Bakı Şəhəri Binəqədi Rayon Məhkəməsi Qərar — İş №3(001)-2288/2022

Azərbaycan Respublikası adından QƏRAR Bakı şəhəri İş № 3(001)-2288/2022 28.07.2022 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Sadıqova Aynurə Vahid qızının sədrliyi, məhkəmənin məsləhətçisi (məhkəmə iclas katibi) Hüseynov Xəyal Nemət oğlunun katibliyi, Bakı şəhəri Binəqədi rayon İcra şöbəsinin icra məmuru X1, zərərçəkmiş şəxs “DossoDossi Tekstil Sanayi Turizm və Orqanizasyon Anonim Şirkəti”nin nümayəndəsi X3, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1974-cü il tarixdə Yevlax rayonunda doğulmuş, Azərbaycan Respublikasının vətəndaşı, evli, orta təhsilli, işləməyən, ünvan 1 ünvanında qeydiyyatda olmaqla, Bakı şəhəri, Binəqədi rayonu, Biləcəri qəsəbəsi, M.ünvan 2 ünvanında yaşayan, Şəxs Azərbaycan Respublikasının İnzibati Xətalar Məcəlləsinin (bundan sonra – İXM) 528.1-ci maddəsində nəzərdə tutulmuş inzibati xətanı törətməsinə dair Bakı şəhəri Binəqədi rayon İcra Şöbəsindən daxil olmuş inzibati xəta haqqında materiala məhkəmənin binasında açıq məhkəmə iclasında baxaraq, məhkəmə müəyyən etdi: Məhkəmənin icraatına Şəxs İXM-in 528.1-cı maddəsində nəzərdə tutulan inzibati xətanı törətməsinə dair Bakı şəhəri Binəqədi rayon İcra Şöbəsi tərəfindən tərtib olunmuş xx.xx.2022-ci il tarixli, MN ******* nömrəli inzibati xəta haqqında protokol üzrə toplanmış material daxil olmuşdur. Məhkəmə iclasında inzibati xəta haqqında protokolu müdafiə edən icra məmuru X2 izahat verərək bildirmişdir ki, Bakı şəhəri Binəqədi Rayon Məhkəməsinin 10 may 2016-cı il tarixli, 2(001)-4650/2016 nömrəli icra sənədində borclu Şəxs 18218 ABŞ dolları əsas borc və 30 manat dövlət rüsumu tutularaq iddiaçı “DossoDossi Tekstil Sanayi Turizm və Orqanizasyon Anonim Şirkəti” nə ödənilməsi nəzərdə tutulmuşdur. Qeyd edilən icra sənədi əsasında xx.xx.2016-cı il tarixli icraata başlamaq haqqında qərar və bildirişə əsasən iş üzrə icraat başlanılmış və borcludan tələbi könüllü icra etmək tələb edilmişdir. Bundan sonra borclu ilə əlaqə saxlanılmış və icra sənədləri üzrə borcunu ödəməsi tələb edilmişdir. Borclu Şəxs göstərilən icra sənədi üzrə borcunu ödəməkdən qərəzəli şəkildə yayınır. Borcunu ödəməməsi üçün əsas kimi isə maddi vəziyyətinin ağır olmasını göstərir. Bu günə qədər borc məbləğindən hər hansı ödəniş etməmişdir. İcra sənədinin icrası ilə əlaqədar tərəfindən zəruri icra tədbirləri görülməsinə baxmayaraq, Şəxs borcunu üzrsüz səbəbdən icra etmədiyi üçün, sonuncu barəsində İXM-in 528.1-ci maddəsi ilə inzibati xəta haqqında protokol tərtib edilmişdir. Odur ki, Şəxs inzibati qaydada məsuliyyətə cəlb edilməsini məhkəmədən xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirmişdir ki, Bakı şəhəri Binəqədi Rayon Məhkəməsinin 10 may 2016-cı il tarixli, 2(001)-4650/2016 nömrəli icra sənədinə əsasən 18218 ABŞ dolları məbləğində pulun ondan tutularaq tələbkar “DossoDossi Tekstil Sanayi Turizm və Orqanizasyon Anonim Şirkəti”nə ödənilməsi qət edilmişdir. Həyat yoldaşı uzun müddət beyin xərçəngi xəstəliyindən əziyyət çəkmiş və 2021-ci lin noyabr ayında vəfat etmişdir. Əri yataq xəstəsi olduğundan ona qulluq