Naxçıvan MR Şərur Rayon Məhkəməsi Qətnamə — İş №2(110)-356/2021

Azərbaycan Respublikası adından QƏTNAMƏ Şərur şəhəri İş № 2(110)-356/2021 16.05.2021 NAXÇIVAN MR ŞƏRUR RAYON MƏHKƏMƏSİ Mən, Şərur Rayon Məhkəməsinin hakimi Qarayev Seymur Əlfəddin oğlu, İddiaçı “xxxx” MMC-nin Cavabdeh qarşı “borc tələbi” barədə iddia ərizəsinə Şərur Rayon Məhkəməsinin inzibati binasında kiçik iddialara dair işlər üzrə sadələşdirilmiş icraat qaydasında baxaraq, müəyyən etdim: İddiaçı "xxxx" Məhdud Məsuliyyətli Cəmiyyəti Cavabdeh qarşı ərizə ilə məhkəməyə müraciət edərək, 25.12.2019-cu il tarixli müqaviləyə əsasən İMEİ kodu **********78513 olan Samsung Galaxy A10 markalı telefon və aksesuar üçün 250.8 (iki yüz əlli manat səksən qəpik) ödənilməmiş hissə, 25 (iyirmi beş) manat cərimə, 11.01.2020-ci il tarixli müqaviləyə əsasən İMEİ kodu **********61421 olan X2 8 markalı telefon və aksesuar üçün 522.2 (beş yüz iyirmi iki manat iyirmi qəpik) manat ödənilməmiş hissə, 52 (əlli iki) manat cərimə, ümumilikdə 850 (səkkiz yüz əlli) manat borc, 30 manat ödənilmiş dövlət rüsumu olmaqla, cəmi 880 manat Cavabdeh alınaq "xxxx" Məhdud Məsuliyyətli Cəmiyyətinə ödənməsi barədə qətnamə çıxarılmasını məhkəmədən xahiş etmişdir. İddiaçının nümayəndəsi ərizəsində Cavabdeh iddiaçı “xxxx” MMC ilə 25.12.2019-cu il və 11.01.2020-ci il tarixli müqaviləsinə əsasən, İMEİ Kodu **********78513 olan Samsung Galaxy A10 markalı telefon və aksesuar və İMEİ Kodu **********61421 olan X2 8 markalı telefon və aksesuar aldığını və nəticədə 850 (səkkiz yüz əlli) manat borcu yarandığını, cavabdehin müqavilənin şərtlərini pozduğunu, və nəticədə 25.12.2019-cu il tarixli müqaviləsinə əsasən, alqı-satqı qiyməti 352.2 (üç yüz əlli iki manat iyirmi qəpik) manat (6 ay x 58.7 manat +0 manat ilkin ödəniş) İMEİ Kodu **********78513 olan Samsung Galaxy A10 markalı telefon və aksesuar üçün ümumilikdə 275.8 (iki yüz yetmiş beş manat səksən qəpik) manat olmaqla ondan 250 (iki yüz əlli) manat ödənilməmiş hissə, cərimə 69 manat (0.58 manat x 120 gün) hesablanmalı olmasına baxmayaraq, güzəşt olunaraq 25 (iyirmi beş) manat cərimə, 11.01.2020-ci il tarixli müqaviləsinə əsasən alqı-satqı qiyməti 622.4 (altı yüz iyrmi iki manat qırx qəpik) manat (12 ay×48 manat + 44 manat ilkin ödəniş) İMEİ Kodu **********61421 olan X2 8 markalı telefon üçün ümumilikdə 574.2 (beş yüz yetmiş dörd manat iyirmi qəpik) manat olmaqla ondan 522.2 (beş yüz iyirmi iki manat iyirmi qəpik) manat ödənilməmiş hissə, 158 (bir yüz əlli səkkiz) manat (0.48 manat x 330 gün) hesablanmalı olmasına baxmayaraq güzəşt olunaraq 52 (əlli iki) manat cərimə borcu hesablandığını, cavabdehin cəmi ödədiyi məbləğin 201.6 manat təşkil etdiyini qeyd edərək, 25.12.2019-cu il tarixli müqaviləsinə əsasən İMEİ kodu **********78513 olan Samsung Galaxy A10 markalı