Naxçıvan Muxtar Respublikasının İnzibati Məhkəməsi Qərardad — İş №2-1(122)-724/2023

Azərbaycan Respublikası adından QƏRARDAD Naxçıvan şəhəri İş № 2-1(122)-724/2023 22.11.2023 NAXÇIVAN MUXTAR RESPUBLİKASININ İNZİBAT MƏHKƏMƏSİ Hakim Muradov Hicran Xasay oğlunun sədrliyi, Məmmədov Kamal Cahangir oğlunun katibliyi, İddiaçı iştirakı ilə, İddiaçı cavabdeh Naxçıvan Şəhər İcra Hakimiyyətinə qarşı “Naxçıvan şəhəri, Azadlıq prospekti 38 ünvanında yerləşmiş, mülkiyyətində olmuş 23 kv.m qeyri-yaşayış sahəsinin əvəzinə Naxçıvan şəhəri, H.Əliyev prospekti ünvanında başqa bir qeyri-yaşayış sahəsinin ona verilməsi, bu mümkün olmadıqda Naxçıvan şəhəri, Azadlıq prospekti 38 (hazırki H.Əliyev prospekti 38) ünvanında yerləşən 23 kv.m qeyri-yaşayış sahəsinə görə ona dəymiş maddi ziyan üzrə 50000 manat, 2011-2023-cü illər ərzində əldən çıxmış qazanca görə 90000 manat, mənəvi zərərə görə 10000 manat olmaqla ümumilikdə 150000 manat kompensasiya verilməsi öhdəliyinin cavabdehin üzərinə qoyulması tələbi"nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, m ü ə y y ə n e t d i: İddiaçı iddia ərizəsi ilə məhkəməyə müraciət edərək Naxçıvan şəhəri, Azadlıq prospekti 38 ünvanında yerləşmiş, mülkiyyətində olmuş 23 kv.m qeyri-yaşayış sahəsinin əvəzinə Naxçıvan şəhəri, H.Əliyev prospekti ünvanında başqa bir qeyri-yaşayış sahəsinin ona verilməsi, bu mümkün olmadıqda Naxçıvan şəhəri, Azadlıq prospekti 38 (hazırki H.Əliyev prospekti 38) ünvanında yerləşən 23 kv.m qeyri-yaşayış sahəsinə görə ona dəymiş maddi ziyan üzrə 50000 manat, 2011- 2023-cü illər ərzində əldən çıxmış qazanca görə 90000 manat, mənəvi zərərə görə 10000 manat olmaqla ümumilikdə 150000 manat kompensasiya verilməsi öhdəliyinin cavabdeh Naxçıvan Şəhər İcra Hakimiyyətinin üzərinə qoyulması barədə qərar qəbul edilməsini xahiş etmişdir. Azərbaycan Respublikasının İnzibati Prosessual Məcəlləsinin (bundan sonra – İPM) 45.4cü maddəsinə əsasən iddia ərizəsi məhkəməyə daxil olduğu gündən icraata qəbul edilmişdir. İddia ərizəsi məhkəmənin icraatına qəbul edildikdən sonra İPM-in 49-cu maddəsinə uyğun olaraq, işin hazırlıq icraatına başlanılmış və hazırlıq icraatı ilə bağlı məhkəmə iclası 22 noyabr 2023-cü il tarixə təyin edilmişdir. Məhkəmə iclasının yeri və vaxtı barədə cavabdehə lazımi qaydada məlumat verilməsinə baxmayaraq, o heç bir üzrlü səbəb göstərmədən nümayəndəsinin məhkəmə iclasında iştirakını təmin etməmişdir. Məhkəmə cavabdehin nümayəndəsinin iştirakı olmadan işə baxılmasını mümkün hesab etmişdir. Məhkəmə prosesində iştirak edən iddiaçı Muradov X1 Şəhər İcra Hakimiyyətinə qarşı Naxçıvan şəhəri, Azadlıq prospekti 38 ünvanında yerləşmiş, mülkiyyətində olmuş 23 kv.m qeyriyaşayış sahəsinin əvəzinə Naxçıvan şəhəri, H.