Naxçıvan Muxtar Respublikasının İnzibati Məhkəməsi Qərardad — İş №2-1(122)-932/2023

Azərbaycan Respublikası adından QƏRARDAD Naxçıvan şəhəri İş № 2-1(122)-932/2023 12.09.2023 NAXÇIVAN MUXTAR RESPUBLİKASININ İNZİBAT MƏHKƏMƏSİ Hakim Muradov Hicran Xasay oğlunun sədrliyi, Məmmədov Kamal Cahangir oğlunun katibliyi ilə, İddiaçı cavabdeh Babək Rayon İcra Hakimiyyətinə qarşı "Naxçıvan-Culfa yolunun sol tərəfində 6 saylı yanacaqdoldurma məntəqəsini əvvəlki vəziyyətinə qaytarmaqla mülkiyyət hüququnun təmin olunması öhdəliyinin Babək Rayon İcra Hakimiyyətinin üzərinə qoyulması tələbi"nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, m ü ə y y ə n e t d i: İddiaçı iddia ərizəsi ilə məhkəməyə müraciət edərək Naxçıvan-Culfa yolunun sol tərəfində 6 saylı yanacaqdoldurma məntəqəsini əvvəlki vəziyyətinə qaytarmaqla mülkiyyət hüququnun təmin olunması öhdəliyinin cavabdeh Babək rayon İcra Hakimiyyətinin qoyulması barədə qərar qəbul edilməsini xahiş etmişdir. Azərbaycan Respublikasının İnzibati Prosessual Məcəlləsinin (bundan sonra – İPM) 45.4-cü maddəsinə əsasən iddia ərizəsi məhkəməyə daxil olduğu gündən icraata qəbul edilmişdir. İddia ərizəsi məhkəmənin icraatına qəbul edildikdən sonra İPM-in 49-cu maddəsinə uyğun olaraq, işin hazırlıq icraatına başlanılmış və hazırlıq icraatı ilə bağlı məhkəmə iclası 12 sentyabr 2023-cü il tarixə təyin edilmişdir. İddiaçı məhkəməyə 15 avqust 2023-cü il tarixli ərizə göndərərək Naxçıvan Muxtar Respublikası İnzibati Məhkəməsində 2-1(122)-932/2023 nömrəli iş üzrə cavabdeh Babək Rayon İcra Hakimiyyətinə qarşı Naxçıvan-Culfa yolunun sol tərəfində 6 saylı yanacaqdoldurma məntəqəsini əvvəlki vəziyyətinə qaytarmaqla mülkiyyət hüququnun təmin olunması öhdəliyinin cavabdehin üzərinə qoyulması tələbinə dair iddia qaldırdığını, iddia tələbi cavabdeh tərəfindən təmin edildiyindən iddiasından imtina etdiyini, iddiadan imtina etməyinin hüquqi nəticələrinin ona məlum olduğunu bildirib, məhkəmədən iddiadan imtina barədə ərizəni qəbul edib iş üzrə icraata xitam verilməsini xahiş etmişdir. İddiaçının Bakı şəhər 24 saylı notariat ofisində xx.xx.2023 tarixdə verilmiş 7E-8374 reyestr nömrəli etibarnamə əsasında nümayəndəsi X2 məhkəməyə iddiadan imtina barədə 15 avqust 2023-cü tarixli notarial qaydada təsdiq edilmiş eyni məzmunlu ərizə göndərmişdir. Məhkəmə iclasının yeri və vaxtı barədə tərəflərə lazımi qaydada məlumat verilməsinə baxmayaraq, onlar heç bir üzrlü səbəb göstərmədən məhkəmə iclasında iştirak etməmişdirlər. Məhkəmə tərəflərin iştirakı olmadan işə baxılmasını mümkün hesab etmişdir. Məhkəmə İddiaçı və iddiaçının nümayəndəsi X1 ərizələrini nəzərdən keçirərək belə qənaətə gəlir ki, onların ərizələri təmin edilməli və iş üzrə icraata xitam verilməlidir. Belə ki, Azərbaycan Respublikasının İnzibati Prosessual Məcəlləsinin: - 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. - 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. - 55.5-ci maddəsinə əsasən iddiaçı iddiadan imtina etdikdə və ya məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Beləliklə, məhkəmə hesab edir ki, İddiaçı cavabdeh Babək Rayon İcra Hakimiyyətinə "Naxçıvan-Culfa yolunun sol tərəfində 6 saylı yanacaqdoldurma məntəqəsini əvvəlki vəziyyətinə qaytarmaqla mülkiyyət hüququnun təmin olunması öhdəliyinin cavabdehin üzərinə qoyulması tələbi"nə dair iddiası üzrə İddiaçı və iddiaçının nümayəndəsi X1 15 avqust 2023-cü il tarixli ərizələri təmin edilməli və iş üzrə icraata xitam verilməlidir. Yuxarıda qeyd olunanları və İPM-in 55.1, 55.4, 55.5, 80 və 83-cü maddələrini rəhbər tutaraq, məhkəmə q ə r a r a a l d ı: İddiaçı və iddiaçının nümayəndəsi X1 15 avqust 2023-cü il tarixli ərizələri təmin edilsin. İddiaçı cavabdeh Babək Rayon İcra Hakimiyyətinə qarşı "Naxçıvan-Culfa yolunun sol tərəfində 6 saylı yanacaqdoldurma məntəqəsini əvvəlki vəziyyətinə qaytarmaqla mülkiyyət hüququnun təmin olunması öhdəliyinin cavabdehin üzərinə qoyulması tələbi"nə dair iş üzrə icraata xitam verilsin. Qərardaddan şikayət verilə bilməz. SƏDRLİK EDƏN: HİCRAN MURADOV