Bakı Şəhəri Binəqədi Rayon Məhkəməsi Qərardad — İş №3(001)-1848/2021

Azərbaycan Respublikası adından QƏRARDAD Bakı şəhəri İş № 3(001)-1848/2021 26.04.2021 BAKI ŞƏHƏRİ BİNƏQƏDİ RAYON MƏHKƏMƏSİ Mən, Binəqədi Rayon Məhkəməsinin hakimi Kərimova Mahirə Nəzər qızının, X2 barəsində tərtib olunan inzibati xəta haqqında protokoldan şikayətinin icraata qəbul edilməsi məsələsinə baxaraq müəyyən etdim : X1 Rayon Məhkəməsinə barəsində tərtib olunan inzibati xəta haqqında protokoldan şikayət ərizəsi ilə müraciət etmişdir. İnzibati xəta haqqında materialların baxılmağa hazırlanması zamanı şikayəti və ona əlavə edilmiş iş materiallarını nəzərdən keçirərək hesab edirəm ki, X4 tərəfindən verilmiş şikayət qanunla müəyyən edilmiş müddətdə verilmədiyindən və müddətin bərpası üçün vəsatət təqdim olunmadığından geri qaytarılmalıdır. Belə ki, Azərbaycan Respublikasının İnzibati Xətalar Məcəlləsinin 130.1-ci maddəsinə görə bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər. Həmin Məcəllənin 130.2-ci maddəsinə görə bu Məcəllənin 130.1-ci maddəsində nəzərdə tutulmuş müddət üzrlü səbəblər nəticəsində buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilə bilər. Eyni zamanda qeyd edilməlidir ki, X4 tərəfindən məhkəməyə göndərilmiş şikayətdə Bakı şəhəri Binəqədi Rayon Polis İdarəsinin 4-cü PB tərəfindən qəbul edilmiş xx.xx.2021ci il tarixli, MN ******* nömrəli inzibati tənbeh vermə haqqında qərarı nə vaxt almasını göstərməmiş və bununla bağlı iş materiallarına heç bir sübut əlavə etməmişdir. Odur ki, qeyd olunanlara əsasən hesab edirəm ki, X2 Bakı şəhəri Binəqədi Rayon Polis İdarəsinin 4-cü PB tərəfindən qəbul edilmiş xx.xx.2021-ci il tarixli, MN ******* nömrəli inzibati tənbeh vermə haqqında qərardan verdiyi şikayət qanunla müəyyən edilmiş müddətdə verilmədiyindən və müddətin bərpası üçün vəsatət təqdim olunmadığından geri qaytarılmalıdır. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 130-cu maddəsini rəhbər tutaraq, qərara aldım: X2 Bakı şəhəri Binəqədi Rayon Polis İdarəsinin 4-cü PB tərəfindən qəbul edilmiş xx.xx.2021-ci il tarixli, MN ******* nömrəli inzibati tənbeh vermə haqqında qərardan verdiyi şikayət və ona əlavə edilmiş sənədlər geri qaytarılsın. Sədrlik edən: Mahirə Kərimova