Naxçıvan Muxtar Respublikasının İnzibati Məhkəməsi Qərardad — İş №2-1(122)-728/2023

Azərbaycan Respublikası adından QƏRARDAD Naxçıvan şəhəri İş № 2-1(122)-728/2023 02.10.2023 NAXÇIVAN MUXTAR RESPUBLİKASININ İNZİBAT MƏHKƏMƏSİ Hakim Muradov Hicran Xasay oğlunun sədrliyi, Məmmədov Kamal Cahangir oğlunun katibliyi, İddiaçı, iddiaçının vəkili və nümayəndəsi Vəkil iştirakları ilə, İddiaçı cavabdeh Naxçıvan Şəhər İcra Hakimiyyətinə qarşı “direktoru olduğu "Aynur" kiçik müəssisəsinin mülkiyyətində olmuş Naxçıvan şəhəri, Qoçüstü məhəlləsində ümumi sahəsi 365 kv. metr olan qənnadı sexi, Naxçıvan şəhəri, Azadlıq xiyabanı ilə Pişəvəri küçəsinin kəsişdiyi yerdə yerləşən sahəsi 100 kv. metr olan "ət və taxıl məhsulları" satışı mağazası, Naxçıvan şəhəri, Xətai küçəsində ikimərtəbəli sahəsi 180 kv. metr olan qənnadı istehsalı və ticarət obyekti və Naxçıvan şəhəri, Çənlibel məhəlləsində yerləşən sahəsi 180 kv. metr olan dondurma kafesi qanunsuz olaraq heç bir əvəzi ödənilmədən sökülüb dağıdıldığından ona həmin ərazilərdə sökülmüş iaşə obyektlərinin sahələrinə uyğun qeyri-yaşayış sahələri ilə təmin olunması tələbi”nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, m ü ə y y ə n e t d i: İddiaçı vəkili və nümayəndəsi Vəkil vasitəsi ilə iddia ərizəsi ilə məhkəməyə müraciət edərək direktoru olduğu "Aynur" kiçik müəssisəsinin mülkiyyətində olmuş Naxçıvan şəhəri, Qoçüstü məhəlləsində ümumi sahəsi 365 kv. metr olan qənnadı sexi, Naxçıvan şəhəri, Azadlıq xiyabanı ilə Pişəvəri küçəsinin kəsişdiyi yerdə yerləşən sahəsi 100 kv. metr olan "ət və taxıl məhsulları" satışı mağazası, Naxçıvan şəhəri, Xətai küçəsində ikimərtəbəli sahəsi 180 kv. metr olan qənnadı istehsalı və ticarət obyekti və Naxçıvan şəhəri, Çənlibel məhəlləsində yerləşən sahəsi 180 kv. metr olan dondurma kafesi qanunsuz olaraq heç bir əvəzi ödənilmədən sökülüb dağıdıldığından ona həmin ərazilərdə sökülmüş iaşə obyektlərinin sahələrinə uyğun qeyri-yaşayış sahələri ilə təmin olunması barədə qərar qəbul edilməsini xahiş etmişdir. Azərbaycan Respublikasının İnzibati Prosessual Məcəlləsinin 45.4-cü maddəsinə əsasən iddia ərizəsi məhkəməyə daxil olduğu gündən icraata qəbul edilmiş və iş üzrə şifahi icraat qaydasında mümkünlük iclası 02 oktyabr 2023-cü il tarixə təyin edilərək, bu barədə tərəflərə məlumat verilmişdir. Məhkəmə iclasının yeri və vaxtı barədə cavabdehin lazımi qaydada xəbərdar edilməsinə baxmayaraq o, heç bir üzrlü səbəb göstərmədən nümayəndəsinin məhkəmə iclasında iştirakını təmin etməmişdir. Odur ki, məhkəmə cavabdehin nümayəndəsinin iştirakı olmadan məhkəmə iclasının keçirilməsini mümkün hesab etmişdir. Məhkəmə iclasında İddiaçı və iddiaçının vəkili və nümayəndəsi Vəkil cavabdeh Naxçıvan Şəhər İcra Hakimiyyətinə qarşı direktoru olduğu "Aynur" kiçik müəssisəsinin mülkiyyətində olmuş Naxçıvan şəhəri, Qoçüstü məhəlləsində ümumi sahəsi 365 kv. metr olan qənnadı sexi, Naxçıvan şəhəri, Azadlıq xiyabanı ilə Pişəvəri küçəsinin kəsişdiyi yerdə yerləşən sahəsi 100 kv. metr olan "ət və taxıl məhsulları" satışı mağazası, Naxçıvan şəhəri, Xətai küçəsində ikimərtəbəli sahəsi 180 kv. metr olan qənnadı istehsalı və ticarət obyekti və Naxçıvan şəhəri, Çənlibel məhəlləsində yerləşən sahəsi 180 kv. metr olan dondurma kafesi qanunsuz olaraq heç bir əvəzi ödənilmədən sökülüb dağıdıldığından ona həmin ərazilərdə sökülmüş iaşə obyektlərinin sahələrinə uyğun qeyri-yaşayış sahələri ilə təmin olunması barədə iddia qaldırdıqlarını bildirərək, iddia ərizəsi və ona əlavə edilmiş sənədlərin özlərinə geri qaytarılmasını xahiş etmiş və bu barədə yazdıqları 02 oktyabr 2023-cü il tarixli ərizəni məhkəməyə təqdim etmişdirlər. Məhkəmə iddiaçının, iddiaçının vəkili və nümayəndəsinin izahatlarını dinləyib və onların ərizəsini nəzərdən keçirərək belə hesab edir ki, iddia geri götürülmüş sayılmalı və bu əsasla da iş üzrə icraata xitam verilməlidir. Belə ki, iddiaçının, iddiaçının vəkili və nümayəndəsinin məhkəməyə təqdim etdiyi müraciətdən görünür ki, o, iddia tələbindən imtina