Naxçıvan Muxtar Respublikasının İnzibati Məhkəməsi Qərardad — İş №2-1(122)-998/2024

Azərbaycan Respublikası adından QƏRARDAD Naxçıvan şəhəri İş № 2-1(122)-998/2024 29.07.2024 NAXÇIVAN MUXTAR RESPUBLİKASININ İNZİBAT MƏHKƏMƏSİ Hakim Muradov Hicran Xasay oğlunun sədrliyi, Məmmədov Kamal Cahangir oğlunun katibliyi, Cavabdeh nümayəndəsi X1 iştirakı ilə, İddiaçı Cavabdehnə qarşı “ona Şahbuz rayonu, Ağbulaq (Geçəzur) kəndi ərazisindən verilmiş, mülkiyyət hüququ üzrə ona məxsus olan 420 kv.m. torpaq sahəsi üzərində inşa olunmuş tövlə binasının qanunsuz olaraq söküldüyünə görə 50 000 (əlli min) manat dəymiş zərərin və həmin torpaq sahəsinin ona geri qaytarılması öhdəliyinin cavabdehin üzərinə qoyulması tələbi”nə dair inzibati işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, m ü ə y y ə n e t d i: İddiaçı iddia ərizəsi ilə məhkəməyə müraciət edərək, ona Şahbuz rayonu, Ağbulaq (Geçəzur) kəndi ərazisindən verilmiş, mülkiyyət hüququ üzrə ona məxsus olan 420 kv.m. torpaq sahəsi üzərində inşa olunmuş tövlə binasının qanunsuz olaraq söküldüyünə görə 50 000 (əlli min) manat dəymiş zərərin və həmin torpaq sahəsinin ona geri qaytarılması öhdəliyinin Cavabdeh üzərinə qoyulması barədə qərar qəbul edilməsini xahiş etmişdir. Azərbaycan Respublikasının İnzibati Prosessual Məcəlləsinin 45.4-cü maddəsinə əsasən iddia ərizəsi məhkəməyə daxil olduğu gündən icraata qəbul edilmiş və hazırlıq icraatı ilə bağlı məhkəmə iclası 29 iyul 2024-cü il tarixə təyin edilərək, bu barədə tərəflərə məlumat verilmişdir. İddiaçı tərəfindən dəftərxana vasitəsilə məhkəməyə daxil olmuş 24 iyul 2024-cü il tarixli, **********613 nömrəli ərizədən görünür ki, o, Naxçıvan Muxtar Respublikasının İnzibati Məhkəməsində Cavabdehnə qaşı mülkiyyətində olan tövlənin sökülməsinə görə kompensasiya ödənilməsi ilə bağlı öhdəliyin cavabdehin üzərinə qoyulması tələbinə dair iddia qaldırdığını, cavabdeh tərəfindən dəymiş ziyanın qarşılığında Şahbuz rayonu, Ağbulaq kəndində 1200 kv/m həyətyanı torpaq sahəsinin güzəştli şərtlərlə ona verilməsi ilə razı olduğunu, iddia tələbindən imtina etdiyini, iddiadan imtina etməyin hüquqi nəticələrinin ona izah olunduğunu, iddiadan imtina barədə ərizəsinin qəbul edilib, məhkəmədən iş üzrə icraata xitam verilməsini xahiş etmişdir. Məhkəmə iclasında iştirak edən Cavabdeh nümayəndəsi X2 iddiaçının iddiadan imtina barədə ərizəsinə heç bir etirazının olmadığını bildirmişdir. Məhkəmə cavabdehin nümayəndəsinin izahatını dinləyərək, iddiaçının ərizəsini nəzərdən keçirərək belə qənaətə gəlir ki, iddiaçının ərizəsi təmin edilməli və iş üzrə icraata xitam verilməlidir. Belə ki, Azərbaycan Respublikasının İnzibati Prosessual Məcəlləsinin: - 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. - 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. - 55.5-ci maddəsinə əsasən iddiaçı iddiadan imtina etdikdə və ya məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Beləliklə, məhkəmə hesab edir ki, İddiaçı Cavabdehnə qarşı “ona Şahbuz rayonu, Ağbulaq (Geçəzur) kəndi ərazisindən verilmiş, mülkiyyət hüququ üzrə ona məxsus olan 420 kv.m. torpaq sahəsi üzərində inşa olunmuş tövlə binasının qanunsuz olaraq söküldüyünə görə 50 000 (əlli min) manat dəymiş zərərin və həmin torpaq sahəsinin ona geri qaytarılması öhdəliyinin cavabdehin üzərinə qoyulması tələbi”nə dair iddiası üzrə İddiaçı 24 iyul 2024-cü il tarixli ərizəsi təmin edilməli və iş üzrə icraata xitam verilməlidir. İddiaçıya izah edilir ki, iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. Yuxarıda qeyd olunanları və İPM-in 55.1, 55.4, 55.5, 80 və 83-cü maddələrini rəhbər tutaraq, məhkəmə q ə r a r a a l d ı: İddiaçı 24 iyul 2024-cü il tarixli ərizəsi təmin edilsin. İddiaçı Cavabdehnə qarşı “ona Şahbuz rayonu, Ağbulaq (Geçəzur) kəndi ərazisindən verilmiş, mülkiyyət hüququ üzrə ona məxsus olan 420 kv.m. torpaq sahəsi üzərində inşa olunmuş tövlə binasının qanunsuz olaraq söküldüyünə görə 50 000 (əlli min) manat dəymiş zərərin və həmin torpaq sahəsinin ona geri qaytarılması öhdəliyinin cavabdehin üzərinə qoyulması tələbi”nə dair iş üzrə icraata xitam verilsin. Qərardaddan şikayət verilə bilməz. SƏDRLİK EDƏN: HİCRAN MURADOV