Bakı Şəhəri Binəqədi Rayon Məhkəməsi Qərar — İş №3(001)-1484/2022

Azərbaycan Respublikası adından QƏRAR Bakı şəhəri İş № 3(001)-1484/2022 16.05.2022 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Kərimova Mahirə Nəzər qızının sədrliyi, Məhkəmənin məsləhətçisi (məhkəmə iclas katibi) Rəhimov Elçin Əhəd oğlunun katibliyi, İnzibati xəta haqqında protokol tərtib etmiş şəxs Bakı şəhəri Binəqədi Rayon Polis İdarəsinin 43-cü Polis Bölməsinin polis sahə rəisi, polis mayoru X13, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1984-cü il tarixdə Ermənistan, Vardenis rayonunda doğulmuş, Azərbaycan Respublikasının vətəndaşı, subay, orta təhsilli, işləməyən, ünvan 1 ünvanında qeydiyyatda olmaqla yaşayan, xxxxxxx FİN-ə malik olan Şəxs barəsində Azərbaycan Respublikasının İnzibati Xətalar Məcəlləsinin 227-ci maddəsi ilə Bakı şəhəri Binəqədi Rayon Polis İdarəsinin 43-cü Polis Bölməsi tərəfindən tərtib edilmiş inzibati xəta haqqında protokol əsasında toplanmış materiala məhkəmənin binasında açıq məhkəmə iclasında baxaraq, məhkəmə müəyyən etdi: Şəxs barəsində xırda talamaya görə Bakı şəhəri Binəqədi RPİ-nin 43-cü Polis bölməsi tərəfindən İXM-in 227-ci maddəsi ilə toplanmış inzibati xəta haqqında materiallar baxılması üçün Bakı şəhəri Binəqədi Rayon Məhkəməsinə göndərilmişdir. Məhkəmə iclasında Bakı şəhəri Binəqədi Rayon Polis İdarəsinin 43-cü Polis Bölməsinin polis sahə rəisi, polis mayoru X18 izahat verərək bildirmişdir ki, Şəxs 27.03.2022-ci il tarixdə ünvan 2 ünvanında yaşayan X9 məxsus 1 ədəd samovar və 6 ədəd aliminium materialından olan qazanları oğurlamış, ümumilikdə ona 500 manat maddi ziyan vurulmuşdur. Bundan başqa Şəxs 27.08.2022-ci il tarixdə Bakı şəhəri, Binəqədi qəsəbəsi, Lallar fabrikinin yanında yaşayan X11 yaşadığı ünvanın zirzəmisindən 3 ədəd qazan, 2 ədəd samovar oğurlamış, ümumilikdə ona 100 manat maddi ziyan dəymişdir. Bundan başqa Şəxs 23.04.2022-ci il tarixdə ünvan 5 ünvanında yaşayan X2 məxsus evin həyətindən su qızdırıcını oğurlamış, nəticədə ona 80 manat maddi ziyan dəymişdir. Bundan başqa Şəxs 23.04.2022-ci il tarixdə X10 məxsus Bakı şəhəri, Binəqədi qəsəbəsi, 1-ci mədən, korpus 37-də yaşayış olmayan evin içərisindən elektriklə işləyən sobanı oğurlamış, hadisə nəticəsində ümumilikdə ona 100 manat maddi ziyan dəymişdir. Bundan başqa 22.04.2022-ci il tarixdə Bakı şəhəri, Binəqədi qəsəbəsi, 3-cü mədən, korpus 108-də yaşayan X6 məxsus inşası davam etdirilən yarımtikili evin divarından sökülən elektrik naqili, taxta parçaları və plastik turbaların oğurlamış və hadisə nəticəsində ona 100 manat məbləğində maddi ziyan dəymişdir. Bundan başqa ünvan 6 ünvanında yaşayan X4 məxsus evin həyətindən 27.04.2022-ci il tarixdə “Boss” markalı su qızdırıcısı, duş kranı oğurlamış və hadisə nəticəsində ona 100 manat məbləğində maddi ziyan dəymişdir. Odur ki, məhkəmədən Şəxs inzibati qaydada məsuliyyətə cəlb olunmasını xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirmişdir ki, 27.03.2022-ci il tarixdə ünvan 2 ünvanında yaşayan X9 məxsus 1 ədəd samovar və 6 ədəd aliminium materialından olan qazanları oğurlamışdır. Bundan başqa Bakı şəhəri, Binəqədi qəsəbəsi, Lallar fabrikinin yanında yaşayan X11 yaşadığı ünvanın zirzəmisindən 3 ədəd qazan, 2 ədəd samovar oğurlamışdır. Bundan başqa ünvan 5 ünvanında yaşayan X2 məxsus evin həyətindən 23.04.2022-ci il tarixdə su qızdırıcını oğurlamışdır. Bundan başqa X10 məxsus Bakı şəhəri, Binəqədi qəsəbəsi, 1-ci mədən, korpus 37-də yaşayış olmayan evin içərisindən elektriklə işləyən sobanı 23.04.2022-ci il tarixdə oğurlamışdır. Bundan başqa 22.04.2022-ci il tarixdə Bakı şəhəri, Binəqədi qəsəbəsi, 3-cü mədən, korpus 108-də yaşayan X6 məxsus inşası davam etdirilən yarımtikili evin divarından sökülən elektrik naqili, taxta parçaları və plastik turbaların oğurlamışdır. Bundan başqa ünvan 6 ünvanında yaşayan X4 məxsus evin həyətindən 27.04.2022-ci il tarixdə “Boss” markalı su qızdırıcısı və duş kranı oğurlamışdır. Onunla maddi ehtiyaclarını qarşılamışdır. Zərər çəkmiş şəxslərə vurulmuş zərəri ödəməyə imkanı yoxdur və zərər çəkmiş şəxslərlə barışıq əldə olunmamışdır. Məhkəmədən səmimi peşmançılığını nəzərə almaqla barəsində yüngül inzibati tənbeh növünün tətbiq edilməsini xahiş etmişdir. İş materiallarında olan və məhkəmə iclasında tədqiq edilmiş: 06.04.2022-ci il tarixli cinayət işi başlanmasının rədd edilməsi haqqında qərardan görünür ki, vətəndaş X7 müraciəti əsasında araşdırma aparılaraq cinayət işinin başlanması rədd edilmiş və əməli törətmiş şəxs barəsində İXM-in 227-ci maddəsinə əsasən inzibati tədbir görülməsi qərara alınmışdır. 06.04.2022-ci il tarixli cinayət işi başlanmasının rədd edilməsi haqqında qərardan görünür ki, vətəndaş X11 müraciəti əsasında araşdırma aparılaraq cinayət işinin başlanması rədd edilmiş və əməli törətmiş şəxs barəsində İXM-in 227-ci maddəsinə əsasən inzibati tədbir görülməsi qərara alınmışdır. 04.05.2022-ci il tarixli cinayət işi başlanmasının rədd edilməsi haqqında qərardan görünür ki, vətəndaş X1 müraciəti əsasında araşdırma aparılaraq cinayət işinin başlanması rədd edilmiş və əməli törətmiş şəxs barəsində İXM-in 227-ci maddəsinə əsasən inzibati tədbir görülməsi qərara alınmışdır. 04.05.2022-ci il tarixli cinayət işi başlanmasının rədd edilməsi haqqında qərardan görünür ki, vətəndaş X8 müraciəti əsasında araşdırma aparılaraq cinayət işinin başlanması rədd edilmiş və əməli törətmiş şəxs barəsində İXM-in 227-ci maddəsinə əsasən inzibati tədbir görülməsi qərara alınmışdır. 04.05.2022-ci il tarixli cinayət işi başlanmasının rədd edilməsi haqqında qərardan görünür ki, vətəndaş X5 müraciəti əsasında araşdırma aparılaraq cinayət işinin başlanması rədd edilmiş və əməli törətmiş şəxs barəsində İXM-in 227-ci maddəsinə əsasən inzibati tədbir görülməsi qərara alınmışdır. 