Bakı Şəhəri Binəqədi Rayon Məhkəməsi Qərar — İş №3(001)-1031/2022

Azərbaycan Respublikası adından QƏRAR Bakı şəhəri İş № 3(001)-1031/2022 05.04.2022 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Qurbanova Aygün Arzu qızının sədrliyi, X3 iclas katibliyi, Bakı şəhəri Binəqədi rayon icra məmuru X1, Zərərçəkmiş şəxs (tələbkar) X2, Barəsində inzibati xəta haqqında iş üzrə icraat aparılan şəxs (borclu) Şəxs, Müdafiəçi Vəkil iştirakı ilə xx.xx.1985-ci il tarixdə Bakı şəhərində doğulmuş, Azərbaycan Respublikasının vətəndaşı, subay, işləməyən, məhkumluğu olan, ünvan 1 ünvanda qeydiyyatda olan Şəxs barəsində Azərbaycan Respublikası İXM-nin 528.1-ci maddəsi ilə Binəqədi rayon İcra Şöbəsindən daxil olmuş inzibati xəta haqqında işə baxaraq, MÜƏYYƏN ETDİ: Binəqədi rayon icra şöbəsinin böyük icra məmuru Bəxtiyar İsmayılov tərəfindən Azərbaycan Respublikası İXM-nin 528.1-ci maddəsi ilə Şəxs inzibati məsuliyyətə cəlb edilməsinə dair inzibati xəta haqqında protokola baxılması üçün Bakı şəhəri Binəqədi Rayon Məhkəməsinə müraciət etmişdir. İnzibati xəta haqqında 05.04.2022-ci il tarixli, MN № ******* saylı protokola əsasən məlum olur ki, Bakı şəhəri Nərimanov Rayon Məhkəməsinin 30.06.2021-ci il tarixli, 2(005)- 3362/2021 saylı icra vərəqəsinə əsasən iddia təmin edilmiş, cavabdeh Şəxs hər ay 2 uşağa görə ümumilikdə 350 manat alimentin tutulması qət edilmişdir. Məhkəmə iclasında çıxış edən barəsində inzibati xəta haqqında iş üzrə icraat aparılan şəxs bildirmişdir ki, maddi çətinlikləri var və alimenti ödəmək niyyətindədir. 2 gün olar ki yeni işə düzəlmişdir. 1000 manat sosial müavinət alaraq ata və anasının borclarına xərcləmişdir. Bu səbədən həmin puldan aliment ödənişi etməmişdir. Məhkəmə iclasında çıxış edən barəsində inzibati xəta haqqında iş üzrə icraat aparılan şəxsin vəkili bildirdi ki, hüquqlarını müdafiə etdiyi şəxs maddi vəziyyətini nəzərə alaraq iş üzrə icraata xitam verilməsini məhkəmədən xahiş etmişdir. Məhkəmə iclasında çıxış edən tələbkar borclunu qəsdən ödəmədiyini nəzərə alaraq borclunun ciddi şəkildə cəzalanmasını məhkəmədən xahiş etmişdir. O bildirmişdir ki, borclu qərəzli olaraq alimenti ödəməkdən yayınır. Nikahda olduqları müddətdə də övladlarına baxmamış, indi də eyni vəziyyət qalmaqdadır. O bildirmişdir ki, uşaqlar böyüdükcə maddi ehtiyacları da artmaqdadır. Borclu uşaqlarına əlavə xərc, yük kimi yanaşır. Bugünədək icra məmuru vasitəsi ilə cəmi 100 manat ödəniş güclə edilmişdir. Tələbkar bildirmişdir ki, gecə növbəsində çörək sexində 4 ilə yaxındır ki işləyir. Əlləri işləməkdən qabar-qabar olmuşdur. Valideyn kimi istər uşaqların tərbiyəsi, istərsə də maddi tələbatlarının ödənilməsi üçün əlindən gələni etməyə çalışır. Lakin borclu ata kimi öhdəsinə düşən vəzifələrin icrasından əvvəllər olduğu kimi indi də yayınmaqdadır. Məhkəmə