Bakı Şəhəri Binəqədi Rayon Məhkəməsi Qərar — İş №3(001)-2201/2020

Azərbaycan Respublikası adından QƏRAR Bakı şəhəri İş № 3(001)-2201/2020 06.08.2020 BAKI ŞƏHƏRİ BİNƏQƏDİ RAYON MƏHKƏMƏSİ Hakim Məmmədov Vüqar Nemət oğlunun sədrliyi, Məhkəmə iclas katibi Almazov Pərviz Məhərrəm oğlunun katibliyi, Azərbaycan Respublikası Daxili İşlər Nazirliyi Bakı şəhəri Binəqədi RPİ-nin 7-ci Polis Bölməsinin sahə inspektoru, polis baş leytenantı X2, Müdafiəçi Bakı şəhəri 11 saylı Vəkil Bürosunun vəkili Vəkil, Barəsində inzibati xəta haqqında icraat aparılan Şəxs iştirakları ilə, xx.xx.1986-cı il tarixdə Qırğızıstan Respublikası, Rıbaçi şəhərində doğulmuş, Azərbaycan Respublikasının vətəndaşı, subay, ünvan 1 ünvanında yaşayan, Şəxs Azərbaycan Respublikası İnzibati Xətalar Məcəlləsinin 206-cı maddəsi ilə müəyyən olunmuş inzibati xətanı törətməsinə dair Bakı şəhəri Binəqədi RPİ-nin 7-ci Polis Bölməsindən daxil olmuş inzibati xəta haqqında materiala Binəqədi Rayon Məhkəməsinin inzibati binasında baxaraq, müəyyən etdim: Şəxs narkotik vasitədən istifadə etdiyinə görə onun barəsində Bakı şəhəri Binəqədi RPİ-nin 7-cı Polis Bölməsinin sahə inspektoru, polis baş leytinantı X7 tərəfindən xx xxxxxx 2020-ci il tarixdə, MN № ******* saylı inzibati xəta haqqında protokol tərtib edilmişdir. İnzibati xəta haqqında protokol onunla əsaslandırılmışdır ki, Şəxs xx.xx.2020-ci il tarixdə E.Babayev 75 ünvanında narkotik vasitə olan heroin qəbul etmiş, bununla da Azərbaycan Respublikası İXM-nin 206-cı maddəsində nəzərdə tutulmuş inzibati xəta törədilmişdir. Binəqədi RPİ-nin 7-cı Polis Bölməsinin sahə inspektoru, polis baş leytenantı X7 məhkəməyə verdiyi izahatında göstərmişdir ki, xx.xx.2020-ci il tarixdə Şəxs anası X1 tərəfindən onun mobil nömrəsinə zəng edilərək, oğlunun narkotik maddə qəbul edərək evdə münaqişə yaratması və onlardan pul tələb etməsi bildirildi. Onlar həmin ünvanda olmuşlar, vətəndaş Şəxs narkotik sərxoşluğunu hiss etmişlər və onu polis bölməsinə dəvət etmişlər. Şəxs narkoloji testdən keçirərkən narkotik vasitə qəbul etdiyi aşkar edildiyini bildirərək məhkəmədən onun inzibati məsuliyyətə cəlb edilməsinə dair qərar qəbul edilməsini xahiş etmişdir. İnzibati xəta haqqında materiala baxarkən barəsində inzibati xəta haqqında iş üzrə icraat aparılan Şəxs əməlindən peşmanlıq hissi keçirdiyini bildirərək məhkəmədən barəsində yüngül inzibati tənbeh tədbirinin tətbiq edilməsini xahiş etmişdir. Müdafiəçi Bakı şəhəri 11 saylı Vəkil Bürosunun vəkili Vəkilməhkəmədən Şəxs barəsində inzibati icraata xitam verilməsinə dair qərar qəbul edilməsini xahiş etmişdir. İnzibati xəta haqqında materiala əlavə edilmiş raportdan aydın olur ki, Binəqədi RPİ-nin 7-cı Polis Bölməsinin sahə inspektoru, polis baş leytenantı X4 xx.xx.2020-ci il tarixdə Şəxs anası X1 zəng edilərək, oğlunun narkotik maddə qəbul edərək evdə münaqişə yaratması və onlardan pul tələb etməsi bildirilmişdir. Polis əməkdaşları həmin ünvanda olmuşlar, vətəndaş Şəxs narkotik sərxoşluğunu hiss etmişlər və onu polis bölməsinə dəvət etmişlər. İnzibati xəta haqqında materiala əlavə edilmiş sənədlərdən aydın olur ki, xx.xx.2020-ci il tarixdə Narkoloji Mərkəzdə müayinədən keçirilərkən Şəxs sidiyində narkotik vasitə aşkar olunmuş və həmin tarixdə bu barədə 1/4101 saylı Sərxoşluq hallarının bütün növlərinin təyini məqsədi ilə aparılan tibbi müayinə protokolu tərtib edilmişdir. İş materiallarına əlavə edilmiş xx.xx.2020-ci il tarixli, MN № ******* saylı inzibati xəta haqqında protokoldan məlum olur ki, Şəxs Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulan inzibati xətanı törətmişdir. İş materiallarında əlavə edilmiş xx.xx.2020-ci il tarixli, AZA № 001094 saylı inzibati qaydada tutma haqqında protokoldan