Bakı Şəhəri Binəqədi Rayon Məhkəməsi Qərardad — İş №3(001)-1648/2021

Azərbaycan Respublikası adından QƏRARDAD Bakı şəhəri İş № 3(001)-1648/2021 12.04.2021 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Kərimova Mahirə Nəzər qızının, X1 tərəfindən xx.xx.2021-ci il tarixli, EXP ******* saylı inzibati xəta haqqında elektron protokol əsasında qəbul edilmiş xx.xx.2021-ci il tarixli elektron qərardan verilən şikayətə baxaraq, M Ü Ə Y Y Ə N E T D İ M: xx xxxxx 2021-ci ildə Bakı şəhəri Binəqədi Rayon Məhkəməsinin icraatına X1 tərəfindən xx.xx.2021-ci il tarixli, EXP ******* saylı inzibati xəta haqqında elektron protokol əsasında qəbul edilmiş xx.xx.2021-ci il tarixli elektron qərardan verilən şikayət daxil olmuşdur. Şikayəti nəzərdən keçirərək hesab edirəm ki, aşağıda göstərilənlərə əsasən şikayət icraata qəbul edilmədən onu vermiş şəxsə geri qaytarılmalıdır. Belə ki, iş materiallarına əlavə olunan sənədlərdən müəyyən olunur ki, inzibati xəta haqqında protokol şikayət X1 tərəfindən verilsə də, onun tərəfindən imzalanmamışdır. Həmin Məcəllənin 109.1.6.-cı maddəsinə əsasən protokol və digər materiallar səlahiyyəti olmayan şəxs tərəfindən tərtib edildikdə, protokol və digər materiallar natamam olduqda işə baxarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması haqqında qərardad qəbul edilir. Məhkəmə hesab edir ki, yuxarıda göstərilən nöqsan aradan qaldırıldıqdan sonra barəsində inzibati xəta haqqında qərar qəbul edilən şəxs yenidən məhkəməyə müraciət edə bilər. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 132-ci maddəsini rəhbər tutaraq, Q Ə R A R A A L D İ M: X1 tərəfindən xx.xx.2021-ci il tarixli, EXP ******* saylı inzibati xəta haqqında elektron protokol əsasında qəbul edilmiş xx.xx.2021-ci il tarixli elektron qərardan verilən şikayət icraata qəbul edilmədən geri qaytarılsın. Nöqsan aradan qaldırıldıqdan sonra Binqədi Rayon Məhkəməsinə müraciət etmək hüququnun olması izah edilsin. Sədrlik edən: Mahirə Kərimova