Bakı Şəhəri Binəqədi Rayon Məhkəməsi Qərar — İş №3(001)-24/2024

Azərbaycan Respublikası adından QƏRAR Bakı şəhəri İş № 3(001)-24/2024 24.01.2024 BAKI ŞƏHƏRİ BİNƏQƏDİ RAYON MƏHKƏMƏSİ Hakim Rzayev Abbas Əhəd oğlunun sədrliyi, X6 iclas katibliyi ilə, X1 Bakı şəhər X13 İdarəsinin xx.xx.2023-cü il tarixli, TP ******* saylı qərarın ləğv olunması barədə şikayətə Bakı şəhəri Binəqədi Rayon Məhkəməsinin inzibati binasında açıq məhkəmə iclasında baxaraq, məhkəmə, MÜƏYYƏN ETDİ: X2 Bakı şəhər X13 İdarəsinin xx.xx.2023-cü il tarixli, TP ******* saylı qərarından şikayət ərizəsi ilə Bakı şəhəri Binəqədi Rayon Məhkəməsinə müraciət edərək göstərmişdir ki, xx.xx.2023-cü il tarixdə saat 00.45 radələrində idarə etdiyi “Mercedes Benz C200 minik” markalı, **-OV-*** dövlət qeydiyyat nişanlı avtomobil ilə Bakı şəhəri, Nizami rayonu, R.Rüstəmov küçəsində hərəkətdə olarkən DYP inspektoru polis serjantı X9 onu saxlamış, yol ayırıcı keçmə qaydalarının pozuntusuna yol verdiyini bildirərək barəsində 327.2-ci maddəsinin tələblərinin pozulması İXP ******* saylı protokol tərtib etmişdir. O, polis əməkdaşına qanunsuz protokol tərtib etdiyinə görə qəti şəkildə öz etirazını bildirsə də, yenə də qərarsız protokol tərtib etmişdir. Polis əməkdaşı onun köməkçi yoldan baş yola keçərkən baş yol ilə gələn avtomobilə yol vermədiyini və məsafə saxlamadığını iddia etmişdir.O isə öz növbəsində iddia edilən qayda pozuntusu ilə razılaşmadığını bildirmişdir. Belə ki, baş yol ilə gələn avtomobil ilə onun idarə etdiyi avtomobil arasında kifayət qədər məsafə olmuşdur, habelə əsas yoldan gələn avtomobilin sürücüsü avtomobili yavaşladaraq ona əl ilə keçməyi üçün işarə etmişdir.İnzibati xətanı törətdiyinə dair videogörüntünün ona göstərilməsini xahiş etmiş, lakin polis əməkdaşı videogörüntünün olmadığını bildirmişdir.xx.xx.2023-cü il tarixdə qərarı şəxsən özü İdarəyə yaxınlaşaraq əldə etmişdir.Qərarı ona təqdim etməli olan polis mayoru X8 qərarı ona təqdim etmək istəmişdir.Belə ki, süründürməçiliyə yol verərək, vəzifəsini düzgün yerinə yetirməkdən boyun qaçırmışdır.Həmçinin, İdarədə olarkən polis əməkdaşının qərarı təsdiq edərkən araşdırmadan, görüntülərin və sübutların olmamasına baxmayaraq təsdiq etdiyinin şahidi olmuşdur.Buna görə də, o, hesab edir ki, tərtib edilmiş protokol tamamilə əsassızdır, baş vermiş hadisədə yol polisi heç bir faktiki, əsaslı sübut olmadan qərəzli şəkildə İXM haqqında protokol tərtib etmişdir. X2 yuxarıda göstərilənlərini rəhbər tutaraq Bakı şəhər X13 İdarəsinin xx.xx.2023-cü il tarixli, TP ******* saylı inzibati xəta haqqında qərarın ləğv olunması və inzibati xəta haqqında iş üzrə icraata xitam verilməsini məhkəmədən xahiş etmişdir. X2 və Bakı şəhər X13 İdarəsi inzibati xəta haqqında işə baxılmasının vaxtı və yeri barədə qanunla müəyyən olunmuş qaydada məlumat verilmiş, lakin şikayətçi və Bakı şəhər X13 İdarəsinin nümayəndəsi məhkəmə iclasına gəlməmişdirlər və işə baxılmasının təxirə salınması haqqında vəsatət verməmişdirlər.Buna görə də, İXM-nin 112.1.4-cü maddəsinə əsasən şikayətçi və inzibati orqanın nümayəndəsinin iştirakı olmadan işə baxılmasını mümkün hesab edirəm. Məhkəmə şikayəti və iş materiallarını araşdırıb, sübutlara məcmu halda hüquqi qiymət verərək hesab edir ki, həmin şikayət əsassız olduğundan rədd olunmalıdır. Belə ki, iş materiallarında olan Bakı şəhər X13 İdarəsinin xx.xx.2023-cü il tarixli, TP ******* saylı inzibati xəta haqqında qərara əsasən məlum olur ki, X4 Azərbaycan Respublikası İnzibati Xətalar Məcəlləsinin 327.2-ci maddəsi ilə təqsirli bilinərək 80 manat cərimə olunmuşdur. İnzibati xəta törədilən zaman qüvvədə olan Azərbaycan Respublikası İXM-nin 327.2-ci maddəsinə əsasən svetoforun və ya nizamlayıcının qadağanedici işarəsi verilərkən hərəkətin davam etdirilməsinə, 3.1 “Giriş qadağandır” yol nişanının tələblərinin və ya sərnişin daşıma, əks istiqamətli hərəkət zolağına çıxmaqla ötmə və ya manevr etmə, yolayrıcını keçmə qaydalarının pozulmasına, ümumi istifadədə olan nəqliyyat vasitələrinin, yaxud adamlar daşınan yük avtomobillərinin sərnişinlərlə yanacaqdoldurma məntəqəsinə daxil olmasına, 1.1, 1.3 və 1.11 üfüqi nişanlanma xətlərinin tələblərinə riayət etməyərək sola və ya geriyə dönməyə, yaxud maneəni kənardan keçməyə görə səksən manat məbləğində cərimə edilir. Azərbaycan Respublikası İXM-nin 61.1.6-cı maddəsinə əsasən, barəsində inzibati xəta haqqında iş üzrə icraat aparılan şəxs inzibati xətalar haqqında iş üzrə qərardan şikayət vermək hüququna malikdir. Həmin Məcəllənin 128.2.3-cü maddəsinə əsasən, inzibati xətalar haqqında işlər üzrə qərardan şikayət səlahiyyətli orqanın (vəzifəli şəxsin) qərarından - yuxarı səlahiyyətli orqana (vəzifəli şəxsə) və ya məhkəməyə verilir. Həmin Məcəllənin 130.1-ci maddəsinə əsasən, bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər. Həmin Məcəllənin 133.2.8-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim olunmuş materiallar əsasında yoxlanılır. İnzibati Xətalar Məcəlləsinin 53-cü maddəsi inzibati xətalar haqqında işlər üzrə icraata başlanılmaması və başlanmış icraata xitam verilməsinin əsaslarını müəyyən edir. Belə ki, Yol hərəkəti haqqında Qanunun 2-1-ci bəndinə görə yol hərəkətinin təşkilinin texniki vasitələri - yollarda hərəkətin təşkili və tənzimlənməsi, o cümlədən nəqliyyat vasitələrinin və piyadaların təhlükəsizliyinin və fasiləsiz hərəkətinin təmin edilməsi, yolların buraxıcılıq qabiliyyətinin artırılması üçün tətbiq edilən qurğular, avadanlıqlar və təsvirlərdir (svetoforlar, yol nişanları, nişanlama xətləri, qoruyucu sədlər, dirəkciklər və s). İXM-nin 3-cü maddəsinə görə yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Göründüyü kimi X4 tərəfindən inzibati xəta hadisəsi törədilmiş və əsaslı olaraq barəsində inzibati xəta haqqında qərar qəbul edilmişdir. İnzibati xəta hadisəsinin mövcudluğu məhkəmə araşdırması zamanı iş materialları ilə öz təsdiqini tapmışdır. Məhkəmə xüsusi olaraq qeyd edir ki, Azərbaycan Respublikasının inzibati xətalar qanunvericiliyinin vəzifələri ictimai mənəviyyatı, ictimai qaydanı və ictimai təhlükəsizliyi, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. İstər fiziki və hüquqi şəxslər, istərsə də inzibati orqanlar tərəfindən inzibati xətaların qarşısının alınması istiqamətində bütün tədbirlər həyata keçirilməli və heç biri qanunun onlara verdiyi imkanlardan sui-istifadə etməməlidir. Məhkəmə hesab edir ki, şikayət rədd olunmalıdır. Belə ki, iş materiallarında olan Bakı şəhər X13 İdarəsinin xx.xx.2023-cü il tarixli, TP ******* saylı inzibati xəta haqqında qərara əsasən məlum olur ki, X4 Azərbaycan Respublikası İnzibati Xətalar Məcəlləsinin 327.2-ci maddəsi ilə təqsirli bilinərək 80 manat cərimə olunmuşdur. Şikayətçi inzibati xəta törətməməsi barədə heç bir sübutu iş materiallarına əlavə etməmiş və ya məhkəməyə təqdim etməmişdir.Buna görə də, məhkəmə hesab edir ki, X1 Bakı şəhər X13 İdarəsinin xx.xx.2023-cü il tarixli, TP ******* saylı inzibati xəta haqqında qərarın ləğv olunması barədə verdiyi şikayəti əsassız olduğundan rədd edilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 115, 128-137-ci maddələrini rəhbər tutaraq, məhkəmə QƏRARA ALDİ: X1 Bakı şəhər X13 İdarəsinin xx.xx.2023-cü il tarixli, TP ******* saylı inzibati xəta haqqında qərarın ləğv olunması barədə verdiyi şikayəti rədd edilsin. Qərardan rəsmi qaydada verildikdən və ya təqdim olunduqdan sonra tərəflər 10 (on) gün müddətində işə baxan Bakı şəhəri Binəqədi Rayon Məhkəməsi vasitəsi ilə və ya bilavasitə Bakı Apellyasiya Məhkəməsinə şikayət və protest verilə bilər. Hakim: Abbas Rzayev