Bakı Şəhəri Binəqədi Rayon Məhkəməsi Qərar — İş №3(001)-2046/2023

Azərbaycan Respublikası adından QƏRAR Bakı şəhəri İş № 3(001)-2046/2023 17.05.2023 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Sadıqova Aynurə Vahid qızının sədrliyi, məhkəmənin məsləhətçisi (məhkəmə iclas katibi) X3 katibliyi, Bakı şəhəri Binəqədi rayon İcra şöbəsinin icra məmuru X1, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1984-cü il tarixdə Bakı şəhərində doğulmuş, Azərbaycan Respublikasının vətəndaşı, evli, fərdi əmək fəaliyyəti ilə məşğul olan, ünvan 1 ünvanında qeydiyyatda olmaqla yaşayan Şəxs barəsində Azərbaycan Respublikasının İnzibati Xətalar Məcəlləsinin (bundan sonra - İXM) 528.1-ci maddəsi ilə Bakı şəhəri Binəqədi rayon İcra şöbəsi tərəfindən tərtib edilmiş inzibati xəta haqqında protokol əsasında toplanmış materiala məhkəmənin binasında, açıq məhkəmə iclasında baxaraq, məhkəmə müəyyən etdi: Məhkəmənin icraatına Bakı şəhəri Binəqədi rayon İcra şöbəsi tərəfindən Şəxs barəsində İXM-in 528.1-ci maddəsi ilə tərtib edilmiş xx.xx.2023-cü il tarixli, MN ******* nömrəli inzibati xəta haqqında protokol əsasında toplanmış material daxil olmuşdur. Məhkəmə iclasında inzibati xəta haqqında protokolu müdafiə edən icra məmuru X2 izahat verərək bildirmişdir ki, Bakı şəhəri Binəqədi Rayon Məhkəməsinin xx.xx.2022-ci il tarixli, 2(001)-1310/2022 nömrəli icra sənədində 3462 manat avtomobilə dəymiş ziyanın əvəzi, 250 manat dəymiş mənəvi ziyanın əvəzi və ödənilmiş dövlət rüsumunun 48,04 manat hissəsinin Şəxs tutularaq Zeynalov Emin Babaş oğluna ödənilməsi göstərilmişdir. Qeyd olunan icra sənədi Binəqədi rayon İcra şöbəsinə daxil olmuş və tərəfindən xx.xx.2023-cü il tarixdə icraata başlamaq haqqında qərar və tələbin könüllü icrası haqqında bildiriş qəbul edilmişdir. Bakı şəhəri Binəqədi Rayon Məhkəməsinin 8(001)- 204/2023 saylı, xx.xx.2023-cü il tarixli qərardadı ilə borclu Şəxs Bakı şəhəri Binəqədi Rayon Məhkməsinin xx.xx.2022-ci il tarixli, 2(001)-1310/2022 saylı qətnaməsinin hissəhissə icra edilməsinə dair ərizəsi qismən təmin edilmiş, Bakı şəhəri Binəqədi Rayon Məhkməsinin xx.xx.2022-ci il tarixli, 2(001)-1310/2022 saylı qətnaməsi hər ay borclu Şəxs 300 (üç yüz) manat tutulmaqla icra edilməsi qərara alınmışdır. Bakı şəhəri Binəqədi Rayon Məhkəməsinin xx.xx.2023-cü il tarixli, 8(001)-259/2023 saylı qərardadı ilə Şəxs ölkədən getmək hüququ Bakı şəhəri Binəqədi Rayon Məhkəməsinin xx.xx.2022-ci il tarixli, 2(001)- 1310/2022 saylı icra sənədi tam icra olunanadək müvəqqəti məhdudlaşdırılmışdır. Hazırda borclu tərəfindən icra sənədi üzrə yalnız 50 manat pul məbləği ödənilmişdir. İcra sənədinin icrası ilə əlaqədar tərəfindən zəruri icra tədbirləri görülməsinə baxmayaraq, Şəxs borcunu icra etmədiyi üçün, sonuncu barəsində İXM-in 528.1-ci maddəsi ilə inzibati xəta haqqında protokol tərtib edilmişdir. Odur ki, Şəxs inzibati qaydada məsuliyyətə cəlb edilməsini məhkəmədən xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirmişdir ki, barəsində tərtib edilmiş inzibati xəta haqqında protokolla razı deyildir. Belə ki, Bakı şəhəri Binəqədi Rayon Məhkəməsinin xx.xx.2022-ci il tarixli, 2(001)-1310/2022 nömrəli icra sənədində 3462 manat avtomobilə dəymiş ziyanın əvəzi, 250 manat dəymiş mənəvi ziyanın əvəzi və ödənilmiş dövlət rüsumunun 48,04 manat hissəsinin ondan tutularaq Zeynalov Emin Babaş oğluna ödənilməsi göstərilmişdir. Daha sonra onun müraciəti əsasında icra sənədi üzrə borcunun hissə-hissə ödənilməsi barədə məhkəmə qərarının çıxarılmasına dair ərizəsinə baxılmış və Bakı şəhəri Binəqədi Rayon Məhkəməsinin xx.xx.2023-cü il tarixli, 8(001)-204/2023 saylı qərardı ilə ərizəsi qismən təmin edilmiş