Əliyev prospekti ünvanında başqa bir qeyri-yaşayış sahəsinin ona verilməsi, bu mümkün olmadıqda qeyri-yaşayış sahəsinə görə ona dəymiş maddi ziyan üzrə 50000 manat, əldən çıxmış qazanca görə 90000 manat, mənəvi zərərə görə 10000 manat olmaqla ümumilikdə 150000 manat kompensasiya verilməsi tələbinə dair iddia qaldırdığını, iddia tələbi cavabdeh tərəfindən təmin edildiyindən iddiasından imtina etdiyini, iddiadan imtina etməyinin hüquqi nəticələrinin ona məlum olduğunu bildirib, məhkəmədən iddiadan imtina barədə ərizəni qəbul edib iş üzrə icraata xitam verilməsini xahiş etmiş və bu barədə yazdığı 22 noyabr 2023-cü il tarixli ərizəsini məhkəməyə təqdim etmişdir. Məhkəmə iddiaçının izahatını dinləyərək, ərizəsini nəzərdən keçirərək belə qənaətə gəlir ki, iddiaçının ərizəsi təmin edilməli və iş üzrə icraata xitam verilməlidir. Belə ki, Azərbaycan Respublikasının İnzibati Prosessual Məcəlləsinin: - 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. - 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. - 55.5-ci maddəsinə əsasən iddiaçı iddiadan imtina etdikdə və ya məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Beləliklə, məhkəmə hesab edir ki, İddiaçı Naxçıvan Şəhər İcra Hakimiyyətinə qarşı “Naxçıvan şəhəri, Azadlıq prospekti 38 ünvanında yerləşmiş, mülkiyyətində olmuş 23 kv.m qeyriyaşayış sahəsinin əvəzinə Naxçıvan şəhəri, H.Əliyev prospekti ünvanında başqa bir qeyri-yaşayış sahəsinin ona verilməsi, bu mümkün olmadıqda Naxçıvan şəhəri, Azadlıq prospekti 38 (hazırki H.Əliyev prospekti 38) ünvanında yerləşən 23 kv.m qeyri-yaşayış sahəsinə görə ona dəymiş maddi ziyan üzrə 50000 manat, 2011-2023-cü illər ərzində əldən çıxmış qazanca görə 90000 manat, mənəvi zərərə görə 10000 manat olmaqla ümumilikdə 150000 manat kompensasiya verilməsi öhdəliyinin cavabdehin üzərinə qoyulması tələbi"nə dair iddiası üzrə İddiaçı 22 noyabr 2023-cü il tarixli ərizəsi təmin edilməli və iş üzrə icraata xitam verilməlidir. Yuxarıda qeyd olunanları və İPM-in 55.1, 55.4, 55.5, 80 və 83-cü maddələrini rəhbər tutaraq, məhkəmə q ə r a r a a l d ı: İddiaçı 22 noyabr 2023-cü il tarixli ərizəsi təmin edilsin. İddiaçı cavabdeh Naxçıvan Şəhər İcra Hakimiyyətinə qarşı “Naxçıvan şəhəri, Azadlıq prospekti 38 ünvanında yerləşmiş, mülkiyyətində olmuş 23 kv.m qeyri-yaşayış sahəsinin əvəzinə Naxçıvan şəhəri, H.Əliyev prospekti ünvanında başqa bir qeyri-yaşayış sahəsinin ona verilməsi, bu mümkün olmadıqda Naxçıvan şəhəri, Azadlıq prospekti 38 (hazırki H.Əliyev prospekti 38) ünvanında yerləşən 23 kv.m qeyri-yaşayış sahəsinə görə ona dəymiş maddi ziyan üzrə 50000 manat, 2011-2023-cü illər ərzində əldən çıxmış qazanca görə 90000 manat, mənəvi zərərə görə 10000 manat olmaqla ümumilikdə 150000 manat kompensasiya verilməsi öhdəliyinin cavabdehin üzərinə qoyulması tələbi"nə dair iş üzrə icraata xitam verilsin. Qərardaddan şikayət verilə bilməz. SƏDRLİK EDƏN: HİCRAN MURADOV