Bakı Şəhəri Binəqədi Rayon Məhkəməsi Qərar — İş №3(001)-2497/2022

Azərbaycan Respublikası adından QƏRAR Bakı şəhəri İş № 3(001)-2497/2022 07.09.2022 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Sadıqova Aynurə Vahid qızının sədrliyi, məhkəmənin məsləhətçisi (məhkəmə iclas katibi) Hüseynov Xəyal Nemət oğlunun katibliyi, barəsində inzibati xəta haqqında iş üzrə icraat aparılan Bakı şəhəri Binəqədi rayonu Biləcəri bələdiyyəsinin etibarnamə üzrə nümayəndəsi X1 iştirakı ilə, Bakı şəhəri Binəqədi rayonu Biləcəri bələdiyyəsi barəsində Azərbaycan Respublikası İnzibati Xətalar Məcəlləsinin (bundan sonra - İXM) 347-ci maddəsi ilə tənbeh tədbirinin tətbiq edilməsinə dair Bakı şəhəri Binəqədi Rayon Polis İdarəsindən daxil olmuş inzibati xəta haqqında materiala məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Binəqədi Rayon Polis İdarəsinin X4 Şöbəsi Bakı şəhəri Binəqədi rayonu Biləcəri bələdiyyəsi barəsində İXM-in 347-ci maddəsi ilə AP seriyalı ******* nömrəli, 16 iyul 2022-ci il tarixli inzibati xəta haqqında protokol tərtib edərək, baxılması üçün məhkəməyə göndərmişdir. İnzibati xəta haqqında həmin protokoldan görünür ki, Bakı şəhəri Binəqədi rayonu Biləcəri bələdiyyəsi tərəfindən xx.xx.2022-ci il tarixdə qəbul edilmiş sorğuya əsasən mülkiyyətində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumat təqdim edilməmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxsin nümayəndəsi X2 izahat verərək bildirdi ki, barələrində tərtib edilmiş inzibati xəta haqqında protokolla razı deyildir, belə ki, inzibati xəta haqqında iş materiallarına əlavə edilmiş xəbərnamənin surətindən görünür ki, Bakı şəhəri Binəqədi Rayon Polis İdarəsinin X4 Şöbəsi tərəfindən göndərilən sorğu 29 iyun 2022-ci il tarixdə “Abdullayeva” adlı şəxs tərəfindən alınmışdır. Lakin, sözügedən sorğu Biləcəri bələdiyyəsinə daxil olmamışdır. Belə ki, Biləcəri Bələdiyyəsinə daxil olan bütün sənədlər “Daxil olan sənədlərin qeydiyyat kitabında” tarix ardıcıllığı ilə sıra sayı ilə qeyd edilir. Məhkəməyə “Daxil olan sənədlərin qeydiyyat kitabının” əslini təqdim edərək bildirmişdir ki, həmin qeydiyyat kitabından da görünür ki, xx.xx.2022-ci il tarixdə Bakı şəhər Binəqədi rayonu Biləcəri bələdiyyəsinə Bakı şəhəri Binəqədi Rayon Polis İdarəsinin X4 Şöbəsi tərfindən hər hansı bir sənəd daxil olmamışdır. xx.xx.2022-ci il tarixdə Bakı şəhər Binəqədi rayonu Biləcəri bələdiyyəsinə yalnız Binəqədi RPİ-nin 6-cı Polis Bölməsindən sənəd daxil olmuşdur. Göstərilənlərə əsasən, Bakı şəhəri Binəqədi rayonu Biləcəri bələdiyyəsi barəsində İXM-in 347-ci maddəsi ilə tərtib edilmiş inzibati xəta haqqında protokol üzrə icraata xitam verilməsini xahiş etmişdir. İnzibati xəta haqqında protokolu tərtib etmiş Binəqədi rayon X4 Şöbəsinə məhkəmə iclasının vaxtı və yeri barədə bildiriş göndərilməsinə, həmçinin, “Azemis” elektron məhkəmə informasiya sistemi vasitəsi ilə məhkəmə iclasının vaxtı və yeri barədə səlahiyyətli nümayəndəsinin istifadəsində olan mobil nömrəyə “sms bildiriş” göndərilməsinə, həmin “sms bildiriş”in ona çatmasına baxmayaraq, Binəqədi rayon X4 Şöbəsinin nümayəndəsi məhkəmə iclasına gəlməmiş, gəlməməsinin üzrlü səbəbləri barədə məhkəməyə məlumat verməmiş və məhkəmə iclasının təxirə salınması barədə vəsatətlə müraciət etməmişdir. Məhkəmə iclasının inzibati xəta haqqında protokolu tərtib etmiş Binəqədi rayon X4 Şöbəsinin nümayəndəsinin iştirakı olmadan keçirilməsi mümkün hesab edilmişdir. İş materiallarında olan və məhkəmə iclasında tədqiq edilmiş: Bakı şəhəri Binəqədi Rayon Polis İdarəsi DYPŞ-si tərəfindən tərtib edilmiş xx.xx.2022ci il tarixli, AP ******* nömrəli inzibati xəta haqqında protokoldan görünür ki, Bakı şəhəri Binəqədi rayonu Biləcəri bələdiyyəsi tərəfindən mülkiyyətində olan “Hyundai Sonata” minik markalı, **-AB-*** dövlət qeydiyyat nişanlı nəqliyyat vasitəsinin yol hərəkəti qaydalarını pozması ilə əlaqədar tərtib edilmiş inzibati xəta protokol barədə məlumatı qəbul etdikləri gündən 5 gün müddətində həmin nəqliyyat vasitəsini idarə etmiş fiziki şəxs barədə rəsmi məlumat verilməmişdir. Buna görə də hüquqi şəxs barəsində İXM-in 347-ci maddəsi ilə protokol tərtib edilmişdir. DİN-in DYP Web Portalından