və Bakı şəhəri Binəqədi Rayon Məhkməsinin xx.xx.2022-ci il tarixli, 2(001)-1310/2022 saylı qətnaməsi hər ay borclu Şəxs 300 (üç yüz) manat tutulmaqla icra edilməsi qərara alınmışdır. Lakin, maddi imkanı kifayət etmədiyindən həmin icra sənədi üzrə borcundan xx.xx.2023-cü il tarixdə 50 manat ödəniş etmişdir. Bundan sonra da, icra sənədi üzrə borcundan hər ay 50 manat ödəniş edəcəkdir. Qeyd etdiklərinin nəzərə alınaraq, barəsində başlanan inzibati xəta haqqında işin icraatına xitam verilməsinə xahiş etmişdir. İş materiallarında olan və məhkəmə iclasında tədqiq edilmiş: Bakı şəhəri Binəqədi Rayon Məhkəməsinin xx.xx.2022-ci il tarixli, 2(001)-1310/2022 nömrəli icra sənədindən görünür ki, xx.xx.2019-cu il tarixdən başlayaraq, 3462 manat avtomobilə dəymiş ziyanın əvəzi, 250 manat dəymiş mənəvi ziyanın əvəzi və ödənilmiş dövlət rüsumunun 48,04 manat hissəsi Şəxs tutularaq Zeynalov Emin Babaş oğluna ödənilməsi qərara alınmışdır. Binəqədi rayon İcra və Probasiya şöbəsinin xx.xx.2023-cü il tarixli icraata başlamaq haqqında qərar və tələbin könüllü icrası haqqında bildirişdən görünür ki, Şəxs barəsində olan icra sənədi üzrə icraata başlanmış və sonuncuya borcunu dərhal ödəməsi barədə rəsmi bildiriş göndərilmişdir. Bakı şəhəri Binəqədi Rayon Məhkəməsinin 8(001)-204/2023 saylı, xx.xx.2023-cü il tarixli qərardadından görünür ki, borclu Şəxs Bakı şəhəri Binəqədi Rayon Məhkməsinin xx.xx.2022-ci il tarixli, 2(001)-1310/2022 saylı qətnaməsinin hissə-hissə icra edilməsinə dair ərizəsi qismən təmin edilmiş, Bakı şəhəri Binəqədi Rayon Məhkməsinin xx.xx.2022-ci il tarixli, 2(001)-1310/2022 saylı qətnaməsi hər ay borclu Şəxs 300 (üç yüz) manat tutulmaqla icra edilməsi qərara alınmışdır. Bakı şəhəri Binəqədi Rayon Məhkəməsinin xx.xx.2023-cü il tarixli, 8(001)-259/2023 saylı qərardadından görünür ki, Şəxs ölkədən getmək hüququ Bakı şəhəri Binəqədi Rayon Məhkəməsinin xx.xx.2022-ci il tarixli, 2(001)-1310/2022 saylı icra sənədi tam icra olunanadək müvəqqəti məhdudlaşdırılmışdır. E38600/2023-14-30 nömrəli icra işindən görünür ki, Şəxs adına icra işi üzrə borcun yönəldilə biləcəyi əmək müqaviləsi, pensiya, əmlak məlumatları aşkar olunmamışdır. xx.xx.2023-cü il tarixli, MN ******* nömrəli inzibati xəta haqqında protokoldan görünür ki, Şəxs tərəfindən Bakı şəhəri Binəqədi Rayon Məhkəməsinin xx.xx.2022-ci il tarixli, 2(001)-1310/2022 nömrəli icra sənədi üzrə borc məbləği ödənilməyərək icra məmurunun qanuni tələbləri yerinə yetirilməmişdir. Nəticədə Şəxs tərəfindən İXM-in 528.1ci maddəsində nəzərdə tutulmuş inzibati xəta törədilmişdir. “Mpay” ödəniş sistemi vasitəsilə ödənilmiş qəbzin surətindən görünür ki, Şəxs xx.xx.2023-cü il tarixdə zərərçəkmiş şəxs Zeynalov Emin Babaş oğlunun bank hesabına 50 manat ödəniş etmişdir. Məhkəmə, proses iştirakçılarının fikirlərini dinləyib, habelə inzibati xəta haqqında işin materiallarını nəzərdən keçirərək hesab edir ki, Şəxs barəsində İXM-in 528.1-ci maddəsində nəzərdə tutulmuş inzibati xəta tərkibi olmadığından onun barəsində başlanılmış inzibati xəta haqqında icraata xitam verilməlidir. Belə ki, İXM-in 528.1-ci maddəsi ilə inzibati məsuliyyət məhkəmə və digər orqanların qərarlarının icrası ilə əlaqədar icra məmurlarının qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə nəzərdə tutulmuşdur. Məhkəmə iclasında isə Bakı şəhəri Binəqədi Rayon Məhkəməsinin xx.xx.2022-ci il tarixli, 2(001)-1310/2022 nömrəli icra sənədi üzrə Şəxs yaranmış aliment borcunu üzrsüz səbəbdən icra etməməsi və icra sənədinin icrası ilə əlaqədar icra məmurunun qanuni tələblərinin yerinə yetirilməməsi sübuta yetirilməmişdir. Məhkəmə iclasında toplanmış sübutlarla müəyyən edilmişdir