Bakı Şəhəri Binəqədi Rayon Məhkəməsi Qərardad — İş №3(001)-1271/2024

Azərbaycan Respublikası adından QƏRARDAD Bakı şəhəri İş № 3(001)-1271/2024 16.02.2024 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Bağırov Zamiq Rəşid oğlu, Şəxs barəsində Azərbaycan Respublikasının İnzibati Xətalar Məcəlləsinin (bundan sonra - İXM) 528.1-ci maddəsi ilə tərtib olunmuş inzibati xəta haqqında protokol üzrə toplanmış materialı məhkəmə iclasında baxılmağa hazırlayarkən müəyyən etdim: Məhkəmənin icraatına Bakı şəhəri Binəqədi Rayon İcra şöbəsi tərəfindən Şəxs barəsində İXM-in 528.1-ci maddəsi ilə tərtib edilmiş xx.xx.2024-cü il tarixli, MN ******* nömrəli inzibati xəta haqqında protokol əsasında toplanmış material daxil olmuşdur. Məhkəmə ilk növbədə qeyd ki, sözügedən inzibati xəta haqqında protokol Binəqədi Rayon Məhkəməsinin 27 yanvar 2024-cü il, 3(001)-644/2024 saylı qərardadı ilə geri qaytarılmış, lakin həmin qərardadda qeyd olunan çatışmazlıqlar aradan qaldırılmadan inzibati xəta haqqında protokol baxılması üçün təkrar məhkəməyə göndərilmişdir. İnzibati xəta haqqında iş üzrə icraat materiallarından görünür ki, Binəqədi Rayon Məhkəməsinin xx.xx.2012-ci il tarixli, 2(001)-8007/2012 saylı məhkəmə əmrinə əsasən 600,74 manat məbləğində əsas və 162,72 manat məbləğində faiz borcu və 10 manat dövlər rüsumu X1 tutularaq "xxxx" ASC-nin xeyrinə ödənilməlidir. Həmin icra sənədi üzrə xx.xx.2023-cü il tarixdə icraata başlanmış və borcluya tələbin könüllü icrası barədə bildiriş təqdim edilmişdir. Borclu icra şöbəsində verdiyi izahatında "xxxx" MMC-də çalışdığını bildirmişdir. Tələbin ödənilməsi üçün X2 əmək haqqından hər ay 50% olmaqla vəsaitin tutulması üçün icra sənədinin "xxxx" MMC-yə göndərilməsi barədə iş materiallarına xx.xx.2023-cü il tarixli məktub əlavə edilmişdir. Həmçinin məhkəməyə göndərilmiş müşayiət məktubunda Şəxs mobil telefon nömrəsi ilə əlaqə saxlanıldığı, şöbəyə dəvət olunduğu, lakin sonuncunun şöbəyə gəlmədiyi, bundan başqa tələbkar bankın "xxxx" MMC-nin inzibati məsuliyyətə cəlb edilməsini xahiş etdiyi göstərilmişdir. Məhkəmə qeyd etməyi zəruri hesab edir ki, tələbkarın ərizəsi şəxsin inzibati məsuliyyətə cəlb edilməsi üçün, şəxs barəsində inzibati xəta haqqında protokol tərtib edilməsi üçün əsas deyildir. Şəxs yalnız törətdiyi əməldə inzibati xəta tərkibinin bütün əlamətləri olduqda inzibati məsuliyyətə cəlb edilə bilər. Həmçinin "xxxx" ASC-nin iş materiallarına əlavə edilmiş məktubunda "xxxx" MMC-nin məsuliyyətə cəlb edilməsi deyil, qanunauyğun tədbirlərin görülməsi xahiş edilmişdir. Bundan başqa Şəxs mobil telefon nömrəsi ilə əlaqə saxlanıldığı göstərilsə də, bunu təsdiq edən hər hansı bir sənəd iş materiallarına əlavə olunmamışdır. Eyni zamanda icra məmuru tərəfindən Şəxs barəsində inzibati protokol tərtib edilməzdən əvvəl dəvət edilməsi barədə hər hansı sübut da iş materiallarına əlavə edilməmişdir. İşin baxılmağa hazırlanması zamanı müəyyən edilmişdir ki, aşağıda göstərilən əsaslara görə xx.xx.2024-cü il tarixli, MN ******* nömrəli inzibati xəta