Bakı Şəhəri Binəqədi Rayon Məhkəməsi Qərar — İş №3(001)-2251/2020

Azərbaycan Respublikası adından QƏRAR Bakı şəhəri İş № 3(001)-2251/2020 17.09.2020 BAKI ŞƏHƏRİ BİNƏQƏDİ RAYON MƏHKƏMƏSİ Hakim Məmmədov Vüqar Nemət oğlunun sədirliyi, Məhkəmə iclas katibi Almazov Pərviz Məhərrəm oğlunun katibliyi ilə, Azərbaycan Respublikası Ekologiya və Təbii Sərvətlər Nazirliyi 11 saylı Regional Ekologiya və X8 etibarnamə üzrə səlahiyyətli nümayəndəsi – X5 iştirakı ilə, Hüquqi şəxs «xxxxxxxxxxxxxxxxxxxxxxxxxxxx» X1 Azərbaycan Respublikası İnzibati Xətalar Məcəlləsinin 266.2 və 271-ci maddələri ilə müəyyən olunmuş inzibati xətanı törətməsinə dair Azərbaycan Respublikası Ekologiya və Təbii Sərvətlər Nazirliyi 11 saylı Regional Ekologiya və X7 daxil olmuş inzibati xəta haqqında materiala Binəqədi rayon Məhkəməsinin inzibati binasında baxaraq, M Ü Ə Y Y Ə N E T D İ: Azərbaycan Respublikası Ekologiya və Təbii Sərvətlər Nazirliyi 11 saylı Regional Ekologiya və X11 tərəfindən Binəqədi Rayon Məhkəməsinə baxılması üçün hüquqi şəxs «xxxxxxxxxxxxxxxxxxxxxxxxxxxx» X4 barəsində tərtib edilmiş İnzibati Xətalar Məcəlləsinin 266.2 və 271-ci maddələri ilə nəzərdə tutulmuş inzibati xəta törətməsinə dair xx xxxx 2020-ci il tarixli MN №0353510 saylı inzibati xəta haqqında protokol daxil olmuşdur. İnzibati xəta haqqında protokol onunla əsaslandırılmışdır ki, “Böyükşor” gölü ətrafında yerləşən «xxxxxxxxxxxxxxxxxxxxxxxxxxxx» X1 fəaliyyəti zamanı yaranan istehsal və məişət tullantılarının MMC-nin ərazisinin kənarında qeyri-qanuni qalaqlanması və emalı yerinin müəyyənləşdirilməməsi aşkar edilmişdir. Məhkəmə iclasında Azərbaycan Respublikası Ekologiya və Təbii Sərvətlər Nazirliyi 11 saylı Regional Ekologiya və X8 etibarnamə üzrə səlahiyyətli nümayəndəsi X9 izahat verərək bildirdi ki, Ekologiya və Təbii Sərvətlər Nazirliyinə ünvanlanmış xx.xx.2020-ci il tarixli təqdimat əsasında İdarənin əməkdaşları tərəfindən baxış keçirilmişdir. Baxış zamanı «xxxxxxxxxxxxxxxxxxxxxxxxxxxx» X1 fəaliyyəti zamanı yaranan istehsal və məişət tullantılarının MMC-nin ərazisinin kənarında qeyri-qanuni qalaqlanması və emalı yerinin müəyyənləşdirilməməsi aşkar edilmişdir. Qeyd olunanlara əsasən hüquqi şəxs «xxxxxxxxxxxxxxxxxxxxxxxxxxxx» X3 inzibati tənbeh verilməsi barədə qərar qəbul edilməsini xahiş etmişdir. Məhkəmə iclasının vaxtı və yeri barədə barəsində inzibati xəta haqqında protokol tərtib edilmiş hüquqi şəxs «xxxxxxxxxxxxxxxxxxxxxxxxxxxx» X3 məlumat verilməsinə baxmayaraq o, məhkəmə iclasında nümayəndəsinin iştirakını təmin etməmiş və bunun səbəbi barədə məlumat verməmişdir. Məhkəmə Azərbaycan Respublikasının İnzibati Xətalar Məcəlləsinin 112.1.4-cü maddəsinə əsasən işə barəsində inzibati protokol tərtib