Naxçıvan Muxtar Respublikasının İnzibati Məhkəməsi Qərardad — İş №2-1(122)-715/2023

Azərbaycan Respublikası adından QƏRARDAD Naxçıvan şəhəri İş № 2-1(122)-715/2023 29.09.2023 NAXÇIVAN MUXTAR RESPUBLİKASININ İNZİBAT MƏHKƏMƏSİ Hakim Muradov Hicran Xasay oğlunun sədrliyi, Məmmədov Kamal Cahangir oğlunun katibliyi, İddiaçı iştirakı ilə, İddiaçı cavabdeh Naxçıvan Şəhər İcra Hakimiyyətinə qarşı “mərhum anası X1 mülkiyyətində olan Naxçıvan şəhəri, Ə.Əliyev küçəsi, Universitet şəhərciyi, 1 nömrəli binanın, 5 nömrəli mənzilin sökülməsi ilə əlaqədar onlara vurulan zərərin dəyərinə uyğun əvəzləşdirilməsi və ya kompensasiya edilməsinə görə 80000 (səksən min) manat və sökülən gündən məhkəmə qərarı çıxan günədək kirayələrdə yaşayaraq çəkdiyi xərc qismində 35000 (otuz beş min) manat ödənilməsi və mənəvi-psixoloji ziyana görə cavabdehdən 20000 (iyirmi min) manat olmaqla, cəmi 135000 (yüz otuz beş min) manat pulun ona ödənilməsi tələbi"nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, m ü ə y y ə n e t d i: İddiaçı iddia ərizəsi ilə məhkəməyə müraciət edərək Naxçıvan Şəhər İcra Hakimiyyətinə qarşı mərhum anası X1 mülkiyyətində olan Naxçıvan şəhəri, Ə.Əliyev küçəsi, Universitet şəhərciyi, 1 nömrəli binanın, 5 nömrəli mənzilin sökülməsi ilə əlaqədar onlara vurulan zərərin dəyərinə uyğun əvəzləşdirilməsi və ya kompensasiya edilməsinə görə 80000 (səksən min) manat və sökülən gündən məhkəmə qərarı çıxan günədək kirayələrdə yaşayaraq çəkdiyi xərc qismində 35000 (otuz beş min) manat ödənilməsi və mənəvi-psixoloji ziyana görə cavabdehdən 20000 (iyirmi min) manat olmaqla, cəmi 135000 (yüz otuz beş min) manat pulun ona ödənilməsi barədə qərar qəbul edilməsini xahiş etmişdir. Azərbaycan Respublikasının İnzibati Prosessual Məcəlləsinin (bundan sonra – İPM) 45.4-cü maddəsinə əsasən iddia ərizəsi məhkəməyə daxil olduğu gündən icraata qəbul edilmişdir. İddia ərizəsi məhkəmənin icraatına qəbul edildikdən sonra İPM-in 49-cu maddəsinə uyğun olaraq, işin hazırlıq icraatına başlanılmış və hazırlıq icraatı ilə bağlı məhkəmə iclası 29 sentyabr 2023-cü il tarixə təyin edilmişdir. Məhkəmə prosesində İddiaçı izahat verərək, 01 sentyabr 2023-cü il tarixli məhkəməyə göndərdiyi imtina ərizəsini müdafiə etdiyini, cavabdeh Naxçıvan Şəhər İcra Hakimiyyətinə qarşı mərhum anası X1 mülkiyyətində olan Naxçıvan şəhəri, Ə.Əliyev küçəsi, Universitet şəhərciyi, 1 nömrəli binanın, 5 nömrəli mənzilin sökülməsi ilə əlaqədar onlara vurulan zərərin dəyərinə uyğun əvəzləşdirilməsi və ya kompensasiya edilməsinə görə 80000 (səksən min) manat və sökülən gündən məhkəmə qərarı çıxan günədək kirayələrdə yaşayaraq çəkdiyi xərc qismində 35000 (otuz beş min) manat ödənilməsi və mənəvi-psixoloji ziyana görə cavabdehdən 20000 (iyirmi min) manat olmaqla, cəmi 135000 (yüz otuz beş min) manat pulun ona ödənilməsi barədə iddia qaldırdığını, iddia