Bakı Şəhəri Binəqədi Rayon Məhkəməsi Qərardad — İş №3(001)-2368/2021

Azərbaycan Respublikası adından QƏRARDAD Bakı şəhəri İş № 3(001)-2368/2021 22.06.2021 BAKI ŞƏHƏRİ BİNƏQƏDİ RAYON MƏHKƏMƏSİ Mən, hakim Rzayev Abbas Əhəd oğlu X1 Bakı şəhər Binəqədi Rayon Polis İdarəsinin 40cı Polis Bölməsinin 24.05.2021-ci il tarixli, EPQ № ******* saylı qərarından verdiyi şikayətə Binəqədi Rayon Məhkəməsinin inzibati binasında açıq məhkəmə iclasında baxaraq, müəyyən e t d i m: Şikayətçi X4 Bakı şəhər Binəqədi Rayon Polis İdarəsinin 40-cı Polis Bölməsinin 24.05.2021-ci il tarixli, EPQ № ******* saylı qərardan şikayət ərizəsi ilə 22 iyun 2021-ci il tarixdə Binəqədi Rayon Məhkəməsinə müraciət etmişdir. Şikayətçinin ərizəsini və iş materiallarını nəzərdən keçirib, sübutlara məcmu halda hüquqi qiymət verərək hesab edirəm ki, şikayət ərizəsi baxılmadan geri qaytarılmalıdır. Belə ki, şikayətin və şikayətə əlavə edilmiş sənədlərin məzmunundan görünür ki, şikayət ərizəsi ərazi aidiyyatı üzrə düzgün verilməmişdir.Belə ki, iş materiallarına əsasən məlum olur ki, X2 Bakı şəhəri, Nərimanov rayonu, N.Hacıyev küçəsi, ev 11/14, mənzil 44-də yaşayır.Bundan başqa, şikayətçi tərəfindən şikayətin forma və məzmununa dair inzibati xətalar haqqında qanunvericiliyin tələblərinə əməl olunmamışdır.Həmçinin, şikayətçi tərəfindən qərardan şikayət prosessual müddət ötürülməklə verilmiş, lakin prosesual müddətin bərpası barədə vəsatət şikayət əlavə olunmamışdır. Belə ki, Azərbaycan Respublikası İnzibati Xətalar Məcəlləsinin 129.1.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə verilən şikayət – şikayət verən şəxsin yaşayış yeri və ya hüquqi şəxsin ünvanın olduğu yer üzrə rayon (şəhər) məhkəməsinə verilir. İXM-nin 130.1-ci maddəsinə əssən Bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət və ya protest verilə bilər. Həmçinin, Azərbaycan Respublikasının Konstitusiya Məhkəməsinin Plenumunun «Azərbaycan Respublikası İnzibati Xətalar Məcəlləsinin» 129.1.3-cü maddəsinin şərh edilməsinə dair 04 noyabr 2020-ci il tarixli qərarına əsasən, qanunverici tərəfindən Azərbaycan Respublikası İnzibati Xətalar Məcəlləsinə dəyişiklik edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarmış şəxsin vəsatətinə əsasən onun yaşadığı yer üzrə verilə bilər.İnzibati xəta haqqında iş üzrə qərardan verilən şikayətə baxmağa hazırlıq zamanı ərazi üzrə məhkəmə aidiyyatı barəsində qərar çıxarılmış şəxsin «Yaşayış yeri və olduğu yer üzrə qeydiyyat haqqında» Azərbaycan Respublikası Qanunun 3-cü maddəsində əks olunan yaşayış yerinin müəyyən edilməsi barədə sənədlərdə və ya onların elekton daşıyıcısında göstərilən yaşayış yeri üzrə müəyyən edilir. Hesab edirəm ki, X5 Şahin oğlu şikayəti ərazi aidiyyatı üzrə düzgün vermədiyindən İXMnin 129.1.3-cü maddəsinə əsasən X1 Bakı şəhər Binəqədi Rayon Polis İdarəsinin 40-cı Polis Bölməsinin 24.05.2021-ci il tarixli, EPQ № ******* saylı qərardan verdiyi şikayət və ona əlavə edilmiş sənədlər geri qaytarılmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 129.1.3 və 130-137-ci maddələrini rəhbər tutaraq, qərara a l d ı m: X1 Bakı şəhər Binəqədi Rayon Polis İdarəsinin 40-cı Polis Bölməsinin 24.05.2021-ci il tarixli, EPQ № ******* saylı qərarından verdiyi şikayət və ona əlavə edilmiş sənədlər geri qaytarılsın. Şikayətçiyə izah edilsin ki, o, ərazi aidiyyatı üzrə müvafiq məhkəməyə şikayət ərizəsi ilə müraciət edə bilər. Qərarın surəti təqdim edildiyi və ya alındığı gündən 10 (on) gün müddətində qərarı qəbul etmiş hakim vasitəsi ilə və ya birbaşa Bakı Apellyasiya Məhkəməsinə şikayət və ya protest verilə bilər. Sədrlik edən Hakim: Abbas Rzayev