iclasında çıxış edən Binəqədi rayon icra şöbəsinin icra məmuru borclunun icra sənədini qəsdən icra etmədiyini və bunun nəticəsində tələbkarın çoxsaylı şikayətlərini və protokolda göstərilənləri nəzərə alaraq barəsində inzibati məsuliyyətə cəlb olunması barədə qərarın qəbul edilməsini məhkəmədən xahiş etmişdir. Həmçinin o, bildirmişdir ki, dəfələrlə alimentdən müəyyən məbləğ ödəniş edəcəyini qeyd etsə də bugünədək məhkəmə qərarını icra etməmişdir. Həmçinin borclunu axtarışa vermiş, 6-cı Polis Bölməsinin əməkdaşları tərəfindən saxlanılaraq bugün icra şöbəsinə gətirilmişdir. Məhkəmə (borclunun) barəsində inzibati xəta haqqında iş üzrə icraat aparılan şəxsi, müdafiəçini, icra məmurunun və tələbkarın çıxışlarını dinləyib, iş materiallarını araşdıraraq hesab edir ki, Şəxs İXM-nin 528.1-ci maddəsi ilə təqsirliliyi tam sübuta yetirilir. Belə ki, Azərbaycan Respublikası İXM-nin 528.1-ci maddəsinin tələbinə görə məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunun müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsi məsuliyyət yaradır və fiziki şəxslər beş yüz manatdan min maanatadək miqdarda cərimə edilir və ya işin hallarına görə pozuntunu törədənin şəxsiyyəti nəzərə alınaraq bir ayadək inzibati həbs tətbiq olunur. İXM-nin 11.1-ci maddəsinə əsasən Azərbaycan Respublikasında inzibati xətalar haqqında işlər üzrə icraatın aparılması, inzibati xətalar haqqında işlər üzrə qərarların qəbul və icra edilməsi həmin vaxtda qüvvədə olan Azərbaycan Respublikasının inzibati xətalar qanunvericiliyinə uyğun olaraq həyata keçirilir. Bundan başqa, İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Məhkəmə iclasında borclunun məsuliyyətini yüngülləşdirən və ağırlaşdıran hallar müəyyən edilməımişdir. Məhkəmə tərəfindən müəyyən olunmuşdur ki, icra sənədi üzürsüz səbəbdən uzun müddət icra olunmamış, borclunun icra sənədinin icra edilməməsində təqsiri sübuta yetirilmişdir. Həmçinin borc ödənişindən qərəzli olaraq yayınması (keçmiş həyat yoldaşı ilə aralarında olan ədavətə görə) məhkəmə iclasında tərəflərin bir-biri ilə münasibəti ilə də təsdiq edilmişdir. Məhkəmə hesab edir ki, məhkəmə qərarı qüvvəyə mindiyi vaxtdan borclu az da olsa hissə-hissə borcunu ödəməyə çalışmamışdır. Həmçinin 1000 manat sosial müavinət almış və dediyinə görə valideynərinin borcunu ödəmişdir. Həmin puldan övladlarına maddi köməklik göstərməməsi və bugüədək borcun icrası istiqamətində imkanı çatan qədər aylıq ödənişlər etməməsini məhkəmə onun məhkəmə qərarının icrasından qərəzli olaraq yayınması kimi qiymətləndirir. Buna görə də, məhkəmə barəsində inzibati xəta haqqında iş üzrə icraat aparılan şəxs (borclu) Şəxs şəxsiyyətini, məhkəmə qərarının uzun müddət qərəzli olaraq icra olunmadığını və nəticədə bunun tələbkarın çoxsaylı əsaslı şikayətlərinə səbəb olduğunu nəzərə