Naxçıvan Muxtar Respublikasının İnzibati Məhkəməsi Qərardad — İş №2-1(122)-710/2023

Azərbaycan Respublikası adından QƏRARDAD Naxçıvan şəhəri İş № 2-1(122)-710/2023 21.08.2023 NAXÇIVAN MUXTAR RESPUBLİKASININ İNZİBAT MƏHKƏMƏSİ Hakim Muradov Hicran Xasay oğlunun sədrliyi, Əliyev Adəm Qurban oğlunun katibliyi, İddiaçı və cavabdeh Culfa Rayon İcra Hakimiyyətinin nümayəndəsi X1 iştirakları ilə, İddiaçı cavabdeh Culfa Rayon İcra Hakimiyyətinə qarşı “onun mülkiyyətində olan Culfa rayonu, Göydərə kəndində yerləşən, ümumi sahəsi 40 kv.m olan çayçı-bufetin və Culfa rayonu, Göydərə kəndində yerləşən, ümumi sahəsi 34 kv.m olan “Dədə Qorqud” kiçik müəssisəsinə aid mağazanın tikilməsi üçün torpaq sahəsinin ona geri qaytarılması və ya həmin qeyri yaşayış binalarının dəyəri olan 50000 (əlli min manat) kompensasiyanın Culfa Rayon İcra Hakimiyyətindən alınıb ona ödənilməsi öhdəliyinin cavabdehin üzərinə qoyulması tələbi”nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, m ü ə y y ə n e t d i: İddiaçı iddia ərizəsi ilə məhkəməyə müraciət edərək onun mülkiyyətində olan Culfa rayonu, Göydərə kəndində yerləşən, ümumi sahəsi 40 kv.m olan çayçı-bufetin və Culfa rayonu, Göydərə kəndində yerləşən, ümumi sahəsi 34 kv.m olan “Dədə Qorqud” kiçik müəssisəsinə aid mağazanın tikilməsi üçün torpaq sahəsinin ona geri qaytarılması və ya həmin qeyri yaşayış binalarının dəyəri olan 50000 (əlli min manat) kompensasiyanın cavabdehdən alınıb ona ödənilməsi öhdəliyinin cavabdeh Culfa Rayon İcra Hakimiyyətinin üzərinə qoyulması barədə qərar qəbul edilməsini xahiş etmişdir. Azərbaycan Respublikasının İnzibati Prosessual Məcəlləsinin (bundan sonra – İPM) 45.4-cü maddəsinə əsasən iddia ərizəsi məhkəməyə daxil olduğu gündən icraata qəbul edilmişdir. İddia ərizəsi məhkəmənin icraatına qəbul edildikdən sonra İPM-in 49-cu maddəsinə uyğun olaraq, işin hazırlıq icraatına başlanılmış və hazırlıq icraatı ilə bağlı məhkəmə iclası 21 avqust 2023-cü il tarixə təyin edilmişdir. Məhkəmə iclasında İddiaçı cavabdeh Culfa Rayon İcra Hakimiyyətinə qarşı onun mülkiyyətində olan Culfa rayon Göydərə kəndində yerləşən, ümumi sahəsi 40 kv.m olan çayçı-bufetin və Culfa rayon Göydərə kəndində yerləşən, ümumi sahəsi 34 kv.m olan “Dədə Qorqud” kiçik müəssisəsinə aid mağazanın tikilməsi üçün torpaq sahəsinin ona geri qaytarılması və ya həmin qeyri yaşayış binalarının dəyəri olan 50000 (əlli min manat) kompensasiyanın cavabdehdən alınıb ona ödənilməsi öhdəliyinin cavabdeh Culfa Rayon İcra Hakimiyyətinin üzərinə qoyulması barədə iddia qaldırdığını, iddia tələbindən imtina etdiyini, iddia tələbindən imtina etməyinin hüquqi nəticələrinin ona məlum olduğunu bildirərək, iş üzrə icraata xitam verilməsini xahiş etmiş və bu barədə yazdığı 21 avqust 2023-cü il tarixli ərizəsini məhkəməyə təqdim etmişdir. Cavabdeh Culfa Rayon İcra Hakimiyyətinin nümayəndəsi X2 iddiaçının iddia tələbindən imtina etməsi barədə ərizəsinə heç bir etirazının olmadığını bildirmişdir. Məhkəmə tərəflərin izahatlarını dinləyib, iddiaçının 21 avqust 2023-cü il tarixli ərizəsini nəzərdən keçirərək belə qənaətə gəlir ki, iddiaçının ərizəsi təmin edilməli və iş üzrə icraata xitam verilməlidir. Belə ki, Azərbaycan Respublikasının İnzibati Prosessual Məcəlləsinin: - 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. - 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. - 55.5-ci maddəsinə əsasən iddiaçı iddiadan imtina etdikdə və ya məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Beləliklə, məhkəmə hesab edir ki, İddiaçı cavabdeh Culfa Rayon İcra Hakimiyyətinə qarşı “onun mülkiyyətində olan Culfa rayonu, Göydərə kəndində yerləşən, ümumi sahəsi 40 kv.m olan çayçı-bufetin və Culfa rayonu, Göydərə kəndində yerləşən, ümumi sahəsi 34 kv.m olan “Dədə Qorqud” kiçik müəssisəsinə aid mağazanın tikilməsi üçün torpaq sahəsinin ona geri qaytarılması və ya həmin qeyri yaşayış binalarının dəyəri olan 50000 (əlli min manat) kompensasiyanın Culfa Rayon İcra Hakimiyyətindən alınıb ona ödənilməsi öhdəliyinin cavabdehin üzərinə qoyulması tələbi”nə dair iddiası üzrə İddiaçı 21 avqust 2023-cü il tarixli ərizəsi təmin edilməli və iş üzrə icraata xitam verilməlidir. Yuxarıda qeyd olunanları və İPM-in 55.1, 55.4, 55.5, 80 və 83-cü maddələrini rəhbər tutaraq, məhkəmə q ə r a r a a l d ı: İddiaçı 21 avqust 2023-cü il tarixli ərizəsi təmin edilsin. İddiaçı cavabdeh Culfa Rayon İcra Hakimiyyətinə qarşı “onun mülkiyyətində olan Culfa rayonu, Göydərə kəndində yerləşən, ümumi sahəsi 40 kv.m olan çayçı-bufetin və Culfa rayonu, Göydərə kəndində yerləşən, ümumi sahəsi 34 kv.m olan “Dədə Qorqud” kiçik müəssisəsinə aid mağazanın tikilməsi üçün torpaq sahəsinin ona geri qaytarılması və ya həmin qeyri yaşayış binalarının dəyəri olan 50000 (əlli min manat) kompensasiyanın Culfa Rayon İcra Hakimiyyətindən alınıb ona ödənilməsi öhdəliyinin cavabdehin üzərinə qoyulması tələbi”nə dair iş üzrə icraata xitam verilsin. Qərardaddan şikayət verilə bilməz. SƏDRLİK EDƏN: HİCRAN MURADOV