Bakı Şəhəri Binəqədi Rayon Məhkəməsi Qərardad — İş №3(001)-1117/2023

Azərbaycan Respublikası adından QƏRARDAD Bakı şəhəri İş № 3(001)-1117/2023 10.03.2023 BAKI ŞƏHƏRİ BİNƏQƏDİ RAYON MƏHKƏMƏSİ Hakim Ağayev Elçin Zəkəriyə oğlunun sədrliyi, Həsənzadə Fuad Fərhad oğlunun katibliyi, Binəqədi rayon Polis İdarəsinin 40-cı PB-in sahə inspektoru, polis baş leytenantı Anar İmanovun iştirakı ilə, Şəxs Kamil oğlu barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə Bakı şəhəri Binəqədi RPİ-in 40-cı PB-dən daxil olmuş inzibati xəta haqqında materiala baxaraq, məhkəmə MÜƏYYƏN ETDİ: Binəqədi rayon Polis İdarəsinin 40-cı PB tərəfindən Şəxs Kamil oğlu barəsində Azərbaycan Respublikası İXM-in 535.1-ci maddəsi ilə inzibati xəta haqqında protokol tərtib edilərək baxılması üçün məhkəməyə göndərilmişdir. Binəqədi rayon Polis İdarəsinin 40-cı PB-in sahə inspektoru, polis baş leytenantı Anar İmanov vəsatətlə məhkəməyə müraciət edərək, Şəxs Kamil oğlu barəsində Azərbaycan Respublikası İXM-in 535.1-ci maddəsi ilə tərtib edilmiş inzibati xəta haqqında protokolun baxılmadan geri qaytarılmasını xahiş etmişdir. Məhkəmə iclasında Binəqədi rayon Polis İdarəsinin 40-cı PB-in sahə inspektoru, polis baş leytenantı Anar İmanov vəsatəti onunla əsaslandırmışdır ki, inzibati xəta haqqında protokolda natamamlıqlar var, həmin natamamlıqları işə məhkəmədə baxılarkən aradan qaldırmaq mümkün olmayacaqdır. Natamamlıqları aradan qaldırıb yenidən məhkəməyə müraciət edəcəkdir. Azərbaycan Respublikası İnzibati Xətalar Məcəlləsinin 106.0 və 106.0.3-cü maddələrinə əsasən hakim inzibati xətalar haqqında işlərə baxarkən aşağıdakı məsələləri həll edir:... inzibati xəta haqqında protokol və işin digər materialları bu Məcəllənin tələblərinə müvafiq olaraq tərtib edilmişdirmi;... Eyni Məcəllənin 109.1-ci və 109.1.43-cü maddələrinə əsasən inzibati xəta haqqında işin baxılmağa hazırlanması zamanı aşağıdakı məsələlər barəsində qərardad qəbul edilir:...protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması;... Məhkəmə Binəqədi rayon Polis İdarəsinin 40-cı PB-in sahə inspektoru, polis baş leytenantı Anar İmanovun vəsatətini nəzərə alaraq hesab edir ki, Şəxs Kamil oğlu barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə tərtib edilmiş inzibati xəta haqqında protokol onu tərtib etmiş orqana - Binəqədi rayon Polis İdarəsinin 40-cı PB-yə geri qaytarılmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 106 və 109-cu maddələrini rəhbər tutaraq, məhkəmə QƏRARA ALDİ: Vəsatət təmin edilsin. Şəxs Kamil oğlu barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə tərtib edilmiş inzibati xəta haqqında protokol onu tərtib etmiş orqana - Binəqədi rayon Polis İdarəsinin 40-cı PB-yə geri qaytarılsın. Hakim Elçin Ağayev