Naxçıvan Muxtar Respublikasının İnzibati Məhkəməsi Qərardad — İş №2-1(122)-754/2023

Azərbaycan Respublikası adından QƏRARDAD Naxçıvan şəhəri İş № 2-1(122)-754/2023 31.10.2023 NAXÇIVAN MUXTAR RESPUBLİKASININ İNZİBAT MƏHKƏMƏSİ X2 Heydər oğlunun sədrliyi, İbrahimova Səbinə Adələt qızının katibliyi, İddiaçı qızının iştirakı ilə, İddiaçı cavabdeh Naxçıvan Şəhər İcra Hakimiyyətinə qarşı "Naxçıvan şəhər H.Əliyev küçəsində yerləşən 40 m2 sahəsi olan qeyri-yaşayış sahəsinin sökülməsi ilə əlaqədar birbaşa maddi ziyan qismində 120000 manat, iddiaçıya məxsus qeyri-yaşayış sahəsinin söküldüyü 2011-ci il tarixdən iddia ərizəsinin verilməsi tarixinə qədər iddiaçının aylıq gəliri 1000 manat götürməklə, əldən çıxmış fayda qismində 144000 manat və mənəvi ziyan qismində 35000 manat məbləğində, ümumilikdə 299000 manat pul vəsaitinin cavabdeh Naxçıvan Şəhər İcra Hakimiyyətindən alınaraq ona ödənilməsi tələbi”nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, müəyyənetdi: İddiaçı Əliyev X1 şəhər H.Əliyev küçəsində yerləşən 40 m2 sahəsi olan qeyri-yaşayış sahəsinin sökülməsi ilə əlaqədar birbaşa maddi ziyan qismində 120000 manat, iddiaçıya məxsus qeyri-yaşayış sahəsinin söküldüyü 2011-ci il tarixdən iddia ərizəsinin verilməsi tarixinə qədər iddiaçının aylıq gəliri 1000 manat götürməklə, əldən çıxmış fayda qismində 144000 manat və mənəvi ziyan qismində 35000 manat məbləğində, ümumilikdə 299000 manat pul vəsaitinin cavabdeh Naxçıvan Şəhər İcra Hakimiyyətindən alınaraq ona ödənilməsi tələbini irəli sürərək iddia ərizəsi ilə Naxçıvan Muxtar Respublikası İnzibati Məhkəməsinə müraciət etmişdir. Azərbaycan Respublikasının İnzibati Prosessual Məcəlləsinin 45.4-cü maddəsinə müvafiq olaraq inzibati iş məhkəməyə daxil olduğu gündən icraata qəbul edilmiş və hazırlıq icraatı ilə bağlı məhkəmə iclası 31 oktyabr 2023-cü il tarixə təyin edilmişdir. Məhkəmə iclasının yeri və vaxtı barədə cavabdeh Naxçıvan Şəhər İcra Hakimiyyətinə lazımi qaydada məlumat verilməsinə baxmayaraq, cavabdeh heç bir üzrlü səbəb göstərmədən məhkəmə iclasında nümayəndəsinin iştirakını təmin etməmişdir. Məhkəmə cavabdehin nümayəndəsinin iştirakı olmadan işə baxılmasını mümkün hesab etmişdir. Məhkəmə iclasında iştirak edən iddiaçı Əliyev X1 Şəhər İcra Hakimiyyətinə qarşı Naxçıvan şəhər H.Əliyev küçəsində yerləşən 40 m2 sahəsi olan qeyri-yaşayış sahəsinin sökülməsi ilə əlaqədar birbaşa maddi ziyan qismində 120000 manat, iddiaçıya məxsus qeyri-yaşayış sahəsinin söküldüyü 2011-ci il tarixdən iddia ərizəsinin verilməsi tarixinə qədər iddiaçının aylıq gəliri 1000 manat götürməklə, əldən çıxmış fayda qismində 144000 manat və mənəvi ziyan qismində 35000 manat məbləğində, ümumilikdə 299000 manat pul vəsaitinin cavabdeh Naxçıvan Şəhər İcra Hakimiyyətindən alınaraq ona ödənilməsi tələbinə dair iddia qaldırdığını, iddia tələbi cavabdeh tərəfindən digər qaydada təmin edildiyindən (müvafiq torpaq sahəsi