Bakı Şəhəri Binəqədi Rayon Məhkəməsi Qərar — İş №3(001)-2669/2024

Azərbaycan Respublikası adından QƏRAR Bakı şəhəri İş № 3(001)-2669/2024 15.05.2024 BAKI ŞƏHƏRİ BİNƏQƏDİ RAYON MƏHKƏMƏSİ Hakim Sadıqova Aynurə Vahid qızının sədrliyi, Hüseynov Xəyal Nemət oğlunun katibliyi ilə, İnzibati xəta haqqında protokol tərtib etmiş Azərbaycan Respublikası "xxxx" Açıq Səhmdar Cəmiyyətinin nümayəndəsi X1 iştirakı ilə, Fiziki şəxs Şəxs barəsində Azərbaycan Respublikası İnzibati Xətalar Məcəlləsinin 262.3-cü maddəsi ilə "xxxx" Açıq Səhmdar Cəmiyyəti tərəfindən tərtib edilmiş MN seriyalı № ******* nömrəli 22 aprel 2024-cü il tarixli inzibati xəta haqqında protokola açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikası "xxxx" Açıq Səhmdar Cəmiyyəti tərəfindən fiziki şəxs Şəxs barəsində Azərbaycan Respublikası İnzibati Xətalar Məcəlləsinin 262.3-cü maddəsi ilə tərtib edilmiş MN seriyalı № ******* nömrəli 22 aprel 2024-cü il tarixli inzibati xəta haqqında protokola əsasən, fiziki şəxs Şəxs 22 aprel 2024-cü ildə saat 14:35-də ünvan 1 ünvanında yerləşən fərdi yaşayış evində d-15 mm boru vasitəsilə su təchizatına qanunsuz qoşularaq suyun talanması nəticəsində az miqdarda ziyan vurmuşdur. Məhkəmə iclasında inzibati xəta haqqında protokol tərtib etmiş "xxxx" Açıq Səhmdar Cəmiyyətinin nümayəndəsi X2 inzibati xəta haqqında protokolu müdafiə edərək izahatında bildirmişdir ki, 22 aprel 2024-cü ildə "xxxx" Açıq Səhmdar Cəmiyyətinin əməkdaşları “Su təchizatı və tullantı suları haqqında” Azərbaycan Respublikası Qanununun tələblərinə uyğun olaraq ünvan 1 ünvanında yerləşən fərdi yaşayış evində, ev sahibi Şəxs iştirakı ilə su təzhizatı və kanalizasiya sisteminə baxış keçirmişlər. Baxış zamanı müəyyən edilmişdir ki, sözügedən evdə d-15 mm boru vasitəsilə su təchizatına qanunsuz qoşularaq sudan istifadə olunur. Buna dair 22 aprel 2024-cü il tarixli 115522 nömrəli Akt tərtib olunmuş və aktın doğruluğu bütün iştirakçılar, o cümlədən evin sahibi Şəxs tərəfindən imzalanmışdır. Eyni zamanda baxış zamanı fotoşəkillər çəkilmiş və akta əlavə edilmişdir. Həmin Akt əsasında "xxxx" Açıq Səhmdar Cəmiyyətinə 168 manat vurulmuş maddi ziyan hesablanmış və Şəxs barəsində Azərbaycan Respublikası İnzibati Xətalar Məcəlləsinin 262.3-cü maddəsi ilə MN seriyalı № ******* nömrəli 22 aprel 2024-cü il tarixli inzibati xəta haqqında protokol tərtib edilmişdir. Şəxs tərəfindən hüquqazidd olan, təqsirli sayılan və inzibati məsuliyyətə səbəb olan əməl törədildiyindən onun inzibati tənbeh edilməsini xahiş etmişdir. Nümayəndə R.S.Rüstəmov verilmiş suallara cavab olaraq bildirmişdir ki, Şəxs tərəfindən R.Allahverdiyev küçəsi ünvanında yerləşən fərdi yaşayış evində su təchizatı sisteminə qanunsuz qoşulmanın tarixini müəyyən etmək mümkün olmamışdır. “X3”nın 8.7ci bəndinə əsasən su təchizatı sisteminə qanunsuz (özbaşına) qoşulma halları aşkar edildikdə və belə qoşulmanın tarixini müəyyən etmək mümkün olmadıqda, itirilmiş suyun həcmi bu Qaydaların 4 nömrəli əlavəsinə uyğun olaraq ötən 1 (bir) il müddətinədək hesablanır. Odur ki, Şəxs tərəfindən "xxxx" Açıq Səhmdar Cəmiyyətinə vurulmuş maddi ziyan 168 manat hesablanmış və həmin məbləğ İnzibati Xətalar Məcəlləsinin 262-ci maddəsinin “Qeyd”ində nəzərdə tutulmuş məbləğdən yuxarı olmadığından eyni Məcəllənin 262.3-cü maddəsinin tərkibini yaratmışdır. Məhkəmə iclasının vaxtı və yeri barədə barəsində inzibati xəta haqqında protokol tərtib edilmiş Şəxs bildiriş, eyni zamanda “Elektron Məhkəmə İnformasiya Sistemi” vasitəsilə sms xəbərdarlıq göndərilsə də, o məhkəmə iclasına