edilmiş müəssisənin nümayəndəsinin iştirakı olmadan baxılmasını mümkün hesab etmişdir. Məhkəmə inzibati xəta haqqında işin materiallarını yoxlayıb, inzibati xəta haqqında protokolun dəlillərini araşdırıb hesab edir ki, barəsində inzibati xəta haqqında icraat aparılan hüquqi şəxs «xxxxxxxxxxxxxxxxxxxxxxxxxxxx» X4 tərəfindən inzibati xəta törədilməsi müəyyən edildiyindən hüquqi şəxs inzibati məsuliyyətə cəlb edilməlidir. Belə ki, iş materiallarında olan Azərbaycan Respublikası Ekologiya və Təbii Sərvətlər Nazirliyi 11 saylı Regional Ekologiya və X11 tərəfindən tərtib edilmiş xx xxxx 2020-ci il tarixli MN №0353510 saylı inzibati xəta haqqında protokoldan görünür ki, baxış zamanı “Böyükşor” gölü ətrafında yerləşən «xxxxxxxxxxxxxxxxxxxxxxxxxxxx» X1 fəaliyyəti zamanı yaranan istehsal və məişət tullantılarının MMC-nin ərazisinin kənarında qeyri-qanuni qalaqlanması və emalı yerinin müəyyənləşdirilməməsi aşkar edilmişdir. Protokoldan görünür ki, «xxxxxxxxxxxxxxxxxxxxxxxxxxxx» X1 direktoru X10 izahatında bildirmişdir ki, həqiqətən də ərazidə fəaliyyət zamanı yaranan tullantılar ətraf ərazidə qalaqlanır və emalı yeri müəyyənləşdirilməmişdir. Bundan başqa «xxxxxxxxxxxxxxxxxxxxxxxxxxxx» X1 direktoru X10 Azərbaycan Respublikası Ekologiya və Təbii Sərvətlər Nazirliyi 11 saylı Regional Ekologiya və X8 rəisi Vaqif Cavadova ünvanladığı izahatında, rəhbəri olduğu MMC-nin fəaliyyəti zamanı yaranan kanalizasiya sularının Müqavilə olmadan hal-hazırda işlək olmayan kanalizasiya xəttinə qoşulduğunu, quyu dolduğundan ətraf əraziyə az da olsa axdığını, eyni zamanda ərazidə sürtgü yağlarının istifadəsindən sonra qalan tullantıların birbaşa torpağa atıldığını bildirmişdir. İş materiallarında olan Azərbaycan Respublikası Ekologiya və Təbii Sərvətlər Nazirliyi 11 saylı Regional Ekologiya və X8 baş məsləhətçi-müfəttişi X6 tərəfindən tərtib edilmiş aktın surətindən görünür ki, tullantı sularının idarə olunması ilə əlaqədar yerində baxış keçirilmiş, baxış zamanı məlum olmuşdur ki, müəssisələrin tullantı suları kustar üsulla çəkilərək Binəqədi yolunun yağış sularının kənarlaşdırılması üçün mövcud olan xətlə Böyükşor gölünə axıdılır. İnzibati xəta haqqında materiala əlavə edilmiş sübutlarla barəsində inzibati xəta haqqında iş üzrə icraat aparılan hüquqi şəxs «xxxxxxxxxxxxxxxxxxxxxxxxxxxx» X2 Azərbaycan Respublikası İnzibati Xətalar Məcəlləsinin 266.2 və 271-ci maddələri ilə nəzərdə tutulan inzibati xətanı törətdiyi tam təsdiq olunur. Azərbaycan Respublikası İnzibati Xətalar Məcəlləsinin 266.2-ci maddəsinə əsasən tullantıların emalı yerlərinin müəyyənləşdirilməsi, layihələşdirilməsi, tikintisi, istifadəsi və ya ləğv edilməsi normalarının və qaydalarının pozulmasına görə vəzifəli