04.05.2022-ci il tarixli cinayət işi başlanmasının rədd edilməsi haqqında qərardan görünür ki, vətəndaş X3 müraciəti əsasında araşdırma aparılaraq cinayət işinin başlanması rədd edilmiş və əməli törətmiş şəxs barəsində İXM-in 227-ci maddəsinə əsasən inzibati tədbir görülməsi qərara alınmışdır. 16.05.2022-ci il tarixli, MN ******* nömrəli inzibati xəta haqqında protokoldan görünür ki, Şəxs barəsində ünvan 2 ünvanında yaşayan X9 məxsus 1 ədəd samovar və 6 ədəd aliminium materialından olan qazanları oğurlanmasına görə İXM-in 227-ci maddəsi ilə inzibati xəta haqqında protokol tərtib olunmuşdur. 16.05.2022-ci il tarixli, MN ******* nömrəli inzibati xəta haqqında protokoldan görünür ki, Şəxs barəsində Bakı şəhəri, Binəqədi qəsəbəsi, Lallar fabrikinin yanında yaşayan X11 yaşadığı ünvanın zirzəmisindən 3 ədəd qazan, 2 ədəd samovar oğurlanmasına görə İXM-in 227-ci maddəsi ilə inzibati xəta haqqında protokol tərtib olunmuşdur. 16.05.2022-ci il tarixli, MN ******* nömrəli inzibati xəta haqqında protokoldan görünür ki, Şəxs barəsində ünvan 5 ünvanında yaşayan X2 məxsus evin həyətindən 23.04.2022-ci il tarixdə su qızdırıcını oğurlanmasına görə İXM-in 227-ci maddəsi ilə inzibati xəta haqqında protokol tərtib olunmuşdur. 16.05.2022-ci il tarixli, MN ******* nömrəli inzibati xəta haqqında protokoldan görünür ki, Şəxs barəsində X10 məxsus Bakı şəhəri, Binəqədi qəsəbəsi, 1-ci mədən, korpus 37-də yaşayış olmayan evin içərisindən 23.04.2022-ci il tarixdə elektriklə işləyən sobanı oğurlanmasına görə İXM-in 227-ci maddəsi ilə inzibati xəta haqqında protokol tərtib olunmuşdur. 16.05.2022-ci il tarixli, MN ******* nömrəli inzibati xəta haqqında protokoldan görünür ki, Şəxs barəsində 22.04.2022-ci il tarixdə Bakı şəhəri, Binəqədi qəsəbəsi, 3-cü mədən, korpus 108-də yaşayan X6 məxsus inşası davam etdirilən yarımtikili evin divarından sökülən elektrik naqili, taxta parçaları və plastik turbaların oğurlanmasına görə İXM-in 227-ci maddəsi ilə inzibati xəta haqqında protokol tərtib olunmuşdur. 16.05.2022-ci il tarixli, MN ******* nömrəli inzibati xəta haqqında protokoldan görünür ki, Şəxs barəsində ünvan 6 ünvanında yaşayan X4 məxsus evin həyətindən 27.04.2022-ci il tarixdə “Boss” markalı su qızdırıcısı və duş kranı oğurlanmasına görə İXMin 227-ci maddəsi ilə inzibati xəta haqqında protokol tərtib olunmuşdur. Zərər çəkmiş şəxslərin ərizələrindən görünür ki, onlara dəymiş ziyan ödənilmədiyindən Şəxs şikayətçidirlər. 