çıxarışdan görünür ki, xx.xx.2022-ci il tarixdə Bakı şəhəri Binəqədi rayonu Biləcəri bələdiyyəsinin mülkiyyətində olan “Hyundai Sonata” minik markalı, **-AB-*** dövlət qeydiyyat nişanlı avtomobillə İXM-in 346.1-ci maddəsində nəzərdə tutulmuş inzibati xəta törədilmişdir. Bakı şəhəri Binəqədi RPİ-nin X4 Şöbəsindən Bakı şəhəri Binəqədi rayonu Biləcəri bələdiyyəsinə ünvanlanmış məktubun ünvan sahibinə çatmasını təsdiq edən poçt xəbərnaməsindən görünür ki, məktub Bakı şəhəri Binəqədi rayonu Biləcəri bələdiyyəsinin ünvanına göndərilmiş və xx.xx.2022-ci il tarixdə “Abdullayev” adlı şəxs tərəfindən qəbul edilmişdir. Biləcəri Bələdiyyəsinə daxil olan bütün sənədlərin qeydiyyata alındığı “Daxil olan sənədlərin qeydiyyat kitabının” surətindən görünür ki, xx.xx.2022-ci il tarixdə Bakı şəhəri Binəqədi Rayon Polis İdarəsi DYPŞ-si tərəfindən məktub daxil olmamışdır. Beləliklə, məhkəmə iclasında müəyyən olundu ki, Bakı şəhəri Binəqədi rayonu Biləcəri bələdiyyəsi tərəfindən mülkiyyətində olan “Hyundai Sonata” minik markalı, **-AB-*** dövlət qeydiyyat nişanlı avtomobillə İXM-in 346.1-ci maddəsində nəzərdə tutulmuş inzibati xəta törədilmişdir. Binəqədi rayon X4 Şöbəsi tərəfindən Bakı şəhər Binəqədi rayonu Biləcəri bələdiyyəsinə sorğu göndərilmiş, inzibati xətanın törədilməsi zamanı nəqliyyat vasitəsini idarə etmək hüququna malik fiziki şəxs barəsində məlumatın verilməsi xahiş edilmişdir. Məhkəmə iclasında “Daxil olan sənədlərin qeydiyyat kitabı”nın əsli tədqiq edilən zaman müəyyən olunmuşdur ki, inzibati xəta haqqında iş üzrə materiala əlavə edilmiş xəbərnamənin surətindən sözügedən sorğunun 29 iyun 2022-ci il tarixdə “Abdullayev” adlı şəxs tərəfindən alınması göstrilsə də, lakin 29 iyun 2022-ci il tarixdə Bakı şəhəri Binəqədi rayonu Biləcəri bələdiyyəsinə Bakı şəhəri Binəqədi Rayon Polis İdarəsinin X4 Şöbəsi tərəfindən hər hansı bir sənəd daxil olmamışdır. İXM-nin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. İş materiallarından görünür ki, Bakı şəhəri Binəqədi rayonu Biləcəri bələdiyyəsinin mülkiyyətində olan “Hyundai Sonata” minik markalı, **-AB-*** dövlət qeydiyyat nişanlı avtomobili idarə etmiş fiziki şəxs barədə məlumat verilməsinə dair sorğunun barəsində inzibati xəta haqqında protokol tərtib edilmiş şəxsin səlahiyyətli nümayəndəsinə çatdırılmasını müəyyən etmək mümkün deyildir. Belə ki, iş materiallarında həmin sorğunun Bakı şəhər Binəqədi rayonu Biləcəri bələdiyyəsinə çatdırılmasını təsdiq edən sübutlar arasında ziddiyyətlər mövcuddur. Belə olan halda məhkəmə belə nəticəyə gəlir ki, inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilməli, inzibati xəta haqqında protokol tərtib edilmiş Bakı şəhəri Binəqədi rayonu Biləcəri bələdiyyəsi barəsində Azərbaycan Respublikası İnzibati Xətalar Məcəlləsinin 347-ci maddəsi ilə başlanılmış icraata xitam verilməlidir. İXM-nin 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İXM-nin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. İXM-nin 75.0.3-cü maddəsinə əsasən inzibati xəta haqqında iş üzrə inzibati xəta törətməkdə şəxsin təqsiri sübut edilməlidir. İXM-nin 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir; İXM-nin 105.1-ci maddəsinə əsasən İXM-in 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir; 347-ci maddəsinin dispozisiyasına əsasən hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir. Qeyd olunanları rəhbər tutaraq məhkəmə hesab edir ki, inzibati xəta tərkibi olmadığı üçün Bakı şəhəri Binəqədi rayonu Biləcəri bələdiyyəsi inzibati məsuliyyətdən azad olunmalı və iş üzrə icraata xitam verilməlidir. Şərh olunanlara əsasən və İXM-in 8, 25, 40.0.1, 43, 48-51, 53, 55, 114, 115, 128-130 maddələrini rəhbər tutaraq, məhkəmə QƏRARA ALDİ: Əməlində inzibati xəta tərkibi olmadığından AP seriyalı ******* nömrəli, 16 iyul 2022-ci il tarixli inzibati xəta haqında protokol üzrə Bakı şəhəri Binəqədi rayonu Biləcəri bələdiyyəsi barəsində Azərbaycan Respublikası İnzibati Xətalar Məcəlləsinin 347-ci maddəsi ilə başlanılmış icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı Şəhəri Binəqədi Rayon Məhkəməsi vasitəsilə və ya birbaşa Bakı Apellyasiya Məhkəməsinə şikayət verilə bilər. Hakim: Aynurə Sadıqova