Bakı Şəhəri Binəqədi Rayon Məhkəməsi Qərardad — İş №3(001)-1248/2021

Azərbaycan Respublikası adından QƏRARDAD Bakı şəhəri İş № 3(001)-1248/2021 26.02.2021 BAKI ŞƏHƏRİ BİNƏQƏDİ RAYON MƏHKƏMƏSİ Mən, Binəqədi Rayon Məhkəməsinin hakimi Məmmədov Vüqar Nemət oğlu Ramazan Ramazanovun barəsində qəbul edilmiş inzibati tənbeh vermə haqqında qərardan verdiyi ərizəyə baxaraq, MÜƏYYƏN ETDİM : Binəqədi Rayon Məhkəməsinin icraatına Ramazan Ramazanovun barəsində qəbul edilmiş inzibati tənbeh vermə haqqında qərardan verdiyi ərizə daxil olmuşdur. Məhkəmə iş materialını araşdıraraq X1 Rayon Məhkəməsinə ərizə ilə müraciət etməsində inzibati qanunvericiliyin tələblərinin pozulduğunu müəyyən etmişdir, ona görə də hesab edir ki, ərizə icraata qəbul edilmədən onu vermiş şəxsə geri qaytarılmalıdır. Ramazan Ramazanov tərəfindən ərizə tərtib edilərkən forma və məzmun tələblərinə riayət edilməmiş, məhkəməyə şikayətlə müraciət edilməli olduğu təqdirdə ərizə ilə müraciət edilmiş, ərizədə şikayət olunan qərarın nömrəsi və tarixi qeyd olunmamışdır. Azərbaycan Respublikası İnzibati Xətalar Məcəlləsinin 109.1.6-cı maddəsinə əsasən protokol və digər materiallar səlahiyyəti olmayan şəxs tərəfindən tərtib edildikdə, protokol və digər materiallar natamam olduqda işə baxarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması haqqında qərardad qəbul edilir. Qeyd edilənlərə əsasən məhkəmə hesab edir ki, Ramazan Ramazanovun barəsində qəbul edilmiş inzibati tənbeh vermə haqqında qərardan verdiyi ərizənin geri qaytarılmasına dair qərardad qəbul edilməlidir. Qeyd olunanları nəzərə alaraq və Azərbaycan Respublikası İXM-nin 100, 109, 110 və 129cu maddələrini rəhbər tutaraq, QƏRARA ALDİM: Ramazan Ramazanovun barəsində qəbul edilmiş inzibati tənbeh vermə haqqında qərardan verdiyi ərizə geri qaytarılsın. Nöqsanlar aradan qaldırıldıqdan sonra Binqədi Rayon Məhkəməsinə müraciət etmək hüququnun olması izah edilsin. Hakim: Vüqar Məmmədov