telefon və aksesuar üçün 250.8 (iki yüz əlli manat səksən qəpik) ödənilməmiş hissə, 25 (iyirmi beş) manat cərimə, 11.01.2020-ci il tarixli müqaviləsinə əsasən İMEİ kodu **********61421 olan X2 8 markalı telefon və aksesuar üçün 522.2 ( beş yüz iyirmi iki manat iyirmi qəpik) manat ödənilməmiş hissə, 52 (əlli iki) manat cərimə, ümumilikdə 850 (səkkiz yüz əlli) manat borc, 30 manat ödənilmiş dövlət rüsumu olmaqla, cəmi 880 manat Cavabdeh alınaq "xxxx" Məhdud Məsuliyyətli Cəmiyyətinə ödənməsi barədə qətnamə çıxarılmasını məhkəmədən xahiş etmişdir. Azərbaycan Respublikasının Mülki Prosessual Məcəlləsinin 284-5.2-ci maddəsinə əsasən cavabdehin iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri rəsmi qaydada aldığı gündən 10 (on) iş günü müddətində məhkəməyə göndərə biləcəyinin izah edilməsinə dair bildiriş onun yaşadığı ünvana göndərilmişdir. Məhkəmə iş materiallarında olan sübutlara hüquqi qiymət verərək belə nəticəyə gəlir ki, ərizə təmin edilməlidir. "xxxx" MMC ilə Cavabdeh oğlu (müştəri) arasında bağlanmış 25.12.2019-cu il tarixli 01156333 saylı, Müqavilənin 1.1-ci bəndinə əsasən, "xxxx" özünə məxsus olan əşyaları (bu andan etibarən "Mal") "Müştəri" yə müqavilədə qeyd edilən şərtlərlə verir, "Müştəri" isə "Mal"ı göstərilən şərtlərlə qəbul edir. Həmin Müqavilələrin 2.1-ci bəndinə əsasən ona məxsus fərdi əlamətləri olan əşya- İMEİ kodu **********78513 və **********78510, 2 il Yeni qızıl zəmanəti və quraşdırma xidməti olan Samsung Galaxy A10 (SM –A105) mobil telefon və X4 Samsung A10 Black olan aksesuardır. Tərəflər arasında bağlanmış 25.12.2019-cu il tarixli, ******* saylı Müqaviləyə əlavədən (ödəniş cədvəlindən) görünür ki, alıcı qiyməti 352.2 (üç yüz əlli iki manat iyirmi qəpik) manat olan telefon üçün ilkin ödəniş ödəmədən 6 (altı) ay müddətinə, ayda 58.7 (əlli səkkiz manat yetmiş qəpik) manat ödəməyi öhdəsinə götürüb. X1 2-ci bəndinə əsasən, "Ödəniş cədvəli" üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1 faizi həcmində "Müştəri" mübahisəsiz olaraq peniya ödəyir. İş materiallarına əlavə olunmuş 25.12.2019-cu il tarixli əşyanın təhvil-təslim aktına əsasən Cavabdeh İMEİ kodu **********78513 və **********78510, 2 il Yeni qızıl zəmanəti və quraşdırma xidməti olan Samsung Galaxy A10 (SM –A105) mobil telefonu və X4 Samsung A10 BLACK olan aksesuar tam qüsursuz təhvil almışdır. İş materiallarına əlavə olunmuş "xxxx" MMC ilə Cavabdeh (müştəri) arasında bağlanmış 11.01.2020-ci il tarixli 20030632 saylı, Müqavilənin 1.1-ci bəndinə əsasən, "xxxx" özünə məxsus olan əşyanı (bu andan etibarən "Mal") "Müştəri" yə müqavilədə qeyd edilən şərtlərlə verir, "Müştəri" isə "Mal"ı göstərilən şərtlərlə qəbul edir. Həmin Müqavilələrin 2.1-ci bəndinə əsasən ona məxsus fərdi əlamətləri əşya- İMEİ kodu **********61421 və **********61425, 2 il Yeni