verildiyindən) hazırki iddiasından imtina etdiyini, iddiadan imtina etməyinin hüquqi nəticələrinin ona məlum olduğunu bildirib, məhkəmədən iddiadan imtina barədə ərizəni qəbul edib iş üzrə icraata xitam verilməsini xahiş edərək bu barədə yazdığı 31 oktyabr 2023-cü il tarixli ərizəsini məhkəməyə təqdim etdi. Məhkəmə iddiaçının izahatını dinləyib, ərizəsini nəzərdən keçirərək belə nəticəyə gəlir ki, iddiaçının ərizəsi aşağıda qeyd edilən normaların tələblərinə uyğun olduğundan təmin edilməli və iş üzrə icraata xitam verilməlidir. Azərbaycan Respublikası İnzibati Prosessual Məcəlləsinin: 15.2-ci maddəsinə əsasən inzibati məhkəmə icraatında tərəflər mübahisəyə baxılmasını bilavasitə özləri tərəfindən, yaxud mediasiya vasitəsilə bağlanılmış barışıq sazişi ilə, iddiaçının iddiadan imtina etməsi ilə, cavabdehin iddianı qəbul etməsi ilə və ya hüquqi mübahisənin nizamlanması barədə müştərək bəyanatla sona çatdıra bilərlər. 50.0 və 50.0.2-ci maddələrinə əsasən sədrlik edən hakim mübahisə ilə bağlı iş üzrə hazırlıq icraatında iddiaçının iddiadan imtina etməsi və ya cavabdehin iddianı qəbul etməsi barədə məsələləri həll edir və bu barədə müvafiq qərardad qəbul edir. 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Beləliklə, məhkəmə hesab edir ki, İddiaçı cavabdeh Naxçıvan Şəhər İcra Hakimiyyətinə qarşı "Naxçıvan şəhər H.Əliyev küçəsində yerləşən 40 m2 sahəsi olan qeyri-yaşayış sahəsinin sökülməsi ilə əlaqədar birbaşa maddi ziyan qismində 120000 manat, iddiaçıya məxsus qeyri-yaşayış sahəsinin söküldüyü 2011-ci il tarixdən iddia ərizəsinin verilməsi tarixinə qədər iddiaçının aylıq gəliri 1000 manat götürməklə, əldən çıxmış fayda qismində 144000 manat və mənəvi ziyan qismində 35000 manat məbləğində, ümumilikdə 299000 manat pul vəsaitinin cavabdeh Naxçıvan Şəhər İcra Hakimiyyətindən alınaraq ona ödənilməsi tələbi”nə dair iş üzrə İddiaçı ərizəsi təmin edilməli və inzibati iş üzrə icraata xitam verilməlidir. Göstərilənləri nəzərə alaraq və Azərbaycan Respublikası İnzibati Prosessual Məcəlləsinin 55.1, 55.4, 55.5, 80, 83.1-ci maddələrini rəhbər tutaraq, məhkəmə qəraraaldı: İddiaçı ərizəsi təmin edilsin. İddiaçı cavabdeh Naxçıvan Şəhər İcra Hakimiyyətinə qarşı "Naxçıvan şəhər H.Əliyev küçəsində yerləşən 40 m2 sahəsi olan qeyri-yaşayış sahəsinin sökülməsi ilə əlaqədar birbaşa maddi ziyan qismində 120000 manat, iddiaçıya məxsus qeyri-yaşayış sahəsinin söküldüyü 2011-ci il tarixdən iddia ərizəsinin verilməsi tarixinə qədər iddiaçının aylıq gəliri 1000 manat götürməklə, əldən çıxmış fayda qismində 144000 manat və mənəvi ziyan qismində 35000 manat məbləğində, ümumilikdə 299000 manat pul vəsaitinin cavabdeh Naxçıvan Şəhər İcra Hakimiyyətindən alınaraq ona ödənilməsi tələbi”nə dair inzibati iş üzrə icraata xitam verilsin. İddiaçıya izah olunsun ki, iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. Qərardaddan şikayət verilə bilməz. Hakim: Elnur Hüseynov