Bakı Şəhəri Binəqədi Rayon Məhkəməsi Qərar — İş №3(001)-2454/2020

Azərbaycan Respublikası adından QƏRAR Bakı şəhəri İş № 3(001)-2454/2020 17.09.2020 BAKI ŞƏHƏRİ BİNƏQƏDİ RAYON MƏHKƏMƏSİ Hakim Məmmədov Vüqar Nemət oğlunun sədrliyi, Məhkəmə iclas katibi Almazov Pərviz Məhərrəm oğlunun katibliyi, Barəsində inzibati xəta haqqında icraat aparılan Şəxs MMC-nin nümayəndəsi X4 iştirakı ilə, Şəxs Azərbaycan Respublikası İnzibati Xətalar Məcəlləsinin 211.2-ci maddəsi ilə müəyyən olunmuş inzibati xətanı törətməsinə dair Azərbaycan Respublikasının İqtisadiyyat Nazirliyi yanında Dövlət Vergi Xidməti Bakı şəhəri X8 üzrə Baş İdarəsindən daxil olmuş inzibati xəta haqqında materiala Binəqədi Rayon Məhkəməsinin inzibati binasında baxaraq, MÜƏYYƏN ETDİM: Azərbaycan Respublikasının İqtisadiyyat Nazirliyi yanında Dövlət Vergi Xidməti Bakı şəhəri X8 üzrə Baş İdarəsindən Bakı şəhəri Binəqədi Rayon Məhkəməsinə baxılması üçün Şəxs Azərbaycan Respublikası İnzibati Xətalar Məcəlləsinin 211.2-ci maddəsi ilə nəzərdə tutulmuş inzibati xətanı törətməsinə dair xx xxxxxx 2020-ci il tarixli, MN ******* saylı inzibati xəta haqqında protokol daxil olmuşdur. İnzibati xəta haqqında protokol onunla əsaslandırılmışdır ki, Dövlət Vergi Xidmətinin Bakı şəhəri X8 üzrə Baş İdarəsi tərəfindən Şəxs fəaliyyət göstərdiyi Bakı şəhəri, Binəqədi rayonu, M.Rəsulzadə ŞTQ, Binəqədi şossesi 21B ünvanda yerləşən obyektində epidemiya əleyhinə rejimin, sanitariya-gigiyena və karantin rejimlərinin tələblərinə əməl edilməsi vəziyyəti ilə əlaqədar nəzarət tədbiri həyata keçirilmiş və nəticəsində Azərbaycan Respublikasının İnzibati Xətalar Məcəlləsinin 211.2-ci maddəsinin tələblərinin pozulması faktı müəyyən edilmişdir. Azərbaycan Respublikasının İqtisadiyyat Nazirliyi yanında Dövlət Vergi Xidməti Bakı şəhəri X8 üzrə Baş İdarəsinə inzibati xəta haqqında işə baxılmasının vaxtı və yeri barədə qanunla müəyyən olunmuş qaydada məlumat verilmiş, lakin nümayəndə məhkəməyə gəlməmiş, işə baxılmasının təxirə salınması haqqında vəsatət verməmişdir. Azərbaycan Respublikası İnzibati Xətalar Məcəlləsinin 112.1.4-cü maddəsinə əsasən inzibati xəta haqqında işə İdarənin nümayəndəsinin iştirakı olmadan baxılmasını mümkün hesab edirəm. Məhkəmə prosesində izahat vermiş Şəxs MMC-nin nümayəndəsi X6 inzibati xətanı törətdiklərini etiraf edərək inzibati cərimə olunmalarına etiraz etmədiklərini bildirmişdir. İş materiallarına əlavə edilmiş xx xxxxxx 2020-ci il tarixli, MN №0252403 saylı inzibati xəta haqqında protokoldan məlum olur ki, xx.xx.2020-ci il tarixində 12:37-də Binəqədi rayonu, M.Rəsulzadə ŞTQ, Binəqədi şossesi 21B ünvanında yerləşən Şəxs MMC-yə məxsus “Avtosistem” ehtiyyat hissələri mağazasında epidemiya əleyhinə rejimin, sanitariya-gigiyena karantin rejimi qaydalarının pozulması faktı aşkar edilmişdir. Bu fakt Şəxs MMC-yə məxsus “Avtosistem” ehtiyyat hissələri mağazasında işçilərin tibbi maskadan istifadə etmələrinə nəzarət edilməməsi ilə təsdiq edilir. Nəticədə Şəxs tərəfindən Azərbaycan Respublikası İnzibati Xətalar Məcəlləsinin 211.2-ci maddəsində nəzərdə tutulmuş inzibati xəta törədilmişdir. Azərbaycan Respublikasının İqtisadiyyat Nazirliyi yanında Dövlət Vergi Xidməti Bakı şəhəri X8 üzrə Baş İdarəsinin əməkdaşları X7, X5 və Yusifli Nəsir Böyükkişi oğlu tərəfindən xx.xx.2020-ci il tarixində tərtib edilmiş akdan görünür ki, xx.xx.2020-ci il tarixində 12:37-də Binəqədi rayonu, M.Rəsulzadə ŞTQ, Binəqədi şossesi 21B ünvanında yerləşən Şəxs MMC-yə məxsus “Avtosistem” ehtiyyat hissələri mağazasında kassada əyləşən özünü Mirsəftər kimi təqdim edən şəxsə