qızıl zəmanəti və quraşdırma xidməti olan X2 8 4/64GB mobil telefon və 4D Glass Full X2 8 aksesuardır. Tərəflər arasında bağlanmış 11.01.2020-ci il tarixli 20030632 saylı Müqaviləyə əlavədən (ödəniş cədvəlindən) görünür ki, alıcı qiyməti 622.4 (altı yüz iyirmi iki manat qırx qəpik) manat olan telefon və aksesuar üçün ilkin ödəniş olaraq 44 (qırx dörd) manat ödəməklə, qalan məbləği 12 (on iki) ay müddətinə, ayda 48.2 (qırx səkkiz manat iyirmi qəpik) manat ödəməyi öhdəsinə götürmüşdür. X1 2-ci bəndinə əsasən, "Ödəniş cədvəli" üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1 faizi həcmində "Müştəri" mübahisəsiz olaraq peniya ödəyir. İş materiallarına əlavə olunmuş 11.01.2020-ci il tarixli əşyanın təhvil-təslim aktına əsasən Cavabdeh İMEİ kodu **********61421 və **********61425, 2 il Yeni qızıl zəmanəti və quraşdırma xidməti olan X2 8 4/64GB mobil telefonu və 4D Glass Full X2 8 aksesuarı tam qüsursuz halda təhvil almışdır. İş materiallarına əlavə olunmuş 30.03.2021-ci il tarixli maliyyə və ödəniş cədvəlinə əsasən, halhazırda cavabdehin hər iki müqavilə üzrə cəmiyyətə olan borcu 773 (yeddi yüz yetmiş üç) manat ödənilməmiş hissə, 77 (yetmiş yeddi) manat məbləğində cərimə olmaqla, ümumilikdə 850 (səkkiz yüz əlli) manat təşkil edir. İş materiallarında olan ********* nömrəli, 31.03.2021-ci il tarixli Mədaxil Qəbzindən görünür ki, "xxxx" MMC tərəfindən məhkəmədə iddia qaldırılması ilə əlaqədar dövlət büdcəsinin AZ21NABZ******************** xəzinə hesabına 30 (otuz) manat dövlət rüsumu ödənilmişdir. İş materiallarına əlavə olunmuş 15.10.2020-ci il tarixli Xəbərdarlıq məktubundan görünür ki, müqavilənin şərtlərini pozaraq, müqavilədə müəyyən olunmuş vaxt və qaydaya əməl etmədiyi üçün məktubu aldıqdan sonra qisa bir zamanda borcunu ödəmədiyi təqdirdə müvafiq olaraq aidiyyatı üzrə Dövlət qrumuna müraciət olunacağı barədə xəbərdar edilmişdir. İş materiallarına əlavə edilmiş sənədlərdən görünür ki, verilmiş tələb Azərbaycan Respublikasının Mülki Prosessual Məcəlləsinin 284-1-ci maddəsinə uyğun olmaqla yanaşı, tələbi təsdiq edən sənədlər təqdim olunmuşdur və ərizənin əsaslandığı tələbetmə hüququ barədə mübahisə mövcud deyildir. Çünki qeyd olunan sənədlərdən də göründüyü kimi "xxxx" MMC ilə Cavabdeh arasında bağlanmış 25.12.2019-cu il tarixli 01156333 saylı, saylı Müqaviləyə əsasən alıcı Cavabdeh "xxxx" MMC-dən qiyməti 352.2 (üç yüz əlli iki manat iyirmi qəpik) manat olan İMEİ kodu **********78513 və **********78510, 2 il Yeni qızıl zəmanəti və quraşdırma xidməti olan Samsung Galaxy A10 (SM –A105) mobil telefon və X4 Samsung A10 Black olan aksesuar üçün ilkin ödəniş ödəmədən 6 (altı) ay müddətinə ayda 58.7 (əlli səkkiz manat yetmiş qəpik) manat ödəməyi, 11.01.2020-ci il tarixli 20030632 saylı Müqaviləyə əsasən isə qiyməti 622.4 (altı yüz iyirmi