Bakı Şəhəri Binəqədi Rayon Məhkəməsi Qərar — İş №3(001)-1415/2022

Azərbaycan Respublikası adından QƏRAR Bakı şəhəri İş № 3(001)-1415/2022 01.06.2022 BAKI ŞƏHƏRİ BİNƏQƏDİ RAYON MƏHKƏMƏSİ Hakim Rzayev Abbas Əhəd oğlunun sədrliyi, Məhkəmə iclasının katibi Bayramov Tural Ural oğlunun katibliyi ilə “X4” MMC-nin direktoru X1 Azərbaycan Respublikası İnzibati Xətalar Məcəlləsinin 447.0.4-cü maddəsi ilə müəyyən olunmuş inzibati xətanı törətməsinə dair Azərbaycan Respublikasının Qida Təhlükəsizliyi Agentliyi Bakı Regional Bölməsindən daxil olmuş inzibati xəta haqqında materiala Binəqədi rayon Məhkəməsinin inzibati binasında baxaraq, müəyyən etdim: Azərbaycan Respublikasının Qida Təhlükəsizliyi Agentliyi Bakı Regional Bölməsindən Bakı şəhəri Binəqədi Rayon Məhkəməsinə baxılması üçün “X4” MMC-nin direktoru X1 Azərbaycan Respublikası İnzibati Xətalar Məcəlləsinin 447.0.4-cü maddəsi ilə nəzərdə tutulmuş inzibati xətanı törətməsinə dair MN ******* saylı inzibati xəta haqqında protokol daxil olmuşdur. İnzibati xəta haqqında protokol onunla əsaslandırılmışdır ki, “X4” MMC-nin idxal edilmiş qida məhsullarını QT sertifikatının olmadan satması aşkar edilmişdir. Bununla da “X4” MMC-nin direktoru X2 tərəfindən Azərbaycan Respublikası İXM-nin 447.0.4-cü maddəsinin tələbləri pozulmuşdur.Ona görə də xx.xx.2022-ci il tarixdə “X4” MMC-nin direktoru X2 barəsində MN ******* saylı inzibati xəta haqqında protokol tərtib olunmuşdur. Barəsində inzibati xəta haqqında icraat aparılan hüquqi şəxsə və Azərbaycan Respublikasının Qida Təhlükəsizliyi Agentliyi Bakı Regional Bölməsinə inzibati xəta haqqında işə baxılmasının vaxtı və yeri barədə qanunla müəyyən olunmuş qaydada məlumat verilmiş, tərəflərin nümayəndəsi məhkəməyə gəlməmiş, işə baxılmasının təxirə salınması haqqında vəsatət verməmişlər. Azərbaycan Respublikası İnzibati Xətalar Məcəlləsinin 112.1.4-cü maddəsinə əsasən işə, inzibati xəta haqqında işlər üzrə icraatın iştirakçılarının iştirakı olmadan baxılmasını mümkün hesab edirəm. İş materiallarına əlavə edilmiş xx.xx.2022-ci tarixli, MN ******* saylı inzibati xəta haqqında protokolda qeyd edilmişdir ki, “X4” MMC-nin idxal edilmiş qida məhsullarını QT sertifikatının olmadan satması aşkar edilmişdir. İş materiallarında olan Bakı şəhəri Binəqədi Rayon Məhkəməsinin 3(001)-932/2022 saylı, xx.xx.2022-ci il tarixli qərarından görünür ki, Azərbaycan Respublikası Baş Prokurorluğunun Cinayət təqibindən kənar İcraatlar İdarəsindən Bakı şəhəri Binəqədi rayon Məhkəməsinə baxılması üçün “X4” MMC-nin Azərbaycan Respublikası İnzibati Xətalar Məcəlləsinin 447.0.4-cü maddəsi ilə nəzərdə tutulmuş inzibati xətanı törətməsinə dair xx.xx.2022-ci il inzibati xəta haqqında protokol daxil olmuş, nəticədə “X4” MMC Azərbaycan Respublikası İnzibati Xətalar Məcəlləsinin 447.0.4-cü maddəsi ilə təqsirli bilinib 4000 manat məbləğində cərimə edilməsi qərara alınmışdır. İş materiallarını araşdırıb, hesab edirəm ki, iş üzrə icraata xitam verilməlidir. Belə ki, iş materillarından müəyyən olundu ki, “X4” MMC barəsində eyni fakt üzrə yəni Azərbaycan Respublikası İnzibati Xətalar Məcəlləsinin 447.0.4-cü maddəsində nəzərdə tutulan inzibati xətanı törətməsi səbəbindən inzibati tənbeh etmək haqqında Bakı şəhəri Binəqədi Rayon Məhkəməsində 3(001)-932/2022 saylı, xx.xx.2022-ci il tarixli qərar qəbul edilmişdir. Azərbaycan Respublikası İnzibati Xətalar Məcəlləsinin 53.0.7-ci maddəsinə əsasən inzibati xəta haqqında iş üzrə icraat aparılan şəxsə aid eyni fakt üzrə inzibati tənbeh etmək haqqında hakimin, səlahiyyətli orqanın (vəzifəli şəxsin) qərarı olduqda, yaxud inzibati xəta haqqında işə xitam verilməsi barəsində ləğv edilməmiş qərar olduqda, habelə həmin fakt üzrə cinayət işi başlamaq haqqında qərar olduqda inzibati xəta haqqında iş üzrə icraata xitam verilir Hesab edirəm ki, “X4” MMC-yə aid eyni fakt üzrə inzibati tənbeh etmək haqqında Bakı şəhəri Binəqədi Rayon Məhkəməsində 3(001)-932/2022 saylı, xx.xx.2022-ci il tarixli qərar qəbul edildiyindən, hal-hazırda iş üzrə icraata xitam verilməsi barədə qərar qəbul edilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 48, 53, 110-112, 552-ci maddələrini rəhbər tutaraq, qərara aldım: “X4” MMC-nin direktoru X1 Azərbaycan Respublikası İnzibati Xətalar Məcəlləsinin 447.0.4-cü maddəsi ilə müəyyən olunmuş inzibati xətanı törətməsinə dair Azərbaycan Respublikasının Qida Təhlükəsizliyi Agentliyi Bakı Regional Bölməsindən daxil olmuş xx.xx.2022-ci il tarixli, MN ******* saylı inzibati xəta haqqında protokol üzrə icraata xitam verilsin. Qərarın surəti təqdim edildiyi və ya alındığı gündən 10 gün müddətində Bakı Apellyasiya Məhkəməsinə şikayət və ya protest verilə bilər. Hakim Abbas Rzayev