xidməti vəsiqələrini təqdim etmişlər, obyektdə məsul şəxsin və ya rəhbərin nümayəndəsi olduğunu soruşmuşlar və obyektdə digər şəxslərin tibbi maskadan istifadə etmədiklərinə görə İnzibati xəta haqqında protokol tərtib ediləcəyi bildirilmişdir.Obyektdə olan digər şəxs bu ünvan üzrə müdir olan Emin adlı şəxsin rəhbər olduğunu şifahi olaraq bildirmişdir. Həmin şəxs işçinin mobil telefonu vasitəsi ilə onlarla əlaqə saxlamış, obyektə gələ bilməyəcəyini və işçilər barədə hər hansı bir əmək müqaviləsi və ya digər sənədlərə baxış keçirilməsinin mümkün olmadığını bildirmişdir. Onlar Tərəfindən Şəxs MMC-yə məxsus Binəqədi rayonu, M.Rəsulzadə ŞTQ, Binəqədi şossesi 21B ünvanında yerləşən obyektdə əməkdaşların tibbi maskadan istifadə etməmələri aşkar edilmişdir. Rəhbər və digər səlahiyyətli şəxsin obyektdə olmaması səbəbindən tərtib olunmuş xx.xx.2020-ci il tarixli MN ******* nömrəli protokolla tanış olmaq, imza etmək və surətini təqdim etmək mümkün olmamışdır. İş materiallarında olan fotoşəkillərdən görünür ki, Şəxsndə əməkdaşlar tibbi maskadan istifadə etməmişlər. İnzibati xəta haqqında materiala əlavə edilmiş sübutlarla təsdiq olunur ki, barəsində inzibati xəta haqqında iş üzrə icraat aparılan Şəxs fəaliyyət göstərdiyi Binəqədi rayonu, M.Rəsulzadə ŞTQ, Binəqədi şossesi 21B Şəxs MMC-yə məxsus “Avtosistem” ehtiyyat hissələri mağazasında epidemiya əleyhinə rejimin, sanitariya-gigiyena və karantin rejimlərinin tələblərinə əməl edilməmişdir. Bununla da MMC-nin Azərbaycan Respublikası İXM-in 211.2-ci maddəsi ilə nəzərdə tutulan inzibati xətanı törətdiyi tam təsdiq edilir. Azərbaycan Respublikası İnzibati Xətalar Məcəlləsinin 211.2-ci maddəsinə əsasən epidemiya əleyhinə rejim, sanitariya-gigiyena və karantin rejimləri dövründə fərdi qoruyucu vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər və hüquqi şəxslər tərəfindən həmin tələblərin pozulmasının qarşısının alınmamasına görə fiziki şəxslər yüz manat məbləğində, vəzifəli şəxslər iki yüz manat məbləğində, hüquqi şəxslər dörd yüz manat məbləğində cərimə edilir. Azərbaycan Respublikası İnzibati Xətalar Məcəlləsinin 18.1-ci maddəsinə görə hüquqi şəxslər, o cümlədən xarici hüquqi şəxslər və xarici hüquqi şəxslərin filial və nümayəndəlikləri bu Məcəllənin Xüsusi hissəsində nəzərdə tutulmuş inzibati xətalara görə inzibati məsuliyyətə cəlb olunurlar. Həmin Məcəllənin 18.5-ci maddəsinə görə hüquqi şəxs barəsində inzibati tənbeh yalnız hakim tərəfindən tətbiq edilir. Həmin Məcəllənin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İnzibati Xətalar Məcəlləsinin 25.2-ci maddəsinə görə inzibati cərimə manatla və ya digər meyarlarla ifadə oluna bilər. Məhkəmə aparılmış araşdırma zamanı müəyyən etmişdir ki, MMC tərəfindən Azərbaycan Respublikası İXM-nin 211.2-ci maddəsində müəyyən olunmuş inzibati xəta törədilmişdir. Məhkəmə inzibati xəta törədən şəxs Şəxs barəsində Azərbaycan Respublikası İXM-nin 211.2-ci maddəsinin sanksiyasında nəzərdə tutulmuş inzibati cərimə tənbeh tədbirinin tətbiq edilməsini məqsədəmüvafiq hesab edir. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 110, 114-117, 128-131-ci maddələrini rəhbər tutaraq, QƏRARA ALDİM: Şəxs Azərbaycan Respublikası İnzibati Xətalar Məcəlləsinin 211.2-ci maddəsində nəzərdə tutulmuş inzibati xətanı törətməkdə xx xxxxxx 2020-ci il tarixli, MN №0252403 saylı protokol üzrə təqsirli bilinib, 400 (dörd yüz) manat miqdarında inzibati cərimə edilsin. Qərarın surəti təqdim edildiyi və ya alındığı gündən 10 gün müddətində Bakı Apellyasiya Məhkəməsinə şikayət və ya protest verilə bilər. Hakim: Vüqar Məmmədov