il tarixlərə təyin edilmiş hazırlıq iclaslarında iştirak etməmişdir. Odur ki, məhkəmə iddiaçının iştirakı olmadan məhkəmə iclasının keçirilməsini mümkün hesab etmişdir. Məhkəmə iş materiallarını nəzərdən keçirərək hesab edir ki, İddiaçı ardıcıl olaraq 22 avqust, 27 sentyabr, 19 oktyabr və 13 dekabr 2023-cü il tarixlərə təyin edilmiş məhkəmə iclaslarında iştirak etməmiş, həmçinin iştirakı olmadan məhkəmə iclaslarının keçirilməsi ilə bağlı hər hansı müraciət etməmiş və bununla da 30 gündən çox müddət ərzində ardıcıl olaraq iş üzrə məhkəmə icraatından yayındığından iddia geri götürülmüş hesab edilməli və bu əsasla da iş üzrə icraata xitam verilməlidir. Belə ki, Azərbaycan Respublikası İnzibati Prosessual Məcəlləsinin: - 55.3-cü maddəsinə əsasən məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. - 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından apellyasiya şikayətinin verilməsi məsələsinə gəldikdə qeyd etmək lazımdır ki, Azərbaycan Respublikası Konstitusiya Məhkəməsi Plenumunun “M.Məmmədovun şikayəti əsasında Azərbaycan Respublikası İnzibati Prosessual Məcəlləsinin 55-ci maddəsinin bəzi müddəalarının Azərbaycan Respublikası Konstitusiyasının 60-cı maddəsinin İ hissəsinə uyğunluğunun yoxlanılmasına dair” 29 aprel 2014-cü il tarixli qərarının 2-ci bəndində belə bir qənaətə gəlinmişdir ki, Azərbaycan Respublikası İnzibati Prosessual Məcəlləsinin 55.3-cü maddəsinə uyğun olaraq iddianın geri götürülmüş sayılması barədə qəbul edilmiş qərardaddan həmin Məcəllənin 81.1-ci maddəsinə müvafiq olaraq apellyasiya şikayətinin verilməsi hüququ təmin olunmalıdır. Azərbaycan Respublikası İnzibati Prosessual Məcəlləsinin 81.1-ci maddəsinə əsasən inzibati məhkəmələr tərəfindən qəbul olunmuş qərarlardan və ya qərardadlardan, bu Məcəllədə nəzərdə tutulmuş hallar istisna olmaqla, şikayət verilə bilər. Beləliklə, məhkəmə hesab edir ki, İddiaçı cavabdeh Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinın Ordubad rayon İdarəsinə qarşı “torpaq sərhədlərinin dəqiqləşdirilməsi zamanı buraxılan texniki səhvin düzəliş edilərək X1 10 aprel 1999-cu il tarixli, 29 nömrəli qərarına əsasən İN- 167A nömrəli "Torpağın mülkiyyətə verilməsinə dair şəhadətnamə ilə 0.041 ha həyətyanı torpaq sahəsinin sərhədlərinin yenidən dəqiqləşdirilərək "Torpaq sahəsinin planı və ölçüsü"nün hazırlanaraq ona təqdim olunması öhdəliyinin cavabdehin üzərinə qoyulması tələbi”nə dair iddiaları geri götürülmüş hesab edilməli, bu əsasla da iş üzrə icraata xitam verilməlidir. Bu qərardadla iddiaçıya izah edilir ki, məhkəmə tərəfindən iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındığına görə iddianın geri götürülmüş sayılması və iş üzrə icraata xitam verilməsi ümumi qaydada yenidən onların məhkəməyə müraciət etmək hüquqlarını istisna etmir. Yuxarıda qeyd olunanlara əsasən Azərbaycan Respublikası İnzibati Prosessual Məcəlləsinin 55, 80 və 81-ci maddələrini rəhbər tutaraq, məhkəmə qəraraaldı: İddiaçı cavabdeh Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinın Ordubad rayon İdarəsinə qarşı “torpaq sərhədlərinin dəqiqləşdirilməsi zamanı buraxılan texniki səhvin düzəliş edilərək X1 10 aprel 1999-cu il tarixli, 29 nömrəli qərarına əsasən İN- 167A nömrəli Torpağın mülkiyyətə verilməsinə dair şəhadətnamə ilə 0.041 ha həyətyanı torpaq sahəsinin sərhədlərinin yenidən dəqiqləşdirilərək, "Torpaq sahəsinin planı və ölçüsü"nün hazırlanaraq ona təqdim olunması öhdəliyinin cavabdehin üzərinə qoyulması tələbi”nə dair iddiaları geri götürülmüş hesab edilsin və bu əsasla da iş üzrə icraata xitam verilsin. Qərardaddan qərardad rəsmi qaydada təqdim olunduğu vaxtdan (elan olunduğu vaxtdan) 10 (on) gün müddətində Naxçıvan Muxtar Respublikasının İnzibati Məhkəməsi vasitəsi ilə Naxçıvan Muxtar Respublikasının Ali Məhkəməsinin İnzibati Kollegiyasına apellyasiya şikayəti verilə bilər. SƏDRLİK EDƏN: HİCRAN MURADOV