iki manat, qırx qəpik) manat olan İMEİ kodu **********61421 və **********61425, 2 il Yeni qızıl zəmanəti və quraşdırma xidməti olan X2 8 4/64GB mobil telefonu və 4D Glass Full X2 8 aksesuar üçün ilkin ödəniş olaraq 44 (qırx dörd) manat ödəməklə qalan məbləği 12 (on iki) ay müddətinə, ayda 48.2 (qırx səkkiz manat iyirmi qəpik) manat ödəməyi öhdəsinə götürmüşdür. Lakin Cavabdeh üzərinə götürdüyü öhdəlikləri lazımı qaydada icra etməyərək hər iki müqavilə üzrə mobil telefonlar və aksessuarlar üçün cəmi 201,6 (iki yüz bir manat altmış qəpik) manat ödəniş etmişdir. İş üzrə tərəflər arasında bağlanmış Müqavilələrə əlavənin 2-ci bəndinə əsasən "Ödəniş cədvəli" üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1 faizi həcmində "Müştəri" mübahisəsiz olaraq peniya ödəməlidir. İş materiallarına əlavə olunmuş maliyyə və ödəniş cədvəlinə əsasən, hal-hazırda cavabdehin hər iki müqavilə üzrə cəmiyyətə 773 (yeddi yüz yetmiş üç) manat ödənilməmiş hissə, 77 (yetmiş yeddi) manat məbləğində cərimə olmaqla, ümumilikdə 850 (səkkiz yüz əlli) manat borcu müəyyən edilmişdir. İş üzrə tərəflər arasında bağlanmış Müqavilələrin şərtlərinə müvafiq olaraq da, iddiaçının cavabdehdən ümumilikdə borcun ödənilməsini tələb etmək hüququ yaranmışdır. Azərbaycan Respublikasının Mülki Məcəlləsinin: - 600.1-ci maddəsinə əsasən, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; - 600.2-ci maddəsinə əsasən, əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur; - 600.4-cü maddəsinə əsasən, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; - 601.1-ci maddəsinə əsasən, əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun; - 601.2-ci maddəsinə əsasən, hissə-hissə ödəmə şərti ilə malın nisyə satılması haqqında müqaviləyə bu Məcəllənin 600.2-600.5-ci maddələrində nəzərdə tutulan qaydalar tətbiq edilir; - 425.1-ci maddəsinə əsasən, öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidir; - 442-ci maddəsinə əsasən, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür; - 443.1-ci maddəsinə əsasən, öhdəliyini icra etməyən borclu kreditora dəymiş zərərin əvəzini ödəməyə borcludur. Borclunun üzərinə öhdəliyi pozmağa görə məsuliyyət qoyulmadıqda, bu qayda qüvvədə olmur; - 445.1-ci maddəsinə əsasən, icranı gecikdirmiş borclu gecikdirmə nəticəsində vurduğu zərər üçün və gecikdirmə zamanı təsadüfən baş vermiş icra mümkünsüzlüyünün nəticələri üçün kreditor qarşısında məsuliyyət daşıyır; - 445.2.1-ci maddəsinə əsasən, öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır; - 448.2-ci maddəsinə əsasən, borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır. Borclunu təqsirə görə, yəni qərəzə və ya kobud ehtiyatsızlığa görə məsuliyyətdən qabaqcadan azad etmək olmaz; - 462.1-ci maddəsinə əsasən, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir; - 465.2-ci