Bakı Şəhəri Binəqədi Rayon Məhkəməsi Qərardad — İş №3(001)-1019/2021

Azərbaycan Respublikası adından QƏRARDAD Bakı şəhəri İş № 3(001)-1019/2021 05.02.2021 BAKI ŞƏHƏRİ BİNƏQƏDİ RAYON MƏHKƏMƏSİ Mən, Binəqədi Rayon Məhkəməsinin hakimi Məmmədov Vüqar Nemət oğlu, X1 barəsində tərtib olunan inzibati xəta haqqında qərardan verdiyi şikayətə baxaraq, MÜƏYYƏN ETDİM : Binəqədi Rayon Məhkəməsinin icraatına X1 barəsində tərtib olunan inzibati xəta haqqında qərardan verdiyi şikayət daxil olmuşdur. Məhkəmə şikayət materialını araşdıraraq X1 Binəqədi Rayon Məhkəməsinə şikayət etməsində inzibati qanunvericiliyin tələblərinin pozulduğunu müəyyən etmişdir, ona görə də hesab edir ki, şikayət icraata qəbul edilmədən onu vermiş şəxsə geri qaytarılmalıdır. İş materiallarından göründüyü kimi X3 Bakı şəhəri Nərimanov rayonu, Ağa Nemətulla küçəsində karantin rejimi qaydalarını pozmuşdur, özü isə şikayətində ünvan 1 ünvanda yaşadığını qeyd etmişdir. “Azərbaycan Respublikası inzibati Xətalar Məcəlləsinin 129.1.3-cü maddəsinin şərh olunmasına dair Azərbaycan Respublikası Konstitusiya Məhkəməsi Plenumunun x xxxxxx 2020-ci il tarixli qərarına əsasən qanunverici tərəfindən Azərbaycan Respublikası inzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Göründüyü kimi, X3 tərəfindən inzibati xəta Nərimanov rayonu ərazisində törədildiyindən, şikayətə inzibati xətanın törədildiyi yer üzrə, yəni Nərimanov Rayon Məhkəməsində və ya vəsatətinə əsasən yaşadığı ünvan üzrə rayon məhkəməsində baxılmalıdır. Azərbaycan Respublikası İnzibati Xətalar Məcəlləsinin 109.1.6-cı maddəsinə əsasən protokol və digər materiallar səlahiyyəti olmayan şəxs tərəfindən tərtib edildikdə, protokol və digər materiallar natamam olduqda işə baxarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması haqqında qərardad qəbul edilir. Qeyd edilənlərə əsasən məhkəmə hesab edir ki, X1 barəsində tərtib olunan inzibati tənbeh vermə haqqında qərardan verdiyi şikayətin geri qaytarılmasına dair qərardad qəbul edilməlidir. Qeyd olunanları nəzərə alaraq və Azərbaycan Respublikası İXM-nin 100, 109, 110 və 129-cu maddələrini rəhbər tutaraq, QƏRARA ALDİM: X1 barəsində tərtib olunan inzibati xəta haqqında qərardan verdiyi şikayət geri qaytarılsın. X2 nöqsanlar aradan qaldırıldıqdan sonra yenidən məhkəməyə müraciət etmək hüququnun olması izah edilsin. Hakim: Vüqar Məmmədov