şəxslər üç min beş yüz manatdan dörd min beş yüz manatadək məbləğdə, hüquqi şəxslər on min manatdan on beş min manatadək məbləğdə cərimə edilir. Azərbaycan Respublikası İnzibati Xətalar Məcəlləsinin 271-ci maddəsinə əsasən sənaye və məişət tullantılarının qalaqlanması qaydalarının pozulmasına, göstərilən tullantıları yandırarkən ətraf mühitin mühafizəsi tələblərinə əməl edilməməsinə görə fiziki şəxslər beş yüz manatdan səkkiz yüz manatadək məbləğdə, vəzifəli şəxslər iki min manatdan üç min manatadək məbləğdə, hüquqi şəxslər altı min beş yüz manatdan səkkiz min manatadək məbləğdə cərimə edilir. Azərbaycan Respublikası İnzibati Xətalar Məcəlləsinin 18.1-ci maddəsinə görə hüquqi şəxslər, o cümlədən xarici hüquqi şəxslər və xarici hüquqi şəxslərin filial və nümayəndəlikləri bu Məcəllənin Xüsusi hissəsində nəzərdə tutulmuş inzibati xətalara görə inzibati məsuliyyətə cəlb olunurlar. Həmin Məcəllənin 18.5-ci maddəsinə görə hüquqi şəxs barəsində inzibati tənbeh yalnız hakim tərəfindən tətbiq edilir. Həmin Məcəllənin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İnzibati Xətalar Məcəlləsinin 31.3-cü maddəsinə əsasən hüquqi şəxs «xxxxxxxxxxxxxxxxxxxxxxxxxxxx» MMC barəsində inzibati tənbeh tətbiq edərkən, inzibati xətanın xarakterini və qanunda göstərilmiş digər halları (inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar) nəzərə alınır. Azərbaycan Respublikası İnzibati Xətalar Məcəlləsinin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Məhkəmə hüquqi şəxs «xxxxxxxxxxxxxxxxxxxxxxxxxxxx» X1 məsuliyyətini yüngülləşdirən və ağırlaşdıran hal müəyyən etmir. Məhkəmə inzibati xətalara görə təyin ediləcək inzibati tənbeh tədbirlərini nəzərə alaraq inzibati xətanı törədən hüquqi şəxs «xxxxxxxxxxxxxxxxxxxxxxxxxxxx» X2 barəsində daha ciddi xətaya görə, yəni Azərbaycan Respublikası İnzibati Xətalar Məcəlləsinin 266.2ci maddəsinin sanksiyasında nəzərdə tutulmuş cərimə tənbeh tədbirinin tətbiq edilməsini məqsədəmüvafiq hesab edir. Şərh olunanlara əsasən və Azərbaycan Respublikası İnzibati Xətalar Məcəlləsinin 114-cü maddəsini rəhbər tutaraq, məhkəmə Q Ə R A R A A L D İ: İnzibati xəta törətmiş hüquqi şəxs «xxxxxxxxxxxxxxxxxxxxxxxxxxxx» X4 Azərbaycan Respublikasının İnzibati Xətalar Məcəlləsinin 266.2 və 271-ci maddələrində nəzərdə tutulmuş inzibati xətanı törətməkdə təqsirli bilinib, Məcəllənin 34.3-cü maddəsinə əsasən Azərbaycan Respublikasının İnzibati Xətalar Məcəlləsinin 266.2-ci maddəsi ilə 10000 (on min) manat məbləğində cərimə edilsin. Qərarın surəti rəsmi qaydada verildiyi gündən 10 (on) gün müddətində həmin qərarı qəbul etmiş hakim vasitəsilə və ya birbaşa apellyasiya instansiyası məhkəməsinə şikayət və ya protest verilə bilər. Hakim: Vüqar Məmmədov