etmiş, bu səbəbdən işləyə bilməmişdir. İcra sənədinin icrasından yayınmır. Maddi vəziyyətinin ağır olması il əlaqədar tələbkara ödəniş edə bilmir. Lakin tezliklə tələbkara olan borcundan 300 manat məbləğində ödəniş edəcəkdir. Məhkəmə clasında ona verilən suallara cavab olaraq bildirmişdir ki, hazırda da heç yerdə işləmir, şəxsiyyət vəsiqəsinin qüvvədə olma müddəti bitdiyindən və yeni şəxsiyyət vəsiqəsi ala bilmədiyindən əri vəfat etdikdən sonra da işə düzələ bilməmişdir, şəxsiyyət vəsiqəsini ötən ay almışdır, hazırda 50 manat məbləğində ödəniş edə bilər. Göstərilən halların nəzərə alınmasını və barəsində yüngül inzibati tənbeh tədbiri tətbiq edilməsini xahiş etdi. Məhkəmə iclasında zərərçəkmiş şəxs “DossoDossi Tekstil Sanayi Turizm və Orqanizasyon Anonim Şirkəti”nin nümayəndəsi X5 izahat verərək bildirmişdir ki, Bakı şəhəri Binəqədi Rayon Məhkəməsinin 10 may 2016-cı il tarixli, 2(001)-4650/2016 nömrəli icra sənədində borclu Şəxs 18218 ABŞ dolları əsas borc və 30 manat dövlət rüsumu tutularaq iddiaçı “DossoDossi Tekstil Sanayi Turizm və Orqanizasyon Anonim Şirkəti” nə ödənilməsi nəzərdə tutulmuşdur. Lakin hazırki vaxta qədər göstərilən icra sənədi üzrə borcundan ödəniş etməmişdir. Daimi olaraq Şəxs ilə telefon vasitəsi ilə əlaqə saxlayaraq hər ay cüzi məbləğ belə olsa ödəniş etməsini xahiş etsə də, Şəxs hər dəfəsində ərinin xəstə olmasını, heç yerdə işləməməsini bildirmiş və ödəniş etməmişdir. Qeyd olunanları nəzərə alaraq, Şəxs inzibati qaydada məsuliyyətə cəlb edilməsini məhkəmədən xahiş etmişdir. İş materiallarında olan və məhkəmə iclasında tədqiq edilmiş: Bakı şəhəri Binəqədi Rayon Məhkəməsinin 28 iyun 2016-cı il tarixli, 2(001)- 4650/2016 nömrəli icra sənədindən görünür ki, borclu Şəxs 18218 ABŞ dolları məbləğində pul vəsaiti (ödəniş anında Azərbaycan manatına olan məzənnəsi hesablanmaqla) və 30 manat dövlət rüsumunun tutularaq tələbkar “DossoDossi Tekstil Sanayi Turizm və Orqanizasyon Anonim Şirkəti” nə ödənilməsi qərara alınmışdır. xx.xx.2016-cı il tarixli icraata başlamaq haqqında qərardan və bildirişdən görünür ki, Şəxs barəsində olan icra işi üzrə icraata başlanılmış və ona tələbin könüllü icrası barədə rəsmi bildiriş göndərilmişdir. Bakı şəhəri Binəqədi Rayon Məhkəməsinin xx.xx.2016-cı il tarixli, 8(001)-2009/2016 saylı qərardadından görünür ki, Binəqədi Rayon Məhkəməsinin xx.xx.2016-cı il tarixli, 2(001)-4650/2016 nömrəli icra sənədi icra olunana kimi Bakı şəhəri, Binəqədi rayonu, Biləcəri qəsəbəsi, M.ünvan 2 ünvanında yaşayan borclu Şəxs ölkədən getmək hüququ məhdudlaşdırılmışdır. İş materiallarında olan zərərçəkmiş şəxs “DossoDossi Tekstil Sanayi Turizm və Orqanizasyon Anonim Şirkəti”nin nümayəndəsi X3 Binəqədi rayon İcra və probasiya şöbəsinə ünvanlanmış xx.xx.2017-ci il və xx.xx.2019-cu il tarixli ərizələrindən görünür ki, borclunun borcunu tam şəkildə ödənilməsini təmin etməyi, əks halda inzibati qaydada məsuliyyətə cəlb edilməsini xahiş etmişdir. İş materiallarında olan "xxxx" ASC, "xxxx" ASC, "xxxx" Azərbaycan ASC və ləğv prosesində olan "xxxx" ASC-nin ləğvedicisi Əmanətlərin sığortalanması Fondunun cavab məktublarından görünür