15.05.2022-ci il tarixli, inzibati qaydada tutma haqqında protokoldan görünür ki, Şəxs həmin tarixdə, saat 11:30-da inzibati qaydada tutulmuşdur. Məhkəmə inzibati xəta haqqında protokol tərtib etmiş şəxsin, barəsində inzibati xəta haqqında iş üzrə icraat aparılan şəxsin izahatını dinləyərək, habelə inzibati xəta haqqında işin materiallarını nəzərdən keçirərək hesab edir ki, Şəxs əməli düzgün olaraq İXM-in 227ci maddəsi ilə tövsif edilmişdir. Onun hərəkətlərinə münasibətdə əməlin inzibati xəta olmasını aradan qaldıran hallar, həmçinin inzibati məsuliyyətindən azad edilməsi üçün əsaslar yoxdur. Şəxs təqsiri öz izahatı ilə yanaşı, inzibati araşdırma materialları, inzibati xəta haqqında protokol və işin digər materialları ilə tam sübuta yetirilir və onun barəsində düzgün olaraq həmin maddə ilə protokol tərtib edilmişdir. Şəxs təqsiri tam sübuta yetirildiyinə görə inzibati məsuliyyətinə cəlb edilməli və tənbeh edilməlidir. Azərbaycan Respublikasının İnzibati Xətalar Məcəlləsinin: 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. 21-ci maddəsində göstərilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. 30.1-ci maddəsinə əsasən inzibati həbs, yalnız müstəsna hallarda bu Məcəllənin Xüsusi hissəsinin müvafiq maddələrində nəzərdə tutulan inzibati xətaların ayrı-ayrı növlərinə görə üç gündən üç ay müddətinədək hakim tərəfindən tətbiq edilir. 30.3-cü maddəsinə əsasən inzibati qaydada tutma müddəti inzibati həbs müddətinə daxil edilir. 31.1-ci maddəsinə əsəsən inzibati xətaya görə tənbeh İnzibati Xətalar Məcəlləsinə uyğun olaraq tətbiq edilir. 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Məhkəmə, İXM-in 32.1.1-ci maddəsinə əsasən Şəxs səmimi peşmançılığını onun məsuliyyətini yüngülləşdirən hal kimi nəzərə alır. Məhkəmədə, Şəxsin əməlində İXM-in 33-cü maddəsində nəzərdə tutulmuş məsuliyyəti ağırlaşdıran hallar müəyyən edilməmişdir. İXM-in 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Məhkəmə Şəxs törətdiyi inzibati xətanın xarakterini, törədilməsi hallarını nəzərə alaraq hesab edir ki, ona yalnız inzibati həbs növündə tənbeh təyin etməklə tənbehin məqsədlərinə nail olmaq olar. Barəsində inzibati xəta haqqında icraat aparılan şəxsə inzibati həbslə əlaqədar olmayan cərimə tənbehinin təyin edilməsi isə məqsədəmüvafiq deyildir. Belə ki, Şəxs zərər çəkmiş şəxslərə maddi ziyanı ödəməmişdir, barışıq əldə olunmamışdır. Ona görə də, Şəxs Azərbaycan Respublikasının İnzibati Xətalar Məcəlləsinin 227-ci maddəsində göstərilmiş inzibati həbs növündə tənbeh təyin edilməlidir. Azərbaycan Respublikası İnzibati Xətalar Məcəlləsinin 30.3-cü maddəsinə əsasən inzibati qaydada tutma müddəti inzibati həbs müddətinə daxil edilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 114-cü maddəsini rəhbər tutaraq, məhkəmə qərara aldı: Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə təqsirli bilinib, 02 (iki) ay müddətinə inzibati həbs edilsin. Həbsdə saxlama müddətinin əvvəli 15 may 2022-ci il tarixdən hesablansın. Qərarın icrası Azərbaycan Respublikasının Daxili İşlər Nazirliyinin İnzibati Həbs olunanların Saxlanma Məntəqəsinə həvalə edilsin. Qərarın surəti rəsmi qaydada verildiyi gündən 10 (on) gün müddətində Azərbaycan Respublikasının İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayət verilə bilər. Sədrlik edən: Mahirə Kərimova