alaraq məhkəmə hesab edir ki, yuxarıda qeyd olunanlara əsasən borclu inzibati qaydada həbs edilməlidir. Məhkəmə hesab edir ki, aliment ödənilməsi ilə bağlı məhkəmə qərarlarının icra edilməməsi vətəndaşlarda məhkəmə qərarlarının hüquqi statusuna olan inamı itirməkdən savayı, həmçinin uşaqların mənafeyinin qorunması və hüquqlarının müdafiəsi istiqamətində mövcud qanunvericilik aktları ilə ziddiyyət təşkil edir. Azərbaycan Respublikasının İnzibati Xətalar Məcəlləsinin: 61.1.5-ci maddəsinə əsasən barəsində inzibati xəta haqqında iş üzrə icraat aparılan şəxsin işinə baxılarkən müdafiəçinin hüquqi yardımından istifadə etmək hüququ vardır. 66.3-cü maddəsinə əsasən maddi vəziyyətinə görə öz hesabına vəkil tutmaq imkanı olmadıqda, inzibati qaydada tutulmuş şəxsə hüquqi yardım dövlətin vəsaiti hesabına göstərilir. Belə halda vəkil öz vəzifələrini yerinə yetirməkdən imtina edə bilməz. “Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında” Azərbaycan Respublikası Nazirlər Kabinetinin 202 saylı 03 may 2018-ci il tarixli qərarına əsasən hüquqi yardımın göstərilməsinə görə müdafiəçiyə ödənilən haqq hər iş saatı üçün 6 manat müəyyən edilmişdir. Məhkəmə işin həcmini nəzərə alaraq hesab edir ki, Vəkil müdafiəçi qismində məhkəmə iclasında iştirak edərək ümumilikdə inzibati xəta törətmiş şəxsin hüquqlarının müdafiəsinə 01 saat vaxt sərf etmişdir. Ona görə də, məhkəmə hesab edir ki, Şəxs göstərdiyi 01 saat hüquqi yardıma görə Bakı şəhəri 11 saylı Vəkil Bürosunun vəkili Vəkil Azərbaycan Respublikası dövlət büdcəsi vəsaiti hesabına 06 manat ödənilməli və hüquqi yardımın ödənilməsinin icrası Azərbaycan Respublikası Vəkillər Kollegiyasına həvalə edilməlidir. Şərh olunanlara əsasən və Azərbaycan Respublikasının İXM-nin 11.1, 31.2, 528.1-ci maddələrini rəhbər tutaraq, QƏRARA ALDİ: Şəxs Azərbaycan Respublikası İXM-nin 528.1-ci maddəsi ilə təqsirli bilinsin və ona inzibati tənbeh olaraq 10 (on) gün müddətində inzibati həbs təyin olunsun. Həbsetmənin əvvəli, onun inzibati qaydada tutulduğu – 05 aprel 2022-ci il tarixdən hesablansın. Şəxs saxlanılması üçün Azərbaycan Respublikası Daxili İşlər Nazirliyi Baş İctimai Təhlükəsizlik İdarəsinə Bilavasitə tabe olan İnzibati Qaydada həbs edilənlərin saxlama Mərkəzinə yerləşdirilsin. Vəkil məhkəmə baxışı zamanı 01 saat əmək haqqının məbləği 06 (altı) manat "xxxx" ASC-nin Binəqədi filialına (kod-200156, VÖEN-**********, m/h AZ37NABZ********************. S.W.İ.F.T.B.İ.K: AİİBAZ2X, hesab № AZ48AİİB********************, VÖEN-**********) Bakı şəhəri 11 saylı Vəkil Bürosunun hesablaşma hesabına köçürülsün. Qərarın surəti təqdim edildiyi və ya alındığı gündən 10 (on) gün müddətində işə baxan Binəqədi Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və ya apellyasiya protesti verilə bilər. Sədrlik edən: Aygün Qurbanova