ki, Bakı şəhəri Binəqədi Rayon Məhkəməsinin xx.xx.2022-ci il tarixli, 2(001)-1310/2022 nömrəli icra sənədi üzrə xx.xx.2023-cü il tarixdə icra məmuru tərəfindən Şəxs barəsində olan icra işi üzrə icraata başlanılmışdır. Bakı şəhəri Binəqədi Rayon Məhkəməsinin 8(001)-204/2023 saylı, xx.xx.2023-cü il tarixli qərardadı ilə borclu Şəxs Bakı şəhəri Binəqədi Rayon Məhkməsinin xx.xx.2022-ci il tarixli, 2(001)-1310/2022 saylı qətnaməsinin hissə-hissə icra edilməsinə dair ərizəsi qismən təmin edilmiş, Bakı şəhəri Binəqədi Rayon Məhkməsinin xx.xx.2022-ci il tarixli, 2(001)-1310/2022 saylı qətnaməsi hər ay borclu Şəxs 300 (üç yüz) manat tutulmaqla icra edilməsi qərara alınmışdır. Bakı şəhəri Binəqədi Rayon Məhkəməsinin xx.xx.2023-cü il tarixli, 8(001)- 259/2023 saylı qərardadı ilə Şəxs ölkədən getmək hüququ Bakı şəhəri Binəqədi Rayon Məhkəməsinin xx.xx.2022-ci il tarixli, 2(001)-1310/2022 saylı icra sənədi tam icra olunanadək müvəqqəti məhdudlaşdırılmışdır. İş materiallarına əlavə edilmiş sənədlərin tədqiqi göstərir ki, borclu Şəxs icra sənədi üzrə borcunu ödəməkdən qərəzli şəkildə yayınmır. Belə ki, Şəxs xx.xx.2023-cü il tarixdə zərərçəkmiş şəxs Zeynalov Emin Babaş oğlunun bank hesabına 50 manat ödəniş etmişdir. Göstərilənlərə əsasən məhkəmə qeyd etməyi zəruri hesab edir ki, Şəxs icra sənədi üzrə borcunu ödəməkdən qərəzli şəkildə yayınmamışdır, hətta borc məbləğini birdəfəlik ödəyə bilmədiyi üçün bununla bağlı borc məbləğinin hissə-hissə icra olunmasına dair ərizə ilə məhkəməyə müraciət etmişdir. Bundan sonra zərərçəkmiş şəxsin bank hesabına barəsində inzibati xəta haqqında protokol tərtib edilməzdən 1 ay əvvəl, yəni xx.xx.2023-cü il tarixdə 50 manat ödəniş etmişdir. Borclu Şəxs icra sənədi üzrə olan borcundan ödəniş etməsi onun tərəfindən borcun üzrsüz səbəbdən icra edilməməsi və icra sənədinin icrası ilə əlaqədar icra məmurunun qanuni tələblərinin yerinə yetirilməməsi kimi qiymətləndirilməməlidir. Ona görə də, məhkəmə Şəxs əməlində İXM-in 528.1-ci maddəsinin tərkib əlamətlərinin olmamasını nəzərə alaraq, onun barəsində başlanılmış inzibati xəta haqqında iş üzrə icraata xitam verilməsi qənaətinə gəlmişdir. İXM-in 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. İXM-in 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. İXM-in 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. İXM-in 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İXM-in 105.1-ci İnzibati Xətalar Məcəlləsinin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. İXM-in 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda İnzibati xəta haqqında iş üzrə icraata xitam verilməsi haqqında qərar çıxarılır. Məhkəmədə Şəxs məsuliyyətini yüngülləşdirən və ağırlaşdıran hallar müəyyən edilməmişdir. Beləliklə məhkəmə hesab edir ki, Bakı şəhəri Binəqədi Rayon İcra şöbəsi tərəfindən tərtib olunmuş xx.xx.2023-cü il tarixli, MN ******* nömrəli inzibati xəta haqqında protokola dair Şəxs əməlində İXM-in 528.1-ci maddəsinin tərkib əlamətləri olmadığından inzibati xəta haqqında iş üzrə icraata xitam verilməlidir. Qeyd olunanlara əsasən və İXM-in 40, 43, 48-50, 53, 105, 114-115 və 128-130-cu maddələrini rəhbər tutaraq, məhkəmə qərara aldı: Bakı şəhəri Binəqədi rayon İcra şöbəsi tərəfindən tərtib olunmuş xx.xx.2023-cü il tarixli, MN ******* nömrəli inzibati xəta haqqında protokola dair Şəxs əməlində Azərbaycan Respublikasının İnzibati Xətalar Məcəlləsinin 528.1-ci maddəsinin tərkib əlamətləri olmadığından inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi gündən 10 (on) gün müddətində Azərbaycan Respublikasının İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayət verilə bilər. Hakim: Aynurə Sadıqova