Naxçıvan Muxtar Respublikasının İnzibati Məhkəməsi Qərardad — İş №2-1(122)-907/2024

Azərbaycan Respublikası adından QƏRARDAD Naxçıvan şəhəri İş № 2-1(122)-907/2024 06.04.2024 NAXÇIVAN MUXTAR RESPUBLİKASININ İNZİBAT MƏHKƏMƏSİ Hakim Muradov Hicran Xasay oğlunun sədrliyi, Məmmədov Kamal Cahangir oğlunun katibliyi, İddiaçı və cavabdeh Kəngərli Rayon İcra Hakimiyyətinin nümayəndəsi X1 iştirakları ilə, İddiaçı cavabdeh Kəngərli Rayon İcra Hakimiyyətinə qarşı “onun mülkiyyətində olmuş Kəngərli rayon Yurdçu kənd ərazisində yerləşən ümumi sahəsi 35.75 m2 olan yardımçı binanın Kəngərli Rayon İcra Hakimiyyətinin qanunsuz göstərişi əsasında sökülməsinə görə torpaq sahəsinin ona geri qaytarılması tələbi"nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, m ü ə y y ə n e t d i: İddiaçı iddia ərizəsi ilə məhkəməyə müraciət edərək onun mülkiyyətində olmuş Kəngərli rayon Yurdçu kənd ərazisində yerləşən ümumi sahəsi 35.75 m2 olan yardımçı binanın Kəngərli Rayon İcra Hakimiyyətinin qanunsuz göstərişi əsasında sökülməsinə görə torpaq sahəsinin ona geri qaytarılması barədə qərar qəbul edilməsini xahiş etmişdir. Azərbaycan Respublikasının İnzibati Prosessual Məcəlləsinin 45.4-cü maddəsinə əsasən iddia ərizəsi məhkəməyə daxil olduğu gündən icraata qəbul edilmiş və hazırlıq icraatı ilə bağlı məhkəmə iclası 06 aprel 2024-cü il tarixə təyin edilərək, bu barədə tərəflərə məlumat verilmişdir. Məhkəmə iclasında iştirak edən İddiaçı cavabdeh Kəngərli Rayon İcra Hakimiyyətinə qarşı onun mülkiyyətində olmuş Kəngərli rayon Yurdçu kənd ərazisində yerləşən ümumi sahəsi 35.75 m2 olan yardımçı binanın Kəngərli Rayon İcra Hakimiyyətinin qanunsuz göstərişi əsasında sökülməsinə görə torpaq sahəsinin ona geri qaytarılması tələbinə dair iddia qaldırdığını, cavabdeh tərəfindən torpaq sahəsi ilə təmin edildiyindən iddiasından imtina etdiyini, iddiadan imtina etməyinin hüquqi nəticələrinin ona məlum olduğunu bildirib, məhkəmədən iddiadan imtina barədə ərizəni qəbul edib iş üzrə icraata xitam verilməsini xahiş etmiş və bu barədə yazdığı 06 aprel 2024-cü il tarixli ərizəsini məhkəməyə təqdim etmişdir. Cavabdeh Kəngərli Rayon İcra Hakimiyyətinin nümayəndəsi X2 iddiaçının iddia tələbindən imtina etməsi barədə ərizəsinə heç bir etirazının olmadığını bildirmişdir. Məhkəmə tərəflərin izahatlarını dinləyib, iddiaçının ərizəsini nəzərdən keçirərək belə qənaətə gəlir ki, iddiaçının ərizəsi təmin edilməli və iş üzrə icraata xitam verilməlidir. Belə ki, Azərbaycan Respublikasının İnzibati Prosessual Məcəlləsinin: - 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. - 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. - 55.5-ci maddəsinə əsasən iddiaçı iddiadan imtina etdikdə və ya məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Beləliklə, məhkəmə hesab edir ki, İddiaçı cavabdeh Kəngərli Rayon İcra Hakimiyyətinə qarşı “onun mülkiyyətində olmuş Kəngərli rayon Yurdçu kənd ərazisində yerləşən ümumi sahəsi 35.75 m2 olan yardımçı binanın Kəngərli Rayon İcra Hakimiyyətinin qanunsuz göstərişi əsasında sökülməsinə görə torpaq sahəsinin ona geri qaytarılması tələbi"nə dair iddiası üzrə İddiaçı 06 aprel 2024-cü il tarixli ərizəsi təmin edilməli və iş üzrə icraata xitam verilməlidir. İddiaçıya izah edilir ki, iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. Yuxarıda qeyd olunanları və İPM-in 55.1, 55.4, 55.5, 80 və 83-cü maddələrini rəhbər tutaraq, məhkəmə q ə r a r a a l d ı: İddiaçı 06 aprel 2024-cü il tarixli ərizəsi təmin edilsin. İddiaçı cavabdeh Kəngərli Rayon İcra Hakimiyyətinə qarşı “onun mülkiyyətində olmuş Kəngərli rayon Yurdçu kənd ərazisində yerləşən ümumi sahəsi 35.75 m2 olan yardımçı binanın Kəngərli Rayon İcra Hakimiyyətinin qanunsuz göstərişi əsasında sökülməsinə görə torpaq sahəsinin ona geri qaytarılması tələbi"nə dair iş üzrə icraata xitam verilsin. Qərardaddan şikayət verilə bilməz. SƏDRLİK EDƏN: HİCRAN MURADOV