Bakı Şəhəri Binəqədi Rayon Məhkəməsi Qərardad — İş №3(001)-2240/2020

Azərbaycan Respublikası adından QƏRARDAD Bakı şəhəri İş № 3(001)-2240/2020 13.08.2020 BAKI ŞƏHƏRİ BİNƏQƏDİ RAYON MƏHKƏMƏSİ Mən, Binəqədi Rayon Məhkəməsinin hakimi Məmmədov Vüqar Nemət oğlu X1 Bakı şəhəri BPİ-nin İXP ******* saylı xx.xx.2020-ci il tarixli protokol üzrə tərtib edilmiş TP ******* saylı inzibati tənbeh vermə haqqında qərarından şikayətin icraata qəbul edilməsi məsələsinə baxaraq, MÜƏYYƏN ETDİM : X3 Bakı şəhəri Binəqədi rayon Məhkməsinə şikayətlə müraciət edərək Bakı şəhəri BPİ-nin İXP ******* saylı xx.xx.2020-ci il tarixli protokol üzrə tərtib edilmiş TP ******* inzibati tənbeh vermə haqqında qərarının ləğv edilməsi və inzibati xəta haqqında iş üzrə icraata xitam verilməsi barədə qərar qəbul edilməsini xahiş etmişdir. Məhkəmə şikayət materialını araşdıraraq X1 Binəqədi Rayon Məhkəməsinə şikayət etməsində inzibati qanunvericiliyin tələblərinin pozulduğunu müəyyən etmişdir, ona görə də hesab edir ki, inzibati xəta haqqında material geri qaytarılmalıdır. İş materiallarına əlavə edilmiş Azərbaycan Respublikası vətəndaşının şəxsiyyət vəsiqəsindən görünür ki, şikayət verən şəxs X1 yaşayış ünvanı ünvan 1 ünvanıdır. Şikayət verən şəxsin yaşayış yerinin Sabunçu rayonu olmasını nəzərə alsaq şikayətə qanunvericiliyin tələbinə uyğun olaraq Binəqədi rayon Məhkəməsində baxılması qeyri-mümkündür. Azərbaycan Respublikası İnzibati Xətalar Məcəlləsinin 129.1.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə verilən şikayət – şikayət verən şəxsin yaşayış yeri üzrə rayon (şəhər) məhkəməsinə verilir. Qeyd edilənlərə əsasən məhkəmə hesab edir ki, X1 Bakı şəhəri BPİ-nin XP ******* saylı xx.xx.2020-ci il tarixli protokol üzrə tərtib edilmiş TP ******* inzibati tənbeh vermə haqqında qərarından verdiyi şikayətinin geri qaytarılmasına dair qərardad qəbul edilməlidir. Qeyd olunanları nəzərə alaraq və Azərbaycan Respublikası İXM-nin 100, 109, 110 və 129-cu maddələrini rəhbər tutaraq, QƏRARA ALDİM: X1 Bakı şəhəri BPİ-nin XP ******* saylı xx.xx.2020-ci il tarixli protokol üzrə tərtib edilmiş TP ******* inzibati tənbeh vermə haqqında qərarından verdiyi şikayəti geri qaytarılsın. X2 Sabunçu Rayon Məhkəməsinə müraciət etmək hüququnun olması izah edilsin. Hakim: Vüqar Məmmədov