Bakı Şəhəri Binəqədi Rayon Məhkəməsi Qərar — İş №3(001)-1736/2020

Azərbaycan Respublikası adından QƏRAR Bakı şəhəri İş № 3(001)-1736/2020 29.06.2020 BAKI ŞƏHƏRİ BİNƏQƏDİ RAYON MƏHKƏMƏSİ Hakim Rzayev Abbas Əhəd oğlunun sədrliyi, x3 iclas katibliyi, Barəsində inzibati xəta haqqında iş üzrə icraat aparılan şəxs (borclu) Şəxs oğlunun, Müdafiəçi Bakı şəhəri, 11 saylı Vəkil Bürosunun vəkili x11 oğlunun, Protokolu tərtib etmiş orqan Binəqədi rayon İcra və Probasiya Şöbəsinin icra məmuru Ramin Muradovun iştirakı ilə, xx.xx.1986-cı il tarixdə Xocalı rayonu, Cəmilli kəndində anadan olmuş,Azərbaycan Respublika- sının vətəndaşı, orta təhsilli, evli, himayəsində 1 (bir) azyaşlı övladı olan, fərdi əməklə məşğul olan,Xocalı rayonu, Cəmilli kəndində qeydiyyatda olan və Bakı şəhəri, Binəqədi rayonu, UMS qarajı, mədən 4 ünvanda qeydiyyatda olan və yaşayan Şəxs Azərbaycan Respublikası İXM-nin 528.1-ci maddəsi ilə inzibati məsuliyyətə cəlb edilməsinə dair Binəqədi rayon İcra və Probasiya Şöbəsinin icra məmuru Ramin Muradov tərəfindən tərtib edilmiş inzibati xəta haqqında protokola Binəqədi rayon Məhkəməsinin binasında açıq məhkəmə iclasında baxaraq Müəyyən etdi: Binəqədi rayon icra və probasiya şöbəsinin icra məmuru Ramin Muradov tərəfindən Şəxs Azərbaycan Respublikası İXM-nin 528.1-ci maddəsi ilə inzibati məsuliyyətə cəlb edilməsinə dair inzibati xəta haqqında protokola baxılması üçün Binəqədi rayon Məhkəməsinə müraciət etmişdir. İnzibati xəta haqqında 29 iyun 2020-ci il tarixli, MN № ******* saylı protokola əsasən məlum olur ki, Gəncə Apellyasiya Məhkəməsinin 06.02.2019-cu il tarixli icra vərəqəsinə əsasən cavabdeh Şəxs övladları x6, x7, x1 yetkinlik yaşına catana qədər saxlanılması üçün hər ay hər uşaq üçün 80 manat olmaqla cəmi 240 manat sabit pul məbləğində aliment tutularaq iddiaçı x5 xeyrinə ödənilməlidir. Bundan başqa, həmin prtokola əsasən məlum olur ki, Gəncə Apellyasiya Məhkəməsinin 2(104)-1106/2019 saylı, 06.02.2019-cu il tarixli icra vərəqəsinə əsasən cavabdeh Şəxs oğlundan övladları x6, x7, x1 yetkinlik yaşına catana qədər saxlanılması üçün hər ay hər uşaq üçün 80 manat olmaqla cəmi 240 manat sabit pul məbləğində aliment tutularaq iddiaçı x5 xeyrinə ödənilməlidir, ancaq Şəxs oğlu aliment məbləğini ödəmədiyindən hazırda 2 600 manat borcu yaranmışdır.Buna görə də, icra məmuru Ramin Muradov tərəfindən icra sənədinin icra olunmamasına əsaslanaraq onun barəsində inzibati xəta haqqında protokol tərtib edərək, Şəxs oğlunun İXM-nin 528.1-ci maddəsi ilə inzibati məsuliyyətə cəlb edilməsi barəsində qərar çıxarılmasını məhkəmədən xahiş etmişdir. Məhkəmə iclasında çıxış edən barəsində inzibati xəta haqqında iş üzrə icraat aparılan şəxs borclu Şəxs oğlu bildirdi ki, maddi vəziyyəti ağır olduğuna və işləmədiyinə görə məhkəmə qərarını icra edə bilmir.Buna görə də, məhkəmədən ona inzibati qaydada yüngül cəza