haqqında protokol düzgün tərtib olunmadığından həmin protokolu onu tərtib tərtib etmiş orqana geri qaytarılmalıdır. Belə ki, inzibati xəta haqqında protokol tərtib edilərkən barəsində inzibati xəta haqqında iş üzrə icraat aparılan fiziki şəxs dəvət edilməmiş, onun izahatı alınmamış, hüquq və vəzifələrinin izahına dair qeyd aparılmamış, protokolun surəti təqdim edilməmişdir. Qanunverici tərəfindən isə müəyyən edilmişdir ki, səlahiyyətli orqan tərəfindən tərtib edilmiş inzibati xəta haqqında protokolda barəsində inzibati xəta haqqında iş üzrə icraat aparılan fiziki şəxsin izahatı alınmalı, hüquq və vəzifələri izah edilməli və inzibati xəta haqqında protokol barəsində inzibati xəta haqqında iş üzrə icraat aparılan fiziki şəxs tərəfindən imzalanmalıdır. Bundan başqa iş materiallarına əlavə edilmiş "xxxx" MMC-yə ünvanllanmış xx.xx.2023-cü il tarixli xx/xx-127181-30 nömrəli məktubdan görünür ki, Bakı şəhəri Binəqədi Rayon Məhkəməsinin 2(001)-8007/2012 saylı, xx.xx.2012-ci il tarixli icra sənədinə əsasən X3 əmək haqqından hər ay 50% olmaqla 773.43 manat tutularaq "xxxx" ASC-nin məktuba əlavə edilmiş hesabına köçürülməsinə dair icra sənədi göndərilmişdir. İş materiallarına əlavə edilmiş, 154891 nömrəli poçt qəbzindən görünür ki, "xxxx" MMC-nin ünvanı Xətai rayonu, Babək prospekti 10 olaraq göstərilmiş və həmin məktub qeyd edilən ünvana göndərilmişdir. Lakin iş materiallarına əlavə edilmiş Şəxs oğu ( FİN KOD: xxxxxxx) və "xxxx" MMC (VÖEN **********) barədə sənədlərdən görünür ki, həm fiziki şəxsin həm də hüquqi şəxsin ünavanı Bakı şəhəri, Suraxanı rayonu, Samir Cəfərov küçəsi, ev 2, mənzil 13 olaraq qeyd edilmişdir. Göründüyü kimi, Binəqədi Rayon Məhkəməsinin 2(001)-8007/2012 saylı, xx.xx.2012-ci il tarixli icra sənədinə əsasən X3 əmək haqqından hər ay 50% olmaqla 773.43 manat tutularaq "xxxx" ASC-nin məktuba əlavə edilmiş hesabına köçürülməsinə dair icra sənədi "xxxx" MMC-nin ünvanına göndərilməmiş, həmin cəmiyyətin poçt qəbzində göstərilən ünvanda fəaliyyət göstərməsini təsdiq edən sübut iş materiallarına əlavə edilməmiş və qeyd edilənlər araşdırılmamışdır. İXM-in 100.1-ci maddəsinə əsasən həmin Məcəllənin 54-cü maddəsində nəzərdə tutulmuş hallar istisna olmaqla, inzibati xətanın törədilməsi haqqında protokol tərtib edilir. İnzibati xəta haqqında protokolda aşağıdakılar göstərilir: 100.1.7. barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları; Həmin məcəllənin 100.2-ci maddəsinə əsasən protokol tərtib edilərkən, barəsində inzibati xəta haqqında iş üzrə icraat aparılan fiziki şəxsə və ya hüquqi şəxsin nümayəndəsinə, habelə inzibati xəta haqqında iş üzrə icraatın digər iştirakçılarına bu Məcəllədə nəzərdə tutulmuş hüquqları və vəzifələri izah edilir və bu barədə protokolda müvafiq qeyd aparılır. Həmin Məcəllənin 100.3-cü maddəsinə əsasən barəsində inzibati xəta haqqında iş üzrə icraat aparılan fiziki şəxsə və ya hüquqi şəxsin nümayəndəsinə inzibati xəta haqqında protokolun surəti verilir. Həmin Məcəllənin 100.4-cü maddəsinə əsasən protokol onu tərtib etmiş