ki, Şəxs hesablaşma hesabı və mülkiyyətində pul vəsaiti mövcud deyildir. xx.xx.2022-ci il tarixli, MN ******* nömrəli inzibati xəta haqqında protokoldan görünür ki, Şəxs tələbkar “DossoDossi Tekstil Sanayi Turizm və Orqanizasyon Anonim Şirkəti”nə Bakı şəhəri Binəqədi Rayon Məhkəməsinin 10 may 2016-cı il tarixli, 2(001)-4650/2016 nömrəli icra sənədi üzrə olan borcu ödəməmişdir. Nəticədə Şəxs barəsində İXM-in 528.1ci maddəsi ilə inzibati xəta haqqında protokol tərtib edilmişdir. Məhkəmə, proses iştirakçılarını dinləyib, habelə inzibati xəta haqqında işin materiallarını nəzərdən keçirərək hesab edir ki, Şəxs barəsində İXM-in 528.1-ci maddəsi ilə olan inzibati protokol əsaslı olaraq tərtib edilmişdir. Belə ki, məhkəmə iclasında toplanmış və tədqiq edilmiş sübutlarla müəyyən edilmişdir ki, Şəxs Bakı şəhəri Binəqədi Rayon Məhkəməsinin xx.xx.2016-cı il tarixli, 2(001)-4650/2016 nömrəli icra sənədi üzrə müəyyən edilmiş borcunu ödəməyərək sözügedən icra sənədini icra etməmiş və maddi imkanının olmadığına görə ödəmədiyini bildirmişdir. Lakin məhkəmə qeyd olunan halı icra sənədinin üzrsüz icra edilməməsi kimi qiymətləndirir və bu səbəblə də, Şəxs İXM-in 528.1-ci maddəsi ilə inzibati qaydada məsuliyyətə cəlb edilməsi qənaətinə gəlir. İXM-in 2-ci maddəsinə əsasən Azərbaycan Respublikasının inzibati xətalar qanunvericiliyin vəzifələri insan və vətəndaş hüquqlarını və azadlıqlarını, onun sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. İXM-in 3-cü maddəsinə əsasən yalnız həmin Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İXM-in 4-cü maddəsinə əsasən bu məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. İXM-in 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. İXM-in 12.1-ci maddəsinə əsasən həmin Məcəllə ilə qorunun ictimai münasibətlərə qəsd edən, hüquqa zidd olan, təqsirli sayılan (qəsdən və ya ehtiyatsızlıqdan törədilən) inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. İXM-in 21-ci maddəsində göstərilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İXM-in 31.1-ci maddəsinə əsəsən inzibati xətaya görə tənbeh İnzibati Xətalar Məcəlləsinə uyğun olaraq tətbiq edilir. İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmədə Şəxs əməlində məsuliyyətini yüngülləşdirən və məsuliyyəti ağırlaşdıran hallar müəyyən edilməmişdir. İXM-in 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Məhkəmə, Şəxs şəxsiyyətini, törətmiş olduğu inzibati xətanın xarakterini və inzibati tənbehin məqsədlərinə nail olunmasını nəzərə alaraq hesab edir ki, Şəxs İXM-in 528.1-ci maddəsində nəzərdə tutulmuş inzibati xətanı törətməkdə təqsirli bilinərək, ona inzibati cərimə növündə inzibati tənbeh tədbiri tətbiq edilməlidir. Yuxarıda göstərilənlərə əsasən və İXM-in 40, 43, 48, 48-51, 73, 114, 128-130-cu maddələrini rəhbər tutaraq, məhkəmə qərara aldı: Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinib, 500 (beş yüz) manat məbləğində inzibati cərimə edilsin. Qərarın surəti rəsmi qaydada verildiyi gündən 10 (on) gün müddətində Azərbaycan Respublikasının İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayət verilə bilər. Hakim: Aynurə Sadıqova