Bakı Şəhəri Binəqədi Rayon Məhkəməsi Qərar — İş №3(001)-2335/2021

Azərbaycan Respublikası adından QƏRAR Bakı şəhəri İş № 3(001)-2335/2021 23.11.2021 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Kərimova Mahirə Nəzər qızının sədrliyi, Məhkəmənin məsləhətçisi (məhkəmə iclas katibi) Rəhimov Elçin Əhəd oğlunun katibliyi, Barəsində inzibati xəta haqqında iş üzrə icraat aparılan hüquqi şəxs “Azərbaycan Respublikasının Minatəmizləmə Agentliyi” X7 nümayəndəsi X1 iştirakı ilə, Barəsində inzibati xəta haqqında iş üzrə icraat aparılan hüquqi şəxs “Azərbaycan Respublikasının Minatəmizləmə Agentliyi” X7 Azərbaycan Respublikası İnzibati Xətalar Məcəlləsinin (bundan sonra İXM-nin) 347-ci maddəsi ilə Azərbaycan Respublikası Daxili İşlər Nazirliyi Bakı şəhəri Binəqədi Rayon Polis İdarəsindən daxil olmuş inzibati xəta haqqında işə baxaraq, MÜƏYYƏN ETDİM: Azərbaycan Respublikası Daxili İşlər Nazirliyi Bakı şəhəri Binəqədi Rayon Polis İdarəsi tərəfindən “Azərbaycan Respublikasının Minatəmizləmə Agentliyi” X8 barəsində AP ******* saylı, 25.05.2021-ci il tarixli inzibati xəta haqqında protokol tərtib edilərək baxılması üçün Bakı şəhəri Binəqədi Rayon Məhkəməsinə göndərilmişdir. İnzibati xəta haqqında protokol onunla əsaslandırılmışdır ki, “Azərbaycan Respublikasının Minatəmizləmə Agentliyi” X8 tərəfindən qəbul edilmiş sorğuya əsasən mülkiyyətində olan “Mitsubishi Pajero minik” markalı, **-PV-*** dövlət qeydiyyat nişanlı nəqliyyat vasitəsi tərəfindən inzibati xəta törətmiş fiziki şəxsin barəsində məlumatı bu günə kimi təqdim etməmişdir. Bununla da, həmin hüquqi şəxs tərəfindən Azərbaycan Respublikası İXM-in 347-ci maddəsinin tələbləri pozulmuşdur. Ona görə də, 25.05.2021-ci il tarixdə “Azərbaycan Respublikasının Minatəmizləmə Agentliyi” X8 barəsində AP ******* saylı inzibati protokol tərtib olunmuşdur. Bakı şəhər Binəqədi Rayon Polis İdarəsinə inzibati xəta haqqında işə baxılmasının vaxtı və yeri barədə qanunla müəyyən olunmuş qaydada məlumat verilmiş, protokolu tərtib edən idarənin nümayəndəsi məhkəməyə gəlməmiş, işə baxılmasının təxirə salınması haqqında vəsatət verməmişdir. İXM-nin 112.1.4-cü maddəsinə əsasən işə Bakı şəhər Binəqədi Rayon Polis İdarəsinin nümayəndəsinin iştirakı olmadan baxılmasını mümkün hesab edirəm. Məhkəmə iclasında iştirak edən “Azərbaycan Respublikasının Minatəmizləmə Agentliyi” X7 nümayəndəsi X2 izahatında bildirdi ki, “Mitsubishi Pajero minik” markalı, **- PV-*** dövlət qeydiyyat nişanlı nəqliyyat vasitəsinin “Azərbaycan Respublikasının Mina Təmizləmə Agentliyi” X7 mülkiyyətində olmasına baxmayaraq Binəqədi Rayon Polis İdarəsi Dövlət Yol Polisi Şöbəsi tərəfindən ““Azərbaycan Respublikasının Minatəmizləmə Agentliyi” X6 qeyd olunan nəqliyyat vasitəsini idarə etmiş fiziki şəxs haqqında məlumat verilməsi barəsində sorğu göndərilməmişdir. Poçt göndərişinin verilməsi haqqında xəbərnamədə bildirişin “Fatulla” adlı şəxs tərəfindən qəbul edilməsi göstərilmişdir. Həmin adda şəxslə əmək müqaviləsi bildirişi qeydə alınmamışdır. Buna görə də “Azərbaycan Respublikasının Minatəmizləmə Agentliyi” X8 barəsində 25.05.2021-ci il tarixli, AP ******* saylı inzibati xəta haqqında protokolu əsassız hesab edərək icraata xitam verilməsini xahiş edir. Məhkəmə “Azərbaycan Respublikasının Minatəmizləmə Agentliyi” X7 nümayəndəsinin çıxışını və iş materiallarına əlavə edilmiş sənədləri araşdıraraq hesab edir ki, “Azərbaycan Respublikasının Minatəmizləmə Agentliyi” X7 əməlində İXM-in 347-ci maddəsində nəzərdə tutulmuş inzibati xəta tərkibi olmadığından onun barəsində başlanmış inzibati xəta haqqında icraata xitam verilməlidir. Belə ki iş materiallarına əlavə edilmiş və məhkəmə iclasında tədqiq edilmiş: 25.05.2021-ci il tarixli, AP ******* saylı inzibati xəta haqqında protokoldan görünür ki, “Azərbaycan Respublikasının