etməməklə ərizəsinin geri qaytarılması arzusundadır və iddia tələbinə baxılmasını arzu etmir. Azərbaycan Respublikasının İnzibati Prosessual Məcəlləsinin: - 15.2-ci maddəsinə əsasən inzibati məhkəmə icraatında tərəflər mübahisəyə baxılmasını barışıq sazişi ilə, iddiaçının iddiadan imtina etməsi ilə, cavabdehin iddianı qəbul etməsi ilə və ya hüquqi mübahisənin nizamlanması barədə müştərək bəyanatla sona çatdıra bilərlər. - 55.3-cü maddəsinə əsasən məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. - 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Azərbaycan Respublikası Konstitusiya Məhkəməsi Plenumunun “M.Məmmədovun şikayəti əsasında Azərbaycan Respublikası İnzibati Prosessual Məcəlləsinin 55-ci maddəsinin bəzi müddəalarının Azərbaycan Respublikası Konstitusiyasının 60-cı maddəsinin İ hissəsinə uyğunluğunun yoxlanılmasına dair” 29 aprel 2014-cü il tarixli Qərarında göstərilmişdir ki, icraata xitam verilməsi barədə qərardad iki halda qəbul edilir: iddiaçı iddiadan özü imtina etdikdə və ya iddia məhkəmə tərəfindən geri götürülmüş sayıldıqda. Qərarda həmçinin qeyd olunmuşdur ki, İPM-in 55.3-cü maddəsindəki qərardad (iddianın geri götürülmüş sayılması barədə) və həmin Məcəllənin 55.5-ci maddəsindəki qərardad (icraata xitam verilməsi barədə) iki ayrı-ayrı məsələni həll edir. Qanunverici İPMin 55.5-ci maddəsində yalnız icraata xitam verilməsi barədə qərardaddan şikayətin mümkünsüzlüyünü açıq və aydın müəyyən etdiyi halda, bu qaydanın həmin Məcəllənin 55.3-cü maddəsindəki qərardadla əlaqədar tətbiqini nəzərdə tutmadığından, həmin qayda İPM-in 55.3-cü maddəsi ilə şəxsin məhkəməyə müraciət etmək hüququnu nizamlamır və bu hüququn həcminə təsir etməməlidir. Göründüyü kimi, inzibati prosessual qanunvericilikdə iddia ərizəsinin iddiaçının ərizəsi əsasında geri qaytarılması nəzərdə tutulmasa da, inzibati icraat üzrə iddianın baxılması və icraatın aparılması iddiaçının iradə ifadəsindən asılı edilməklə İPM-in 15-ci maddəsində tərəflərin mübahisəyə baxılmasının sona çatdırılması halları müəyyən edilmişdir. Hazırkı mübahisədə də məhkəmə iddiaçının, iddiaçının vəkili və nümayəndəsinin ərizələrini nəzərə alaraq belə nəticəyə gəlir ki, iddia geri götürülmüş hesab edilməli və iş üzrə icraata xitam verilməlidir. İddiaçının, iddiaçının vəkili və nümayəndəsinin diqqətinə çatdırılır ki, onların ərizəsi əsasında iddia ərizəsi və ona əlavə edilmiş sənədlərin geri qaytarılması və iş üzrə icraata xitam verilməsi ümumi qaydada yenidən məhkəməyə müraciət etmək hüququnu istisna etmir. Yuxarıda qeyd olunanlara əsasən Azərbaycan Respublikasının İnzibati Prosessual Məcəlləsinin 15, 55, 80 və 81-ci maddələrini rəhbər tutaraq, məhkəmə q ə r a r a a l d ı: İddiaçı, iddiaçının vəkili və nümayəndəsi Vəkil 02 oktyabr 2023-cü il tarixli ərizəsi təmin edilsin. İddiaçı cavabdeh Naxçıvan Şəhər İcra Hakimiyyətinə qarşı “direktoru olduğu "Aynur" kiçik müəssisəsinin mülkiyyətində olmuş Naxçıvan şəhəri, Qoçüstü məhəlləsində ümumi sahəsi 365 kv. metr olan qənnadı sexi, Naxçıvan şəhəri, Azadlıq xiyabanı ilə Pişəvəri küçəsinin kəsişdiyi yerdə yerləşən sahəsi 100 kv. metr olan "ət və taxıl məhsulları" satışı mağazası, Naxçıvan şəhəri, Xətai küçəsində ikimərtəbəli sahəsi 180 kv. metr olan qənnadı istehsalı və ticarət obyekti və Naxçıvan şəhəri, Çənlibel məhəlləsində yerləşən sahəsi 180 kv. metr olan dondurma kafesi qanunsuz olaraq heç bir əvəzi ödənilmədən sökülüb dağıdıldığından ona həmin ərazilərdə sökülmüş iaşə obyektlərinin sahələrinə uyğun qeyri-yaşayış sahələri ilə təmin olunması tələbi” barədə iddiası geri götürülmüş hesab edilsin və bu əsasla da iş üzrə icraata xitam verilsin. İddia ərizəsi və ona əlavə edilmiş sənədlər İddiaçı geri qaytarılsın. Qərardaddan onun rəsmi qaydada təqdim olunduğu (elan olunduğu) vaxtdan 10 gün müddətində Naxçıvan Muxtar Respublikasının İnzibati Məhkəməsi vasitəsi ilə Naxçıvan Muxtar Respublikası Ali Məhkəməsinin İnzibati Kollegiyasına apellyasiya şikayəti verilə bilər. SƏDRLİK EDƏN: HİCRAN MURADOV