şəxs, barəsində inzibati xəta haqqında iş üzrə icraat aparılan fiziki şəxs və ya hüquqi şəxsin nümayəndəsi tərəfindən imzalanır. Barəsində inzibati xəta haqqında iş üzrə icraat aparılan fiziki şəxs və ya hüquqi şəxsin nümayəndəsi protokolu imzalamaqdan imtina etdikdə, bu barədə protokolda müvafiq qeyd aparılır. Barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatlar və protokolun məzmunu barəsində öz mülahizələrini təqdim etmək, habelə protokolu imzalamaqdan imtina etməsinin səbəblərini göstərmək hüquqları vardır. Onların bu izahatları və mülahizələri protokola əlavə olunur. Göründüyü kimi, qanunvericilik İXM-in 100-cü maddəsində göstərilən tələbləri səlahiyyətli şəxsin üzərinə vəzifə kimi qoymaqla, qeyd olunan maddədə göstərilən tələblərə riayət olunmasını imperativ norma kimi müəyyən etmişdir. Lakin protokol tərtib edən orqan tərəfindən qeyd edilən qanunverciliyin tələblərinə əməl edilməmiş, barəsində inzibati xəta haqqında protokol tərtib edilmiş şəxs dəvət edilməmiş və heç bir araşdırma aparılmamışdır. İş materiallarında da protokolun tərtib edilməsi üçün dəvət etmə barədə məktubun göndərilməsini təsdiq edən hər hansı sübut mövcud deyildir. İXM-in 106.0.3-cü maddəsinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən inzibati xəta haqqında protokol və işin digər materialları bu Məcəllənin tələblərinə müvafiq olaraq tərtib edilməsi məsələsini həll edir. Bununla da, inzibati xəta haqqında işin baxılmağa hazırlanması zamanı şəxs barəsində tərtib olunana inzibati xəta haqqında protokolun İXM-in tələblərinə uyğun tərtib olunmaması müəyyən edilmişdir ki, bu da işin mahiyyəti üzrə baxılmasına mane olur. İXM-in 109.1.6-cı maddəsinə əsasən protokol və ya digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokollar və ya digər sənədlərin onu tərtib etmiş orqana, vəzifəli şəxsə geri qaytarılır. Beləliklə, hesab edirəm ki, Şəxs barəsində İXM-in 528.1-ci maddəsi ilə tərtib edilmiş xx.xx.2024-cü il tarixli, MN ******* nömrəli inzibati xəta haqqında protokol və ona əlavə edilmiş sənədlər Bakı şəhəri Binəqədi Rayon İcra şöbəsinə geri qaytarılmalıdır. “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair” Azərbaycan Respublikası Konstitusiya Məhkəməsi Plenumunun 04 noyabr 2020-ci il tarixli Qərarına əsasən inzibati xətalar qanunvericiliyinin ümumi və xüsusi normalarında məhkəmə qərardadlarından şikayət verilməsi nəzərdə tutulmamışdır. X4 Məcəlləsinin 128-ci maddəsinin tələbləri baxımından həmin Məcəllənin 109-cu maddəsində nəzərdə tutulmuş inzibati xətalar haqqında işin baxılmasına hazırlanması zamanı qəbul edilən qərardadlardan apellyasiya şikayəti vermək hüququ istisna edilir. Qeyd olunanlara əsasən və İXM-in 109-cu maddəsini rəhbər tutaraq, qərara aldım: Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə tərtib edilmiş xx.xx.2024-cü il tarixli, MN ******* nömrəli inzibati xəta haqqında protokol və ona əlavə edilmiş sənədlər Bakı şəhəri Binəqədi Rayon İcra şöbəsinə geri qaytarılsın. Qərardaddan apelyasiya şikayəti verilə bilməz. Hakim: Zamiq Bağırov