Minatəmizləmə Agentliyi” X8 nəqliyyat vasitəsini (mülkiyyətində və ya istifadəsində olan) inzibati xətanın törədilməsi zamanı idarə etmiş fiziki şəxs haqqında məlumatı səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verməmişdir. Bakı şəhəri Binəqədi rayon Məhkəməsinin 3(001)-2335/2021 saylı, 30.06.2021-ci il tarixli qərarından məlum olur ki, “Azərbaycan Respublikasının Minatəmizləmə Agentliyi” X8 Azərbaycan Respublikası İnzibati Xətalar Məcəlləsinin 347-ci maddəsində nəzərdə tutulmuş inzibati xətanı törətməkdə təqsirli bilinib, 300 (üç yüz) manat miqdarında inzibati qaydada cərimə edilmişdir. Bakı Apellyasiya Məhkəməsinin 3(103)-1852/2021 saylı 16.08.2021-ci il tarixli qərarından məlum olur ki, “Azərbaycan Respublikasının Minatəmizləmə Agentliyi” X4 şikayəti qismən təmin edilərək, Binəqədi rayon Məhkəməsinin 3(001)-2335/2021 saylı, 30.06.2021-ci il tarixli qərarı ləğv edilmiş, iş yenidən baxılması üçün məhkəməyə göndərilmişdir. Həmçinin Bakı Apellyasiya Məhkəməsinin qərarından məlum olur ki, “Fatulla” adlı şəxsin “Azərbaycan Respublikasının Minatəmizləmə Agentliyi” X5 işləyibişləməməsimüəyyən edilməmiş və 18.05.2021-ci il tarixli sorğunun hüquqi şəxs tərəfindən alıb-almaması araşdırılmamışdır. Poçt göndərişinin verilməsi haqqında xəbərnamədən görünür ki, Binəqədi Rayon Polis İdarəsi Dövlət Yol Polisi Şöbəsi tərəfindən “Azərbaycan Respublikasının Minatəmizləmə Agentliyi” X6 ünvanlanmış sorğu 18.05.2021-ci il tarixdə “Fatulla” adlı şəxs tərəfindən qəbul edilmişdir. Məhkəmə sübutları tədqiq edərək hesab edir ki, “Azərbaycan Respublikasının Minatəmizləmə Agentliyi” X4 Binəqədi Rayon Polis İdarəsi Dövlət Yol Polisi Şöbəsi tərəfindən göndərilən sorğudan xəbərsiz olması, yəni sorğunun onların ünvanına çatmaması, qeyd edilən bildirişi qəbul edən “Fatulla” adlı şəxsin onlarda işləməməsi “Azərbaycan Respublikasının Minatəmizləmə Agentliyi” X4 əməlində İXM-in 347-ci maddəsində nəzərdə tutulmuş inzibati xəta tərkibinin olmadığını sübuta yetirir. “Azərbaycan Respublikasının Minatəmizləmə Agentliyi” X7 17.08.2021-ci il tarixli məktubundan görünür ki, elektron hökumət portalının “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” alt bölməsi üzrə Azərbaycan Respublikasının Minatəmizləmə Agentliyinin Aparatında, həmçinin sturuktur bölmələrində “Fatulla” və “Fətulla” adında şəxsin adına əmək müqaviləsi bildirişi qeydiyyata alınmayıb. İXM-nin 347-ci maddəsinə əsasən hüquqi şəxsin mülkiyyətində və ya istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir. Göründüyü kimi, qanunvericilik İXM-in 347-ci maddəsi ilə olan inzibati xətanı yalnız səlahiyyətli orqanın sorğusunun daxil olduğu vaxtdan 5 gün müddətində vəzifəli şəxs tərəfindən sorğu verənə göndərilməməsinə görə nəzərdə tutmuşdur. İXM-nin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında işüzrə icraat aparılan şəxsin, zərər çəkmişşəxsin, şahidlərin izahatları ilə, digər sənədlərlə xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraata xitam verilir. İXM-in 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Göstərilənlərə əsasən və Azərbaycan Respublikası İnzibati Xətalar Məcəlləsinin 18, 40, 43, 48-51, 53, 109, 110, 114-117-ci maddələrini rəhbər tutaraq, QƏRARA ALDİM: Bakı şəhər Binəqədi Rayon Polis İdarəsi tərəfindən “Azərbaycan Respublikasının Minatəmizləmə Agentliyi” X8 barəsində AP ******* saylı, 25.05.2021-ci il tarixli inzibati xəta haqqında protokol dair “Azərbaycan Respublikasının Minatəmizləmə Agentliyi” X4 əməlində Azərbaycan Respublikasının İnzibati Xətalar Məcəlləsinin 347-ci maddəsinin tərkib əlamətləri olmadığından inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 gün müddətində qərardadı qəbul etmiş hakim vasitəsi ilə və ya birbaşa Bakı Apellyasiya Məhkəməsinə şikayət və ya protest verilə bilər. Hakim: Mahirə Kərimova