gəlməmiş, işə baxılmasını təxirə salmaq haqqında ondan vəsatət daxil olmamışdır. İnzibati Xətalar Məcəlləsinin 61.3-cü maddəsinə görə inzibati xəta haqqında işə barəsində inzibati xəta haqqında iş üzrə icraat aparılan şəxsin iştirakı ilə baxılır. Həmin işə şəxsin iştirakı olmadan, yalnız o hallarda baxılır ki, işə baxılmasının yeri və müddətinin ona vaxtında bildirilməsi barədə məlumat olsun və ya işə baxılmasını təxirə salmaq haqqında ondan vəsatət daxil olmasın, yaxud belə vəsatət rədd edilmiş olsun. Məhkəmə işə baxılmasının yeri və müddətinin barəsində inzibati xəta haqqında protokol tərtib edilmiş Şəxs vaxtında bildirilməsi barədə işdə məlumat olduğunu, işə baxılmasını təxirə salmaq haqqında ondan vəsatət daxil olmadığını nəzərə alaraq, işə Şəxs iştirakı olmadan baxılmasını mümkün hesab etmişdir. Məhkəmə inzibati xəta haqqında protokolu və ona əlavə edilmiş sənədləri öyrənib, inzibati xəta haqqında protokol tərtib etmiş orqanın nümayəndəsinin izahatını dinləyib hesab edir ki, aşağıda göstərilənlərə əsasən Şəxs inzibati məsuliyyətə cəlb olunmalıdır. Belə ki, işdə olan və məhkəmə iclasında tədqiq edilmiş: "xxxx" Açıq Səhmdar Cəmiyyətinin əməkdaşlarının iştirakı ilə tərtib edilmiş 22 aprel 2024-cü il tarixli 115522 nömrəli Aktdan və ona əlavə edilmiş fotoşəkillərdən görünür ki, “Su təchizatı və tullantı suları haqqında” Qanunun tələblərinə uyğun olaraq ünvan 1 ünvanında yerləşən fərdi yaşayış evində, ev sahibi Şəxs iştirakı ilə su təzhizatı və kanalizasiya sisteminə baxış keçirilmişdir. Baxış zamanı müəyyən edilmişdir ki, sözügedən evdə d-15 mm boru vasitəsilə su təchizatına qanunsuz qoşularaq sudan istifadə olunur. Buna dair Akt tərtib olunmuş və aktın doğruluğu bütün iştirakçılar, o cümlədən R.Allahverdiyev küçəsi ünvanında yerləşən fərdi yaşayış evinin sahibi Şəxs tərəfindən imzalanmışdır. Eyni zamanda baxış zamanı fotoşəkillər çəkilmiş və Akta əlavə edilmişdir. "xxxx" Açıq Səhmdar Cəmiyyətindən məhkəməyə təqdim edilmiş Arayışdan görünür ki, ünvan 1 ünvanında yerləşən nömrəsiz evdə d-15 mm boru vasitəsilə su təchizatına qanunsuz qoşularaq sudan istifadə olunması nəticəsində “X3”nın 8.7-ci bəndinə əsasən hesablanmış maddi ziyanın məbləği 168 manat təşkil edir. MN seriyalı ******* nömrəli 22 aprel 2024-cü il tarixli İnzibati xəta haqqında protokoldan görünür ki, "xxxx" Açıq Səhmdar Cəmiyyətinin sədr müavini X4 tərəfindən Şəxs barəsində Azərbaycan Respublikası İnzibati Xətalar Məcəlləsinin 262.3-cü maddəsi ilə inzibati xəta haqqında protokol tərtib edilmişdir ona görə ki, fiziki şəxs Şəxs 22 aprel 2024-cü ildə saat 14:35-də ünvan 1 ünvanında yerləşən nömrəsiz evdə d-15 mm boru vasitəsilə su təchizatına qanunsuz qoşularaq suyun talanması nəticəsində az miqdarda ziyan vurmuşdur. Beləliklə işin təsvir edilmiş hallarından görünür ki, 18 aprel 2024-cü ildə "xxxx" Açıq Səhmdar Cəmiyyətinin əməkdaşları ünvan 1ndə yerləşən fərdi yaşayış evində, ev sahibi Şəxs iştirakı ilə su təzhizatı və kanalizasiya sisteminə baxış keçirmiş, baxış zamanı sözügedən evdə d-15 mm boru vasitəsilə su təchizatına qanunsuz qoşularaq suyun talandığı müəyyən edildiyindən buna dair eyni tarixdə 115522 nömrəli Akt tərtib olunmuş, aktın doğruluğu bütün iştirakçılar, o cümlədən evin sahibi Şəxs tərəfindən imzalanmışdır. Eyni zamanda Şəxs tərəfindən R.Allahverdiyev küçəsi ünvanında yerləşən fərdi yaşayış evində su təchizatı sisteminə qanunsuz qoşulmanın tarixini müəyyən etmək mümkün olmadığından “X3”nın 8.7-ci bəndinə və 4 nömrəli əlavəyə uyğun olaraq itirilmiş suyun həcmi hesablanmışdır. Maddi ziyan 168 manat təşkil etmişdir. “Su təchizatı və tullantı suları haqqında” qanunun: 67-ci maddəsinin birinci hissəsinə görə bu Qanunda nəzərdə tutulan hallar istisna olunmaqla, su təchizatı və kanalizasiya müəssisəsinin razılığı olmadan su təchizatı və kanalizasiya sisteminə qoşulmaq qadağandır. 