Naxçıvan Muxtar Respublikasının İnzibati Məhkəməsi Qərardad — İş №2-1(122)-68/2024

Azərbaycan Respublikası adından QƏRARDAD Naxçıvan şəhəri İş № 2-1(122)-68/2024 24.04.2024 NAXÇIVAN MUXTAR RESPUBLİKASININ İNZİBAT MƏHKƏMƏSİ Hakim Muradov Hicran Xasay oğlunun sədrliyi, Məmmədov Kamal Cahangir oğlunun katibliyi, İddiaçı nümayəndəsi Nümayəndə və cavabdeh Naxçıvan Şəhər İcra Hakimiyyətinin nümayəndəsi X1 iştirakları ilə, İddiaçı cavabdeh ünvan 1 ünvanında yerləşən qeyri-yaşayış sahəsinin sökülməsi ilə bağlı ******* (bir milyon) manat kompensasiyanın ödənilməsi öhdəliyinin cavabdehin üzərinə qoyulması tələbi”nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, m ü ə y y ə n e t d i: İddiaçı cavabdeh Naxçıvan Şəhər İcra Hakimiyyətinə qarşı iddia ərizəsi ilə məhkəməyə müraciət edərək onun mülkiyyətində olan ünvan 2 ünvanlarında yerləşən ümumi sahələri 160.8 m2 olan qeyri-yaşayış sahələrinin sökülməsi (Nizami küçəsi 12) və zorla və hədə qorxu ilə əlindən alınması (Nizami küçəsi 16, indiki "Naxçıvanşünaslıq Mərkəzi") ilə əlaqədar ona vurulan zərərin dəyərinə uyğun əvəzləşdirilməsi və ya kompensasiya edilməsinə görə ******* (bir milyon) manat, sökülən gündən məhkəmə qərarı çıxan günədək əldən çıxmış fayda qismində ******* (üç milyon) manat ödənilməsi və mənəvi-psixoloji ziyana görə cavabdehdən ******* (bir milyon) manat olmaqla, cəmi ******* (beş milyon) manat pulun ona ödənilməsi barədə qərar qəbul edilməsini xahiş etmişdir. Azərbaycan Respublikasının İnzibati Prosessual Məcəlləsinin (bundan sonra – İPM) 45.4-cü maddəsinə əsasən iddia ərizəsi məhkəməyə daxil olduğu gündən icraata qəbul edilmişdir. İddia ərizəsi məhkəmənin icraatına qəbul edildikdən sonra İPM-in 49-cu maddəsinə uyğun olaraq işin hazırlıq icraatına başlanılmışdır. Naxçıvan Muxtar Respublikası İnzibati Məhkəməsinin 19 fevral 2024-cü il tarixli, 2- 1(122)-68/2024 nömrəli qərardadı ilə iddiaçının nümayəndəsi Nümayəndə 19 fevral 2024cü il tarixli ərizəsi əsasında İddiaçı cavabdeh Naxçıvan Şəhər İcra Hakimiyyətinə qarşı iddia tələbi dəyişdirilərək “Naxçıvan şəhəri, Nizami küçəsi 12 ünvanında yerləşən qeyriyaşayış sahəsinin sökülməsi ilə bağlı ******* (bir milyon) manat kompensasiyanın ödənilməsi öhdəliyinin cavabdehin üzərinə qoyulması” kimi icraata qəbul edilmişdir. Bundan sonra iş üzrə zəruri prosessual hərəkətlər edilərək hazırlıq icraatı ilə bağlı məhkəmə iclası 24 aprel 2024-cü il tarixə təyin edilmiş və bu barədə tərəflərə məlumat verilmişdir. Məhkəmə iclasının yeri və vaxtı barədə iddiaçıya lazımi qaydada məlumat verilməsinə baxmayaraq, o heç bir üzrlü səbəb göstərmədən məhkəmə iclasında iştirak etməmişdir. Məhkəmə iddiaçının iştirakı olmadan işə baxılmasını mümkün hesab etmişdir. Məhkəmə iclasında iştirak edən iddiaçının nümayəndəsi Nümayəndə cavabdeh ünvan 3 ünvanında yerləşən qeyri-yaşayış sahəsinin sökülməsi ilə bağlı ******* (bir milyon) manat kompensasiyanın ödənilməsi barədə iddia qaldırıldığını, iddia tələbindən imtina etdiyini, iddiadan imtina etməyin hüquqi nəticələrinin ona aydın olduğunu bildirib, məhkəmədən iş üzrə icraata xitam verilməsini xahiş etmiş və bu barədə yazdığı 24 aprel 2024-cü il tarixli ərizəsini məhkəməyə təqdim etmişdir. Məhkəmə iclasında iştirak edən cavabdeh Naxçıvan Şəhər İcra Hakimiyyətinin nümayəndəsi X2 iddiaçının nümayəndəsinin ərizəsinə heç bir etirazının olmadığını bildirmişdir. Məhkəmə iddiaçının nümayəndəsinin və cavabdehin nümayəndəsinin izahatlarını dinləyib, iddiaçının nümayəndəsinin ərizəsini nəzərdən keçirərək belə qənaətə gəlir ki, iddiaçının nümayəndəsinin ərizəsi təmin edilməli və iş üzrə icraata xitam verilməlidir. Belə ki, Azərbaycan Respublikasının İnzibati Prosessual Məcəlləsinin: - 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. - 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. - 55.5-ci maddəsinə əsasən iddiaçı iddiadan imtina etdikdə və ya məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Beləliklə, məhkəmə hesab edir ki, İddiaçı cavabdeh ünvan 1 ünvanında yerləşən qeyri-yaşayış sahəsinin sökülməsi ilə bağlı ******* (bir milyon) manat kompensasiyanın ödənilməsi öhdəliyinin cavabdehin üzərinə qoyulması tələbi”nə dair iddiası üzrə iddiaçının nümayəndəsi Nümayəndə 24 aprel 2024-cü il tarixli ərizəsi təmin edilməli və iş üzrə icraata xitam verilməlidir. Yuxarıda qeyd olunanları və İPM-in 55.1, 55.4, 55.5, 80 və 83-cü maddələrini rəhbər tutaraq, məhkəmə q ə r a r a a l d ı: İddiaçının nümayəndəsi Nümayəndə 24 aprel 2024-cü il tarixli ərizəsi təmin edilsin. İddiaçı cavabdeh ünvan 1 ünvanında yerləşən qeyri-yaşayış sahəsinin sökülməsi ilə bağlı ******* (bir milyon) manat kompensasiyanın ödənilməsi öhdəliyinin cavabdehin üzərinə qoyulması tələbi”nə dair iş üzrə icraata xitam verilsin. Qərardaddan şikayət verilə bilməz. SƏDRLİK EDƏN: HİCRAN MURADOV