maddəsinə görə, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödəniməsini və öhdəliyin icrasını tələb edə bilər. Azərbaycan Respublikasının Mülki Prosessual Məcəlləsinin: - 284-1-ci maddəsinə əsasən, mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. - 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır; - 284-6.1-ci maddəsinə əsasən, işə mahiyyəti üzrə baxan hakim tərəfindən iddianın təmin və ya rədd edilməsi haqqında qətnamə qəbul edilir. Beləliklə, Məhkəmə mülki iş materiallarinda olan sübutlara qiymət verərək bu qənaətə gəlir ki, iddiaçının tələbi haqlıdır və buna görə də təmin edilməli, Cavabdeh oğludan 25.12.2019-cu il tarixli müqaviləsinə əsasən İMEİ kodu **********78513 olan Samsung Galaxy A10 markalı telefon və aksesuar üçün 250.8 (iki yüz əlli manat səksən qəpik) ödənilməmiş hissə, 25 (iyirmi beş) manat cərimə, 11.01.2020-ci il tarixli müqaviləsinə əsasən İMEİ kodu **********61421 olan X2 8 markalı telefon və aksesuar üçün 522.2 (beş yüz iyirmi iki manat iyirmi qəpik) manat ödənilməmiş hissə, 52 (əlli iki) manat cərimə olmaqla, ümumilikdə 850 (səkkiz yüz əlli) manat borc tutularaq "xxxx" Məhdud Məsuliyyətli Cəmiyyətinə xeyrinə ödənilməlidir. Azərbaycan Respublikasının Mülki-Prosessual Məcəlləsinin 222.2-ci maddəsinə əsasən, pul vəsaitlərinin tutulması haqqında iddianı təmin edərkən hakim əsas borcu, ziyan və dəbbə pulunu (cərimə, penya) ayrı-ayrılıqda müəyyən etməklə, alınmalı olan ümumi məbləği qətnamədə göstərir; İddia təmin olunduğu üçün Azərbaycan Respublikasının Mülki-Prosessual Məcəlləsinin 119.1-ci maddəsinə əsasən, ərizə üzrə ödənilmiş 30 (otuz) manat dövlət rüsumu cavabdehdən iddiaçının xeyrinə tutulmalıdır. Yuxarıda qeyd edilənləri və Azərbaycan Respublikası Mülki-Prosessual Məcəlləsinin 216-220, 284-5, 284-6, 358.0.3 və 360-cı maddələrini rəhbər tutaraq q ə t e t d i m: İddia təmin edilsin. Cavabdehdan 25.12.2019-cu il tarixli müqaviləyə əsasən İMEİ kodu **********78513 olan Samsung Galaxy A10 markalı telefon və aksesuar üçün 250.8 (iki yüz əlli manat səksən qəpik) ödənilməmiş hissə, 25 (iyirmi beş) manat cərimə, 11.01.2020-ci il tarixli müqaviləyə əsasən İMEİ kodu **********61421 olan X2 8 markalı telefon və aksesuar üçün 522.2 (beş yüz iyirmi iki manat iyirmi qəpik) manat ödənilməmiş hissə, 52 (əlli iki) manat cərimə, cəmi 850 (səkkiz yüz əlli) manat borc və 30 (otuz) manat ödənilmiş dövlət rüsumunun əvəzi, ümumilikdə 880 (səkkiz yüz səksən) manat pul tutularaq “xxxx” Məhdud Məsuliyyətli Cəmiyyətinin xeyrinə ödənilsin. Qətnamədən, onun rəsmi qaydada verildiyi gündən 1 (bir) ay müddətində Şərur Rayon Məhkəməsi vasitəsi ilə Naxçıvan Muxtar Respublikası Ali Məhkəməsinin mülki kollegiyasına apellyasiya şikayəti vermək olar. Kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Hakim: Seymur Qarayev