72-ci maddəsinə görə bu Qanunun tələblərinin pozulmasında təqsirkar olan şəxslər yol verdikləri pozuntu nəticəsində su təchizatı və kanalizasiya müəssisəsinə vurulmuş maddi ziyanı ödəyir, qanunvericiliklə müəyyən edilmiş hallarda və qaydada digər məsuliyyət daşıyırlar. Azərbaycan Respublikası Nazirlər Kabinetinin 17 iyul 2014-cü il tarixli 262 nömrəli qərarı ilə təsdiq edilmiş “X3”nın: 3.1-ci maddəsinə görə su təchizatı və tullantı sularının axıdılması sistemlərinə qanunsuz (özbaşına) qoşulma halları aşkar edildikdə, bir nüsxəsi istehlakçıya təqdim olunan akt tərtib etməklə və qanunsuz qoşulmanı dərhal su və kanalizasiya sistemindən ayırmaqla, su təchizatı və kanalizasiya şəbəkəsindən istifadəni dayandırmaq və dəymiş ziyanın ödənilməsini təqsirkar şəxsdən tələb etmək su təchizatı və kanalizasiya müəssisəsinin vəzifəsidir. 8.7-ci maddəsinə görə su təchizatı sisteminə qanunsuz (özbaşına) qoşulma halları aşkar edildikdə və belə qoşulmanın tarixini müəyyən etmək mümkün olmadıqda, itirilmiş suyun həcmi bu Qaydaların 4 nömrəli əlavəsinə uyğun olaraq ötən 1 (bir) il müddətinədək hesablanır. Göründüyü kimi qanun su təchizatı və kanalizasiya müəssisəsinin razılığı olmadan su təchizatı və kanalizasiya sisteminə qoşulmanı qadağan edərək, buna görə inzibati məsuliyyət nəzərdə tutsa da, ünvan 1 ünvanında yerləşən fərdi yaşayış evinin sahibi Şəxs sözügedən evdə d-15 mm boru vasitəsilə su təchizatına qanunsuz qoşularaq suyun talanması nəticəsində az miqdarda ziyan vurmaqla hüquqazidd olan, təqsirli sayılan və inzibati məsuliyyətə səbəb olan əməl törətmişdir. Azərbaycan Respublikasının İnzibati Xətalar Məcəlləsinin: 262.3-cü maddəsinə görə Su təchizatı şəbəkəsinə qanunsuz qoşulmaqla suyun talanması nəticəsində az miqdarda ziyan vurulmasına görə - fiziki şəxslər iki yüz manatdan dörd yüz manatadək məbləğdə, vəzifəli şəxslər min manatdan min beş yüz manatadək məbləğdə, hüquqi şəxslər iki min beş yüz manatdan üç min beş yüz manatadək məbləğdə cərimə edilir. 3-cü maddəsinə götə yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. 12.1-ci maddəsinə görə bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. 114.1-ci maddəsinə görə inzibati xəta haqqında işə baxılarkən aşağıdakı məsələlər barəsində qərar çıxarılır: 114.1.1.inzibati tənbeh vermə haqqında. Məhkəmə Şəxs ilk dəfə bu növ inzibati məsuliyyətə cəlb edildiyini onun məsuliyyətini yüngülləşdirən hal kimi müəyyən edir. Məhkəmə Şəxs məsuliyyətini ağırlaşdıran hal müəyyən etmir. Beləliklə, törədilmiş inzibati xətanın xarakteri, fiziki şəxsin şəxsiyyətini xarakterizə edən halları, habelə məsuliyyətini yüngülləşdirən halı və məsuliyyətini ağırlaşdıran halların olmamasını nəzərə alaraq məhkəmə hesab edir ki, fiziki Şəxs İXM-in 262.3-cü maddəsinin sanksiyasının aşağı həddində inzibati tənbeh olaraq cərimə edilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 114-cü maddəsini rəhbər tutaraq, məhkəmə QƏRARA ALDİM: Fiziki şəxs Şəxs Azərbaycan Respublikası İnzibati Xətalar Məcəlləsinin 262.3-cü maddəsi ilə 200 (iki yüz) manat cərimə edilsin. Qərardan rəsmi qaydada verildiyi gündən 10 (on) gün müddətində həmin qərarı qəbul etmiş hakim vasitəsilə və ya birbaşa apelyasiya instansiyası məhkəməsinə şikayət verilə bilər. Hakim: Aynurə Sadıqova