tələbi cavabdeh tərəfindən təmin edildiyindən iddiasından imtina etdiyini, iddiadan imtina etməyinin hüquqi nəticələrinin ona məlum olduğunu bildirib, məhkəmədən iddiadan imtina barədə ərizəni qəbul edib iş üzrə icraata xitam verilməsini xahiş etmişdir. Məhkəmə iclasının yeri və vaxtı barədə cavabdehə lazımi qaydada məlumat verilməsinə baxmayaraq, o heç bir üzrlü səbəb göstərmədən nümayəndəsinin məhkəmə iclasında iştirakını təmin etməmişdir. Məhkəmə cavabdehin nümayəndəsinin iştirakı olmadan işə baxılmasını mümkün hesab etmişdir. Məhkəmə iclasında İddiaçı ərizəsinə uyğun izahat verərək məhkəmədən iddiadan imtina barədə ərizəni qəbul edib iş üzrə icraata xitam verilməsini xahiş etmişdir. Məhkəmə iddiaçının izahatını dinləyərək, 01 sentyabr 2023-cü il tarixli ərizəsini nəzərdən keçirərək belə qənaətə gəlir ki, iddiaçının ərizəsi təmin edilməli və iş üzrə icraata xitam verilməlidir. Belə ki, Azərbaycan Respublikasının İnzibati Prosessual Məcəlləsinin: - 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. - 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. - 55.5-ci maddəsinə əsasən iddiaçı iddiadan imtina etdikdə və ya məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Beləliklə, məhkəmə hesab edir ki, İddiaçı Naxçıvan Şəhər İcra Hakimiyyətinə qarşı “mərhum anası X1 mülkiyyətində olan Naxçıvan şəhəri, Ə.Əliyev küçəsi, Universitet şəhərciyi, 1 nömrəli binanın, 5 nömrəli mənzilin sökülməsi ilə əlaqədar onlara vurulan zərərin dəyərinə uyğun əvəzləşdirilməsi və ya kompensasiya edilməsinə görə 80000 (səksən min) manat və sökülən gündən məhkəmə qərarı çıxan günədək kirayələrdə yaşayaraq çəkdiyi xərc qismində 35000 (otuz beş min) manat ödənilməsi və mənəvipsixoloji ziyana görə cavabdehdən 20000 (iyirmi min) manat olmaqla, cəmi 135000 (yüz otuz beş min) manat pulun ona ödənilməsi tələbi"nə dair iddiası üzrə İddiaçı 01 sentyabr 2023-cü il tarixli ərizəsi təmin edilməli və iş üzrə icraata xitam verilməlidir. Yuxarıda qeyd olunanları və İPM-in 55.1, 55.4, 55.5, 80 və 83-cü maddələrini rəhbər tutaraq, məhkəmə q ə r a r a a l d ı: İddiaçı 01 sentyabr 2023-cü il tarixli ərizəsi təmin edilsin. İddiaçı cavabdeh Naxçıvan Şəhər İcra Hakimiyyətinə qarşı “mərhum anası X1 mülkiyyətində olan Naxçıvan şəhəri, Ə.Əliyev küçəsi, Universitet şəhərciyi, 1 nömrəli binanın, 5 nömrəli mənzilin sökülməsi ilə əlaqədar onlara vurulan zərərin dəyərinə uyğun əvəzləşdirilməsi və ya kompensasiya edilməsinə görə 80000 (səksən min) manat və sökülən gündən məhkəmə qərarı çıxan günədək kirayələrdə yaşayaraq çəkdiyi xərc qismində 35000 (otuz beş min) manat ödənilməsi və mənəvi-psixoloji ziyana görə cavabdehdən 20000 (iyirmi min) manat olmaqla, cəmi 135000 (yüz otuz beş min) manat pulun ona ödənilməsi tələbi"nə dair iş üzrə icraata xitam verilsin. Qərardaddan şikayət verilə bilməz. SƏDRLİK EDƏN: HİCRAN MURADOV