verilmsini xahiş edir. Məhkəmə iclasında çıxış edən barəsində inzibati xəta haqqında iş üzrə icraat aparılan şəxsin vəkili x8 bildirdi ki, hüquqlarını müdafiə etdiyi şəxsin maddi vəziyyəti ağır olduğuna və işləmədiyinə görə məhkəmə qərarını tam icra edə bilmir. Buna görə də, inzibati qaydada ona yüngül cəza verilməsini məhkəmədən xahiş etdi. Məhkəmə iclasında çıxış edən Binəqədi rayon icra şöbəsinin icra məmuru Ramin Muradov protokolda göstərilənləri nəzərə alaraq Şəxs oğlunun inzibati məsuliyyətə cəlb olunması barədə qərarın qəbul edilməsini məhkəmədən xahiş etdi. Məhkəmə (borclunun) barəsində inzibati xəta haqqında iş üzrə icraat aparılan şəxsi, müdafiəçini, icra məmurunun çıxışlarını dinləyib, iş materiallarını araşdıraraq hesab edir ki, Şəxs oğlunun İXM-nin 528.1-ci maddəsi ilə təqsirliliyi tam sübuta yetirilir. Beləki, Azərbaycan Respublikası İXM-nin 528.1-ci maddəsinin tələbinə görə məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunun müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsi məsuliyyət yaradır və fiziki şəxslər beş yüz manatdan min maanatadək miqdarda cərimə edilir və ya işin hallarına görə pozuntunu törədənin şəxsiyyəti nəzərə alınaraq bir ayadək inzibati həbs tətbiq olunur. İXM-nin 11.1-ci maddəsinə əsasən Azərbaycan Respublikasında inzibati xətalar haqqında işlər üzrə icraatın aparılması, inzibati xətalar haqqında işlər üzrə qərarların qəbul və icra edilməsi həmin vaxtda qüvvədə olan Azərbaycan Respublikasının inzibati xətalar qanunvericiliyinə uyğun olaraq həyata keçirilir. Bundan başqa, İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Hesab edirəm ki, icra sənədinin verilməsindən 1 il 5 aya yaxın vaxt keçdiyindən və bu müddət ərzində icra sənədləri üzürsüz səbəbdən uzun müddət icra olunmadığından və icra sənədlərinin icra edilməməsində Şəxs oğlunun təqsiri sübuta yetirildiyindən, o, inzibati qaydada cəzalandırılmalı və Şəxs oğlunun şəxsiyyəti, məhkəmə qərarları uzun müddət, yəni təxminən 1 il 5 aya yaxın artıq müddətdə icra olunmadığını nəzərə alınaraq o, inzibati qaydada həbs edilməlidir. Şərh olunanlara əsasən və Azərbaycan Respublikasının İXM-nin 11.1, 31.2, 528.1-ci maddələrini rəhbər tutaraq, Qərara aldı: Şəxs Azərbaycan Respublikası İXM-nin 528.1-ci maddəsi ilə təqsirli bilinsin və ona inzibati tənbeh olaraq 10 (on ) gün müddətində inzibati həbs təyin olunsun. Həbsetmənin əvvəli, onun inzibati qaydada tutulduğu vaxtdan, yəni – 29.06.2020-ci il tarixdən hesablansın. Şəxs oğlu saxlanılması üçün Azərbaycan Respublikası Daxili İşlər Nazirliyi Baş x2 Bilavasitə tabe olan İnzibati Qaydada həbs edilənlərin saxlama Mərkəzinə yerləşdirilsin. Qərarın surəti təqdim edildiyi və ya alındığı gündən 10 (on) gün müddətində işə baxan Binəqədi rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və ya apellyasiya protesti verilə bilər. Hakim : Abbas Rzayev