görünür ki, Şəxs xx xxxxxx 2020-ci il tarixdə saat 21:25-də inzibati qaydada tutulmuşdur. İş materiallarında olan Şəxs tərəfindən xx.xx.2020-ci il tarixdə Binəqədi RPİ-nin 7-ci PB-nin rəisi polis polkovnik-leytinantı Turab Paşayevə yazdığı izahatında sonuncu dəfə evdə ünvan 2 ünvanında olarkən narkotik vasitənin təsiri altında olduğunu təsdiq etmişdir. İş materiallarında olan Binəqədi RPİ-nin 7-ci PB-nin növbətçi əvəzi polis leytenantı X5, növbətçi köməkçi polis serjantı X6, PB-nin təhqiqatçısı X8 və PB-nin əməliyyat müvəkkili polis kapitanı Cavad Həsənov tərəfindən xx.xx.2020-ci il tarixdə Binəqədi RPİnin 7-ci PB-nin rəisi polis polkovnik-leytinantı Turab Paşayevə ünvanlanan aktdan görünür ki, Şəxs PB-nin müvəqqəti saxlama yerində saxlanılarkən orada taxta materialdan olan oturacağın künc hissəsini qopararaq hər iki biləyinə xəsarət yetirmiş, bununla bağlı təcili yardıma müraciət etmişlər, onlar gələrək Şəxs ilk tibbi yardım göstərmişlər. Şəxs bu hərəkəti ilə növbətçi hissənin iş rejimini təxminən 30 dəqiqə iflic vəziyyətə gətirmişdir. Azərbaycan Respublikası İnzibati Xətalar Məcəlləsinin 206-cı maddəsinə əsasən Qanunsuz olaraq narkotik vasitələrin, psixotrop maddələrin istehlakına, satış məqsədi olmadan şəxsi istehlak miqdarında hazırlanmasına, əldə edilməsinə, saxlanılmasına, daşınmasına və ya göndərilməsinə görə üç yüz manatdan dörd yüz manatadək məbləğdə cərimə edilir, işin hallarına görə və xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə iki ayadək müddətə inzibati həbs tətbiq edilir. Hesab edirəm ki, Şəxs qanunsuz olaraq narkotik vasitələrin istehlakında ifadə olunan əməli Azərbaycan Respublikası İnzibati Xətalar Məcəlləsinin 206-cı maddəsi ilə düzgün tövsif edilmişdir və o, həmin maddə ilə cəzalandırılmalıdır. Məhkəmə Şəxs əməlindən səmimi peşman olmasını məsuliyyətini yüngülləşdirən hallar hesab edir. Barəsində inzibati xəta haqqında icraat aparılan şəxsin məsuliyyətini ağırlaşdıran halların olması müəyyən edilməmişdir. Şəxs qanunsuz olaraq narkotik vasitələrin istehlakında ifadə olunan əməli Azərbaycan Respublikası İnzibati Xətalar Məcəlləsinin 206-cı maddəsi ilə qorunan ictimai münasibətlərə qəsd edən, hüquqazidd olan, təqsirli sayılan və inzibati məsuliyyətə səbəb olan inzibati xəta olduğundan o, Azərbaycan Respublikası İnzibati Xətalar Məcəlləsinin 206-cı maddəsi ilə tənbeh edilməlidir. Azərbaycan Respublikası İnzibati Xətalar Məcəlləsinin 30.3-cü maddəsinə əsasən inzibati qaydada tutma müddəti inzibati həbs müddətinə daxil edilir. Hesab edirəm ki, inzibati xətanın xarakteri, inzibati xəta törədən şəxsin şəxsiyyəti, onun təqsirinin dərəcəsini, eləcə də inzibati xəta törədən şəxsi qanunlara əməl edilməsi ruhunda tərbiyələndirmək, habelə həm onun, həm də başqa şəxslər tərəfindən yeni inzibati xəta törədilməsinin qarşısını almaq məqsədi ilə Şəxs tənbehin, inzibati həbs növündə təyin edilməsi inzibati tənbehin məqsədlərinə uyğundur. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 110, 114-117, 128-131-ci maddələrini rəhbər tutaraq, Qərara aldım: Şəxs Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulmuş inzibati xətanı törətməkdə təqsirli bilinib, 1 (bir) ay 15 (on beş) gün müddətinə inzibati qaydada həbs edilsin. Həbsetmənin əvvəli tutulduğu xx xxxxxx 2020-ci il tarixdən saat 21:25-dən hesablansın. Qərarın icrası Azərbaycan Respublikası Daxili İşlər Nazirliyi Bakı şəhəri Binəqədi rayon Polis İdarəsinin 7-ci Polis Bölməsinə və Daxili İşlər Nazirliyinə bilavasitə tabe olan İnzibati həbs olunanların saxlama məntəqəsinə həvalə edilsin. Qərarın surəti təqdim edildiyi və ya alındığı gündən 10 gün müddətində Bakı Apellyasiya Məhkəməsinə şikayət və ya protest verilə bilər. Hakim: Vüqar Məmmədov